Helgarpósturinn - 26.06.1986, Blaðsíða 15

'■> .
ENGIN SLÍK GYÐJA HÉR
Varðandi síðhærðu fegurðardís-
ina með minnispunktana, sem svíf-
ur um ganga og skrifstofur á Hóteli
heilags Gregoríusar hafði Geirlaug
eftirfarandi að segja:
„Hér er engin slík gyðja! Hver
deildarstjóri er ábyrgur fyrir sinni
deild og verður að fylgjast með því
sem þar gerist.
Hér er hins vegar miklu meira fjör
en í Hótel-þáttunum! Það er ávallt
mikið að gera og hér eru gestir af
ýmsu tagi. Nú nýverið hafa t.d. verið
hérna gestir eins og The Shadows,
Fats Domino, Dave Brubeck og fleiri
og fíeiri. Þar að auki eru hérna stöð-
ugt ráðstefnur af ýmsu tagi og veisl-
ur. Stórhertoginn af Lúxemborg var
t.d. með veislu hjá okkur um daginn
og þá stóð bíll þeirra Shadows-fé-
laga einmitt fyrir utan. Þá varð okk-
ur að orði í gestamóttökunni, að
þeir þarna í Ameríku ættu bara að
koma hingað í svo sem klukkutíma.
Það er miklu meira um að vera
hérna á Loftleiðahótelinu en í þátt-
unum í sjónvarpinu.
Flugfarþegar, sem ferðast með
rútunum, eru hér einnig daglegir
gestir. Þeir koma gjarnan í gesta-
móttökuna og biðja um ýmsar upp-
lýsingar. Þess utan er mikið um það
að farþegar með Ameríkuflugi gisti
hér í einn sólarhring á leið sinni
milli heimsálfa og því fylgir ákveð-
inn erill. Einnig er töluvert um hópa
af Norðurlandabúum á vorin og vet-
urna. Þeir koma m.a. til þess að
skemmta sér og fara út á dansstað-
ina hérna.“
Geirlaug kvaðst ekki fylgjast náið
með samdrætti einstakra gesta á
hótelinu, en það mætti vel vera að
eitthvað væri um ástarævintýri
meðal þeirra innbyrðis. „Það gerist
eflaust ýmislegt á herbergjunum,
sem við vitum ekki um í gestamót-
tökunni," sagði hún. „Við erum hins
vegar ekki sífellt í sálusorgarahlut-
verkinu.
Þó gerist hér auðvitað eitt og ann-
að og gestirnir geta lent í alls kyns
vanda. Fólk slasast, verður veikt,
týnir farangri eða flugmiðum og
missir nákomna ættingja. Það verð-
ur því að sjálfsögðu að leysa úr
mörgum málum í gestamóttökunni,
en þau eru oftast af viðskiptaiegum
toga, þótt gestir séu miseinlægir,
eins og gengur. Maður kynnist þeim
misvel.
Yfirleitt finnst gestunum við per-
sónulegri en t.d. starfsfólk hótela í
Bandaríkjunum. Eg treysti mér hins
vegar ekki til þess að dæma um
þetta, því þessir Hótel-þættir gerast
á þvílíku lúxusshóteli að ég hef
aldrei gist á slíkum stað.“
ALDREI NEIN ÞRÖNG
í MÓTTÖKUNNI
Geir Magnúsdóttir á Hótel Loft-
leiðum var greinilega sammála Jón-
asi Hvannberg um það að sjónvarps-
þættirnir gæfu ekki raunsæja mynd
af því sem á sér stað á „venjulegu"
hóteli. Hún var spurð að því hvað
henni þætti fjærst raunveruleikan-
um í hinni títtnefndu þáttaröð.
„Ef maður ber t.d. saman hluti
eins og þegar viðskiptavinir eru að
koma á hótelin, þá er ólíku saman
að jafna. I sjónvarpsþáttunum kem-
ur yfirleitt einungis einn gestur í
einu og starfsfólkið getur einbeitt
sér að honum einum. Það er aldrei
nein þröng. Hérna kemur fólk með
flugvélum til landsins og stórir hóp-
ar koma inn í gestamóttökuna í
einu. Það er því mjög ólíkt.
Einnig er það áberandi að þegar
gestir mæta á hóteliö í sjónvarpinu,
eru alltaf sömu aðilarnir á vakt. Þar
hefur maður ekki séð aðra í móttök-
unni en ljóskuna og dóttur Harry
Belafonte. A öllum venjulegum hó-
telum er þetta hins vegar þrískipt
vakt, því gestamóttakan verður að
vera opin allan sólarhringinn, að
sjálfsögðu!“
Það er greinilegt að ekki má líta á
sjónvarpsþættina Hótel sem raun-
sæja heimild um starfsemi hótela al-
mennt, ef dæma má af ummælum
þeirra Jónasar Hvannberg og Geir-
laugar Magnúsdóttur. Starfsemi á
hvaða vettvangi sem er, er háð ýms-
um utanaðkomandi öflum. Þegar slíkir
annmarkar eru fínpússaðir og að-
lagaðir þeirri formúlu að „allt fari
vel að lokum", má búast við því að
raunveruleikablærinn skekkist, eins
og greinilega hefur gerst með sjón-
varpsþættina sem íslenska þjóðin
hefur haft tækifæri til að fylgjast
með undanfarnar vikur.
í Mosfellssveit
bjóða ferðafólk velkomið...
Hvernig væri að koma við hjá okkur
í WESTERN FRIED á leiðinni útúr bænum
og fá sér gómsæta kjúklingabita frá
ÍSFUGL, þeireru í umbúðum sem halda
þeim heitum.
Einnig er tilvalið að líta við á heimleiðinni
og borða kvöldmatinn hjá okkur,
eða taka hann með heim.
ísfugl
Mosfellssveit
fríed
GODAFERD - VELKOMIN HEIM
i
HELGARPÓSTURINN 15