Helgarpósturinn - 22.01.1987, Blaðsíða 12

RAÐUNEYTIÐ HELDUR FAST VIÐ SINA TULKUN
Menntamálaráöherra, Sverrir Hermannsson, flutti
langa rœðu um hrottvikningu frœðslustjóra Norður-
landskjördæmis eystra á Alþingi s.l. þriðjudag. Umfram
tilvitnanir í skrif frœðslustjóra til ráðuneytis frá árinu
1980 hafði ráðherra litlu við það að bæta sem áður var
fram komið í fjölmiðlum. Viðbrögðin á Alþingi voruyfir-
leitt þau, að málflutningur ráðherra skýrði ekki tafar-
lausa brottvikningu fræðslustjóra og lýstu margir
óánœgju með þá aðferð sem ráðherra beitti.
LEIGA HÚSNÆÐIS OG
INNRÉTTINGAR
Ráðherra fullyrti í ræðu sinni, að
fræðslustjóri hefði ráðstafað fjár-
munum nánast að eigin geðþótta og
án tillits til fjárlaga. Varð ráðherra
tíðrætt um skrif fræðslustjóra frá
1980, en þar er á ferðinni plagg sem
fræðslustjóri setti saman vegna
þeirrar ákvörðunar þáverandi fjár-
málaráðherra Sighuats Björguins-
sonar, að neita að greiða reikninga
frá árinu 1979 vegna skólaaksturs í
Norðurlandskjördæmi eystra. Stóð
um ákvörðun Sighvats nokkur styrr,
einkum vegna þess að menn töldu
þá, að fjármálaráðherra vildi með
neitun sinni laga stöðuna í bókhaldi
ríkisins, en Alþýðuflokkur sat á
þessum tíma einn í svokallaðri
„starfsstjórn" eftir kosningar 1979.
Menntamálaráðherra fullyrti
einnig, að Sturla Kristjánsson hefði
á árinu 1981 gengið frá leigu og inn-
réttingu húsnæðis fyrir fræðslu-
skrifstofuna á Akureyri. Um þetta
atriði er risinn ágreiningur. Formað-
ur fræðsluráðs í umdæminu fullyrð-
ir að Ingólfur Ármannsson, sem tók
við fræðslustjóraembætti þegar
Sturla Kristjánsson tók sér leyfi frá
störfum, og þáverandi formaður
fræðsluráðs hafi gengið frá leigu og
innréttingum. Ráðherra segir að allt
hafi verið frágengið og Ingólfur hafi
orðið að leysa málið í samráði við
ráðuneyti.
Sturla sagði í samtali við HP, að
engir samningar hefðu verið gerðir
og engar upphæðir nefndar. Málið
hafi verið ófrágengið og bráða-
birgðasamningar hefðu þess vegna
getað gengið til baka, eftir að Ingólf-
ur Armannsson tók við embætti
fræðslustjóra.
Ingólfur Ármannsson sagði í sam-
tali við HP, að hann hafi gengið frá
endanlegum samningum í málinu,
og telur að málið hafi verið komið á
það stig að ekki yrði aftur snúið. Það
hefðu verið hann og Sigurdur Óli
Brynjólfsson, þáverandi formaður
fræðsluráðs, sem gengið hefðu frá
samningum eftir að Sturla tók sér
leyfi frá störfum.
Birgir Thorlacius og Örlygur
Geirsson gengu frá málinu fyrir
hönd menntamálaráðuneytis. Upp-
lýsingar ráöherra um leigumálin á
Álþingi eru því ónákvæmar.
STÖÐUGILDIN TUTTUGU
OG TVÖ
Menntamálaráðherra sakaði
fræðslustjóra á Alþingi um að hafa
farið fram úr áætlunum ráðuneytis,
sem nemur 22 stöðugildum. Segist
Sturla enga hugmynd hafa um það,
hvernig ráðuneytið finnur út þessar
tölur fyrir skólaárið 1985/86.
Hefur Sturla bent á, að það sé
ráðuneytið sem gangi frá ráðningu
grunnskólakennara. I þessu sam-
bandi er rétt að taka fram, að stöðu-
gildin sem ráðuneytið talar um eru
ekki kennarastöður þar sem í þær
er ráðið í ágústmánuði 1985, heldur
er hér átt við „framúrakstur" um-
dæmisins. Þessum tölum mótmælti
Steingrímur Sigfússon, þingmaður
Alþýðubandalags og sá sem krafðist
utandagskrárumræðu og fullyrti að
engar tölur lægju fyrir um endan-
legt uppgjör í máli þessu. Hefur
fræðslustjóri haldið fram, að um-
dæmið hafi ekki fengið fé af
ákveðnum óskiptum lið á fjárlög-
um, framhaldsskólar hafi ekki greitt
skuld við umdæmið og að kennsla
sé of lágt metin í verðlagningu ráðu-
neyta. Þessu hefur ráðuneytið mót-
mælt með orðsendingu til fjölmiðla.
Runólfur Birgir Leifsson í fjár-
máladeild menntamálaráðuneytis
var spurður um það, hvernig stöðu-
gildin 22 væru fundin. Sagði hann
þaö einfalt mál. Fræðslustjóri í
Norðurlandi eystra hefði farið í
kennslumagni 22 stöðugildum
framúr þeim áætlunum, sem ráðu-
neytið hefði heimilað. Sagði Runólf-
ur Birgir að hluti mismunarins væri
sérkennsla, eða yfir helmingur, og
þar sem kennsluskylda sérkennara
væri lægri en almennra kennara
væri um fleiri stöðugildi að ræða
vegna sérkennslunnar.
I sambandi við verðlagningu
kennslu sagði Runólfur Birgir Leifs-
son, að hún byggðist á upplýsingum
frá fræðsiustjórum og væru því
launatölur í áætlun ráðuneytis
byggðar á gögnum frá þeim. Sagði
hann að ráðuneytið gerði engar
breytingar á þessum gögnum, nema
um verulegar skekkjur væri að
ræða. Sagði hann að upplýsingarnar
hefðu yfirleitt verið mjög réttar
frá Sturlu Kristjánssyni. Sagði Run-
ólfur Birgir, að framúrakstur um-
dæmisins væri eingöngu vegna þess
að fræðslustjóraembættið leyfði
fleiri kennslustundir, bæði í sér-
kennslu og almennri kennslu. Sagði
Runólfur að þær tíu milljónir sem
talað er um fyrir skólaárið 1985/86
væru eingöngu kennaralaun. Stend-
ur hér fullyrðing á móti fullyrðingu
og hlýtur ráðuneytið, eða ráðherra,
að leggja fram í dag gögn máli sínu
til stuðnings.
Skólamenn úr ýmsum fræðsluum-
dæmum, sem HP ræddi við í kjölfar
ræðu menntamálaráðherra á Al-
þingi eru sammála um það, að allur
samanburður á sérkennslu milli um-
dæma sé hæpinn og að það sé í
rauninni ómögulegt að bera um-
dæmi saman í þessu sambandi.
Kennslumagnið hljóti að ákvarðast
að verulegum hluta af þeim ein-
staklingum, sem greinast í skólun-
um og gefinn er kostur á stuðnings-
eða sérkennslu. í sumum tilvikum
þurfi viðkomandi mikinn stuðning
og í öðrum tilvikum minni. Þá nefna
menn, að mismunandi sé eftir
fræðsluumdæmum hve langt menn
hafi náð í þeirri viðleitni sinni að
veita þessa stuðningskennslu. Sam-
anburður sé því í rauninni útí hött.
ÞAÐ ER GAMAN AÐ ÞESSUM KONUM
SEGIR MENNTAMÁLARÁÐHERRA, SVERRIR HERMANNSSON, UM NORÐANMENN
Menntamálaráðherra, Sverrir
Hermannsson, var spurður um þá
fullyrðingu, að SturJa Kristjánsson
hafi hvergi komið nærri leigu og
innréttingu fræðsluskrifstofunnar á
Akureyri og fleira sem tengist brott-
vikningu fræðslustjóra. Mennta-
málaráðherra sagði m.a.:
„Ég skipti mér ekkert af því hvað
þessi fræðsluformaður fullyrðir. Og
á engan orðastað við hann. Ég vísa
tali hans á bug sem ómerku og ekki
takandi mark á í neinu falli.“
Nordanmenn fullyrda ad þad hafi
uerid Ingólfur Armannsson, sem
hafi gengið frá leigu þess húsnœðis
sem þú segir Sturlu hafa tekið á
leigu. Er það rangt?
„Hann kom með þessi vandræði
sín til menntamálaráðuneytisins
þegar hann tók við þessu. Þetta
hafði allt saman verið undirlagt og
til þess stofnað af fyrirrennara hans,
Sturlu Kristjánssyni."
Var búið að ganga frá samning-
um?
„Það get ég ekkert sagt um, nema
, að þetta hafði verið gert án nokkurs
samráðs við ráðuneytið. Og svo
kom Ingólfur í vandræðum sínum til
þess að bjarga fjárreiðunum."
Af huerju uékst þú frœðslustjóra
ekki frá um stundarsakir á meðan
\ málið yrði rannsakað?
l „Það var búið að rannsaka þetta
^ mál til þrautar og búið að gera allar
j tilraunir til að koma honum til ráðs
og að lokum á löngum fundi. Þessi
maður er skynvilltur með öllu á það
^ hvað honum ber og hverjar skyldur
r.
.
í
hans eru. Og það þurfti engar mála-
lengingar við hann um þetta, eða
' frekari gögn til sönnunar á óhæfi
hans.“
Þú nefnir rannsókn, hefði ekki
uerið ráðlegra að láta óháða aðila
framkvœma þessa rannsókn, en
ekki þá aðila, sem staðið hafa í
stríði uið Sturlu Kristjánsson suo ár-
um skiptir?
„Hvaða aðila? í lögum stendur
hvernig fara skuli með svona mál,
og geta menn ekki beðið þess að
viðkomandi leiti réttar síns fyrir
dómstólum? Það er rétt að ieggja
það fyrir dómstóla. Hvers vegna er
það ekki gert? Það er farið með
þetta mál að hætti opinberra mála.
Vantreystir því einhver?"
Ráðherrann fullyrti á Alþingi, að
frœðslustjóri hefði farið 22 stöðu-
gildi framúr áœtlunum skólaárið
1985/86, er hér átt við stöður eða
stöðugildi?
„Þú getur fengið upplýsir.gar um
þessar tölur hjá Orlygi Geirssyni en
hann getur upplýst um valdsvið
fræðslustjóra að þessu Ieyti.“
Þú hélst fram j)eirri skoðun á Al-
þingi á þriðjudaginn uar, að
embœttismenn skyldu hlýða yfir-
boðara stnum. Er þaö skoðun ráð-
herrans að embœttismenn skuli
œtíð vera sömu skoðunar og hann?
„Nei, það er ekki skoðun min, en
þó þeir hafi sínar skoðanir, þá geta
þeir auðvitað kynnt þær ráðherra
og reynt að telja honum hughvarf.
Takist það ekki þá verða þeir að
hlýða, eða segja af sér ella. Þannig
er málið. Og eftir að þeir hafa sagt af
sér þá geta þeir gert það sem þeim
sýnist, eins og almennir borgarar,
og lesið ráðherra pistilinn, ef þeim
sýnist svo.“
Nú skipta menn oftar um ráð-
herra en embættismenn, ertu með
þessu að segja að skipt skuli um
embættismenn eins og ráðherra?
„Ég hefi lengi verið þeirrar skoð-
unar og áhugamaður um það, að
embættismenn yrðu kosnir —
a.m.k. æðstu embættismenn — eins
og stjórnmálamenn þannig að þeir
hefðu þennan hita í haldinu, en það
er ekki samkomulag um það.
Það vakti hins vegar athygli mína
hver viðhorfin eru um hina ósnert-
anlegu, heilögu kýr embættismenn-
ina, að alþýðubandalagsmaðurinn
og verkamannavinurinn Steingrím-
ur Sigfússon, varð stromphissa og
lamaðist þegar ég nefndi að enginn
æmti né skræmti þótt sjómaður
fengi pokann sinn, eða verkstjóri
ræki verkamanninn. Hann spurði í
forundran hvernig líkja mætti þessu
saman.“
Að endingu Suerrir, norðanmenn
fullyrða að þú hafir haft um það orö
í apríl sl. að efna til ráðstefnu um
skólamál á Akureyri í maí, huað
varð um ráðstefnu þessa?
„Þetta er rangt. Ég mun hafa sagt,
að ég hefði áhuga á að ræða þessi
mál frekar, en síðan heyrði ég ekk-
ert einasta orð meira af þessu. Ég er
önnum kafinn maður og heyrði ekk-
ert um þetta. Ég hitti þennan fyrr-
verandi fræðslustjóra 13. júní sl. og
ekki minntist hann á þetta, eða
rukkaði mig um fund, eða þeir norð-
anmenn. Það var aldrei talað meira
við mig um málið. Það er gaman að
þessum kónum.“
Menntamálarððherra, Sverrir Hermannsson, hélt langa rœðu á Alþingi á
þriðjudaginn var. Gerði hann þar grein fyrir brottvikningu fræðslustjóra
Norðurlandskjördæmis eystra.
r
►
12 HELGARPÓSTURINN