Morgunblaðið - 24.04.1993, Blaðsíða 26
26
MORGUNBLAÐIÐ LAUGARDAGUR 24. APRÍL 1993
Hafið mótar landið
HERMANN Hansson, stjórnarformaður Islenskra sjávarafurða,
Benedikt Sveinsson, framkvæmdastjóri fyrirtækisins og frú Vig-
dís Finnbogadóttir, forseti íslands, við afhendingu Útflutnings-
verðlaunanna. Um verðlaunagripinn, sem samanstendur af blá-
grýti, grágrýti, gleri og ljósbroti segir listakonan Rúri m.a.: „Haf-
ið mótar landið, en lagar sig jafnframt að formum þess. Maður-
inn mótast af hafi og landi. Úr umhverfi sínu mótar hann.“
Utflutningsverð-
laun veitt Islensk-
um sjávarafurðum
ÍSLENSKAR sjávarafurðir hf. hlaut Útflutningsverðlaun
forseta íslands í ár, en verðlaunin voru afhent við hátíð-
lega athöfn að Bessastöðum á sumardaginn fyrsta, 22.
apríl. Þetta er í fimmta sinn, sem þessi viðurkenning er
veitt, en forsetaverðlaunin eru veitt í samráði við Útflutn-
ingsráð íslands. í fyrra hlaut Össur hf. þessi verðlaun,
en einnig hafa Flugleiðir hf., Marel hf. og Sölumiðstöð
hraðfrystihúsanna fengið slíka viðurkenningu.
Fyrir afhendinguna sagði Guð-
mundur Magnússon, formaður
dómnefndar, í ræðu sinni m.a. að
íslenskar sjávarafurðir hf. hefðu
stofnað til svonefnds þróunarseturs
að Kirkjusandi í Reykjavík. Þróun-
arsetrið væri miðstöð vöruþróunar
og rannsókna og hefði starfsemi
þess beinst að þróun nýrra afurða
fyrir smásölumarkaði í Evrópu.
Þegar viðkomandi afurð hefði
sannað tilverurétt sinn á mörkuð-
um væri framleiðslan flutt út á
landsbyggðina og aukin í einhveij-
um af frystihúsum fyrirtækisins
þar. Arðsemi sérvinnslunnar á veg-
um íslenskra sjávarafurða væri
talin vera 27% meiri en hefðbund-
innar vinnslu miðað við sama hrá-
efnismagn. Fyrirtækið teldi, að sér-
vinnslan hefði á árinu 1992 veitt
32 mönnum atvinnu beint, en öðr-
um óbeint við framleiðslu aðfanga
eða við sölu afurðanna. Sérvinnsian
dreifðist um landsbyggðina og
væru nú fjórir framleiðendur á veg-
um fyrirtækisins, sem hefðu sér-
hæft sig í framleiðslu í smásölu-
pakkningar, en um 15 framleiðend-
ur ynnu sérvinnslubita.
Verðlaunagripurinn í ár var
hannaður af Rúrí, en merki útflutn-
ingsverðlaunanna sem fyrr hannað
af Hiimari Sigurðssyni. í úthlutun-
arnefnd áttu sæti Guðmundur
Magnússon, prófessor og formaður
nefndarinnar, Ólafur B. Thors, full-
trúi landsnefndar Alþjóða verslun-
arráðsins, Þórunn Sveinbjörnsdótt-
ir frá ASÍ, Sveinn Björnsson frá
embætti forseta íslands og Ingjald-
ur Hannibalsson, framkvæmda-
stjóri Útflutningsráðs.
Útgáfa bókar um Jón Þorláksson
Um 3,5 millj. í styrk
vegna útgáfunnar
HITAVEITA Reykjavíkur hefur styrkt Hannes H. Gissurar-
son, höfund bókarinnar um Jón Þorláksson, um 2,4 milljón-
ir. Þá keyptu borgarsjóður og fyrirtæki borgarinnar 368
eintök af bókinni af Almenna bókafélaginu fyrir 1.104.000
krónur.
Þetta kemur fram_ í svari við
fyrirspurn Kristínar Á. Ólafsdótt-
ur, Nýjum vettvangi, í borgarráði
um hversu miklar greiðslur hafi
farið úr borgarsjóði og frá fyrir-
tækjum borgarinnar vegna bókar-
innar.
Tveggja ára lektorslaun
Þá segir að stjóm veitustofnana
hafi árið 1990 samþykkt sam-
hljóða tillögu formanns veitu-
stjórnar, um að Hitaveitan veitti
styrk til útgáfunnar í tilefni 60
ára afmælis Hitaveitu Reykjavík-
ur. Styrkurinn næmi tveggja ára
lektorslaunum. Hannes H. Gissur-
arson fékk greiddar 1,2 millj. á
árinu 1991 og sömu upphæð árið
1992 eða samtals 2,4 millj.
368 eintök keypt
Borgarsjóður keypti einnig 368
eintök af Almenna bókafélaginu
af bókinni. Fóru 13 eintök til Borg-
arbókasafnsins, 150 eintök til
Hitaveitu Reykjavíkur, 100 eintök
til Rafmagnsveitu Reykjavíkur, 30
eintök á skólabókasöfn, 50 eintök
til skrifstofu borgarstjóra og 25
eintök til Vatnsveitu Reykjavíkur.
Kostnaður við byggingu
Borgarkringlunnar var
um 2 milljarðar króna
Fasteignaleigan hf. (dótturfyrirtæki B.M. Vallár)
Isafoldarprentsmiðja
60,0 millj. kr.
18,5 Gunnar Guðmundsson, hdl.
18,2 Jónas Sveinsson, hagfræðingur
12,5 Halldór Guðmundsson, arkitekt
10,4 Verkfræðistofan VSÓ
9,0 Blikk og stál hf.
8,0 BYKOhf.
7,8 Byrgi hf., byggingaverktaki
Raf-x, rafverktaki
■ 4,5
I 3,6 Lífeyrissjóður lækna
I 3,4 Guðmundur Á. Pétursson
| 3,3 Teiknistofan Ármúla 6
13,2 Demantahúsið
13,0 Magnús og Steingrímur sf., byggingaverktaki
| 3,0 Álstoð hf., verktaki
| 3,0 Arnardalur sf. Upphæðir í millj. kr.
BORGAR-
KRINGLAN
17 stærstu eigendur
Kringlunnar 4
B Y GGIN G ARKOSTN AÐUR
Borgarkringlunnar nemur nú
um tveimur milljörðum
króna, samkvæmt upplýsing-
um forráðamanna Borgar-
kringlunnar hf. Stærstur
hluti hússins er í eigu fyrir-
tækisins en skrifstofuhús-
næði á efri hæðum hefur að
mestu verið selt ýmsum aðil-
um. Nema bókfærðar eignir
fyrirtækisins um 1,5 milljarði
króna en áhvílandi veðskuldir
eru um 900 milljónir. Stærstu
lánardrottnar fyrirtækisins
hafa eins og komið hefur
fram í Morgunblaðinu ákveð-
ið að hefja lögfræðilegar inn-
heimtuaðgerðir og stefna að
því að leysa eignina til sín
fyrir áhvílandi veð.
Á meðfylgjandi töflu má sjá eign-
araðild 17 stærstu hluthafa Borgar-
kringlunnar en þeir eru alls um eða
yfír 60 talsins. Heildarhlutafé nem-
ur um 400 milljónum króna. Lang-
stærsti hluthafínn er dótturfyrir-
tæki steypustöðvarinnar B.M.Vall-
ár, Fasteignaleigan hf., með um
125 milljóna hlutafé. Aðrir stórir
hluthafar eru aðilar sem stóðu upp-
haflega að byggingu hússins eins
og ísafoldarprentsmiðja.
Greitt í hlutabréfum
Þá eru allmargir aðilar meðal
hluthafa sem á sínum tíma voru
verktakar í húsinu eða seldu þangað
þjónustu eða byggingarvörur. Þeir
hafa tekið hlutabréf í fyrirtækinu
upp í greiðslur fyrir vinnu eða bygg-
ingarefni.
Umræðu um sj ávarút vegsmál væntanlega sjónvarpað
Skilyrði að umræðunni
ljúki fyrir klukkan 18
FYRRI umræðu um þingsályktunartillögu Alþýðubandalags-
ins um sjávarútvegsmál verður væntanlega útvarpað næst-
komandi miðvikudag. Ríkissjónvarpið hefur samþykkt að
sjónvarpa með því skilyrði að umræðunni verði lokið áður
en regluleg dagskrá hefst kl. 18.00.
Vantraust fellt
í Stúdentaráði
HART var deilt um málefni Fé-
lagsstofnunar stúdenta á sex
klukkustunda löngum fundi Stúd-
entaráðs Háskóla ísiands á
fimmtudagskvöld.
Fulltrúar Vöku, félags lýðræðis-
sinnaðra stúdenta, lögðu fram van-
trauststillögu á fulltrúa Stúdentaráðs
í stjórn FS, en hún var felld með 16
atkvæðum Röskvu gegn 14 atkvæð-
um Vökumanna.
Fulltrúar SHÍ í stjóm FS eru þrír
talsins og kjörnir úr röðum Röskvu,
sem fer með meirihluta í Stúdenta-
ráði. Ástæða vantrauststillögu Vöku-
manna var uppsögn framkvæmda-
stjóra Félagsstofnunar.
Þingflokkur Alþýðbandalags
hefur óskað eftir að útvarpað og
sjónvarpað verði fyrri umræðu um
þingsályktunartillögu flokksins
sjávarúfvegsmál. Þingsályktunar-
tillagan sem var kynnt 31. mars
síðastliðinn gerir ráð fyrir að
sjávarútvegsnefnd Alþingis sjái um
endurskoðun laga um stjórn físk-
veiða.
Samkvæmt lögum um þingsköp-
Alþingis hefur hver þingflokkur
rétt á að fara fram það við þingfor-
seta að útvarpað verði umræðu um
þingmál og er Ríkisútvarpinu skylt
að verða við tilmælum Alþingis þar
um. Hins vegar er lagaskyldan
bundin við Ríkisútvarpið, hljóðvarp.
Ekki kvöldfund
í útvarpsumræðum hefur hver
þingflokkur hálftíma til umráða
þannig að umræða tekur 2 og 1/2
tíma samtals. Til tals hefur komið
að hafa þessa útvarpsumræðu milli
kl. 20.30 til 23.00 næstkomandi
miðvikudagskvöld.
En Alþýðubandalagið hefur
einnig óskað eftir að sjónvarpað
verði frá þessari umræðu. Ríkis-
sjónvarpið mun telja nokkrum erf-
iðleikum bundið að sjónvarpa á
þessum tíma.
Væntanleg útvarps- og e.t.v.
sjónvarpsumræða var rædd á fundi
útvarpsráðs í gær, föstudag. Út-
varpsráð samþykkti „að útvarpa
fyrri umræðunni um tillögu til
þingsályktunar um sjávarútvegs-
stefnu á Rás 1 og í Sjónvarpinu
miðvikudaginn 28. apríl næstkom-
andi með því skilyrði að umræðan
fari fram fyrr á deginum en ráð-
gert er. Verði umræðunni ekki lok-
ið áður en dagskrá hefst kl. 18.00,
mun útsending hætt.“
Að sögn Friðriks Ólafssonar
skrifstofustjóra Alþingis verður
svar útvarpsráðs rædd á fundi
þingflokksformanna og forseta Al-
þingis næstkomandi mánudag.
Breytingar á rekstri Laug-arásbíós
Nýir aðilar koma
inn í reksturinn
BREYTINGAR eru fyrirhugaðar á rekstri Laugarásbíós nú í vor og
munu nýir aðilar koma inn í reksturinn til samstarfs við Grétar Hjart-
arson framkvæmdastjóra. Grétar vill ekki segja hveijir þetta eru að
svo stöddu þar sem ekki hefur verið gengið endanlega frá samningum.
Öllu starfsfólki Laugarásbíós hef-
ur verið sagt upp og taka uppsagnir
þess gildi þann 1. júní n.k. Grétar
reiknar með að flest starfsfólkið verði
endurráðið en nauðsynlegt hafi verið
að segja því upp vegna samninganna
við hina nýju rekstraraðila.
Að sögn Grétars eru fleiri breyt-
ingar áformaðar á kvikmyndahúsinu
svo sem endurnýjun á hljóðkerfi þess
og útlitsbreytingar á anddyri húss-
ins. Húsið verður lokað í viku til
hálfan mánuð í sumar en Grétar seg-
ir að stefnt verði að því að hafa þá
röskun í lágmarki. Einnig er verið
að leita nýrra leiða í öflun kvik-
mynda fyrir Laugarásbíó.
Fermingar
Möðruvallaprestakall I Eyja-
fjarðarprófastsdæmi
Fermingarmessa verður í
Glæsibæjarkirkju á morgun,
sunnudaginn 25. apríl kl. 11.
Fermdir verða Frosti pylfason,
Ásláksstöðum, og ívar Öm
Björnsson, Hlíðarhóli, Krækl-
ingahlíð.
Messa með fermingu verður
í Bægisárkirkju sama dag kl.
14. Fermd verða Gísli Már
Ragnarsson, Engimýri,
Öxnadal, Hanna Björg Guð-
mundsdóttir, Garðshorni,
Þelamörk og Þórður Már
Björnsson, Flögu, Hörgárdal.