Morgunblaðið - 27.01.1994, Page 20
20
MORGUNBLAÐIÐ DAGLEGT LÍF FIMMTUDAGUR 27. JANÚAR 1994
Jólafötin voru gölluð eða
eyðilögð í hreinsun hjá yfir 50 manns
YFIR 50 manns hafa leitað til Neytendasamtakanna það sem af
er janúarmánuði veg-na fatnaðar sem annað hvort var keyptur
gallaður eða eyðilagður í efnalaugum. Sesselja Asgeirsdóttir hjá
Neytendasamtökunum segir að í flestum tilfellum sé um að ræða
kvenfatnað eða bamaföt. Minna sé um kvartanir vegna herrafatn-
aðar.
„Núorðið er algengt að notuð
séu vandmeðfarin efni í spariföt.
Ef starfsfólk í efnalaugum hefur
ekki þekkingu á eðli þeirra efna
sem notuð eru í fötin, er hætta á
að flíkur úr viðkvæmum efnum
eyðileggist. Í þeim tilfellum bera
efnalaugamar ábyrgð og ber að
bæta skaðann. Einnig er algengt
að föt eyðileggist við þvott heima,
en þá er skýringin oft sú að ekki
var farið rétt að við þvott.
Einnota kjólar ð 20 þúsund
Dæmi eru um að efni í sparikjólum
séu svo viðkvæm að þau þoli ekki
eðlilega notkun. Vitaskuld er sárt
að kaupa sér til dæmis sparikjól
á 15-20 þúsund krónur, sem reyn-
ist vera einnota. Sumt flauel er
til dæmis mjög viðkvæmt og ættu
allir sem kaupa flík úr flaueli að
spyijast fyrir um hvað efnið þolir.“
Að sögn Sesselju er stundum
vafamál hvort fatnaður er gallaður
frá verksmiðju. í þeim tilvikum
fari málið í hendur sérfræðinga
sem skera úr um það. „Ef verslun-
areigandi fellst á að vara sé gölluð
hefur hann þrjá möguleika sam-
kvæmt kaupalögum, að láta gera
við hana, láta viðskiptavin fá sams
konar vöru eða endurgreiða vör-
una.“
Sesselja segir að stundum
kvarti neytendur undan framkomu
starfsfólks verslana, þegar þeir
telja sig hafa keypt gallaða vöru
og leita til versunarinnar þess
vegna. „Mér finnst að versl-
unareigendur og starfsfólk
þeirra ættu að fara á nám-
skeið og læra að taka á
móti óánægðum við-
skiptavinum. Ein mesta
yfirsjón þeirra er að
bregðast illa við þegar
viðskiptavinur kemur
fram með kvörtun. Þó
verslunareigandi sé ekki
viss um að hann beri
ábyrgð á galla vörunnar,
skiptir máli að komið sé
fram við viðskiptavini sína af
fyllstu kurteisi." ■
BT
Oftast er kvartað undan spari-
lyólum kvenna og barnafatnaði.
Fyrirtæki greiða
hærra afnotagjald af síma
Einstaklingur greiðir á þriggja
mánaða fresti um 1.382 krónur
í fast afnotagjald af síma. Fyrir-
tæki borga um 2.763 krónur á
þriggja mánaða fresti. Fyrir-
tæki borga því helmingi hærri
afnotagjöld en einstaklingar.
„Þetta á sér í raun enga skyn-
samlega skýringu", segir Guð-
mundur Bjömsson aðstoðar póst-
og símamálastjóri. Fyrir þessu er
áratuga hefð. Þegar Póstur og sími
var með handvirka þjónustu þá
borguðu fyrirtæki hærra afnota-
gjald en einstaklingar.
Að sögn Guðmundar var fyrsta
sjálfvirka símstöðin tekin í notkun
árið 1932 en það eru ekki nema
10-15 ár síðan síðustu handvirku
notendumir úti á landi fengu sjálf-
virkt kerfi.
Þegar Guðmundur er inntur eftir
því hvort breytinga sé að vænta á
gjaldskrá segir hann það pólitíska
ákvörðun. „Við höfum ekki lagt til
breytingar á þessum lið í gjaldskrá
en vafalaust mun verða hugað að
því núna og sú leiðrétting mun þá
koma niður einhvers staðar annars
staðar í gjaldskránni. ■
Heimilis-
matur=ást
HEIMATILBÚINN matur
virðist veita fólki öryggis-
kennd ef marka má niður-
stöður nýlegrar bandarískr-
ar könnunar. 80% þeirra
Bandaríkjamanna sem svör-
uðu sögðust fá á tilfinning-
una að þeir nytu væntum-
þykju þegar þeir borðuðu
mat sem eldaður er heima.
Nærri allir sögðu að mestu
máli skipti að maturinn ilmaði
vel og væri bragðgóður. Eilítið
færri, eða 91% aðspurðra sögð-
ust einnig leggja áherslu á að
maturinn væri mátulega heitur
þegar hann væri lagður á borð
og 85% sögðust helst vilja njóta
máltíða með fjölskyldu sinni
eða vinum og helst vilja Banda-
ríkjamenn ekki borða af einnota
pappírsdiskum samkvæmt
þessari könnun. ■
Hvað kostar að
láta pakka inn blómabúnti?
Blómabúnt Innpökkun á
kr. blómabúnti
Blómaval v/Sigtún 495/699 150 kr. *
Sólblóm, Kringlunni 495 150 kr. *
Blómabúð Garðabæjar 880 0
Blómabúð Rvíkur, Hótel Sögu 790/890 0
Blómahafið v/Gullinbrú 490/890 0
Blómabúðin Vor, Austurveri 499/795 0
Blómakistan, Mosfellsbæ 890 0
Blómastofa Friðfinns, Suðurlandsbraut 490/890 0
Blómaverkstæði Binna v/Bergstaðastr./Skólavörðust. 590 0
Blóm og ávextir, Hafnarstræti 750 50 kr.
* Skorið neðan af blómum, sellófan og krulluborði.
Sumar blómabúðir
taka gjald fyrir að pakka
SUMIR blómasalar taka aukalega fyrir að pakka tilbúnum blóma-
búntum í sellófan, skera af stilkum og skreyta með krullu-
borða. Hjá Blómavali, þar sem innpökkun kostar 150 krónur,
kostar hver metri af öðruvísi borða en krulluborða allt upp í
nokkur hundruð krónur. Að sögn afgreiðslufólksins á ekki að
taka þóknun fyrir innpökkun séu aukablóm keypt með búntinu.
Það virðist hinsvegar algengara í blómabúðum að þessi innpökk-
unarþjónusta sé veitt ókeypis og þá jafnvel blómabúntin skreytt
með silkiborða án aukagjalds.
Við hringdum í nokkrar verslan-
ir og spurðum um verð á blóma-
búntum og hversu mikið væri tek-
ið fyrir að pakka inn.
Það skal lögð áhersla á að
blómabúnt eru mjög mismunandi
eftir blómabúðum og því ekki
hægt að bera saman verð hér til
hliðar á þeim forsendum að um
svipuð blómabúnt sé að ræða.
Hinsvegar er forvitnilegt að sjá
að það fer ekki alltaf saman
blómabúnt á lágu verði og í stað-
inn sérstök þóknun fyrir að fá bló-
munum pakkað inn. Það er allur
gangur á þessu. ■
grg
Fjörmjólkinni vel tekið
VIÐTÖKUR neytenda á Fjörmjólk hafa verið framar öllum von-
um, að sögn Baldurs Jónssonar, framkvæmdastjóra Mjólkursam-
sölunnar.
„Menn höfðu gert sér vonir um
að selja um 50 þúsund lítra á viku
af Fjörmjólk en salan virðist ætla
að verða stöðug í kringum' 75
þúsund lítra markið,“ segir Bald-
ur. Þegar litið er á skiptingu
heildarmjólkurneyslu á sölusvæði
MS fyrstu fjórar vikurnar eftir að
Fjörmjólk kom á markað, kemur
í ljós að hún hefur 13,5% markaðs-
hlutdeild að meðaltali. Mest áhrif
hefur Fjörmjólkin haft á neyslu
léttmjólkur og undanrennu.
Neysia nýmjólkur hefur einnig
dregist saman, en forsvarsmenn
MS segja að svo hefði verið þótt
Fjörmjólk hefði ekki komið til þar
sem léttari afurðir hafa sótt á hin
síðari ár. ■
Við höfum opið
í dag
alan hefst
a morgun
Allt að
70% afsláttur
Kringlunni, sími 689811. Sendum ípóstkröfu