Morgunblaðið - 13.04.1985, Qupperneq 45

MORGUNBLAÐIÐ, LAUGARDAGUR 13. APRÍL 1985
45
Mikil upplifun að spila
með stórri hljómsveit
TÓNLISTARSKÓLINN í Reykjavík
og Sinfóníuhljóms'veit fslands halda
tónleika í Háskólabíói í dag kl.
14.30. Tónleikarnir eru fyrri hluti
einsöngvaraprófs Elísabetar Waage
og einleikaraprófs píanóleikaranna
Huldu Geirlaugsdóttur, Nínu Mar-
grétar Grímsdóttur og Valgerðar
Andrésdóttur.
Blaðamaður Mbl. leit inn á «ef-
ingu í Háskólabíó sl. fimmtudag.
Fyrst var Elísabet Waage tekin tali.
„Kk hef stundað söngnám í mörg
ár,“ sagði Elísabet. „Fyrst var ég
hjá Maríu Markan í fjögur ár en
fór þá til Sieglinde Kahman sem
hefur verið minn kennari sl. sjö ár.
Fyrst í Söngskólanum, en þaðan
lauk ég 8. stigs prófi eftir þrjú ár.
Þá fluttist ég með henni í Tónlist-
arskólann í Reykjavík."
— Hefur þú hugsað þér að halda
áfram námi?
„Nei, ég læt þetta nægja í bili.
Svo sé ég bara til, fer e.tv. á nám-
skeið. Ég á fjölskyldu og hef því
nóg að gera.“
— Hvenær vaknaði áhugi þinn á
söng?
„Eg hef lengi sungið í kórum.
Eftir að hafa gert það í mörg ár
fannst mér að ég þyrfti að fá leið-
sögn. Síðan hefur þetta undið upp á
sig“.
Elísabet þurfti að flýta sér á
aðra æfingu. Hún er að æfa hlut-
verk í óperunni Leðurblökunni,
sem íslenska óperan mun bráðlega
hefja sýningar á. Hún var spurð
hvað tæki við eftir prófið.
„Ég hef alla vega nóg að gera
núna,“ sagði hún. „En annars gæti
ég vel hugsað mér að fara að kenna
í framtíðinni.“
Á tónleikunum í dag syngur
Elísabet aríu úr Orfeus eftir C.W.
Gluck, aríu úr Titus eftir Mozart og
aríu úr Cavalleria Rusticana eftir
P. Mascagni.
Áhuginn kom í
Tóniistarskólanum
Hulda Geirlaugsdóttir hóf píanó-
nám í Barnamúsikskólanum er hún
var átta ára gömul. Hún var 12 ára
er hún hóf nám í Tónlistarskólan-
um í Reykjavík „og þá kom áhug-
inn fyrir alvöru," sagði Hulda.
— Er erfitt að stunda nám í
hljóðfæraleik jafnframt öðru
námi?
„Já það hafði truflandi áhrif á
hvort annað, sérstaklega þegar ég
var komin í menntaskóla. Eg var
fegin þegar ég gat klárað hann og
snúið mér alfarið að píanónáminu.“
— Hvernig byggist einleikara-
prófið upp?
„Við spilum á einum tónleikum
með hljómsveit og síðan eru einka-
tónleikar. Það er mjög spennandi
og gaman að spila með stórri
hljómsveit."
— Ætlar þú að halda áfram
námi?
„Já það er alltaf hægt að halda
Þrír píanóleikarar
taka einleikara-
próf og söngkona
tekur einsöngv-
araprófá
tónleikum í Há-
skólabíói í dag
áfram að læra. Eg reikna með að
fara til Þýskalands, eða eitthvað
annað, í haust til þess að læra.
Annað er óráðið. Ég ætla bara að
sjá til,“ sagði Huida að lokum. Hún
spilar Píanókonsert nr. 1 í C-dúr
op. 15 eftir Ludvig van Beethoven á
tónleikunum i dag.
Píanóið tók yfírhöndina
Valgerður Andrésdóttir mun
leika Píanókonsert í d-moll eftir
J.S. Bach í tónleikunum. Valgerður
hóf píanónám sjö ára gömul í Tón-
listarskóla Hafnarfjarðar.
„Ég man ógreinilega eftir því
þegar ég byrjaði," segir hún. „Mér
fannst gaman fyrst, en varð svo löt
að æfa mig eins og á víst við um
flesta. Ellefu ára gömul fór ég í
einkatíma til önnu Þorgrímsdóttur
og þar fékk ég aftur áhugann. Síð-
an fór ég í Tónlistarskólann til
Margrétar Eiríksdóttur tveimur
árum síðar.“
— Hvernig finnst þér að leika
með heila sinfóníuhljómsveit á bak
við þig?
„Það er mjög stressandi, en þetta
er óneitanlega mikill viðburður og
það er gaman að fá tækifæri til að
reyna þetta.“
— En hvað tekur við eftir prófið?
„Mig langar til að fara út að
læra. Helst til Mið-Evrópu. Ég býst
við að maður þurfi að vera í 3—4 ár
til þess að ná einhverri gráðu. Eftir
það kem ég trúlega heim til að
kenna og spila eitthvað með.“
— Varst þú strax ákveðinn í að
gerast píanóleikari?
„Nei, ég var það ekki frá upphafi.
En þegar ég var 16 eða 17 ára fór
píanóið að taka yfirhöndina og ekk-
ert annað kom til greina,“ sagði
Valgerður.
Semur eigin kadensur
Nína Margrét Grímsdóttir leikur
Píanókonsert nr. 21 K 467 í C-dúr
eftir Mozart. Þegar blm. var að
ræða við Nínu gekk kennari hennar
Halldór Haraldsson hjá. Hann
sagðist vilja benda á að Nína hafi
samið sínar eigin kadensur við
verkið. „Eg er viss um að hún hefði
ekki minnst á það sjálf,“ sagði
hann.
„Já sagði Nína, þetta er rétt. I
gamla daga sömdu píanóleikararn-
Ráðstefna um varð-
veislu skjala, ljós-
mynda og fornleifa
RÁÐSTEFNA um varöveislu nkjala,
Ijósmynda og fornleifa verður haldin
á vegum félagsins Ingólfs i
laugardag.
Á ráðstefnunni, sem verður
haldin í Lögbergi, húsi lagadeiidar
Háskóla tslands, verða flutt erindi
um brýn verkefni stofnana sem
hafa það hlutverk að varðveita
menjar um liðna tíð. Þau ólafur
Ásgeirsson, þjóðskjalavörður,
Guðmundur Ólafsson, deildar-
stjóri á Þjóðminjasafninu og
Ragnheiður Þórarinsdóttir, borg-
arminjavörður tala fyrir hönd
ir þessa einleiksþætti sjálfir. Það
fylgja ekki kadensur þessum kons-
ert, svo mig langaði að reyna að
semja þær sjálf."
— Hefur þú spilað lengi á píanó?
„Ég byrjaði 7 ára gömul í Barna-
músikskólanum og valdi mér pí-
anóið ári siðar. Kennari minn var
Málfríður Konráðsdóttir. Þetta
gekk mjög vel fyrstu 7 árin, en þeg-
ar ég var í menntaskóla dofnaði
áhuginn, fyrstu tvö árin hafði ég
píanóið í hjáverkum, en svo snerist
þetta við. Ég byrjaði í Tónlistar-
skólanum hjá Halldóri Haralds-
syni 1979“
— Skiptir miklu máli fyrir pí-
anóleikara að byrja snemma?
„Já vegna þess að tæknilegi
grunnurinn skiptir svo miklu máli.
Þennan grunn fékk ég t.d. í Barna-
músikskólanum. Það er atriði sem
svo miklu auðveldara er að kenna
börnum."
— Hvernig leggjast þessir tón-
leikar í þig?
„Ég hlakka til tónleikanna. Að
vísu hef ég þurft að yfirvinna mikið
stress, en nú er þetta allt að koma.
Það er virkilega gaman að spila
með hljómsveitinni. Þetta er mikil
upplifun."
— Og að lokum hin sígilda
spurning. Hvað tekur nú við hjá
þér?
„Ég er búin að fá inni hjá einka-
kennara í London sem heitir Peter
Feuchtwanger. Þar verð ég næsta
árið, en svo veit ég ekki hvað tekur
við. Maður lýkur aldrei námi í pí-
anóleik,” sagði Nína Margrét að
lokum.
Stjórnandi á tonleikunum er Páll
P. Pálsson.
Elísabet Waage söngkona.
Hulda Geirlaugsdóttir píanóleikari.
Valgerður Andrésdóttir píanóleikari.
Nína Margrét Grímsdóttir
píanóleikari.
LYKILLINN AÐ VANDAÐRI LITPRENTUN
stofnana sinna og sagt verður frá
hugmyndum Gunnars Guttorms-
sonar, deildarstjóra í Iðnaðar-
ráðuneytinu, um skjalasöfn
stjórnarráðsins. Þá ræðir Inga
Lára Baldvinsdóttir, ritstjóri Ár-
bókar fornleifafélagsins, um varð-
veislu ljósmynda og Eiríkur
Jónsson, safnstjóri á DV segir frá
Ijósmyndasafni blaðsins.
Að loknum erindum verða um-
ræður, en ráðstefnan hefst kl. 14
og stendur til kl. 17. Að henni lok-
inni verður haldinn aðalfundur fé-
lagsins Ingólfs.
er ekki fullt
heldur troðfullt
af gullfallegum
pottaplöntum
í gróðurhúsunum
okkar.
Græna
höndin p
gróörarstöðin
víö Hagkaup, Skeifunni
sími 82895.
P.S. P.S.
Viö erum meö
úrvals Hreppamold