Helgarpósturinn - 04.04.1985, Blaðsíða 2

FREITAPpSTUR
Ríkisstjórnin skerðir byggingarsjóðina
Ríkisstjórnin hefur ákveðið að taka þær 200 milljónir króna
sem hún hefur lofað til að bjarga vanskilalánum húsbyggj-
enda af nýbyggingarlánum og G-lánum Húsnæðismála-
stjórnar. í stað þess að hækka framlög til byggingarsjóð-
anna verða þau skert sem þessu nemur. Þetta kom fram við
aðra umræðu um lánsfjáráætlun stjórnarinnar á Alþingi. í
sameiginlegu áliti Alþýðuflokks, Alþýðubandalags og Sam-
taka um kvennalista segir m.a. að undirstaða núverandi
húsnæðislánakerfis sé hrunin.
Bandarísk innrás stóð hér til
í einu elsta vikuriti í Bandaríkjunum, Wation, birtist í síð-
ustu viku grein um hernaðaráform bandarísku stjórnar-
innar fyrr og nú. Þar kemur m.a. fram að árið 1949 sam-
þykkti Öryggismálaráð Bandaríkjanna skýrslu um innrás í
ísland án vitundar islenskra stjórnvalda. Áformað var að fá
skandinavíska skæruliðaforingja til hjálpar andkommún-
istum til að steypa stjórninni. „Áformin geta breyst,“ segir
í umfjöllun Nation um hernaðarmálefni Islands, ,,en hroki
áætlanaspekinga í Bandaríkjunum er ávallt hinn sami.“
Erlendar skuldir 64% af þjóðartekjum
Ríkisstjórnin hyggst taka tæpa 7 milljarða króna í erlend-
um lánum á þessu ári og verður hlutfall erlendra skulda af
þjóðartekjum þá komið í 64% um næstu áramót að mati
Seðlabankans. í umræðum á Alþingi á mánudag var Albert
Guðmundsson minntur á fyrri yfirlýsingar sinar um að ef
farið yrði yfir 60% markið myndi rikisstjórnin segja af sér.
Enn breytingar á fylgi flokkanna
Bæði NT og DV birtu í gær niðurstöður skoðanakannana
sinna á fylgi stjórnmálaflokkanna. Niðurstöður blaðanna
falla ékki að öllu leyti saman en þær sýna þó í báðum tilfell-
um greinilegar sveiflur sem orðið hafa á fylgi flokkanna frá
því að t.d. Hagvangskönnunin var gerð í síðasta mánuði.
Helst ber að nefna að fylgisaukning hefur orðið nokkur hjá
Framsókn, heldur hefur dregið úr fylgisaukningu Samtaka
um kvennalista en fylgi Alþýðuflokksins virðist aftur á móti
standa í stað.
Tveir reiðubúnir í forstjórastól Sambandsins
Á stjórnarfundi SÍS á mánudag var rætt við Val Arnþórsson
stjórnarformann SÍS, þar sem kannað var hver hugur hans
væri til starfs forstjóra Sambandsins, ef stjórnin færi þess
á leit við hann að hann tæki að sér starfið. Lýsti Valur sig
reiðubúinn til þess, væri hann beðinn um það. Guðjón B.
Ólafsson, forstjóri Iceland Seafood Corporation, hefur einn-
ig oft verið nefndur i þessu sambandi.
Sigmundur Guðbjarnarson kjörinn rektor HÍ
í gær fór fram rektorskjör viö HÍ. Úrslit urðu þau aö Sig-
mundur Guðbjarnarson náði kjöri með 53,8% atkvæða, þar
af 181 atkvæði starfsmanna og 615 atkvæðum stúdenta. Páll
Skúlason hlaut 39,6% atkvæða, þar af 105 atkvæði starfs-
manna og 729 atkvæði stúdenta. Þá hlaut Jónatan Þór-
mundsson 2,8% atkvæða og Júlíus Sólnes 2,4%. Á kjörskrá
voru 4.694.
Björgunaraðgerðir á Vatnajökli
Um 150 manns tóku þátt í leit að þremur Akureyringum úr
Flugbjörgunarsveitinni þar. Þeir voru á ferð þvert yfir
Vatnajökul og á föstudagseftirmiðdag féll einn þeirra,
Kristján Hálfdanarson, í jökulsprungu. Leitarflokkur frá
Egilsstöðum- kom til mannanna þriggja um kl. 9 á laugar-
dagskvöld. Þá hafði Kristján verið i sprungunni i 32 stundir.
Haldið var til byggða um kvöldið og til Egilsstaða komu þeir
siðdegis á sunnudag.
Seðlabankinn stöðvar lán til kennara HÍK
Seðlabankinn og viðskiptaráðherra, Matthías Á. Mathiesen,
hafa neitað Hinu islenska kennarafélagi um leyfi til að
þiggja lán frá Kennarasamtökum Norðurlanda til að greiða
laun þeim kennurum sem áttu í verkfalli á dögunum. Nefnd
á vegum Seðlabankans hafnaði umsókn kennara sl.
fimmtudag, á þeim forsendum að enginn fengi að taka er-
lend lán nema til að kaupa vöru erlendis frá eða til fjárfest-
ingar innanlands. Stjórn HÍK athugar nú gaumgæfilega
hvernig hægt muni verða að nálgast lánsféð.
Árangurslaus leit að skipverjum af Bervík
Leitin að skipverjunum fimm af vélbátnum Bervík frá Ólafs-
vik, sem sást síðast kl. 20 sl. miðvikudagskvöld skammt
undan Rifi, hefur enn engan árangur borið þrátt fyrir víð-
tæka leit á sjó og landi. Skipverjarnir af Bervík sem saknað
er heita: Úlfar Kristjónsson, Freyr Hafþór Guðmundsson,
Sveinn Hlynur Þórsson, Steinn Jóhann Randversson og Jó-
hann Óttar Úlfarsson.
Fréttapunktar
• Um helgina varð Hanna Lóa Friðjónsdóttir, 13 ára, ís-
landsmeistari í fimleikum kvenna, samanlögðum greinum,
og er jafnframt yngst þeirra sem hlotið hafa þennan titil.
• • Átök-Steindórsbílstjóra og leigubílstjóra hafa magnast á
ný. Á mánudag urðu a.m.k. tveir árekstrar á milli bíla þess-
ara aðila og á föstudag skakkaði lögreglan einnig leikinn þar
sem leigubílstjórar höfðu króað Steindórsbil af.
• Um mánaðamótin hófust reglulegar fréttasendingar á rás
2.
• Eyjólfur Ámundason, til heimilis að Hamarsbraut 12,
maðurinn sem leitað var að um helgina, fannst látinn í
Reykjavíkurhöfn um hádegisbil á mánudag. Virðist svo sem ,
, 'hann hafi fallið í höfnina þar sem hann var við vinnu sína |
í skipi við Ægisgarð.
2 HELGARPÓSTURINN
Um tilgang þess að búa á íslandi
★ „Ég get bara ekki séð nema
einn tilgang í því að búa hérna
á íslandi," sagði danskur félagi
skrifara þessara orða er við
ókum eitt sinn í fönn og fjúki
eftir Miklubraut á leið í partý
vestur í bæ. „Og gettu hver
hann er," bætti hann við
sposkur á svip. Maður sat
hugsi við stýrið og útilokaði
nokkra möguleika eins og
kjörin, veðurfar og áfengis-
löggjöf, á meðan sneitt var hjá
mestu sköflunum vestureftir.
Það var varla annað en hvítt að
sjá útum bílrúðuna, svo manni
datt ósjálfrátt í hug skyr með
rjóma. En Danskurinn hló nú
bara að því. „Stelpurnar, maður,
stelpurnar," sagði hann og
undraðist að ég hefði ekki
getið rétt í fyrstu tilraun. „Og
hvað með þær?" spurði maður
svoldið fúll. „Ég held bók-
staflega að það séu ekki til
fallegri stúlkur í heimi en þær
íslensku. Þetta er allt annað
heima á Jótlandi, þar sem þær
eru eitthvað svo dauðyflislegar,
greyin." Ég stoppaði bílinn á
rauðu Ijósunum framan við
Grund og sagði: „Grobbgöltur
ertu!" Hann útskýrði á sinni
bjöguðu íslensku: „Nei, ég held
bara að þetta sé tilfellið. Það er
ekki hægt að bera ísland og
Jótland saman í þessum
efnum. .."
þegar inn á borð til hans barst
myndin sem þessum texta
fylgir. Hún er af tveimur
íslenskum, þeim Auði Elísa-
betu Jóhannsdóttur og
Stephanie Sunnu Hockett sem
munu taka þátt í alþjóðlegri
keppni á vegum Elite-fyrir-
tækisins um bestu fyrirsætuefni
ársins. Ekki orð meira um
það.. .☆
Þetta datt blaðamanni í hug
HELGARPÚSTURINN
Björgun
Aö bjarga fólki er bjarga þarf
er býsna mikið nám og starf.
En bara að þeir nú bjargi sér,
sem bjarga stundum mér og þér.
Niðri
Páskaegg um
sjónhverfingar
★Flestir sjónvarpsáhorfendur
muna eftir hinum sögulega
Kastljósþætti fyrir rúmri viku er
þeir leiddu saman hesta sína
Ólafur Sigurgeirsson lögfræð-
ingur og formaður Kraftlyftinga-
sambandsins og Alfreð Þor-
steinsson formaður lyfjanefndar
íþróttasambandsins, og deildu
ósköpin öll um hugsanlega
hormóna- og lyfjanotkun kraft-
lyftingamanna. Voru m.a. mál
Jóns Páls kraftakarls á dagskrá
og mikið rifist. Það sem áhorf-
endur sáu ekki, var að þegar
þeir kumpánar mættu í sjón-
varpssal og settust í förðunar-
herbergið, heilsuðust þeir alls
ekki frekar en þeir hefðu aldrei
sést eða hist. Fyrir sendingu og
í sjálfri sendingunni töluðust
þeir aldrei við né horfðu hvor á
annan, heldur störðu upp í loft-
ið, framhjá hvorum öðrum eða
niður á gólfið meðan stóryrðin
fuku. Eftir að sendingu lauk,
mæltu þeir ekki aukatekið orð
hvor til annars og kvöddust
ekki, heldur héldu sinn í hvora
áttina eins og þeir sæju ekki
hvorn annan. Þetta var altsó
saga um gott samband manna
á milli. Gleðilega páska!*