Helgarpósturinn - 22.01.1987, Blaðsíða 14

STJÖRNUHIMINN STJÓRNMÁLAFORINGJANNA
DSC
Stjörnuspáin fyrir Þorstein Pálsson
er byggð á þessu stjörnukorti. Það
hefur unnið og túlkaö fyrir Helgar-
póstinn Gunnlaugur Guðmundsson
stjörnuspekingur, en hann rekur
Stjörnuspekimiðstöðina að Lauga-
vegi 66 og sér að auki um fasta
þætti í Morgunblaðinu.
PRINS
í ÁLÖGUM
/síðasta bladi hófst hjá Helgarpóstinum mikilsvert framlag til kosningabaráttunnar, sem nú
er hafin og harðnar með degi hverjum. Við höfum fengið til liðs við okkur stjörnuspekinginn
Gunnlaug Guðmundsson til að rýna í rúnir stjarnanna og seiða fram persónurnar á bak við for-
ingja stjórnmálaflokkanna, veikleika þeirra og styrkleika og horfurnar hjá þeim nœsta árið.
Fyrstur í röðinni var Jón Baldvin Hannibalsson, formaður Alþýðuflokksins, en að þessu sinni
túlkar Gunnlaugur fyrir okkur stjörnukort Þorsteins Pálssonar, formanns Sjálfstœðisflokksins og
fjármálaráðherra. Nœstu vikurnar gefur síðan að líta stjörnukort Guðrúnar Agnarsdóttur, þing-
flokksformanns Kvennalistans, Steingríms Hermannssonar, formanns Framsóknarflokksins og
Svavars Gestssonar, formanns Alþýðubandalagsins. I lokin verða stjörnukort þessara stjórn-
málaforingja borin saman og þá hafðar í huga horfurnar í kosningunum, útlitið í stjórnarmynd-
unarviðrœðunum og þróun mála í kjölfarið. Eftirfarandi texti byggir á túlkun Gunnlaugs, en fyr-
irsagnir, millifyrirsagnir og annað er Helgarpóstsins.
ÞORSTEINN ER SPORÐDREKI,
EN AUK ÞESS NAUT OG LJÓN
Það sem fyrst vekur athygli við kort Þor-
steins er sterkur Satúrnus. Hann er því maður
agans. Agi, agi og aftur agi er einkennandi og
einnig það hversu fastur hann er fyrir og
þungur. Þorsteinn er dulur og varkár maður
og þó hann hafi gaman af því að vera í sviðs-
ljósinu, er hann að mörgu leyti feiminn. Út á
við sýnir hann annan mann en innra býr.
Framkoma hans er stíf, formföst og jafnvel
köld, en innra slær hjarta viðkvæms tilfinn-
ingamanns. Það er agi hans og sterk sjálfsmeð-
vitund sem gerir að hann á'erfitt með að vera
afslappaður opinberlega.
Það er erfitt að lýsa Þorsteini. Hann gefur lít-
ið færi á sér, er maður málefna, ekki persónu-
legra uppákornna. Þorsteinn er alvörugéfinn,
einbeittur, ábyrgur og samviskusamur. Hann
er ekki mannblendinn, á ekki stóran kunn-
ingjahóp heldur fáa vini og góða sem hann
heldur tryggð við. Hann er kurteis, þolinmóð-
ur og seinþreyttur til reiði en á til að verða
heiftarlegur og grimmur ef svo ber undir. Það
síðarnefnda sýnir hann þó sjaldan. Þó Þor-
steinn sýni ekki skap er hann ekki skaplaus.
Agi hans er slíkur að hann hylur skap sitt og
heldur því sem honum mislíkar niðri. Að
mörgu leyti er Þorsteinn einhæfur persónu-
leiki. Hann lifir fyrir vinnu sína, fjölskyldu og
fátt annað.
OF VARKÁR — SKORTIR
PERSONUTOFRA
Veikleiki Þorsteins er sá að hann á til að vera
of stífur, agaður og „leiðinlegur", þ.e. hann er
það fullkominn að hann höfðar ekki til hins
breyska almúga. Hann á til að virðast kaldur
og tilfinningalaus (sem hann er alls ekki), og
svo er að sjá sem hann skilji ekki vandamál
hins venjulega manns. Hann virðist einnig
heldur takmarkaður og einskorðaður á
ákveðnu sviði. Annar veikleiki er sá að full-
komnunarþörf hans og staðfesta geta leitt til
þess að hann verði svifaseinn og hræddur við
að framkvæma. Menn sem þora ekki að gera
mistök og taka áhættu geta lamast og komið
í veg fyrir framfarir og framkvæmdir, geta
dregið í hið óendanlega að taka ákvörðun.
Hann hefur því þann veikleika að vera fram úr
hófi varkár og íhaldssamur, að vera ekki nógu
afgerandi og drífandi. Veikleiki Þorsteins sem
foringja er að hann skortir persónutöfra, þá
óútskýranlegu útgeislun sem allir stórir for-
ingjar hafa. Hann er traustur, duglegur, hæfur
o.s.frv., en hvenær nær hann að hrífa fjöldann
með sér?
VALDABRÖLT í VÖGGUGJÖF
Styrkur Þorsteins er fólginn í einbeitingu
hans. Hann á auðvelt með að loka sig af frá
umhverfinu og sökkva sér til botns í ákveðin
mál. Hann lætur ekki trufla sig. Hann er djúp-
ur, vill komast til botns í hverju viðfangsefni og
á ekki til yfirborðsmennsku. Ef hann tekur að
sér verkefni vill hann leysa þau samviskusam-
lega af hendi. Hann hefur sterka ábyrgðar-
kennd og er því treystandi fyrir ábyrgð. Hann
er duglegur, agaður, seigur og úthaldsmikill.
Hann er maður sem vinnur virðingu annarra
hægt og bítandi. Vegna fyrrnefnds og vegna
þess að hann gefst aldrei upp. Þorsteinn er
klettur. Hann er samkvæmur sjálfum sér og
hann er einlægur. Samstarfsmenn hans og
kjósendur sjá það sem þeir fá. Efasemdir um
heiðarleika eða það hvort honum sé treystandi
eru því ekki fyrir hendi. Þorsteinn hefur góða
ÞORSTEINN PÁLSSON,
FORMAÐUR SJÁLFSTÆÐIS-
FLOKKSINS. FÆDDUR
29. OKTÓBER
(SPORÐDREKI) 1947,
KL. 23.10, Á SELFOSSI.
skipulagshæfileika og er fæddur til að takast á
við völd og stjórnun, þ.e. svo framarlega sem
hann bremsar sjálfan sig ekki af.
ÚT ÚR ALAGAHAMINUM...
Ef Þorsteinn kemst út úr álagahaminum á
hann alla möguleika á að verða kraftmikill og
sterkur stjórnmálamaður. Að upplagi er hann
ekki maður til að vera oddviti og blaðafulltrúi
ríkisstjórnar og flokks, til þess er hann of dul-
ur, formfastur og stífur, of mikill sérfræðingur
og maður innri vinnu. Hann er einnig of var-
kár til að taka lokaákvarðanir. Þorsteinn er
hins vegar prýðilegur bakmaður, góður í að
undirbúa mál og berja það í gegn sem búið er
að ákveða. Ef hann lærir að þekkja styrk sinn,
er ekkert sem stendur í vegi fyrir bjartri fram-
tíð. Hann er óneitanlega í góðri aðstöðu og
nýtur virðingar margra. Áður hefur komið
fram að hann sækist eftir völdum en bremsar
sjálfan sig af og á erfitt með að nota völdin. Að
vissu leyti er hann eins og prins í álögum. Fyrst
virtist prinsessan ekki vilja kyssa hann og
hann fann ekki stól til að setjast á. Þegar hún
loksins kyssti hann virðist kossinn hafa verið
hálfvolgur, því hann er foringi án þess að geta
tekið af skarið. Framtíðarvelgengni virðist því
háð því hvort prinsessan kyssi hann aftur og
þá heitari kossi. Hvort svo verður tel ég undir
Þorsteini sjálfum komið. Ef hann brýtur af sér
skelina og brosir til prinsessunnar geta óskir
hans ræst. Ef hann heldur áfram að múra sig
af er hætt við að hún snúi annað. Nógu margir
eru prinsarnir. Hvað varðar afstöður í korti
hans næsta árið sjáum við að Júpíter er að fara
í Hrút og upp á Miðhimin. Það er því heldur
bjart framundan og líklegt að honum komi til
með að aukast kraftur, frumkvæði og þor á
næstunni, eða þeir eiginleikar sem hann hefur
skort.
14 HELGARPÓSTURM4N
Umsjón Friðrik Þór Guðmundsson