Helgarpósturinn - 04.04.1985, Blaðsíða 15

USTAPÓSTURINN
Listahátíd 1986:
Picasso-
sýning tii
Islands?
Ekkja Picassos til landsins
í júní aö skoða Kjarvalsstaði
Talsverðar líkur eru á því, að /s-
lendingar fái að njóta yfirgripsmik-
illar sýningar á verkum hins heims-
frœga málara Pablo Picassos í sam-
bandi við Listahátíð á nœsta ári.
Fulltrúaráðsfundur Listahátíðar
sem haldinn var í fyrri viku, ræddi
möguleikana á því að fá Picasso-
sýningu til landsins og hefur verið
haft samband við ekkju málarans
og er hún vœntanleg til íslands íjúní
að skoða Kjarvalsstaði sem sýning-
arstað.
Hrafn Gunnlaugsson, formaður
Listahátíðar staðfesti í viðtali við
Helgarpóstinn að rætt hafi verið um
fyrirhugaða Picassosýningu en
sagði að of snemmt væri að gera
grein fyrir þessu máli að svo stöddu.
Fulltrúaráðsfundur Listahátíðar var
haldinn í fyrri viku og sátu fundinn
fulltrúar allra listamannafélaga og
aðrir aðilar, eða um 40 manns alls.
Samkvæmt heimildum HP kom
m.a. fram á fundinum að fyrir milli-
göngu listmálarans Erró hafi náðst
samkomulag við ekkju Picassos,
Jacqueline Picasso, að íhuga stóra
yfirlitssýningu á verkum hins
heimsfræga listmálara Pablo
Picassos á Islandi í tengslum við
Listahátíð 1986. Hefur ekkjan sam-
þykkt að koma hingað til lands í júní
og mun þá m.a. skoða Kjarvalsstaði
sem hugsaniegan sýningarstað
mynda Picassos. Hér er um upp-
runalegar myndir að ræða og því
geysilega háar tryggingaupphæðir.
A fulltrúaráðsfundi Listahátíðar
voru þau mál rædd og kom þar fram
í máli Davíðs Oddssonar borgar-
stjóra að eðlilegast væri að veita
ríkisábyrgð fyrir málverkunum. Ef
úr Picasso-sýningunni verður er um
heimsatburð að ræða.
-IM
Piablo Picasso árið 1936.
Þráinn Bertelsson frumsýnir
SKAMMDEGI um helgina:
„Erum
hóflega
biartsýn“
|Eggert Þorleifsson sýpur hveljur af skelfingu I einu atriða SKAMMDEGIS.
Þráinn Bertelsson kvikmyndaleik-
stjóri er nýlentur eftir dramatíska
flugferð frá Kaupm'annahöfn. Sam-
kvœmt áœtlun átti hann að hafa
fyrstu eintökin af nýrri kvikmynd
sinni, SKAMMDEGI, í töskunni, en
vegna verkfalla í Danmörku kom
hann tómhentur heim. En kvíðið
engu. Frumsýningin verður á tíma,
á laugardag 6. apríl íNýja bíói jafnt
og Borgarbíói á Akureyri. Þráinn
skildi nefnilega Ara Kristinsson
kvikmyndatökumann eftir í Kaup-
mannahöfn og kemur hann síðar í
vikunni með eintökin til landsins.
„Ef hann kemst ekki með góðu, þá
með illu," eins og Þráinn orðar það
við HP.
„SKAMMDEGl er fyrst og fremst
spennumynd sem fjallar um fólk og
hvað fyrir það getur komið óvænt,“
segir Þráinn ennfremur. „Nánar til-
tekið um þrjú systkini á afskekktum
bæ sem ekki hefur neitt gildi fyrr en
hugmyndir um fiskeldisstöð á staðn-
um skjóta upp kollinum. Þau vilja
hins vegar ekki flytja af jörðinni.
Upp úr dúrnum kemur að stúlka
sem býr erlendis á helminginn á
móti systkinunum. Hún er fengin til
að koma einhverju tauti við þetta af-
skekkta fólk og allur meginkafli
myndarinnar fjallar síðan um hvað
gerist þegar þessi stúlka kemur á
staðinn. Þetta er spennumynd,
„þriller", þótt mér sé illa við að nota
það orð.“
í stærstu hlutverkum eru Ragn-
heiður Arnardóttir, María Sigurðar-
dóttir, Hallmar Sigurðsson og Egg-
ert Þorleifsson. SKAMMDEGI var að
mestu leyti tekin upp frá febrúar til
apríl í fyrra, og ennfremur í janúar
og febrúar í ár. Fyrir utan leikstjór-
ann Þráin Bertelsson, stóðu eftir-
taldir m.a. að kvikmyndatökunni:
Jón Hermannsson var framleiðandi
og hljóðmaður, Jón Karl Helgason
farðari, Malín Örlygsdóttir annaðist
búninga, Þorgeir og Sigurjón Gunn-
arssynir sáu um leikmynd og Ingi-
björg Briem var aðstoðarfram-
kvæmdastjóri.
Og tilfinningin hjá leikstjóranum
nokkrum dögum fyrir frumsýn-
ingu? „Við prufusýndum myndina
fyrir íslendinga í Kaupmannahöfn
og fengum góðar undirtektir; fólk-
inu fannst þetta þrælspennó. Við er-
um þess vegna hóflega bjartsýn."
-IM\
Megas og Passíusálmarnir:
Klár í
slaginn
„Þetta eru bara 13 Passíusálmar
eftir Hallgrím Pétursson við mína
músík," sagði Megas við HP er hann
var spurður um Passíusálmakon-
sertinn er hann flytur í Gamla bíói
laugardaginn 6. apríl og sunnudag-
inn 7. apríl. Megasi til aðstoðar eru
Ásgeir Óskarsson, trommur, Har-
aldur Þorsteinsson, bassi, Björgvin
Gíslason, gítar, Pétur Hjaltested,
hljómborð, Jens Hansson, saxó-
fónn, og kvennaraddir syngja þœr
stöllur Ragnhildur Gísladóttir og
Eva Ásrún Albertsdóttir.
Aðspurður um tilurð konsertsins
svaraði Megas að Passíusálmarnir
hafi sungið svo vel við ,,beatmúsík“
að þetta hafi allt komið sjálfkrafa.
„Æfingarnar hafa gengið mjög vel,“
sagði Megas, „og ég er alveg klár í
slaginn um helgina." Þess má geta
að Megas eða Magnús Þór Jónsson
verður fertugur um páskana.
-IM
HELGARPÖSTURINN 15