Morgunblaðið - 18.01.1989, Blaðsíða 26
I
26
MORGUNBLAÐIÐ MIÐVIKUDAGUR 18. JANÚAR 1989
Húsavík:
Kynningar-
fundur um
hugmynda-
samkeppni
Húsavik.
Kynningarfundur um hug-
myndir í samkeppni um svokölluð
átakaverkefiii fyrir Húsavík var
haldinn laugardaginn 14. janúar
og voru þar afhent verðlaun.
Iðnráðgjafi_ Þingeyjarsýslu og
Húsavíkur, Ásgeir Leifsson, setti
fundinn og stjómaði honum. Hann
sagði að þessi hugmyndasamkeppni
væri aðferð til að vekja áhuga og
að fá fram nýjar hugmyndir að fjöl-
breyttara atvinnulífi á Húsavík.
Álls bárust 23 hugmyndir, auk 34
ritgerða frá unglingum í skólunum
á Húsavík. Meðal hugmynda, sem
fram komu má nefna, framleiðslu á
bamamat, sem nú er að mestu inn-
fluttur, virkjun 10 þúsund ára gam-
als vatns, sem hér má fá úr borholu,
sem ekki hefur verið virkjuð, og leirb-
öð úr leir frá Þeystareykjum og yrðu
böð úr þessum náttúraefnum notuð
til heilsuræktar, sem hugsa mætti
sér að reka í sambandi við Hótel
Húsavík.
Koma mætti upp æðarvarpi á
Bakka, framleiðslu garðhúsa og
minjagripa, framleiðsla á frosnum
fískréttum í stað niðursoðinna. Að
lokum nefndi ég svo hugmynd Sig-
urðar Gunnarssonar, sem fékk fyrstu
verðlaun, er hann nefndi: „Upp-
græðsla og landnýtingarátak á
Húsavík."
Höfundar tillagna gerðu grein fyr-
ir hugmyndum sínum og urðu um
sumar þeirra nokkrar umræður.
Hugmyndabankanum hefur ekki
verið lokað og gefst mönnum tæki-
færi til að varpa fram hugmyndum
við iðnráðgjafann á Húsavík.
— Fréttaritari.
Morgunblaðið/Rúnar Þór
Fjölmenni á sýningu vélsleðamanna
LANDSSAMBAND Vélsleðaeigenda gekkst um helgina fyrir sýningu á vélsleðum, vélsleðaútbúnaði
og alls kyns útilífsvörum í íþróttahöllinni, og þótti sýningin takast mjög vel. Mikill Qöldi fólks lagði
leið sína á sýninguna, „mun fleiri en við þorðum að vona“, eins og einn aðstandenda sýningarinn-
ar sagði. Þessir ungu herramenn voru hinir kátustu á sýningunni eins og sjá má — þar sem þeir
prófa fjórhjól „í þykjustunni“.
Deiliskipu-
lag gert að
svæðinu
norðan við
Höepfiner
ÁKVEÐIÐ hefúr verið að gera
deiliskipulag af svæðinu norðan
við Höepfiier í innbænum á Ak-
ureyri, mUli Drottningarbrautar
og Hafiiarstrætis. Umrætt svæði
nær frá Höepfiiers-húsi í norður
út á móts við Hafnarstræti 33. Á
svæðinu er gert ráð fyrir versl-
unar- og þjónustuhúsnæði og
húsnæði fyrir léttan iðnað.
„Það er væntanlega þörf fyrir
þessar lóðir, og því talið rétt að
gera deiliskipulag af svæðinu og
hafa það tilbúið sem fyrst,“ sagði
Ámi Ólafsson, skipulagsstjóri Ak-
ureyrarbæjar, í samtali við Morgun-
blaðið.
í deiliskipulagi felst allt annað
en sjálf hústeikningin, að sögn
Áma: byggingarreitir eru afmark-
aðir, lega gatna, lóðastærðir og
stærð og gerð húsa.
150 starfsmenn Slippstöðvarinnar hf. skora á iðnaðarráðherra:
Allar breytingar á íslenskum
skipum fari fram inna.nla.nds
- þó það geti kostað ríkissjóð „töluvert fé í formi niðurgreiðslna til útgerðarinnar“
Morgunblaðið/Silli
Sigurður Gunnarseon t.v. tek-
ur við verðlaunum af Ásgeiri
Leifssyni.
150 starfsmenn Slippstöðvarinn-
ar hf. á Akureyri rituðu nafin sitt
á undirskriftalista sem sendur
hefúr verið Jóni Sigurðssyni, iðn-
aðarráðherra, þar sem þungum
áhyggjum er lýst vegna ástands-
ins í skipasmíðaiðnaðinum hér á
landi og skorað á hann og ríkis-
stjórnina að freista þess að snúa
þróuninni við „með því að tekin
verði sú ákvörðun, að a.m.k. öll
vinna við breytingar fari fram
hérlendis".
Á undirskriftalistanum segir
m.a.: „Þessi þróun hefur öll orðið í
eina átt hja útgerðarmönnum, bæði
í nýsmíði og þó ekki síður í breyting-
um skipa, eða þá, að skipin hafa
verið send til útlanda og skipa-
smíðaiðnaðurinn þar með nánast
allur fluttur út úr landinu. Þessari
þróun viljum við breyta, því að
vegna hennar er farið að skapast
alvarlegt atvinnuleysi, sem um mun-
ar í landinu öllu. Bent er á stefnu
Kanadastjórnar, „sem tók slíka
ákvörðun eftir að nokkrir togarar
þaðan höfðu verið sendir til Slipp-
stöðvarinnar hf. í breytingu og
beindi hún slíkum verkefnum inn í
land sitt.“ Ennfremur segir: „Við
gerum okkur ljóst, að slík ákvörðun
mun kosta ríkissjóð töluvert fé í
formi niðurgreiðslna til útgerðarinn-
ar, en teljum þetta svo brýnt hags-
munamál fýrir þjóðina í heild, að
það sé veijandi."
í bréfi sem ráðherra var sent með
undirskriftalistanum segir Óskar
Alfreðsson, starfsmaður fyrirtækis-
ins sem gekkst fyrir undirskrifta-
söfnuninni, m.a.: „Okkur þykir
kaldranalegt að á sama tíma og
innlendar skipasmíðastöðvar eru í
þann veginn að stöðvast vegna verk-
efnaskorts og mikið atvinnuleysi
blasir við í iðngreininni, skuli hvert
skipið á fætur öðra sigla utan til
allskonar breytinga og lagfæringar.
Þetta hefur því miður verið látið
afskiptalaust alltof lengi. . .“ Óskar
nefndi eitt dæmi, er tveir togarar
vora seldir frá Keflavík til Sauðár-
króks nýverið, en Sauðkrækingar
hafi ákveðið að láta breyta báðum
toguranum. „íslensku skipasmíða-
stöðvamar fengu að gera tilboð í
verkefnið, en þrátt fyrir góð og
hagstæð íslensk tilboð var samt
ákveðið að láta fara fram breyting-
ar á viðkomandi togurum á erlendri
grund.
Hér þarf breytingar við. Ef sam-
bærileg tilboð koma frá innlendum
aðilum þá hlýtur að liggja í augum
uppi hve miklu þjóðhagslega hag-
kvæmara það væri að annast þessi
verkefni hérlendis.
Fyrir utan gjaldeyrisspamað, svo
Bautinn o g Smiðjan
bjóða steinasteikur
STEINASTEIKUR svokallaðar
bjóðast nú í fyrsta skipti á Akur-
eyri. Það eru veitingastaðirnir
Smiðjan og Bautinn sem riða á
vaðið. Að sögn Hallgríms Ara-
sonar, matreiðslumanns og eins
eigenda veitingastaðanna, verða
steinasteikurnar boðnar á kynn-
ingarverði fyrst um sinn, „meðan
við erum að kynna Akureyring-
um hvað hér er á ferðinni", sagði
Hallgrímur.
Hallgrímur kynnti blaðamönnum
og nokkrum „sælkerum" í bænum
þessa matreiðsluaðferð á dögunum
óg sagði við það tækifæri að kokk-
urinn gæti að minnsta kosti verið
viss um einn hlut: „Við fáum steik-
umar ekki upp í eldhús aftur fyrir
það að þær séu of lítið eða of mik-
ið steiktar!" Kjötið er borið fram á
steini, sem hitaður er í 290 gráður
og síðan sér gesturinn sjálfur um
steikinguna á steininum, og krydd-
ar einnig kjötið að vild. Hallgrímur
sagði eitt veitingahús í Reykjavík,
Café Óperu, hafa boðið upp á
steinasteik undanfarið ár og hefði
það gefist mjög vel, verið vinsælt.
Boðið verður upp á þennan rétt
bæði í Smiðjunni og á Bautanum,
eftir kl. 18.00 alla daga.
Morgunblaðið/Skapti Hallgrlmsson
„Sælkerarnir" sem Smiðjan bauð til að smakka steinasteik. Gísli
Jónsson, forstjóri Ferðaskrifstofu Akureyrar, og Margrét Kristins-
dóttir, kennslustjóri hússtjórnarsviðs i Verkmenntaskólanum, eru
að krydda sínar steikur.
ekki sé minnst á aukin opinber gjöld
í ríkiskassann, þá má benda á að
íslensku skipasmíðastöðvamar eru
á engan hátt síðri þeim erlendu
hvað vönduð vinnubrögð varðar. Og
mætti einnig benda á mýmörg dæmi
þess að skip nýkomin úr breytingum
og lagfæringum erlendis hafa þurft
að leita til innlendra skipasmíða-
stöðva til að láta fara fram lagfær-
ingar á lagfæringunni."
Bréfritari segir starfsmenn Slipp-
stöðvarinnar telja „óveijandi annað
en að liðkað verði til í kerfinu þann-
ig að tryggt verði að næg verkefni
verði fyrir skipasmíðastöðvar í
landinu“. Því er skorað á ráðherra
og ríkisstjómina í heild að „taka á
þessu hagsmunamáli með festu og
öryggi, og með það að leiðarljósi
að færa nú þegar skipasmíðaiðnað-
inn meira inn í landið þó ekki væri
nema þann þáttinn sem snýr að við-
gerðum og breytingum". Síðan seg-
ir að Eflum íslenskan iðnað sé ekki
bara kjörorð fyrir launþegann og
atvinnurekendur landsins, heldur og
ekki síst fyrir þá sem stjórna
landinu.
Þess má geta að bréf það sem
ráðherra var sent með undirskrifta-
listunum var einnig sent öllum þing-
mönnum Norðurlandskjördæmis
eystra.
Tvær bifreið-
ir lentu út af
TVEIMUR bifreiðum var ekið
út af vegi í nágrenni Akureyrar
aðfaranótt laugardagsins, ann-
arri í Víkurskarði en hinni á
Öxnadalsheiði. Bifreiðin á Öxna-
dalsheiði er mikið skemmd, en
hin lítið sem ekkert. Enginn
meiddist í þessum óhöppum.