Helgarpósturinn - 21.05.1987, Blaðsíða 35

FRÉTTAPÓSTUR
Stjórnarmyndunarviðræður
Eftir að Steingrímur Hermannsson hafði gefist upp á að ’
mynda rikisstjórn og skilað umboði sinu aftur til forseta
fékk hún Þorsteini Pálssyni, formanni Sjálfstæðisflokks-
ins, umboðið. Þorsteinn sneri sér í upphafi að Alþýðu-
flokknum og áttu formenn og varaformenn flokkanna með
sér langan fund. Ekkert markvert kom þó út úr þeim fundi
°g þegar honum var lokið boðaði Þorsteinn Steingrim Her-
mannsson, forsætisráðherra núverandi stjórnar, á sinn
fund. Það gerðist þó ekkert sérstakt þar heldur, enda hafði
Steingrímur átt ítarlegar viðræður við Þorstein, þegar hann
hafði umboðið, aðeins örfáum dögum fyrr og varla margt
breyst á þeim stutta tíma. Þorsteinn hélt síðan áfram könn-
unarviðræðum sínum og ræddi við Svavar Gestsson, for-
mann Alþýðubandalagsins, en eftir þann fund var ljóst að í
engu hafði dregið saman með þessum höfuðandstæðingum
íslenskra stjórnmála, enda staðfestu þeir Þorsteinn og
Svavar það í viðtölum eftir fundinn, sem var sá stysti sem
haldinn hafði verið. Næst vék Þorsteinn sér að Kvennalist-
anum og átti hann með fulltrúum hans sex tíma fund og
virtist mönnum sem þar hefði hugsanlega eitthvað verið að
gerast í alvöru. Töldu þá margir að kannað hefði verið
stjórnarmynstur þriggja flokka, Sjálfstæðisflokks, Al-
þýðuflokks og Kvennalista, en foringjarnir vildu þó ekkert
láta uppi. Kemur þá til kasta Alberts Guðmundssonar og
hins nýja Borgaraflokks, en Albert hafði áður lýst því yfir
fyrir hönd flokksins að það væri best að hann yrði í stjórn-
arandstöðu fyrst um sinn. Nú brá hins vegar svo við að
Albert lýsti þvi yfir að Borgaraflokkurinn væri tilbúinn að
fara í stjórn með Sjálfstæðisflokki og Pramsóknarflokki og
þar með viðhalda þeirri ríkisstjórn sem setið hefur undan-
farin fjögur ár. Albert sagði, eftir að umræður höfðu farið
fram bæði leynt og ljóst milli hans og þriggja flokka ann-
arra, Alþýðubandalags, Kvennalista og Framsóknarflokks,
að slík stjórn yrði of dýr fyrir samfélagið, vegna þess að hin-
ir svokölluðu vinstri flokkar gerðu of miklar kröfur um út-
gjöld ríkisins, þegar tillit væri til þess tekið hversu gífur-
legur halli er á ríkissjóði. Þorsteinn Pálsson endaði síðan
könnunarviðræður sínar á því að boða Borgaraflokkinn til
fundar, en almennt er talið að Sjálfstæðisflokknum sé ekki
stætt á að fara í ríkisstjórn með Albert og félögum hans eftir
það sem á undan er gengið. Frekar er reiknað með því að
reynt verði formlega að mynda þriggja flokka stjórn undir
forsæti sjálfstæðismanna með þátttöku Alþýðuflokks og
Kvennalista. Þó er vitað að ágreiningur er á milli þeirra
tveggja fyrrnefndu um landbúnaðarmál, einkum og sér i
lagi búvörusamninginn sem ríkisstjórn Steingríms gerði
við hagsmunasamtök bænda.
Miðstjórnarfundur allaballa
Um síðustu helgi var miðstjórn Alþýðubandalagsins
kölluð saman til að meta stöðu flokksins í ljósi ófaranna í
síðustu kosningum. Búist var við að mikil átök yrðu á fund-
inum en svo varð ekki, að minnsta kosti ekki eins mikið og
sumir héldu að yrði. Það vakti t.d. nokkra athygli að Guðrún
Helgadóttir, þingkona flokksins, sem hafði haldið uppi
sterkri gagnrýni á forystu flokksins, mætti ekki á fundinn
og vildi hún enga skýringu gefa á því. Nokkur gagnrýni kom
fram á tengsl flokksins við verkalýðshreyfinguna og sat
Asmundur Stefánsson, forseti ASÍ, einkum undir þeirri
gagnrýni og vildu margir kenna honum um ófarir flokksins
í kosningunum, þar sem ASÍ hefði gert samsninga undir
hans forsæti sem kjósendur Alþýðubandalagsins hefðu
ekki getað unað við og þar með ekki kosið flokkinn. Svavar
Gestsson sagði hinsvegar eftir fundinn að það yrði látið
sverfa til stáls í flokknum á komandi landsfundi, sem verð-
ur næsta haust. Reiknað er með átökum milli svokallaðrar
lýðræðishreyfingar, með þau Guðrúnu og Ólaf Ragnar í
fararbroddi, annarsvegar og hinsvegar flokkseigenda-
félagsins, gömlu kommanna.
Fréttapunktar
• Fíkniefnalögregluna grunar, og virðist sá grunur vera á
rökum reistur, að nýr snifffaraldur hafi gengið i borginni.
Krakkar, allt niður í tólf ára, og unglingar hafa sótt mjög í
kveikjaragas að undanförnu og er aðferð þeirra við sniffið
sú að sprauta úr brúsa upp í sig og anda síðan djúpt.
Fljótlega eftir að þessi kvittur komst á kreik var sala á
kveikjaragasi bönnuð í almennum verslunum og er nú
aðeins hægt að nálgast vöruna á bensínstöðvum og viðlíka
verslunum, en þó aðeins séu menn 18 ára eða eldri.
• Áfengi og tóbak hækkuðu að meðaltali um 15% í síðustu
viku, viskíflaska er nú komin upp í rúmar 1400 krónur og
amerískar sígarettur í 115 kr. pakkinn. Létt vín hækkaði þó
hlutfallslega minna en sterkt.
• Fargjöld í innanlandsflugi og fargjöld leigubUa hækkuðu
um 10% í vikunni.
• Tjónið sem varð þegar verksmiðja Lystadúns brann til
kaldra kola í síðastliðinni viku er metið á 40—45 milljónir
króna. Verksmiðjan hefur samt tekið til starfa að nýju í
bráðabirgðahúsnæði og með lánstækjum.
• Landssamband íslenskra útvegsmanna hefur farið fram
á við Hafrannsóknastofnun að hún leggi til við sjávarút-
vegsráðuneytið að stærri veiðisvæðum, þar sem þorskur elst
upp, verði lokað um lengri tíma en verið hefur og einnig að
friðuð hrygningarsvæði þorsksins verði stækkuð. Þetta er
til komið vegna þess að afli undanfarið hefur verið mjög
smár og dræmur og hafa útgerðarmenn af þessu töluverðar
áhyggjur.
• Samband íslenskra fiskframleiðenda, Landssamband ís-
lenskra útvegsmanna og Sölumiðstöð hraðfrystihúsanna
eru enn á báðum áttum hvað varðar hlutabréfakaup í ný-
stofnuðum Útvegsbanka hf. Ríkið er enn langstærsti hlut-
hafinn, en stefnir að sölu á bréfum sínum.
• Kröfu verjanda fyrrum forráðamanna Hafskips, um að
veitt yrðu opinber lán úr lífeyrissjóði opinberra starfs-
manna til Hallvarðs Einvarðssonar, ríkissaksóknara, var
hafnað af undirrétti, en þeir áfrýjuðu þegar til Hæstaréttar.
Einnig var því hafnað að Hallvarður og Albert Guðmunds-
son yrðu kallaðir fyrir réttinn til að gera grein fyrir málinu.
LOFTNETA- OG MYNDLYKLAÞJÓNUSTA
SJÓNVARPSKERFI - TILBOÐ SAMDÆGURS
ÁRSÁBYRGÐ Á ALLRI VIIMIMU OG EFNI
Traust, örugg
og góð
þjónusta
Ármúla 23, Sími 687870
Bráðabirgðaákvæði um námsmenn tóku gildi 14. apríl 1987. Ákvæðin
varða lög um Húsnæðisstofnun ríkisins.
Samkvæmt þessum ákvæðum mun Húsnæðisstofnunin fara eftir
neðangreindum reglum við meðferð lánsumsókna frá námsmönnum.
□ Námsvottorð gilda til jafns við iðgjaldavottorð frá lífeyrissjóðum
þegar sótt er um lán, hafi námið verið stundað fyrir 1.
september 1986. Eftir 1. septembergilda einungis iðgjaldavottorð
frá lífeyrissjóðum.
0 Vegna umsókna, sem lagðar voru inn á tímabilinu 1. september
1986 til 13. apríl 1987, þurfa námsvottorð (um nám fyrir 1.9. '86)
og/eða lífeyrissjóðsvottorð að spanna 24 sl. mánuði áður en
umsóknin var lögð inn.
h Um umsóknir sem lagðar voru inn 14. apríl og síðar, gildir, að
námsvottorð (um nám fyrir 1.9. '86) og iðgjaldavottorð frá Iífeyrissjóði
verða að gilda fyrir 20 af 24 næstliðnum mánuðum, áður en
umsóknin er lögð inn.
Námsvottorð gildir því aðeins að umsækjandinn stundi eða hafi
stundað lánshæft nám, samkvæmt skilgreiningu Lánasjóðs íslenskra
námsmanna. Leggja verður fram vottorð um námstímann frá
hlutaðeigandi skóla. Þeir, sem þegar hafa lagt inn umsóknir, verða að
senda Húsnæðisstofnun ríkisins þessi skólavottorð fyrir l.júní 1987.
Húsnæðisstofnun ríkisins
LAUGAVEGI 77 Í01 REYKJAVIK S-20500
HELGARPÓSTURINN 35