Helgarpósturinn - 21.05.1987, Blaðsíða 24

DJASS
Trompetsnilli og
góðgœti
Eitt af útibúum Charley Records
er Atlantis. Það firma hefur endur-
útgefið þrjár gamlar og góðar Vee
Jay-skífur; Juggin’ around með
hljómsveit básúnuleikarans Benny
Greens, Waltz of The Demons með
kvintett altóleikarans Frank
Stroziers og Blues Bag með sextett
klarinettuleikarans Buddy De-
Franco (Atlantis/Skífan).
Það var árið 1960 að félagarnir
gömlu frá Memphis, saxistinn
Strozier og trompetleikarinn
Booker Little, hljóðrituðu sex
ópusa með rýþmasveit Miles
Davis: Wynton Kelly á píanó, Paul
Chambers á bassa og Jimmy Cobb
á trommur. Ári síðar var Booker
Little allur. Illur blóðsjúkdómur
hafði lagt hann að velli. Þegar ég
hlustaði á þessa plötu rifjaðist upp
fyrir mér snilli Bookers, sem heyra
má á The Great Concert of Eric
Dolphy (Prestige) sem hljóðrituð
var á Five Spot tæpum þremur
mánuðum fyrir dauða hans. Waltz
of The Demon er ein af þeim skíf-
um er halda hlustandanum hug-
föngnum. Rýþmasveitin er pott-
þétt og einleikararnir hugmynda-
ríkir. Sér í lagi eru sólóar Bookers
magnaðir. Tónninn breiður og
heitur og það er ekki neitt vafamál
að ef hann hefði lifað lengur væri
hann einn af helstu trompetmeist-
urum okkar daga. Booker og
Freddie Hubbard voru efnilegustu
trompetleikararnir af skóla Clif-
ford Browns og Hubbard hefur
haldið merkinu á lofti þó hann
hafi tekið nokkur hliðarspor á
stundum. Margir af trompetmeist-
urum djassins hafa dáið ungir.
Clifford Brown og Fats Navarro
urðu 26 ára gamlir, Bi Beiderbeck
28 ára en Booker Little aðeins
23ja. Á skífu Stroziers má finna
valsa, ballöður og bopp-ópusa
með fönkívafi í bland við hreint
bíbopp. Þeir sem þekkja ekki
Booker Little ættu að næla sér í
skífuna. Þeir verða ekki sviknir af.
Gene Ammons og Benny Green
eru báðir frá Chicago og hafa spil-
að mikið saman. Báðir eru þeir
bíbopparar með rætur í svíngi og
var Gene upphaflega mikill Lest-
eristi þó boppið næði yfirhend-
inni. Hann var alinn upp við blús
hjá föður sínum, búggavúggapían-
istanum Albert Ammons, og má
finna þess víða merki í blæstri
hans. Hér eru góðir blásarar í sveit
Ammons og Greens. Nat Adderley
blæs í trompet, Frank Wfess í tenór
og flautu og Frank Foster í tenór.
Báðir eru þeir af Basie-ættinni og er
tónlistin það líka þó boppuð sé.
Tomrrry Flanagan er á píanó,
Eddie Jones á bassa og Al Heath á
trommur. Það fer ekki hjá því að
margt sé skemmtilega gert á slíkri
skífu þó fátt komi á óvart. Blástur
með stórsveitartilf inningu sem all-
ir sannir svíngarar ættu að njóta.
Buddy DeFranco er ásamt
Benny Goodman sá djassklarin-
ettuleikari er mest vald hefur
haft yfir hljóðfærinu. Boniface
Ferdinant Leonardo DeFranco lék
með Gene Krupa, Charlie Barnet,
Tómmy Dorsey og Count Basie
áður en hann stofnaði eigin hljóm-
sveit með mönnum á borð við Art
Blakey og Kenny Drew. Margar
hljóðritanir hans á sjötta áratugn-
um eru orðnar klassískar s.s. með
píanistunum Art Tatum og Sonny
Clark. En það var ekkert grín áð
vera bíbopp-klarinettuleikari. Þó
DeFranco væri öðrum fremri gat
hann tæpast lifað af leik sínum og
1966 gerðist hann stjórnandi
Glenn Miller-bandsins. Sem betur
fer er hann hættur þeirri vitleysu
og vonandi lifir hann betra lífi af
djassklarinettuleik en áður og
Pabló hefur gefið út frábærar
DeFranco-skífur á síðustu árum
m.a. í samleik með Oscar
Ffeíerson-kvartettnum.
Blues Bag var hljóðrituð 1964
og er Art Blakey á trommur, Victor
Sproles á bassa, Victor Feldman á
píanó, Curtis Fuller á básúnu og
Lee Morgan og Freddie Hill á
trompeta. Það sem vekur mesta
athygli við þessa skífu er að Buddy
blæs í bassaklarinett, þetta er trú-
lega fyrsta breiðskífan þar sem
djassleikari blæs eingöngu í það
hljóðfæri. Voldugur tónninn og
virðuleiki hljóðfærisins breyta
svip á boppi DeFrancos. Það er
ekki eins leikandi létt og venju-
lega en svipmeira. Þó eru rifja-
blúsar á dagskrá eins og Cosun
Mary eftir Coltrane. Kush eftir
Dizzy Gillespie fær frábæra með-
höndlun enda hæfir hljóðfærið
afrórýþmanum rómanska.
Strozier og Little heitinn: Magnaöir sólóar.
LISTSYNINGAR
Þjóðleikhúsið
Yerma, harmljóð, sunnudag kl.
20.00.
Ég dansa við þig, ballett,
fimmtudag kl. 20.00 og föstudag
kl. 20.00.
Hallæristenór, gamanleikrit,
laugardag kl. 20.00.
Rympa á ruslahaugnum, barna-
leikrit, sunnudag kl. 14.00 síðasta
sinn.
Leikfélag Reykjavíkur
Dagur vonar, dramatík, laugar-
dag kl. 20.00.
Óánægjukórinn, gamanleikrit,
fimmtudag kl. 20.30 og sunnudag
kl. 20.30.
Djöflaeyjan, söguleikrit. Fimmtu-
dag, föstudag, laugardag og
sunnudag kl. 20.30. Uppselt alla
dagana.
Leikfélag Akureyrar
Kabarett, kabarett, föstudag og
laugardag kl. 20.30.
Alþýðuleikhúsið
Eru tfgrisdýr íKongó? í Kvosinni
fimmtudag, föstudag kl. 12.00 og
laugardag kl. 13.00. Síðustu sýn-
ingar.
Nemendaleikhúsið
Rúnar og Kyllikki, dramatík,
fimmtudag, laugardag og sunnu-
dag kl. 20.00. Síðustu sýningar.
FÍM-salurinn
Guðrún Svava Svavarsdóttir opnar
á föstudagskvöldið sýningu á
teikningum, unnum með ýmsum
aðferðum.
Gallerí Borg
Vignir Jóhannsson opnar f dag,
fimmtudag, v/Austurvöll mál-
verkasýningu. Edda Jónsdóttir á
laugardaginn í nýja salnum við
Austurstræti með vatnslitaþrykk
og ætingar.
Gallerí Svart á hvítu
Borghildur Öskarsdóttir opnar á
laugardaginn og sýnir keramik-
skúlptúr.
Gallerl Gangskör
Þórdís A. Sigurðardóttir sýnir
skúlptúra.
Kjarvalsstaðir
Einar Hákonarson með málverk,
Gunnsteinn Gíslason með múrrist-
ur, ívar Valgarðsson með stein-
steypta skúlptúra, Ingibjörg Styr-
gerður Haraldsdóttir með textfl og
Níels Hafstein með málm- og tré-
skúlptúra.
Norræna húsið
Yngve Zakarias, norskur málari og
grafíker, opnar á laugardaginn í
kjallara, uppi er samnorræn skúlp-
túrsýning.
KVIKMYNDAHÚSIN
★★★★
Koss kóngulóarinnar (Kiss of
the Spiderwoman). Afbragðsleik-
ur kl. 5, 7, 9 og 11 í Bfóhöllinni.
Herbergi með útsýni (Room
with a View). Notalegur sjarmi kl.
3, 5, 7, 9 og 11.15.
★★★
Litla hryUingsbúðin (The little
Shop of Horrors). Gaman gaman
kl. 5, 7, 9 og 11.
Krókódíla-Dundee (Crocodile
Dundee). Létt ævintýri kl. 5,7,9 og
11 f Bíóborginni.
Þrfr vinir (Three Amigos). Hrein
og bein fyndni. Kl. 3, 5, 7, 9 og
11.15 í Regnboga.
Guð gaf mér eyra (Children of a
lesser God). Hugnæm og sæt kl. 5,
7.10 og 9.20 í Regnboganum.
Trúboðsstöðin (Mission). Vönd-
uð stórmynd kl. 5, 7.15 og 9.30 f
Regnboga.
Þeir bestu (Top Gun). Topp þjóð-
remba kl. 3 í Regnboga.
Skytturnar Ágætis íslendinga-
tryllir kl. 7.15 í Regnboga.
Enginn miskunn (No Mercy).
Lögguhasar í Stjörnubíói kl. 5,9 og
11.
Vitnin (The Bedroom Window).
Hitchcocksk gæði kl. 5, 7, 9 og
11.05 f Bíóhöllinni.
★★
Paradísarkiúbburinn (Club Para-
dise). Meðalgaman kl. 5,7,9 og 11
í Bíóhöllinni.
Litaður laganemi (Soul Man).
Notalegur húmor f Laugarásbíói kl.
5, 7, 9 og 11.
Gullbarnið (The Golden Child)
Murphy-tæknibrella kl. 5,7,9 og 11
í Háskólabíói.
Einkarannsóknin (Private In-
vestigations). Formúluhasar kl. 5,
7, 9 og 11 í Laugarásbíói.
Fyrsti aprfl (April fool's day). Gasa
hrollur kl. 5, 7 og 9 í Tónabíói.
★
Vítisbúðir (Hell Camp). Sannar-
lega vfti kl. 3.15, 5.15, 9.15 og 11.15
í Regnboga.
BMX-meistararnir. Hjólreiða-
mynd kl. 3 í Regnboga.
Blóðug hefnd (Armed Re-
sponse). Ofbeldismynd kl. 7 í
Stjörnubíói.
Nýjar
Hrun ameríska heimsveldisins
(The Decline of the American
Empire). Frönsk/kanadísk verð-
launamynd kl. 5, 7, 9 og 11 í Laug-
arásbíói.
Svona er lífið (That's life). Hvers-
dagskómedía kl. 5, 7, 9 og 11 í
Stjörnubíói.
Morguninn eftir (The Morning
after). Áfengisvandamál kl. 5, 7, 9
og 11 í Bíóborginni.
Draumaprinsinn (Dream Lover).
Eftir Alan J. Pakula kl. 5,7,9 og 11
í Bíóborginni.
Með tvær í takinu (Outragous
Fortune 7 kl. 5, 7, 9 og 11 í Bíóhöll-
inni.
Á réttri leið (All the Right Moves)
kl. 5, 7, 9 og 11 í Bíóhúsinu.
★ ★ ★ ★ framúrskarandi
★ ★ ★ mjög góð
★ ★ miðlungs
★ þolanleg
O mjög vond
MYNDBAND VIKUNNAR
The New Centurions ★★★
777 útleigu hjá m.a. Vídeómeist-
aranum.
Bandarísk. Árgerd 1972.
Leikstjórn: Richard Fleischer.
Adalhlutverk: George C. Scott,
Stacy Keach, Jane Alexander
o.fl.
Richard Fleischer hóf leikstjóra-
feril sinn þá er hann stóð á þrítugu
með gerð myndarinnar Child of
Divorce (1946) og hefur síðan af-
kastað tæplega þrjátíu kvikmynd-
um af fullri lengd. Myndir hans
hafa eins og gengur verið misjafn-
ar að gæðum og reyndar fæstar
notið sérstakrar hylli almennra
áhorfenda eða gagnrýnenda. Þó
eru hér á vissar undantekningar
frá grámyglu meðalmennskunnar
og nægir þar að nefna hina ágætu
Compulsion frá 1959 hvar sjálfur
Orson Welles fer á kostum í hlut-
verki verjanda tveggja misaf-
vegaleiddra ungmenna í morð-
máli, Tora! Tora! Tora! frá 1970
með hinum margfrægu og stór-
kostlega vel útfærðu orustusenum
frá árásinni á Pearl Harbor og svo
að sjálfsögðu umrædd mynd, The
New Centurions frá árinu 1972.
Hér er um að ræða eina af fyrstu
nýbylgju-stórborgarlögguþriller-
um áttunda áratugarins, þar sem
menn leituðust sem ólmast við að
stokka upp goðsögnina um góðu
lögguna ódrepandi og varpa nýju
og öllu trúverðugra ljósi á líf og
störf þeirra manna er önnuðust
löggæslu á misvel upplýstum
öngstrætum stórborganna.
George C. Scott fer á kostum í
hlutverki Kilvinskys, sem hefur
marga hildina háð um dagana og
hugsar sér nú gott til glóðarinnar
þá er eftirlaunaaldurinn nálgast.
Stacy Keach fer sömuleiðis ágæt-
lega með hlutverk nýliðans, sem
upphaflega ætlaði einvörðungu
að vinna sér inn aukapening með
löggæslustörfunum á meðan hann
stundaði laganám. Hvorugur
þeirra gerir sér á hinn bóginn fulla
grein fyrir hversu torvelt þeim
mun í raun reynast að losa sig úr
þeirri hálf-freudísku dauðagildru
er þeir hafa einu sinni og öldungis
sjálfviljugir komið sér í.
24 HELGARPÓSTURINN