Helgarpósturinn - 26.11.1987, Blaðsíða 39

FRETTAPOSTUR
Stórbruni
Fiskverkunarhús Nesfisks í Garði brunnu til kaldra kola
aðfaranótt síðastliðins fimmtudags. Talið er að tjónið nemi
á annað hundrað milljóna króna og yfir 50 manns missa at-
vinnuna. Mikið var af fiski í húsunum, bæði óunnum og
fullunnum. Einnig var mikið af tækjum og búnaði ýmis-
konar i húsunum og að auki brann bifreiða- og hjólbarða-
verkstæði sem áfast var fiskverkunarhúsunum. Allt eyði-
lagðist nema ein bifreið og eitthvað af tækjum úr fiskverk-
unarhúsunum sem tókst að bjarga. Þetta er tólfti stóri elds-
voðinn sem verður í fiskverkunarhúsi á einum áratug. Nes-
fiskur i Garði er stærsti atvinnuveitandi staðarins og kemur
þetta sér því mjög illa fyrir plássið. Brunamálastjóri telur að
hefði mátt koma í veg fyrir að eldurinn breiddist jafn mikið
út og raun ber vitni, ef byggingunni hefði verið skipt upp í
eldvarnahólf með eldvarnaveggjum.
Mál Stefáns Jóhanns
Fréttastofa Ríkisútvarpsins var fyrst með fréttina af
hugsanlegum tengslum Stefáns Jóhanns Stefánssonar,
fyrrverandi forsætisráðherra, við bandarísku leyniþjónust-
una CIA. Fréttin var byggð á samtali fréttaritara i Noregi við
norskan sagnfræðing, sem sagðist hafa séð skjöl i Truman-
safninu í Bandarikjunum, sem staðfestu þetta. Síðan kom í
ljós að fréttin átti ekki við rök að styðjast, norski sagnfræð-
ingurinn dró allt sitt til baka og í ljós kom að fréttaritarinn
hafði ekkert í höndunum sem staðfesti að sagnfræðingur-
inn hefði sagt það sem hann taldi hann hafa sagt. Frétta-
stofa útvarpsins dró síðan fréttina til baka en málinu virðist
ekki vera lokið því ýmsir menn í þjóðfélaginu telja að þarna
hafi verið gerð mistök sem ekki sé hægt að fyrirgefa.
Ráflhúsið í Reykjavík
Miklar deilur eru manna í millum um staðsetningu ráð-
hússins fyrirhugaða í Reykjavík, en það á að setja niður í
horni Tjarnarinnar, á gatnamótum Tjarnargötu og Vonar-
strætis. í skoðanakönnunum hefur komið fram að meiri-
hluti Reykvíkinga er andsnúinn staðsetningunni, stofnuð
hafa verið samtökin Tjörnin lifi og fólki er mikið niðri fyrir.
Borgarstjórinn lætur það hinsvegar lítið á sig fá, hann er bú-
inn að ákveða þetta og engu verður hnikað héðan i frá. Borg-
arfulltrúar minnihlutans telja hinsvegar að málið hafi ekki
farið rétta leið í gegnum kerfið en því er borgarstjórinn ekki
sammála. Deilurnar snúast um hvort þessi bygging muni
skaða lífríki Tjarnarinnar og að auki telja þeir sem mótfalln-
ir eru byggingunni að þarna sé verið að stíga enn eitt skrefið
í átt að því minnka Tjörnina. Auk þess blandast inn i þessar
deilur fyrirhugað Alþingishús, en sumir telja ekki heppilegt
að tvö stórhýsi rísi á þessu svæði í miðborginni.
Fréttapunktar
• Viðræðum Vinnuveitendasambandsins og Verkamanna-
sambands íslands var slitið aðfaranótt föstudagsins en þær
höfðu þá siglt í strand. Breitt bil var milli deiluaðila og sáu
menn þvi ekki ástæðu til að halda viðræðunum áfram.
Horfa menn nú stíft til Vestfjarða eftir fordæmi en þar eru
i gangi viðræður um kjarasamninga sem menn telja að geti
orðið öðrum að leiðarljósi.
• Miðstjórn Sjálfstæðisflokksins hefur sett á laggirnar
nefnd sem á að gera tillögur um framtíðarstefnu flokksins,
inn i nýja öld, eins og það var orðað.
• Ólafur Ragnar Grímsson, nýkjörinn formaður Alþýðu-
bandalagsins, tók nýlega við friðarverðlaunum á vegum
þeirra alþjóðlegu þingmannasamtaka sem hann er i for-
svari fyrir. Verðlaunin, kennd við Indiru Gandhi, voru veitt
í Indlandi og i leiðinni notaði Ólafur tækifærið og færði í tal
við Indverja hugsanleg viðskipti íslendinga við þá. Eftir því
sem fregnir herma tóku heimamenn vel í málaleitan Ólafs og
eru þeir á leið til landsins til að ræða málin.
• íslendingar standa ekki vel að vígi á fiskmörkuðum í
Bandaríkjunum um þessar mundir, aðallega vegna falls
dollarans. Fiskur hefur hækkað mjög í verði vestra og hafa
aðalkaupendur á íslenskum þorski hafið tilraunir til að
nota ódýrari fisk í fiskrétti sína. Einnig kemur fram hjá
fiskkaupendum að ein ástæða hækkandi þorskverðs sé
ónógt vinnuafl á íslandi.
• Nýlega kom út nýjasta hljómplata Bubba Morthens.
Þetta er sextánda hljómplata kappans á aðeins sjö árum.
Platan var orðin gullplata þegar sama dag og hún kom út
sem mun vera einsdæmi. Að auki fékk Bubbi platínuplötu
fyrir síðustu plötu sína sem er farin að nálgast tuttugu þús-
und eintökin í sölu.
• Erlend hvalfriðunarsamtök hafa ákveðið aðgerðir gegn
íslendingum, bæði Greenpeace og Sea Shepard munu vera að
hugsa sér til hreyfings og ætla að láta til skarar skríða.
• Davíð Oddsson hefur farið fram á við fjárveitinganefnd að
fjárveiting til þjóðvega innan Reykjavíkur verði stóraukin.
Annars vegar til þess að mæta kostnaði af væntanlegum
framkvæmdum og hins vegar til þess að ríkið geti endur-
greitt borgarsjóði útlagðan kostnað við eldri framkvæmdir.
• íslendingar sigruðu á fjögurra þjóða móti i handknatt-
leik sem haldið var á Akureyri og Húsavík um síðustu helgi.
Auk okkar tóku þátt i mótinu Pólverjar, ísraelsmenn og
Portúgalar. Fyrir mótið léku íslendingar og Pólverjar tvo
landsleiki og sigraði hvor þjóð í einum. íslendingar unnu
sinn stærsta sigur á Pólverjum frá upphafi, 28—21.
• Litlu munaði að illa færi fyrir Ásgeiri Sigurvinssyni í
knattleik um síðustu helgi. Þýskur fauti sparkaði þá í hann
og engu munaði að sparkið færi i hnéskelina sem hefði lík-
lega þýtt endalok ferils Ásgeirs. Ásgeir meiddist lítillega en
mun þó leika aftur um næstu helgi.
• Á alþjóðlegu skákmóti sem haldið var á Suðurnesjum og
lauk á föstudaginn var, tryggðu þrír íslendingar sér áfanga
að titli alþjóðlegs meistara. Þröstur Þórhallsson náði síðasta
áfanga og hlýtur því nafnbótina alþjóðlegur meistari.
Hannes Hlifar Stefánsson náði fyrsta áfanga og sömuleiðis
Björgvin Jónsson. Það var annars Bretinn Norwood sem
sigraði á mótinu, Helgi Ólafsson og Hannes urðu jafnir í
öðru til þriðja sæti.
Tökum hunda í gœslu til lengri
eða skemmri dualar
Hundagæsluheimili
Hundavinafélags íslands og
Hundaræktarfélags íslands
Arnarstöðum, Hraungerðishreppi
801 Selfoss — Símar: 99-1031 og 99-1030
I samkeppní um
ungiingaskáldsógu
Verðlaunabókin
LEÐURJAKKAR
OG SPARISKÓR
É’: ’ — bráðsmellin og
WS spennandi saga.
t; Bókin sem hlaut hæstu
verðlaun, sem veitt hafa
jú: verið ( samkeppni um
barna- og
unglingaskáldsögur
hérlendis.
\-Sagan snýst um daglegt
amstur og ástarskot
nemenda I 8. H —
j? ‘glettin og gáskafull —
,v • þangað til að Sindbað
sæfari kemur til
sögunnar. — Þá æsist
;,';leikurinn heldur betur
; ótrúlegur háski vofir
ir aðalsöguhetjunni....
ÆSKAN
Síml 1 73 36
r* niiiuiniiiiiimiuium]
LJÓSMYNDAÞJÓNUSTAN HF
Laugavegi 178 - Sími 685811
á aðeins kr. 3.350,-
Vasadiskóið
er eitt hið
minnsta
á markaðinum.
Cr02 metal.
Polaroid
er hrókur
alls
fagnaðar.
Myndavélin er með
innbyggt eilífðarflass.
Rafhlaðan er í
filmupakkanum.
Sem sagt, filman í,og
myndavélin er tilbúin
HELGARPÓSTURINN 39