Morgunblaðið - 08.05.1986, Síða 26

26
MORGUNBLAÐIÐ, FIMMTUDAGUR 8. MAÍ1986
Davíð
Oddsson
borgarstjóri
svarar
spurningum
lesenda
Spurt og svarað
um borgarmál
LESENDAÞJÓNUSTA MORGUNBLAÐSINS
Davíð Oddsson, borgarstjóri í Reykjavík og efsti maður á framboðslista
sjálfstæðisfólks í borgarstjórnarkosningum, sem fram fara 31. maí næstkom-
andi, svarar spurningum í Morgunblaðinu um borgarmál í tilefni kosninganna.
Lesendur Morgunblaðsins geta hringt til ritstjórnar blaðsins í síma 10100 á
milli kl. 11 og 12 árdegis, frá mánudegi til föstudags, og lagt spurningar
fyrir borgarstjóra, sem blaðið kemur á framfæri við hann. Svörin birtast síðan
í þættinum Spurt og svarað um borgarmál. Einnig má senda spurningar í
bréfi til blaðsins. Utan á bréf skal rita: Spurt og svarað um borgarmál, rit-
stjórn Morgunblaðsins, pósthólf 1555, 121 Reykjavík. Nauðsynlegt er, að
nafn og heimilisfang spyrjenda komi fram.
Fossvogsdalur
Baldur Garðarsson, Daltúni 28,
Kópavogi, spyr:
A. Ætlar Reykjavíkurborg að
halda áætlun um hraðbraut til
streitu?
B. Er einhver þrýstingur á
hæstvirtan félagsmálaráð-
herra frá Reykjavíkurborg að
staðfesta ekki nýlegt aðal-
skipulag Kópavogskaupstað-
ar, þar sem hugmyndinni um
Fossvogsbraut er alfarið hafn-
að?
C. Er meirihluti borgarstjómar
Reykjavíkur reiðubúinn að
standa og falla máli þessu í
komandi borgarstjómarkosn-
ingum?
Svar:
Umferðarsérfræðingar Reykja-
víkurborgar telja, að ekki þurfi
að taka ákvörðun um það, hvort
Fossvogsbraut verður lögð eða
ekki fyrr en 1992—1994. Hins
vegar eru menn jafn sammála um
það, að ekkert megi gera í skipu-
lagsmálum, sem komið geti í veg
fýrir, að hægt sé að leggja þessa
braut, verði það talið óhjákvæmi-
legt. Slíkt gæti skapað öngþveiti
í umferðarmálum höfuðborgar-
svæðisins.
Varðandi B:
Bæjarstjórn Kópavogs hefur
óskað eftir, að félagsmálaráð-
herra nemi úr gildi hluta af aðal-
skipulagi Reykjavíkurborgar. Fé-
lagsmálaráðherra brestur vald til
þess að nema skipulagið úr gildi.
Því er ósk þessi algjörlega óraun-
hæf og Reykjavíkurborg hefur
hvorki gert að letja eða hvetja
félagsmálaráðherrann til afskipta
af þessu máli.
Rétt er að vekja athygli á, að
í samningum milli Reykjavíkur-
borgar óg Kópavogskaupstaðar
segir, að ekki megi falla frá Foss-
vogsbraut, nema báðir aðilar verði
um það sammála. Það er því
misskilningur hjá Kópavogskaup-
stað um það, að hann hafi neitun-
arvald gagnvart því, að brautin
verði lögð. Neitunarvaldið gengur
þvert á móti á hinn veginn. Báðir
aðilar þurfa að vera sammála um
að hverfa frá Fossvogsbraut
samkvæmt samningi, sem báðir
hafa undirgengist, ef slíkt á að
gerast. Eins og fram kom í svari
við lið 1 liggur ekki á að taka
endanlega ákvörðun í þeim efn-
um. Það má bíða í nokkur ár enn.
Þegar menn hafa fyllri upplýsing-
ar og gleggri gögn til að styðjast
við.
Með hliðsjón af svörum við A
og B er svar við lið C óþarft.
Agangnr sauðfjár
Valur Valdimarsson, Jakaseli
12,spyr:
í tilefni afmælisárs borgarinn-
ar, árs trésins og þeirrar viðleitni
fjölmargra borgarbúa á þessum
árstíma að koma upp margvísleg-
um gróðri við hús sín er óhjá-
kvæmilegt að bera fram spum-
ingu um ágang sauðfjár á gróður-
reiti fólks innan borgarmarkanna.
Hvað hyggjast borgaryfírvöld
gera til að bægja þessum hvim-
leiða skaðvaldi frá lóðum og lend-
um, sem fólk hefur lagt æma
fyrirhöfn og kostnað í að gera sem
best úr garði?
Svar:
Sveitarfélög á höfuðborgar-
svæðinu, allt frá Hafnarfirði að
Kjalamesi, hafa á sl. summm
unnið að girðingarframkvæmdum
um höfuðborgarsvæðið. Tilgangur
girðingarinnar er að halda sauðfé
utan svæðisins. Samfelld girðing
er nú komin frá Straumsvík upp
í Mosfellssveit. Sveitarfélög á
höfuðborgarsvæðinu hafa nú til
meðferðar reglur, sem skylda
sauðfláreigendur að hafa fé sitt
utan þessarar girðingar, eða í
einstaka tilvikum á sérstökum
afgirtum svæðum innan hennar,
t.d. í fjárborg á Hólmsheiði.
Ætlunin er að framfylgja þessum
reglum af fullri hörku. Agangur
sauðfjár á liðnum ámm hefur
einkum verið í Seljahverfi og
kemur féð frá Vatnsenda í Kópa-
vogi. Borgaryfirvöld hafa í sam-
ráði við lögreglu unnið að tillögum
er miða að því að bægja þessu
sauðfé frá görðum borgarbúa og
er þess vænst, að allt eftirlit verði
hert til muna á næstunni.
Snjóþyngsli
í Hraunbæ
Jón Hassing spyr:
A. Hvers vegna gætir tregðu til
að sinna, svo vel sé, snjó-
mokstri í Hraunbæ, götu með
hátt á 3. þúsund íbúa, sem
lokast vegna snjóþyngsla mun
fyrr en aðrar götur í borginni,
fýrst og fremst vegna skaf-
rennings frá óbyggðum og
ófrágengnum svæðum?
B. Hvað hyggjast borgaiyfírvöld
gera til að fyrirbyggja aur-
rennsli úr bæjarlandi inn á
bílastæði við Hraunbæ og
Rofabæ?
C. Hve lengi ætla bæjaryfirvöld
að líða lóðarhafa undir raðhús
á austurhomi Brúaráss og
Rofabæjar að hafa plötur
væntanlegra húsa ófrágengn-
ar? Óbreytt ástand felur í sér
slysahættu, moldfok og önnur
óþægindi. Þessar plötur hafa
staðið óhreyfðar í 8 ár. Svæðið
var girt af í fyrra, en girðingin
er ekki bamheld. íbúar hverf-
isins hafa margkvartað, en án
árangurs.
D. Fyrirspytjandi spyr, hvort er-
indi um lóðir undir 30 bílskúra,
sem sætt hafi synjun bæði
hjá fyrrverandi og núverandi
meirihluta borgarstjórnar og
fyrst var fram sett árið 1983
og sé mikið áhugamál viðkom-
andi, sé tímabært nú. Ýjað
hafi verið að því, að það mál
mætti skoða betur síðar.
Að lokum óskar fyrirspyijandi
borgarstjóra velfamaðar í orra-
hríðinni framundan.
Svör:
Hér er ekki um strætisvagna-
leið að ræða, en slíkar leiðir hafa
forgang í snjómokstri. í ráði er
að setja upp snjógirðingu til að
draga úr snjófoki inn á götuna.
Það ætti að draga úr þessu vanda-
máli nokkuð. Má geta þess, að
gatan hefur verið hreinsuð strax
og lokið er við að hreinsa helstu
strætisvagnaleiðir.
Varðandi lið 2:
I ráði er að minnka vatnsrennsl-
ið með því að malbika upphækkun
í innkeyrsluna.
Varðandi lið 3:
Við það er kannast, að hér sé
um leiðinlegt og langvarandi
vandamál að ræða. Byggingar-
fulltrúi hefur margoft haft af-
skipti af þessu máli og vegna
þeirra afskipta var svæðið loks
girt. Enn verður ýtt við þessum
aðila, sem hefur með þessar eign-
arlóðir að gera, að hann láti ekki
dragast frekar en orðið er að
koma þeim í viðunandi horf.
Varðandi lið 4:
Rétt er að geta þess, að ákveðið
hefur verið að setja háspennulín-
una meðfram Hraunbæ í sumar
og hefur verið gerður samningur
við Landsvirkjun um helmings-
greiðslu kostnaðar á móti borginni
vegna þeirrar aðgerðar. Sú aðgerð
getur skapað möguleika á að leysa
óskir íbúðareigenda við Hraunbæ
um bílskúra á þessum slóðum,
sem vel gætu farið í umhverfinu.
V atnsendavegur
klæddur
Jónas Marteinsson spyr:
„Þrátt fyrir þá meginreglu, að
götur séu malbikaðar ekki síðar
en við úthlutun lóða, hefur Vatns-
endavegur gleymst með þeim af-
leiðingum, að ekki er hægt að
opna glugga hér sumarlangt
vegna rykmökks. Hvenær verður
Vat.nsendavegur klæddur slit-
lagi?“
I öðru lagi er spurt:
„Er ekki hægt að koma í veg
fyrir, að skiðabrekkan í Breiðholti
sé nýtt af mótorhjólafólki og
jeppaeigendum sem torfæruleið
allt sumarið?"
Svar:
Gert er ráð fyrir að setja klæðn-
ingu á Vatnsendaveginn nú í
sumar.
Vegna spurningar í öðrum lið,
þá verður því beint til lögreglunn-
ar í Reykjavík, að haldið verði
uppi löggæslu til þess að koma í
veg fyrir það framferði, sem þarna
er lýst.
Bjarnaborg
og Vitatorg
Jón Sigfús Sigurjónsson,
Hringbraut 46, spyr:
„Hvað liður hugmyndum um
að gera upp Bjamaborg og færa
Vitatorg í nýjan búning? Hafa
þessar hugmyndir hlotið sam-
þykki borgaryfirvalda og ef svo
er, hver er þá tímasetning verks
og verkloka?"
Svar:
Fyrirtækið Dögun sf. sendi til-
boð í Bjarnaborg í framhaldi af
útboði, sem gert var um sölu á
byggingunni. Því tilboði var tekið,
en það var með fyrirvörum. Fyrir-
tækið hyggst gera upp húsið í
núverandi mynd, en jafnframt
gerði fyrirtækið tillögu um breyt-
ingu á Vitatorgi, og hefur sú
breytingartillaga verið í athugun
og hafa skipulagshöfundar Skúla-
götuhverfísins lagt til lítið eitt
breytta legu gatna í kringum
Vitatorg, en stefnt er að bíla-
geymslu undir Vitatorgi. Þá hefur
fyrirtækið Dögun sf. látið vinna
sínar eigin hugmyndir áfram í
samræmi við þessar skipulagstil-
lögur, en ekki hefur enn verið
gengið frá kaupsamningi við fyr-
irtækið né hafa því verið veittar
viðbótarlóðir, sem það fer fram á
í tilboði sínu.
Undirbúningsvinna er hins
vegar á lokastigi og því ekki
annað vitað en að viðgerðir á
Bjamaborg geti hafist tiltölulega
fljótlega.
-f
Gabríella í Portúgal
eftir Svein Einarsson
Besta frumsamda barnabókm ’85:
Jóakim eftir Törmod Haugen í þýðingu
Njarðar P. Njarðvík besta þýdda bókin
Morgunbla4ið/ÓI.K.M.
Sveinn Einarsson, Njörður P. Njarðvfk og Baltazar taka við viður-
kenningum Fræðsluráðs og Reykjavíkurborgar varðandi barnabækur
úr höndum Davíðs Oddssonar borgarstjóra.
„ÉG ER fullur af fögnuði;“
sagði Sveinn Einarsson er
hann tók við viðurkenningu
Fræðsluráðs og Reykjavíkur-
borgar fyrir bestu frumsömdu
barnabókina 1985 úr höndum
Davíðs Oddssonar borgar-
stjóra í Höfða í gær. Bók
Sveins heitir „Gabríelia I Port-
úgal“ og hlaut myndlistarmað-
urinn Baltazar jafnframt við-
urkenningu fyrir myndskreyt-
ingu bókarinnar. Verðlaun
fyrir bestu þýddu barnabókina
hlaut Njörður P. Njarðvík,
fyrir bókina „Jóakim“ eftir
norska barnabókahöfundinn
Törmod Haugen.
Sigríður Ragna Sigurðardóttir
ritari skólasafnanefndar flutti
ávarp við þetta tækifæri og sagðist
vona að lesendur bamabóka ættu
eftir að sjá fleiri bamabækur eftir
Svein Einarsson, en þetta er fyrsta
bók hans fyrir þennan lesendahóp.
Auk Sigríðar eiga þau Bragi Jós-
epsson og Jenna Jensdóttir sæti f
nefndinni, en Jenna er formaður
hennar.
Sveinn Einarsson er kunnari
fyrir störf sín í leikhúsinu og að-
spurður sagðist hann ekki vita
hvers vegna hann hefði farið út á
þessa braut. „Bókin er í léttum dúr,
ferðasaga um íslenska fjölskyldu
sem fer til Portúgal. Gabríella er
aðalsöguhetjan, hún er forvitin og
með sjálfstæðar skoðanir á lífinu
og tilverunni." Sveinn sagðist vona
að bókin væri lesin af allri fjöl-
skyldunni, „þetta er bamabók sem
janframt er fyrir þá sem varðveita
bamið í sjálfum sér. Þetta er bók
uin hversdagslega hluti sem ættu
að koma fólki kunnuglega fyrir
sjónir."
Törmod Haugen er kunnur
norskur bamabókahöfundur og
hefur hann m.a. hlotið norsk og
þýsk bamabókaverðlaun. Áður
hefur komið út á íslensku bókin
„Náttfuglamir" í þýðingu Önnu
Valdimarsdóttur, og er bókin Jóa-
kim sjálfstætt framhald hennar.
„Bókin fjallar um 8 ára dreng, en
faðir hans er illa taugaveiklaður
kennari og getur því ekki sinnt
starfi sínu. Drengurinn þarf að
þola háð og spott félaganna, faðir-
inn verður að leggjast inn á stofn-
un, og fjallar bókin um hvemig
Jóakim verður að horfast í augu
við breyttar aðstæður og aðlagast
þeirn." Njörður sagði að mestur
vandinn við þýðinguna hefði verið
að koma sérkennilegum stíl höf-
undar til skila, en hann skrifar
stuttar og knappar setningar.