Helgarpósturinn - 30.12.1986, Síða 30

KVIKMYNDIR
eftir Sigmund
Erni Rúnarsson
Mynd
rósarinnar
Háskólabíó, Nafn rósurinnar
(The Name of the RoseJ:
★★★
Þýsk/bandarísk árgerö 1986.
Franúeiöandi: Bernd Eichinger.
Leikstjórn: Jean-Jacques
Annaud. Handrit: Andrew
Birkin, Gerard Brach, Howard
Franklin og Alan Godard, sam-
kuœmt samnefndri skáldsögu
Umberto Ecos. Kvikmyndataka:
Tonino Delli Colli. Tónlist: James
Horner. Adalleikarar: Sean
Connery, F. Murray Abraham,
Christian Slater, Michael
Lonsdale og Ron Perlman.
Jean-Jacques Annaud kemur
bæði hratt og bratt inn í efniviö
sinn sem er að þessu sinni kvik-
myndaútfærsla á skemmtilegri og
margslunginni skáldsögu
Umberto Ecos, sem m.a. er fræg af
tyrfinni byrjun. Hann breytir víða
áherslum verksins og sleppir til að
mynda næstum alveg heimspeki-
legum vangaveltum eins og vænta
mátti, skeytir við á fáeinum stöð-
um — en það sem stendur þó upp
úr: Ijær útfærslu sinni hæga
mystík, langtum framar bókinni,
sem kvaddi hindurvitnin fremur
niður en jók á þau.
En það er aldrei sanngjarnt að
skrifa um kvikmynd með skáld-
sögu í huga, þó svo að sama nafn
beri og geri út frá henni. Þetta eru
gerólíkir miðlar þegar allt er talið,
vinnast ekki einasta öðruvísi,
heldur gera þeir líka ólíkar kröfur
til notenda sinna. Sem sjálfstætt
kvikmyndaverk — og eflaust vill
Annaud og framleiðandinn
Eichinger frekar líta á verkið sem
svo en bara bókarbíó — er Mynd
rósarinnar dægilega heppnuð og
hvað varðar einstaka þætti henn-
ar, hreinasta snilld. Það á einkan-
lega við um lýsingu, tökur Colli
(víða í Fellini-stílnum) og leik
Connery er töff. Stöku persónulýs-
ingar eru sterkar.
Fyrir þá sem hafa ekki lesið bók-
ina er Mynd rósarinnar ákaflega
stemmningsfullt kvikmyndaverk,
sem þrátt fyrir ágalla í sviðssetn-
ingu, hlýtur að teljast í fyllsta máta
trúverðugt innlit í svokallað
myrkur miðalda. Það er víða hald-
ið fallega á málum, svo sem lipur
kynlífssena ber vitni um, að
ógleymdri nosturseminni í útlits-
þáttum myndarinnar. Hinir sem
eiga lesturinn að, hljóta hinsvegar
að sakna þó ekki væri nema
lymsku og kímni söguþráðarins,
heilinda hans og einfaldrar og
klassískrar fléttu í fræðunum, sem
fær svo á sig óþarfa dulúð og yfir-
hylmingu í myndinni.
Kostulegar
skreytingar
Stjörnubíó, Völundarhús
(Labyrinth):
★★★
Bresk, bandarísk árgerd 1986.
Framleidandi: George Lucas.
Leikstjórn og handrit: Jim
Henson. Tónlist: David Bowie.
Aðalleikarar: Jennifer Connelly
og David Bowie.
Þegar ævintýramennirnir Jim
Henson og George Lucas gangast
undir merki samvinnunnar verð-
ur afraksturinn vitaskuld brúðum
prýdd fantasía. Tæknin fer á kost-
um, umgjörðin augngæti og íburð-
urinn reyndar á stundum eins og
mennina þurfi ekki með.
Völundarhúsið sver sig í ætt við
síðasta stórvirki Hensons á sviði
nosturseminnar — The Dark
Crystal — að því leyti að aðal-
áherslan er á það atriði að
skemmta áhorfandanum. Sjón-
taugarnar fá virkilega að starfa.
Hér er boðið upp á veislu fyrir
augað, stanslausar skreytingar
sem fara vel í mann svona stuttu
fyrir írafár áramótanna.
Söguþráður verður auðvitað
aukaatriði þegar svona er haidið á
málum. Og svo skrítið sem það nú
er, komast Lucas og Henson nán-
ast upp með það í þessari kostu-
legu mynd. Ef til vill hefði þó verið
skemmtilegra að fá að staldra
lengur við söguna, sem er smá-
saga, en ágæt út af fyrir sig.
Það er hann Davíð Bowie sem
leikur Jörund miður góða sem
rænir tveggja ára bróður Söru
sautján ára — og þar með hefst
þrautaganga hennar eftir ranghöl-
um Völundarhússins sem umlykur
höllina sem geymir auk Jöja; púka
hryllilega og alskonar ára og
ómenni. Mennsku hlutverkin eru
vel af hendi leyst — og Davíð eyk-
ur sína rullu Ijúfum söngvum — en
meira gaman var þó að góna á
dúkkurnar, geðslegar og ógeðs-
legar.
Einrœna, ást
og einlægni
Bíóhúsid, Strákurinn sem gat
flogið (The Boy who could Fly):
★★
Bandarisk árgerð 1986.
Framleiðandi: Gary Adelson.
Leikstjórn og handrit: Nick
Castle. Kvikmyndun: Steven
Poster. Tónlist: Bruce Broughton.
Aðalleikarar: Lucy Deakins og
Jay Underwood.
Enda þótt megnið af þeim ungl-
ingamyndum sem koma hingað til
lands á hverju ári séu hvoru-
tveggja klénar að efni og flatar út-
lits, gefst stundum að líta fyrirtaks
myndir úr þessum flokki — og þá
gjarnan austan að. Danskar ungl-
ingamyndir hafa iljað okkur um
nokkurt skeið og sömuleiðis in-
dælis krakkamyndir úr Englandi.
Afturá móti er ástand þessara
mála bágborið í Bandaríkjunum
nú um stundir. Keyrslan á kvik-
myndir fyrir unglinga — sem sam-
kvæmt útreikningum eru helstu
og bestu bíógestirnir — hefur ver-
ið yfirgengileg. Og ruðst fram í
sama farveg undir formerkjum
kynlífs, kennarastríðni og áþjánar
pabba og mömmu, ellegar stóra
sterka stráksins.
Dauði, biturð og einræna. Sjálfs-
trú, ást og einlægni. Allt er þetta
umfjöllunarefni nýrrar myndar
eftir Nick Castle sem Bíóhúsið sýn-
ir núna; ákaflega elskulegt verk
fyrir unglinga, sem þrátt fyrir leik-
stjórnarlega galla, gengur upp í
snjallri hugmynd og augsýnilegri
trú á viðfangsefnið.
Leikfléttan er fáránlegri en lífið
að maður heldur: Drengur, sem
missir foreldra sína í flugslysi fimm
ára vill ólmur fljúga upp frá því —
og treystir því að allt sé mögulegt
sé nægileg von og staðföst trú að
baki. Strákurinn sem gat flogið er
undarlegt sambland Birdy og
Mary Poppins sem nær hæðum á
einlægni.
KVIKMYNDAHÚSIN
AIISTURBtJARRin
FJÓRIR Á FULLU
(Hot Chili)
O
Fjórir vinir kynnast ýmiss konar kven-
mönnum þegar þeir fá vinnu á hóteli í
Mexíkó yfir sumarið. Bönnuð börnum
innan 16.
Sýnd kl. 5, 7, 9 og 11.
STELLA f ORLOFI
★★★
Léttgeggjuð ærsl a la Islanda.
Sýnd kl. 5, 7, 9 og 11.
PURPURALITURINN
(The Color Purple)
★★★
Manneskjulegur og hrífandi Spielberg.
Sýnd kl. 9. Bönnuð börnum innan 12
ára.
bMhöiu|
RÁÐAGÓÐI RÓBÓTINN
(Short Circuit)
★★★
Fjallar um róbót nr. 5 sem fer á flakk og
lendir í hinum ýmsu ævintýrum.
Sýnd kl. 5, 7, 9 og 11.
LÉTTLYNDAR LÖGGUR
(Running Scared)
★★
Grínlöggumynd með Gregory Hines.
Sýnd kl. 5, 7, 9 og 11.,
ALIENS
★★★★
Splunkuný og spennandi spenna.
Sýnd kl. 5 og 9. Bönnuð börnum innan
16 ára.
BÍÓHÚSIÐ
„VITASKIPIÐ"
(The Lightship)
★ ★★
Góð mynd leikstýrð af Jerzy Skolimow-
ski (hann lék eitt aðalhlutverkið í White
Nights og leikstýrði The Shout).
Sýnd kl. 5, 7, 9 og 11. Bönnuð innan 16
ára.
LAUGARÁS
B I O
E.T.
★★★
Frábær fjölskyldumynd. Sal A kl. 5 og
7.05. Sal B kl. 9, 11.05.
LAGAREFIR
(Legal Eagles)
★★★
Mjúkt lögfræðingadrama. Sal A kl. 9,
11.15. Sal B kl. 5 og 7.
EINKABlLSTJÓRINN
(My Chauffeur)
★
Ung stúlka gerist einkabílstjóri. Sýnd
kl. 5, 7, 9 og 11.
I3E0NBOGIINN
SAMTAKA NÚ
(Gung Ho)
★
Vitlaust fjör kl. 3, 5, 7, 9 og 11.15.
AFTUR í SKÓLA
(Back To School)
★★
Dillandi grín og hraði.
Sýnd kl. 3.05, 5.05, 9.15 og 11.15.
STÓRVANDRÆÐI I LITLU KlNA
(Big Trouble in Little China)
★★
Uppátækjasamt sprell og hrekkir.
Sýnd kl. 5 og 9. Bönnuð innan 12 ára.
MONA LISA
★★★
Elskuleg mynd, hörku drama og leikur.
Sýnd kl. 5, 7,9 og 11. Bönnuð börnum
innan 16 ára.
f HÆSTA GÍR
(Maximum Overdrive)
★
Splunkuný spennandi spennumynd
með Emilio Estevez (úr Breakfast Club),
og St. Elmo's Fire).
Sýnd kl. 7 og 11. Bönnuð innan 16 ára.
DRENGURINN SEM GAT FLOGIÐ
★★
Notaleg og vel meint unglingamynd kl.
5, 7, 9 og 11.

NAFN RÓSARINNAR
★★★
Stórt drama, sterk mynd kl. 5 og 9 fyrir
eldra fólk en fjórtán ára.
LÖGREGLUMAÐURINN
(Rolice)
★
Mynd um lögreglumann sem vill gera
skyldu sína sem lögreglumaður en
freistingarnar eru margar. Bönnuð
börnum innan 16 ára.
Sýnd kl. 7, 9 og 11.15.
BORGARLJÓSIN
(City Lights)
★★★★
Sígilt kærleiksverk Chaplins kl. 3.15,
5.15 og 7.15.
ÁBENDING
Somcthinji
woiulcrftil
lui> liapjXMied..
Na S is alivt*.
\ IICW CfHIU.il) ÍHÍ'I
íroiti flu ilirivliir«»f "V
Tæknifríkin fara á róbótinn eða eilí-
ens í Bíóhöllinni, söguliðið í Háskólabíó
eða á Vitaskipið. Lagarefir Ijúfir í Laugar-
ásnum og Völundarhúsið er skothelt í
Stjörnubíói.
GUÐFAÐIRINN
(The Godfather Part II)
★ ★★★
Þrælmögnuð mafíumynd. Myndin hlaut
6 óskarsverðlaun.
Sýnd kl. 3, 6.05 og 9.15. Bönnuð börn-
um innan 16 ára.
LINK
★★
Ágæt spennumynd um prófessor sem
þjálfað hefur apa með harðri hendi, en
hætta er á að dýrin geri uppreisn og þá
er voðinn vís.
Sýnd kl. 5.10, 7.10 og 9.10. Bönnuð
börnum innan 12 ára.
ÞEIR BESTU
(Top Gun)
★★★
Strípur og stjörnur, mökkur af militar-
isma.
Sýnd kl. 3, 5 og 7.
JÓLASVEINNINN
★★
Frábær jólamynd, fyrir alla fjölskyld-
una.
Sýnd kl. 3 og 5.
VÖLUNDARHÚS
(Labyrinth)
★★★
Vel gerð fjölskyldumynd, kl. 3, 5, 7, 9
og 11.
JAKE SPEED
★
Spennandi, fyndin en leiðinleg mynd,
um einkaspæjara í leit að stúlku hjá
hvítum þrælasölum í Afríku.
Sýnd kl. 5, 7 og 9.
Á YSTU NÖF
(Out of Bounds)
★★
Léttur götutryllir.
Sýnd kl. 5, 9 og 11, Bönnuð börnum
innan 16 ára.
ÞAÐ GERÐIST f GÆR
(About Last Night)
★★
Hjartaknúsarinn Rob Lowe.
Sýnd kl. 7.
HEAT
Ný
Um hefnd vegna ástar. Með Burt Reyn-
olds.
Sýnd kl. 5,7 og 9. Bönnuð innan 16 ára.
★ ★ ★ ★ framúrskarandi
★ ★ ★ mjög góð
★ ★ miðlungs
★ þolanleg
o mjög vond
MYNDBAND VIKUNNAR
Vísindahrollur
The Quiet Earth
★★★
Árgerð 1984.
Byggt á samnefndri vísindaskáld-
sögu Craig Harrison.
Leikstjórn: Geoff Murphy.
Aðalhlutverk: Brundi Lawrence,
Alison Routledge, Peter Smith.
Vísindaskáldskapur eins og
hann gerist bestur í kvikmyndum:
Zoe Hobson er nýsjálenskur kjarn-
eðlisfræðingur, sem á liðnum ár-
um hefur unnið ásamt kollegum
sínufn að þróun nýrrar leynilegrar
tegundar vopnabúnaðar á vegum
vesturveldanna. Einn góðviðris-
daginn vaknar hann upp við það,
að hann er að því er virðist eina
eftirlifandi spendýrið á yfirborði
jarðar. Hann heldur af eðlislægri
forvitni sinni áfram rannsóknun-
um og kemst að því um síðir, að til-
raunin sem fór úrskeiðis með svo
hrikalegum afleiðingum sem raun
ber vitni hefur orðið tilefni slíks
ójafnvægis í náttúrunni, að öll
fyrri lögmál hennar eiga á hættu
að leysast upp í andhverfu sína, ef
ekkert verður við gert. Eftir að
hann hefur komist í kynni við tvo
aðra eftirlifendur hamfaranna,
ákveða þau að sameina krafta
sína, til að koma í veg fyrir að áð-
urnefnd tilraun nái endanlega að
tortíma því lítilsiglda lífi sem þrátt
fyrir allt fyrirfinnst enn á jörðinni.
Afbragðsvel skrifuð og umhugs-
unarverð hugleiðing um möguleg-
ar afleiðingar hinnar einstrengis-
legu vísindahyggju samtímans.
-Ó.A.
30 HELGARPÓSTURINN