Helgarpósturinn - 08.03.1984, Qupperneq 13

YFIRHEYRSLA
nafn: Guðrún Jónsdóttir fædd 20.3.1935 staða Arkítekt, forstöðumaður Borgarskipulags
heimili Bergstaðastræti 81 heimilishagir Gift Páli Líndal lögfræðingi; 4 börn
áhugamál: Fjölskyldan, starf mitt og fjölmargt sem tengist því bifreið Volvo ’81
Er ekki til sölu
eftirEgilHelgason
„Það er augljóst af þessu máli að meirihlutinn hefur lagt allt kapp á að koma i veg
fyrir að Guðrúu Jónsdóttir sækti um starf forstöðumanns Borgarskipulags. Þetta
terist þrátt fyrir að hún hafi lýst yfir áhuga sinum á áframhaldandi starfi,” sagði
igurður Harðarson, fulitrúi Alþýðubandalagsins, á fundi í skipulagsnefnd Reykja-
víkur fyrir skömmu.
Á þessum fundi var það ljóst að Guðrún Jónsdóttir var ekki i hópi urosækjenda
um starf forstöðumanns Borgarskipulagsins, starf sem hún hefur gegnt siðustu
fimm árin. í staðinn fyrir það er henni falið að taka að sér afmarkað skipulagsverk-
efni fyrir borgina, deUiskipulagningu eldri hverfa í borginni að undanskilinni
Kvosinni, Skuggahverfinu og svæði milii Laugavegs og Hverfisgötu. Útaf þessu
hefur spunnist nokkurt hitamál og jafnvel sagt að borgarstjóm sé að fría sig
vandræðum með þvi að bjóða Guðrúnu þessa nýju stöðu. Hefði Guðrún hins vegar
ákveðið að sækjast eftir endurráðningu hefði borgarstjórnarmeirihluti sjálfstæð-
ismanna tæpast getað gengið framhjá Guðrún u án þess að lenda í hörðum pólitísk-
um átökum. Guðrún Jónsdóttir er í HP-yfirheyrslu þessa vikuna.
- Telur þú þig hafa verið fóraariamb
pólitískra hreinsana i boi^arkerfinu?
Nei, ég vil ekki líta svo á. Ég hef aldrei haft
nein afskipti af pólitík.
- Þó bendir flest tii þess að það hafi
verið ákveðið fyrirfram að þú fengir
ekki endurráðningu?
Mér er ekki kunnugt um hvemig því er
háttað.
- En sjálf lýstir þú yfir áhuga á því að
halda áfram störfum hér á Borgarsldpu-
laginu í bréfi fyrir nokkra.
Já, ég gerði það. Mér hefur fundist þetta
skemmtilegt starf. Ég hef þroskast mikið í
starfi mínu hér, og ég gat vel hugsað mér að
halda áfram að fást við skipulagsmálin á
þessum vettvangi. En í því starfi sem mér er
boðið núna gefst mér líka tækifæri og að
ýmsu leyti betra til að sinna áhugaverðum
skipulagsverkefnum.
- Á sínum tíma varstu ráðin í þessa
stöðu af gamla borgarstjórnarmeiri-
hlutanum. Þú telur ekki að nýja meiri-
hlutanum hafi verið sérstaldega mikið í
mun að losna við þig úr stöðunni?
Ég hef unnið lengi að skipulagsmálum í
Reykjavik og raunar víðar, bæði með sjálf-
stæðismeirihlutum og öðrum meirihlutum.
Á sínum tíma var ég ráðin í þetta embætti
með fjórum samhljóða atkvæðum í borgar-
ráði, þannig að allir flokkar veittu mér
stuðning. Ég tel því ekki að ég hafi verið
ráðin hingað í neinum pólitískum ágreiningi
og hef ekki viljað líta á mig sem fulltrúa eins
eða neins stjórnmálaflokks. Ég tók þetta
starf að mér sem fagmaður og hef reynt að
sinna því sem slíkur.
- Nú kemur hingað nýr maður inn á
næstunni, maður borgarstjóraarmeiri-
hlutans að sjálfsögðu. Er þetta þá eldd
pólitísk staða?
Mér finnst ekki að hún eigi að vera póli-
tísk. Hér á fyrst og fremst að vera góður
fagmaður. Það er afskaplega mikilvægt að sá
fagmaður geti haldið sínu sjálfstæði og sé
þar af leiðandi ráðgjafi aJlra borgarfulltrúa
og þar með allra borgarbúa. Við höfum svo
aftur kjöma fulltrúa sem vega og meta málin
út frá pólitískum sjónarmiðum. Flokkspóli-
tísk sjónarmið eiga að mínu mati alls ekki að
vera ríkjandi í sambandi við ráðningu í
þessa stöðu og þar sem ég var á sínum tíma
ráðin með fulltingi allra flokka lít ég svo á að
ég hafi ekki verið ráðin á pólitískum forsend-
um.
- Samt er það staðreynd að beiðni þín
um endurráðningu var ekki teldn til
greina. Hverju sætirþað?
Því verða aðrir að svara. Eftilvill er það
spumingin um að einhverjir vilji hafa hér
ákveðna hreyfingu á hlutunum, nýtt blóð
með vissu millibili. Kannski er það ekki
óeðlilegt.
- Nú er það Ijóst að það era ýmsir
ágreiningspunktar milli þín og borgar-
stjómarmeirihlutans - t.d. nýtt skipulag
Skuggahverfisins sem þú hefur fundið
ýmsa annmarka á?
Ég sem fagmaður og þessi stofnun sem
fagstofnun skiluðum áliti um það hvað okk-
ur fýndist óhætt að gera í því skipulagi áður
en nokkur ákvörðun var tekin. Eg taldi það
vera embættisskyldu að láta þetta álit í Ijós.
Hins vegar verðum við að sætta okkur við
það í þessu máli sem öðrum að það sé ekki
alltaí farið eftir ábendingum og ráðlegging-
umokkar.
- En vissulega stangaðist ykkar álit á
margan hátt á við fyrirætlanir borgar-
stjóraarmeirihlutans.
Um það gátum við ekki vitað, því þegar
álit okkar var samið lágu engar samþykktir
fyrir. Þar að auki er það skylda embættis-
manns að beita sinni sérþekkingu til að
benda á þau atriði sem honum finnst mikil-
vægt að fram komi áður en gengið er frá
málum. En það er síðan annarra að nota þær
upplýsingar.
- Þú lítur ekki á þessa þróun mála
sem einhvers konar vantraust á Borgar-
skipulagið undir þinni forstöðu?
Eg sé enga ástæðu til að gera það. Skipu-
lagsnefnd hefur sýnt okkur fullt traust að
mínu mati og ég sé ekki að hér sé um neitt
vantraust að ræða, sérstaklega ekki þar sem
mér er falið að inna af hendi eitthvert vanda-
samasta og viðkvæmasta skipulagsverkefn-
ið í borginni.
-‘Hverju finnst þér þú þá helst hafa
komið til leiðar á þessum fimm árum í
forstöðumannsstarfinu?
Fýrst og fremst til ég nefna þá uppbygg-
ingu Borgarskipulags sem sjálfstæðrar
stofnunar, sem fram hefur farið á þessum
árum. Við höfum haft tækifæri til að vinna að
nokkuð heilsteyptum áætlunum á þessu
tímabili, sem ég tel mikils virði. Menn hafa
treyst okkur til að setja þær fram. Þetta á við
um endurskoðun skipulags á austursvæð-
um borgarinnar og þetta á við um f jölmargar
skýrslur og skipulagsverkefni, sem starís-
menn hafa getað unnið að hér og sett fram á
faglegum grundvelli, án ritskoðunar af
nokkru tagi.
- Faglegir ávinningar. En hefur borg-
arstjóra notfært sér þá?
Sumt af því. Það er heldur ekki alveg kom-
ið í ljós, því mikið af þessu eru langtímaáætl-
anir og upplýsingar. í Skúlagötumálinu til
dæmis fengum við leyfi skipulagsnefndar til
að afla viðtækra gagna, sem að mínu mati er
ómetanlegt að liggi fyrir þegar ákvarðanir
eru teknar, hvort sem þau gögn eru svo not-
uð á þann hátt sem við hefðum talið eðliiegt
eða ekki. En þau liggja am.k. fyrir.
- Nú hefur þú verið forstöðumaður
Borgarskipulags undir tveimur borgar-
stjórnarmeirihlutum. Verður þú mildð
vör við að áherslumar hafi breyst, við-
horfsbreytingar?
Vinnubrögðin og umræðan eru náttúrlega
öðruvisi þegar fleiri flokkar eru í stjóm. Það
má ætla að það sé meira verk að samræma
sjónarmiðin þegar þrír flokkar fara með
stjórn en einn.
- Nú ert þú sjálf einn af stofnendum
Torfusamtakanna, húsfriðunarmann-
eskja. Gengur stefna nýja meirihlutans
ekki í berhögg við þínar persónulegu
skoðanir?
Það hefur mjög lítið verið unnið að mál-
efnum gamla bæjarins nú síðustu tvö árin.
Menn hafa einbeitt sér að öðru. Þetta er
kannski ekki síst ástæðan fyrir því að mér er
falið að sinna gamla borgarhlutanum núna.
En ég er húsíriðunarmanneskja og mér
finnst höfuðborgin hljóti að eiga að leggja
áherslu á að halda í þaer byggingar sem hafa
menningargildi og tengja okkur við fortið-
ina. Þetta er viðurkennt sjónarmið hjáöllum
menningarþjóðum. Hér hefur það stöðugt
verið að vinna á allt frá því að átökin um
Bemhöftstorfuna hófust lýrir hálfum öðrum
áratug. í sjálfu sér tel ég þetta ekki vera
flokkspólitískt mál, heldur mál sem fólk í
öllum flokkum getur og hefur sameinast um.
Ég veit að þetta mál á sér víðtækan stuðning
innan allra flokka.
- Nú tekur þú við nýju starfi innan
skamms, skipulagningu vissra svæða f
gamla bænum. Er verið að kaupa þig
útúr Borgarskipulaginu?
,JNei, ég er ekki til sölu og hef aldrei verið.
Ég hefði ekki tekið að mér þetta starf ef mér
hefði ekki fundist það áhugavert og talið að
ég væri þama að verja tíma mínum í eitt-
hvað sem gæti skilað árangri, fyrir mig og
vonandi aðra. í raun og veru er þetta eitt-
hvert alskemmtilegasta verkefnið í skipulagi
Reykjavíkur frá mínum bæjardyrum séð.
- En nú eru undanskilin þarna stór
svæði; Kvosin, Skuggahverfið, Grjóta-
þorpið, svæðið milli Laugavegs og
Hverfisgötu. Eru þetta ekki viðkvæmu
punktamir i skipulaginu í dag, svæðin
þar sem verulega er þörf fyrir stórátak?
Pólitísk hitamál?
Auðvitað em þetta viðkvæmir punktar en
ekki viðkvæmari en margir aðrir. Þar að auki
er það svo að um Grjótaþorpið liggur fyrir
tillaga, sem þegar er verið að framkvæma að
ýmsu leyti - þar er verið að selja hús sem
borgin hefur átt með varðveislukvöð. í Kvos-
inni liggur fyrir ný tillaga Dagnýjar og Guðna.
f þessum pakka sem ég tek að mér em
heldur ekki svæði sem tengjast umferðar-
mannvirkjum við Tryggvagötu og ekki Al-
þingisreiturinn, sem feilur að miklu leyti
undir verksvið Alþingis sjálfs. Aðrir reitir í
Kvosinni hafa verið hér til úrvinnslu og búið
að ljúka skipulagi á þeim, til dæmis reiturinn
við Hótel Borg. Varðandi Skuggahverfið þá
er eins og ég segi lokið úttekt á ýmsum
þáttum á því svæði og eðlilegt að það verði
áfram hér í Borgarskipulaginu, enda komin
fram opinberlega sú skoðun að samkeppni
verði um deiliskipulag svæðisins. Ástæðan
fyrir því að svæðið milli Laugavegs og Hverf-
isgötu er ekki með er sú að það er taiið að
það skipulag verði að vinna í mjög nánum
tengslum við endurskoðun leiðakerfis
strætisvagnanna, og því eðlilegt að nýr mað-
ur hér sjái um þau tengsl.
- Þú lítur sumsé ekki þannig á að það
sér verið að bægja þér frá þessum um-
deildu svæðum?
Nei. Það eru jafnviðkvæm svæði t.d. stíax
ofanvið Laugaveginn.
HELGARPÓSTURINN 13