Helgarpósturinn - 21.05.1987, Blaðsíða 30

MATKRAKAN
eftir Jóhönnu Sveinsdóttur
ímunnberanleg uppiyfting
Það versta við íslenska vorkomu er
skrykkirnir. Eftir tíu daga dumbung og klass-
íska gjólu brestur skyndilega á rjómalogn
með sólskini í heilan dag. Síðan hellirignir í
þrjá daga, þá tekur aftur við klassískur
dumbungur með gjólu í aðra þrjá. Síðan
þriggja tíma sólskin í allhvassri norðanátt.
Endurtekið frá byrjun þrisvar sinnum. Svo
löng er orðin biðin eftir suðrænum lægðum
að enn má sjá sultardropa í biðskýlum SVR,
og stefnuræður ungra elskenda spássérandi
um miðbæinn einkennast öðru fremur af
nöturlegu tannaglamri.
Þessi haltu-mér-slepptu-mér vorleikur
reynir mjög á þolrifin; maður heldur þó út að
bera tennurnar í brosi í allt að sex samfellda
vætudaga og segja að hætti Pollýönnu að
þetta sé svo gott. Fyrir gróðurinn .. . En á
þeim sjöunda breytist brosið í grettu. Ég held
svei mér að á þessum árstíma sé stöðugur
dumbungur sálarheillinni drýgri en sólskin
með köflum sem vekur falskar vonir og rugl-
ar í ríminu, að sígandi lukka sé betri en
skrykkjótt. Það er nú svona viss sjarmi yfir að
vera á jöfnum og stöðugum vorþreytu-
bömmer, skynja ímyndaðar ógnir í gráman-
um: eiturgræn tré og gargandi fugla, að ekki
sé nú minnst á þetta hvimleiða mannfólk
sem alltaf er að atast í manni. Maður sjálfur
þó sýnu verstur; illa undan vetri genginn
finnur maður djúpa samsvörun en um leið
harmræna huggun í Vorsöng Svantes sem
byrjar svona:
Mit hár falder af
min knœskœl er los
og nyrerne rasler af sten.
Mit hjerte er skœvt
min mave nerves
det jager sá sœrt í mit ben —
jeg mœrker det hvorend jeg gár. ..
og dog er det vár
En það er eins og ég segi viss sjarmi yfir
slíku ástandi, og sötrandi hvítvín eða fjalla-
grasaseyði eftir atvikum vitja manns stór-
streymir draumar sem hrint skal í fram-
kvæmd þegar vorið er mætt án tvímæla. Þá
skal sko verða upplyfting svo um munar, allt
að því óímunnberanleg!
Það þægilega er að þegar síþráðri sólinni
hefur loksins tekist að brjótast til valda hellir
maður sér ekki út í lystisemdir, heldur stór-
þvotta og hreingerningar, alltént ef marka
má ósjálfráð viðbrögð undirritaðrar þessa
fáu góðviðrisdaga yfirstandandi (?) vors. Því
þegar himingráminn er á brott sér maður sér
til nokkurrar furðu að allt er skitugt. Á
júróvisjóndaginn þvoði ég t.a.m. þrjár vélar
og hengdi út á snúru, gróðursetti kryddjurtir,
skrúbbaði klósett og ryksaug bækur. Rank-
aði svo við mér við hið furðulega athæfi að
strauja viskustykki fyrir framan sjónvarps-
fréttirnar sem ég gat þó engan veginn ein-
beitt mér að, hafandi uppi áform um að
hætta lífi mínu með því að príla upp á þak til
að þvo kvistgluggana í kvöldsólinni í stað
þess að sitja fussandi fyrir framan sjónvarpið.
Það má svo sem segja að ég hafi gert mér
dagamun með þessu móti, en þó óneitanlega
með nokkuð öðrum hætti en ráð hafði verið
fyrir gert. . .
Eg minnist þess ekki að sólin hafi skinið
hér á suðvesturhorninu síðan téðan dag.
Næsta sólskinsdag ætla ég að fara öðruvísi
að. Þá helli ég öllu því fjallagrasaseyði sem
ég á á lager í blómapottana, en sjálf ætla ég
að úða í mig hvítvíni á svölunum, og eftirfar-
andi kræsingum þegar garnirnar taka að
gaula undir kvöldið. Allt eru þetta auðlagað-
ir og fljótlegir réttir: í forrétt rœkjusalat au
balcon, í aðalrétt kjúklingur á l’arabe og
hvítvinsúöaö ávaxtasalat í eftirrétt. Upp-
skriftirnar miðast við fjóra eða fimm mötu-
nauta og gert er ráð fyrir að mikið hvítvín og
gott sé drukkið með þessum ímunnberan-
legu upplyftingum.
RÆKJUSALAT AU BALCON
1 salathöfuð/3 epli / sítrónusafi eftirsmekk
/ 100 g valhnetukjarnar / 125 g rækjur / 1
dl sýrdur rjómi / 'á tsk. sinnep / salt og pip-
ar.
1. Afhýdið eplin og skerið í fjórðuparta, fjar-
lœgið kjarnhúsin og skerið epin í bita sem
sítrónusafa er dreypt yfir.
2. Pvoið salatið, þurrkið og skerið í strimla.
Saxið valhneturnar gróft og blandið
hvoru tveggja saman í salatskál ásamt
eplabitum og rœkjum.
3. Hrœrið sósu úr sýrða rjómanum og sinn-
epinu, bragðbœtið með sítrónusafa, salti
og pipar, og hellið svo yfir salatið rétt áður
en það er borið fram. Blandið vel.
KJÚKLINGUR Á L'ARABE
4 msk. ólífuolía / 1 stór kjúklingur / 2 stórir
laukar/2 tsk. paprikuduft/u.þ.b. 1 tsk. rifin
engiferrót / salt og pipar /2 sítrónur /2lA
dl soð / u.þ.b. 20 grœnar ólífur.
1. Hlutið kjúklinginn á klassískan máta íátta
stykki.
2. Hitið olíuna í þykkbotna potti, brúnið
kjúklingabitana á öllum hliðum og fœrið
svo upp á'fat.
3. Afhýðið og saxið laukinn og léttsteikið í
olíunni. Hrœrið saman við papriku, engi-
fer, saltiog pipar, ogsítrónum eftirað hafa
þvegið þœr, skorið í báta og fjarlœgt
kjarnana.
4. Setjið kjúklingabitana aftur í pottinn, hell-
ið soðinu yfir og látið suðuna koma upp.
Minnkið þá hitann og látið réttinn malla í
u.þ.b. hálftíma.
5. Að lokum eru ólífurnar settar út í og soðn-
ar með í 5 mínútur. Berið réttinn fram með
soðnum hrísgrjónum.
HVÍTVÍNSÚÐAÐ ÁVAXTASALAT
2 appelsínur / A> melóna / 3 bananar / 1
mangóávöxtur eða 2 kiwi / 2 msk. sykur /1
dl þurrt hvítvín.
Afhýðið ávextina og fjarlœgið alla kjarna.
Skerið bananana fyrst t sneiðar og raðið
þeim á fat, skerið hina ávextina í bita og
raðið yfir bananansneiðarnar. Stráið sykri
yfir og dreypið eða úðið hvítvíni yfir. Þetta
salat bragðast best ískalt og því þarf það að
standa í ísskáp í a.m.k. 2 tíma. Algjör ós-
vinna er að borða með þessu salati þeyttan
rjóma eða ís. ..
HVAÐ ÆTLAR ÞÚ AÐ GERA UM HELGINA?
GUÐBJÖRG ÍVARSDÓTTIR
HARGREIÐSLUKONA HJÁ BRÓSA
,,Eg verð vestur á Patreksfirði alla
helgina. Þangað fer ég tilað vera við
fermingarveislu á sunnudaginn. Að-
allega hef ég hugsað mér að slappa
vel af um helgina, í mesta lagi fer ég
í sundlaugarnar og heita pottinn. Eg
fer yfirleitt í Broadway allar helgar
en úrþví ég var svo óheppin að vera
ekki þar um síðustu helgi og sjá
John Travolta held ég bara að ég
hvíli mig á staðnum á nœstunni!
Kannski ég jafni mig á þessu í kyrrð-
inni „fyrir vestan". Fór John Trav-
olta annars ekki VESTUR?!"
STJÖRNUSPÁ
HELGINA 15.-17. MAÍ

Föstudagurinn verður góður til hvers kyns andlegra
iðkana og þú munt eiga auðvelt með að taka ákvarðanir.
Þó er nauðsynlegt að viðhafa aðgát í viðskiptalífinu.
Ekki versnar útlitið á laugardag, sem getur orðið happa-
dagur. Sem sagt. Vellíðan og jafnvel ástarsæla, þar sem
slíkt á við... Lífið helst enn á jákvæðu nótunum á sunnu-
dag og þér reynist auðvelt að horfast (augu við erfiðar
aðstæður eða taka skyndiákvaröanir.
umi i mim\i—
Reyndu að komast að samkomulagi við náinn sam-
starfsmann eða félaga, þó þér finnist hann ekki sam-
vinnuþýður. Mikið af því sem þú sagðir, eða reyndir að
útskýra, komst ekki nægilega greinilega til skila. Þess
vegna Iftur út fyrir að þú sért ósveigjanlegur eða hroka-
fullur, en þú getur leiðrétt þetta núna með því að sýna
fram á hve umhyggjusamur og upplýstur þú ert. Nú þarf
allt að vera hreint og beint og þú mátt alls ekki sætta
þig við neitt annað en það sem er heiðarlegt og sann-
gjarnt.
TVIBURARNIR (22/5-21/6]
Það verða óhjákvæmilega óvæntar breytingar í dag-
lega Kfinu, en þú skalt hafa stjórn á tilfinningum þínum
og ekki láta þvinga þig til neins, hvaða aðferðum sem
beitt er. Þú virðist þurfa að endurskipuleggja margt
þessa dagana, vegna aðstæðna sem þú hefur enga
stjórn á. Þótt ýmislegt gangi á verður þú að gera það
sem þú telur rétt og henta þér best. Ekki bera harm þinn
í hljóði, en viðurkenndu að þetta er afleiðing þess að
breyta á móti betri vitund.
i: i
Það gefur besta raun að troða sér ekki fram á föstu-
dag, en þann dag gæti komið upp misskilningur vegna
þess að annar aðili reyndist ekki sýna mikla hagsýni. Þú
verður venju fremur hress á laugardag og þess vegna
l(ka vinsæll. Ýmislegt gott gæti komið í kjölfar samneyt-
is við annað fólk. Sunnudagurinn er einn þessara daga
þegar þú veist nákvæmlega hvað þú vilt og ert ákveð-
inn í að láta það ganga eftir.
Það ríkir óvissa og svolítill ruglingur (einkalífinu, en
það er þó ekki litlaust á meðanl Ef þú stundar listsköp-
un væri synd að nýta tímann ekki vel, því þetta er afar
hagstætt tlmabil hvað slíkt varðar. Reyndu að fá aðra til
að prófa nýjar aðferðir. Það er einhver að gera þér lífið
leitt og þig langar til að blása út, en gættu þess að gera
ekki illt verra.
cazn
Þú hefur ýmis tromp á hendi, þó svo þér finnist í
augnablikinu annar aðili vera að gera þig vitlausan. Nú
er um að gera að láta til skarar skríða, t.d. með ákveð-
inni fjárfestingu. Og ekki þýðir lengur að leiða hjá sér
breytingar Ivinnunni, sem lengi hefur mátt sjá fyrir. Var-
aðu þig hins vegar á að brenna allar brýr að baki þér.
I "H.fí IIIIII IIIIIH—
Á föstudag munu samskipti við maka og ástvini
.ganga betur og á sunnudag muntu s(ðan geta verið
ómetanlegur stuðningur fyrir þann, sem stendur hjarta
þínu næst. Nýttu laugardaginn vel, ef þú þarft að lesa
eitthvað, skrifa, flytja fyrirlestur eða annað sl(kt. Allt
samstarfviðannaðfólk yfir þessa helgi mungefastvel.
SPORÐDREKINN (23/10-22/u
Ef þú þarft að eiga viðskipti við „kerfiskarla" er föstu-
dagurinn góður til þeirra hluta. Þú gætir komist að raun
um að fjárhagsstaðan er ekki jafnslæm og útlit var fyrir,
en varastu óraunsæja bjartsýni. Nánasti ástvinur þinn
er mjög hlýr og indæll á laugardag, svo ef til vill er hægt
að komast að nýju samkomulagi. Þú verður fullur orku
og mjög afkastamikill á sunnudag.
BOGMAÐURINN (23/11-21/12
Aðrir krefja þig um sannanir í miklum mæli, en þú
skalt ekki láta þann þrýsting valda sambandsslitum.
Það eru einmitt að verða afdrifarík vatnaskil f lífinu, sem
vert er að bíða eftir. Frelsi þitt í framtlöinni er í veði. Þú
verður líka að skilja að ákveðið samband verður að
standast utanaðkomandi þrýsting.
STEINGEITIN (22/12-21/1
Þú munt uppskera ríkulega, ef þú vinnur hvunndags-
störfin af vandvirkni. Vertu ekki of utangátta á föstu-
dag, eins og hætta er á. Heimilis- og fjölskyldulif
blómstrar á laugardag og það verður bókstaflega
brennandi heitt (rómantísku kolunum. Sunnudagurinn
er vel til þess fallinn að vinna, annaðhvort að lagfæring-
um eða verkefni úr vinnunni.
VATNSBERINN (22/1-19/2
Njóttu allrar athygli, sem þú verður aðnjótandi, en
reyndu að gera þér vel grein fyrir því hvort fólk er heiðar-
legt eða ekki. íhugaðu líka hvort þú ert of upptekinn af
þv( að takmarka ekki möguleika þína, þegar kannski
væri réttara að taka af skarið og veija ákveðna
leiðfákveðinn aðila. Það er grunnt á tilfinningunum
þessa dagana og því ekki nema eðlilegt að nákomnir
aðilar segi hug sinn eða kvarti.
1111 f I I II IIIIIHIII !■!■■■
Hugsaðu þig vel um áður en þú skerð á tengsl, sem
hafa verið mikilvægur hluti lífs þíns fram til þessa.
Kannski er betra að semja um tímabundið vopnahlé?
Reyndu að skilja hvers vegna ástvinir eru jafn ósam-
vinnuþýðir og raun ber vitni. Viðkvæmar tilfinningar
auka hættuna á því að úlfaldi verði úr mýflugu, ef ekki
er vel að gáð. Það viröist allt leggjast á eitt til að varna
þv( að þú komist þangað sem þig langar, en þú verður
bara að halda þínu striki og gefast ekki upp.
30 HELGARPÓSTURINN