Morgunblaðið - 27.01.1994, Síða 16
16
MORGUNBLAÐIÐ FIMMTUDAGUR 27. JANÚAR 1994
Morgunblaðið/Kristinn
Samkomulagið undirritað
ÞORSTEINN Ingólfsson, ráðuneytisstjóri í utanríkisráðuneytinu, og
Sylvi Kogsæter, yfirmaður starfsmannahalds norska varnarmálaráðu-
neytisins, undirrituðu samkomulagið fyrir hönd ríkjanna tveggja.
A
Islendingar taka þátt
í friðargæslu í
Bosníu-Hersegóvínu
SAMKOMULAG um þátttöku íslendinga í starfsemi norrænu friðar-
gæsluherdeildarinnar í Tuzla í Bosníu-Hersegóvínu, var undirritað í
Reykjavík í gær. Að sögn Þorsteins Ingólfssonar, ráðuneytisstjóra í
utanrikisráðuneytinu, er hér um sögulegan samning að ræða þar sem
þetta er í fyrsta sinn sem íslendingar taka beinan þátt í friðargæslu.
Kostnaður Islendinga vegna samstarfsins er áætlaður um 7,5 milljónir.
Samkvæmt ákvörðun rikisstjórn-
arinnar frá því í september sl. er
miðað við að tveir íslenskir læknar
og fjórir hjúkrunarfræðingar starfi
í sex mánuði í norskri heilsugæslu-
sveit, sem er hluti herdeildarinnar.
í henni eru einnig sænskar og dansk-
ar friðargæslusveitir og starfar heil-
sugæslusveitin, sem í eru um 250
manns, undir vernd þeirra. íslend-
ingamir klæðast norskum einkennis-
búningum en bera íslenskan fána
engu að síður. Að sögn Þorsteins
er slíkt fyrirkomulag mjög óvenju-
legt og segir hann íslendinga þakkl-
áta Norðmönnum fyrir að sam-
þykkja það.
I samkomulaginu er gert ráð fyr-
ir að þjálfun íslensku friðargæslulið-
anna hefjist í Noregi í mars og að
þeir hefji störf í Bosníu-Hersegóvínu
í apríl eða maí nk. Þjálfunin fer fram
hjá norska hernum og sagði Þor-
steinn störfin jaðra við herskyldu
vegna þess að starfað yrði undir
heraga. íslendingarnir myndu m.a.
læra að fara með létt vopn til sjálf-
svarnar en yrðu þó ekki undir vopn-
um við störf sín.
Fyrir hönd íslendinga var unnið
að samkomulaginu í utanrikis- og
heilbrigðisráðuneytum. Guðjón
Magnússon, skrifstofustjóri í heil-
brigðisráðuneytinu, segir að mest
þörf sé fyrir skurð- og svæfingar-
lækna og hjúkrunarfræðinga með
reynslu af skurðstofuhjúkrun, lyf-
lækningum og gjörgæsluhjúkrun og
að fólk verði valið til starfans í sam-
vinnu við Læknafélag íslands og
Félag íslenskra hjúkrunarfræðinga.
Guðjón segir til taks margt hæft
fólk með þá reynslu sem sóst sé
eftir og jafnvel með reynslu af störf-
um á ófriðarsvæðum.
Starfsmenn ráðuneytanna vildu
ekki staðfesta að þegar væri frekara
sambærilegt starf Islendinga í bí-
gerð en Þorsteinn sagðist þó vona
að hér væri kominn vísir að áfram-
haldandi samstarfí.
FAGOR
s&r
FYRÍR HEIMILI&
VINSAMLEGAST ATHUGIO NÝTT HEIMILISFANG
J fl RÖNNING BORGARTÚNI 24 SÍMI 68 58 68
hmmmmmmmmmatm
U C ■ 2 4 3 O0&&
72.900-
AFBORGUNARVERÐ KR. 76.700-
290 Itr.kælir -110 Itr.frystir
Mál HxBxD: 185x60x57
Tvísk. m/frysti aö neöan
Tvöfalt kælikerfi
U I S ■ 2 3 3 5
54.900-
AFBORGUNARVERO KR. 57.800
250 Itr.kælir - 90 Itr.frystir
Mál HxBxD: 175x60x57
Tvísk. m/frysti aö neöan
Sjá mynd
U S ■ 2 2 9 0
i -i'iiiA'Ji í.iitm iii m jffiaMBBBl
212 Itr.kælir - 78 Itr.frystir
Mál HxBxD: 147x60x57
Tvísk. m/frysti aö ofan
Einnig til 55cm breiöur
U S ■ 1 3 0 0
39.900-
AFBORGUNARVERÐ KR. 42.000-
265 Itr.kælir- 25 Itr.fyrstih.
Mál HxBxD: 140x60x57 |
Emnig til 55cm breiöur
• • /
Ornólfí Amasyni hafnað sem höfundi leikþáttar fyrir Reykjavíkurborg
Rithöfuiidasamband-
ið krefst skýringa
RITHÖFUNDASAMBAND íslands hefur ritað Korgarsljóra, Mark-
úsi Erni Antonssyni, bréf þar sem farið er fram á skýringar á
því hvers vegna og með hvaða hætti það gerðist að borgaryfir-
völd tóku þá ákvörðun að hafna verki Örnólfs Árnasonar rithöf-
undar, sem hann var fenginn til að skrifa og flytja átti 1. febrúar
í Ráðhúsi Reykjavíkur við opnun sýningar Ljósmyndasafns
Reykjavíkur í tilefni af 90 ára afmæli heimastjórnar á íslandi.
Júlíus Hafstein, formaður lýðveldishátíðarnefndar Reykjavíkur,
fékk Indriða G. Þorsteinsson rithöfund til verksins sama dag og
Örnólfi var hafnað. Júlíus sagði í gær að hann hefði tekið þessa
ákvörðun. Það hafi verið sitt mat að réttara hefði verið að fá
Indriða til verksins fyrst hann hafi gefið kost á sér.
Júlíus Hafstein fékk Benedikt
Árnason leikstjóra til að hafa
umsjón með dagskrá til flutnings
við opnun fyrmefifdrar sýningar.
í yfirlýsingu sem Benedikt og
Örnólfur hafa sent frá sér sameig-
inlega segir að Benedikt hafí beð-
ið Ornólf að skrifa leikþátt að
höfðu samráði við Júlíus og hafí
Örnólfur tekið verkið að sér. Örn-
ólfur hafi lokið við að skrifa leik-
þáttinn og tilkynnt Benedikt 12.
janúar að hann yrði tilbúinn til
afhendingar kvöldið eftir, þ.e.a.s.
13. janúar. Fyrr þann sama dag,
13. janúar, hafi hins vegar verið
hringt til Benedikts og honum til-
kynnt að ekki gæti orðið af því
að Örnólfur ætti nokkurn þátt í
þeirri dagskrá sem hér um ræðir.
Hafi sú ein skýring verið gefin á
þessu að um væri að ræða ákvörð-
un Júlíusar Hafstein sem tæki á
henni fulla ábyrgð.
I yfirlýsingunni segir ennfrem-
ur að enginn hafi beðið um að fá
að sjá leikþáttinn sem þá hafí leg-
ið fullbúinn til afhendingar hjá
Ömólfi. Á fundi Benedikts með
Júlíusi og Kolbeini Pálssyni að
kvöldi 13. janúar hafi verið ákveð-
ið að Örnólfur skyldi fá fulla
greiðslu fyrir vinnu sína og hafi
Kolbeinn lofað að inna hana af
hendi 21. janúar.
Bannfæringar
Örnólfur Árnason ritaði stjóm
Rithöfundasambands íslands bréf
vegna málsins 21. janúar sl. Þar
segir m.a.: „Eins og allir vita er
reynt að stemma stigu við ritskoð-
un með ákvæðum í stjórnarskrá
íslands. En ef til vill vantar hér
á landi löggjöf sem tæki til „bann-
færingar“ („blacklisting" eða
„Berufsverbot") yfirvalda á til-
teknum höfundum sem persónum
í valdaaðstöðu í þjóðfélagi okkar
eru ekki þóknanlegir, t.d. vegna
skoðana sinna.“ í bréfinu fer Órn-
ólfur fram á að Rithöfundasam-
bandið taki málið til athugunar
og krefji borgaryfirvöld skýringa
„á því að mér skyldi allt í einu,
seint og um síðir, vera hafnað sem
höfundur án þess að fyrir því
geti legið faglegar forsendur úr
því að enginn hafði séð verk mitt“.
Stjórn Rithöfundasambandsins
tók málið fyrir á fundi í gær og
ályktaði m.a. sem hér segir.
„Stjórn Rithöfundasambands ís-
lands lítur þetta mál mjög alvar-
legum augum og áskilur sér allan
rétt til að rannsaka það til hlítar,
bæði með tilliti til siðferðis stjórn-
málamanna og tjáningarfrelsis
listamanna og jafnframt með til-
liti til lögverndaðra mannréttinda
höfundar."
Ákvörðun um einn
frekar en annan
„Ég ber ábyrgð á því að fela
Indriða G. Þorsteinssyni verkið,
það er ekkert launungarmál, í
stað þess manns sem Benedikt
Árnason hafði fengið til þess,“
sagði Júlíus Hafstein í samtali við
Morgunblaðið í gær. „Þetta er
ákvörðun um einn rithöfund frek-
ar en annan. Þegar valið er á
milli tveggja listamanna er alltaf
erfitt að taka ákvörðun og sitt
sýnist hveijum í þeim efnum. Ég
mat það svo að réttara væri að
fá Indriða G. Þorsteinssyni þetta
verkefni úr því að hann á annað
borð gaf kost á því. Það hefði þó
ef til vill verið heppilegra að það
hefði gerst fyrr. Ég verð að viður-
kenna að mér var ekki ljóst að
Rithöfundasamband íslands gerði
svo upp á milli félagsmanna sinna
að það sæi ástæðu til að hafa
afskipti af þessu máli. Þá skil ég
ekki hvernig hægt er að tala um
„ritskoðun" í þessu sambandi þar
sem ég hafði ekkert ritverk séð
þegar mannaskiptin voru ákveðin.
Það gengur hreinlega ekki upp,“
sagði Júlíus.
Sárt að sjá verkið dæmt
ofan í skúffu
Ömólfur Ámason sagði í sam-
tali við Morgunblaðið í gær aug-
ljóst að verkinu væri ekki hafnað
heldur honum sem höfundi því
enginn hefði séð verkið. „Það er
sárt að þessi málalok urðu út af
þessari pöntun vegna þess að verk-
ið er samið af þessu ákveðna til-
efni og ólíklegt að það verði nokk-
um tíma sýnt á sviði. Mér þykir
súrt í broti að sjá það dæmt svona
ofan í skúffu af einhveijum ósýni-
legum öflum,“ sagði Ömólfur.
Ferðaklúbburinn Kátir dagar - kátt fólk
Fyrsti fundur í kvöld
FERÐASKRIFSTOFAN Samvinnuferðir-Landsýn hefur stofnað klúbb
eldri ferðafélaga undir heitinu Kátt fólk - kátir dagar.
Tilgangur klúbbsins er að fólk
geti haldið hópinn og hist við hin
ýmsu tækifæri. Einnig geta klúbbfé-
lagar fylgst með frá byijun því sem
Einstakur stíll - gœöi í gegn.
Hagstœöasta verð íEvrópu.
SPCQff
LEIGANl
ÚTIVISTARBÚÐIN
við Umferðaimiðstöðina,
sfmar 19800 og 13072.
verður á dagskrá hverju sinni. Fyrsti
fundur hins nýstofnaða klúbbs verð-
ur í kvöld, fimmtudaginn 27. janúar,
í Átthagasal Hótels Sögu kl. 20.
Á dagskrá kvöldsins verður bingó,
veitt verða vegleg verðlaun, kynnt
verður ferðadagskrá sumarsins í
máli og myndum og síðast en ekki
Ólafur sagði í samtali við Morg-
unblaðið að undirbúningur að út-
gáfu blaðsins hefði staðið í tvo
mánuði, og hefði það notið mikils
stuðnings verkalýðsfélaga og ann-
arra aðila. Formaður ritnefndar
blaðsins er Guðmundur Einarsson
frá Miðstöð fólks í atvinnuleit, en
auk hans í stjóminni eru m.a. full-
trúar frá Verkamannafélaginu
Dagsbrún, Framsókn og fleirum.
Ólafur sagði að í blaðinu yrði reynt
að varpa ljósi á atvinnuleysi frá
sem flestum hliðum bæði með við-
síst mun Reynir Jónasson leika á
harmoniku og stiginn verður dans.
„Það verður glatt á hjalla og mik-
ið um að vera. Látið ykkur ekki vanta
og verið öll hjartanlega velkomin,11
segir í frétt frá klúbbnum.
tölum við atvinnulausa, talsmenn
sveitarfélaga og verkalýðsfélaga,
og einnig væri ætlunin að gefa
atvinnulausu fólki færi á því að
auglýsa ókeypis í blaðinu eftir at-
vinnu.
„í framtíðinni verður jafnframt
vikið að ýmsum heilsufarslegum
fylgikvillum atvinnuleysis, og það
verður lögð rík áhersla á að bæði
fyrirtæki og stjórnvöld svari spurn-
ingum í blaðinu um það hvað á
að gera til að berjast gegn atvinnu-
leysi,“ sagði Ólafur.
Hafin útgáfa blaðs
gegn atvinnuleysi
GEGN atvinnuleysi heitir nýtt blað sem kemur í fyrsta sinn út
í dag og er Ólafur M. Jóhannesson ritsfjóri þess og ábyrgðarmað-
ur. Áætlað er að blaðið komi út sex sinnum á ári og verður
reynt að dreifa því sem víðast. Að sögn Ólafs er helsta mark-
mið blaðsins að berjast gegn þeim hugsunarhætti að atvinnu-
leysi verði viðurkennt sem staðreynd.
L'
»
I
L
I
X:
ft
i
ft
I
»
I
I
h