Morgunblaðið - 05.06.1976, Blaðsíða 3

MORGUNBLAÐIÐ, LAUGARDAGUR 5. JUNl 1976
3
Varað við bensin-
mengaðri steinolíu
sem er í umferð
OLÍUFÉLAGIÐ Skeljungur h f hefur
um langt skeið selt steinolíu i
tveggja litra brúsum. Rökstuddur
grunur hefur komið fram um að i
maímánuði hafi farið i dreifingu til
útsöluaðila félagsins nokkurt magn
brúsa með bensinmengaðri steinolíu.
Tekizt hefur að innkalla rneginhluta
þessa magns nú þegar, en þar sem
ekki er enn víst nema einhverjir brúsar
með slíku bensínmenguðu innihaldi
hafi verið seldir og komizt þannig i
umferð, vill félagið að höfðu samráði
við Brunamálastofnun ríkisins koma
þeirri áríðandi aðvörun á framfæri við
alla þá, sem hafa undir höndum stein-
oliubrúsa merkta félaginu að skilá
þeim á næsta útsölustað félagsins.
Tekið skal fram, að leiki minnsti vafi
á um innihald brúsa eru aðilar eindreg-
ið hvattir til að skila þeim inn en
treysta ekki á að lyktarskyn skeri úr um
innihald þeirra
Deilur um einkunnagjöf
í samræmdum greinum
— 5.9 gerir 7 en 5.8 gerir 6
0 MIKLAR deilur hafa nú risið
vegna þeirrar einkunnagjafar sem
tekin var upp á samræmdu gagn-
fræða- og landsprófi nú í vor. Sam-
kvæmt hinu nýja kerfi er eingöngu
miðað við afstöðu nemenda hvers til
annars þannig að nemandi sem svar-
ar e.t.v. helming spurninga rétt á
það á hættu að vera lækkaður í
einkunn ef meirihluti hinna, sem
prófið þreyta, skilar betri úrlausnum.
Á sama hátt má hugsa sér, að
nemandi, sem svarar einungis litlum
hluta prófsins rétt, verði hækkaður
upp vegna þess að hinir gátu enn
minna. Hér er sem sagt um að ræða
svokallað „normal dreif ingarkerl i"
sem miðast eingöngu við hópinn inn-
byrðis. Samkvæmt þessu ræðst því
vitnisburður nemandans ekki ein-
göngu af því hvað hann kann sjálfur
heldur einnig af því sem hinir kunna.
Q Þetta kerfi hefur hlotið harða
gagnrýni fræðimanna erlendis nú á
síðari árum en var, eins og áður
segir, tekið upp \ samræmdu grein-
unum, þ.e. íslenzku, ensku, dönsku
og stærðfræði, hér á landi í vor.
Mætti það þegar mótspyrnu fjöl-
margra kennara í viðkomandi grein-
um og má nefna, að enskukennarar
við 10 gagnfræðaskóla á Reykja-
víkursvæðinu hafa sent mennta-
málaráðherra bréf þar sem varað er
við notkun þessa kerf is.
Mbl hafði samband við Jóhönnu
Friðriksdóttur kennara í ensku og
dönsku við Víghólaskóla í Kópavogi og
innti hana álits á hinu nýja einkunna-
kerfi:
,,Ég tel þetta kerfi mjög varhugavert í
einkunnagjöf því að það gefur ekki
rétta mynd af raunverulegri kunnáttu
nemenda. Annars er erfitt að tala um
þetta svona almennt því að þetta kerfi
er það flókið að til að útskýra það er
nauðsynlegt að hafa úrlausnirnar fyrir
framan sig til að geta áttað sig á
samanburðinum. En ef við tökum ein-
falt dæmi í dönsku t.d. að þá gæti 5.9
gert samkvæmt hinu nýja kerfi
einkunnina 7 en 5.8 myndi verða
einkunnin 6 Og þetta eina stig sem
lækkar um einn heilan i einkunn getur
verið svo lítilvæg villa að það nánast
taki því ekki að telja hana með Á sama
hátt má hugsa sér að 8 stig geri
einkunnina 8 en 8.1 stig sé hækkað
upp i 9. Það gefur náttúrulega auga
leið að slíkt kerfi gefur ekki rétta mynd
af kunnáttu nemenda, — það mætti
alveg eins gefa bara vitnisurðinn:
stenzt eða stenzt ekki "
Hörður Lárusson deildarstjóri hjá
skólarannsóknum hafði þetta um málið
að segja:
„Að mínum dómi er ekki rétt að taka
þessar breytingar á einkunnagjöfinni
einar út af fyrir sig og gagnrýna þær,
þvi hér er aðeins um að ræða lið í
gagngerum breytingum á öllu grunn-
skólastiginu. Þetta verður því að
skoðast í víðara samhengi þar sem
margir þættir spila inn í. Þessar breyt-
ingar á grunnskólastiginu eru nú að
ganga yfir og það á eftir að fara ofan í
saumana á þeim og þá væntanlega
lagfæra það sem miður fer. Annars má
bæta þvi við að nú á næstunni er
væntanleg greinargerð frá okkur um
tæknileg atriði þessara breytinga og þá
skýrist málið væntanlega nánar."
Aðspurður um gagnr'ýni skólamanna
erlendis á notkun þessa einkunnakerfis
sagði Hörður að sú gagnrýni hefði
einkum komið upp i Svíþjóð og beind-
ist hún fyrst og fremst að notkun
kerfisins í litlum skólum eða i litlum
heildum Notkun þessa grundvallaðist
hins vegar á stærri heildum og hér
væri miðað við landið allt þ e. um
4000 nemendur. Þá lagði Hörður
áherzlu á, að jafnhliða þessum breyt-
ingum á einkunnagjöf yrði að taka inn í
myndina að dregið hefði verulega úr
samræmingu prófa hér á landi sem
hefði i för með sér aukna ábyrgð
skólanna sjálfra varðandi vitnisburð
þannig að hér væri ekki um einhliða
einkunnargjöf að ræða.
„Menn verða einnig að hafa í huga",
sagði Hörður að lokum, „að hér verður
lika að koma til breytt hugarfar gagn-
vart hugtakinu einkunn, sem þýðir
samkvæmt hinu nýja kerfi ekki það
sama og áður. Nemandi sem fær 6 á
prófi á ekki að miða það við einhvern
ákveðinn atriðafjölda sem hann hefur
skilað rétt, heldur veit hann, að það er
ákveðinn hundraðshluti fyrir ofan og
ákveðinn hluti fyrir neðan hann í vitnis-
burði
Minnisblað
lesenda...
NÚ FER I hönd önnur mesta
umferðarhelgi ársins, hvíta-
sunnan. Að því tilefni hefur
Morgunblaðið safnað saman
nokkrum upplýsingum, sem
handhægt getur verið fyrir les-
endur blaðsins að grípa til. Um
leið og Morgunblaðið óskar
landsmönnum gleðilegrar
hátíðar, fer það þess á leit við
þá, að þeir sýni fullt tillit við
náungann í umferðinni. Tak-
markið er að komast hjá slys-
um og öhöppum.
Lögreglan i Reykjavik sími
11166, í Kópavogi 41200 og
i Hafnarfirði 51166.
Slysadeild Borgarspltalans er
opin allan sólarhringinn, sími
81212.
Slökkviliðið i Reykjavik simi
11100 og í Hafnarfirði 51100.
Sjúkrabifreið í Reykjavik
simi 11100 og i Hafnarfirði
51100.
Læknavakt laugardaga og
helga daga, opið allan sólar-
hringinn, sími 21230. Nánari
upplýsingar i sima 18888.
Slysavarnafélag tslands. —
neyðarsimi: 27111
Almannavarnir sími 11150.
Lyf javakt, sjá Dagbók.
Messur um hvítasunnuna —
sjá á öðrum stað í blaðinu.
Útvarps- og sjónvarpsdagskrá
— sjá annars staðar í blaðinu.
Vegaþjónusta. Staðsetning
vegaþjónustu bifreiða FlB um
hvitasunnuna verða svo sem
hér segir:
FÍB 1. Staðsettur við Valhöll
óg mun fara út frá þeim stað
eftir þörfum, en skilaboðum er
hægt að koma til bílsins um
söluskálann i Valhöll.
FÍB 4. Staðsettur við Botns-
skálann i Hvalfirði og þangað
er unnt að koma skilaboðum til
bilsins.
FlB 11. Staðsettur við
Þrastarlund og skilaboðum til
bílsins er unnt að koma um
Þrastarlund.
Þá mun Gufunesradíó taka
við skilaboðum i sima 22384.
Talstöðvarbifreiðar, sem eru
margar á ferð um þjóðvegi
landsins, geta einnig komið
skilaboðum áleiðis og hlusta
viðgerðarbílarnir á rásum 2790
Khz og 27185 Mhz.
Félag íslenzkra bifreiðaeig-
enda vill minna bifreiðaeig-
endur á að hafa meðferðis
helztu varahluti i bifreiðum
sínum, t.d. platinur, kerti,
kveikjulok, viftureim og góðan
varahjólbarða. Félagsmenn
FÍB fá viðgerð f hálfa klukku-
stund án endurgjalds og eftir
hana greiða þeir 1.500 krónur
fyrir hverja klukkustund.
Skulu þeir framvisa félagsskír-
teinum. Utanfélagsmenn greiða
lágmarksgjald 3.000 krónur og
hið sama fyrir hverja klukku-
stund.
Utsýn er eina íslenzka ferðaskrifstofan
með reglubundið leiguflug til
Lloret de Mar,
sem flestir telja glaðværasta
og skemmtilegasta baðstað Spánar.
Ágætur aðbúnaður í nýjum íbúðum
Zodiaco, og góðum hótelum Gloria og Dex
Verð frá kr. 46.600- í 2 vikur
Fáein sæti laus á bezta tíma sumarsins.
18.júní, 2. og 16. júlí, 20. og 27. ágúst,
3. og 10. september.
Ferðaskrifstofan
Kostakjör
á
Costa Brava
EINKAUMBOO Á ÍSLANDI
^TJÆREBORG REJSER
AUSTURSTRÆTI 17 SÍMI 26611
EINKAUMBOÐ Á ÍSLANDI
-----—-------------
AIMERICAN EXPRESS ,