Morgunblaðið - 15.01.1995, Blaðsíða 24

24 SUNNUDAGUR 15. JANÚAR 1995
MORGUNBLAÐIÐ
KVIKMYNDIR/Háskólabíó hefur tekið til sýninffa myndina The River Wild þar sem
Meryl Streep er í fyrsta skipti í aðalhlutverki spennumyndar.
Hvítfyss-
andi hætta
THE River Wild fjallar um Gail
(Meryl Streep) sem var einu sinni
leiðsögumaður á fljótabáti. Hún
snýr aftur á fornar slóðir með
eiginmanni sínum arkitektinum
John (David Strathaim) og ungum
syni þeirra (Joe Mazzello, strákur-
inn úr Jurassic Park). Tilgangur-
inn er að bjarga hjónabandinu
undan ágjöf og erfiðleikum með
ævintýraferð niður Hvítá í Mont-
ana. Fjölskylduferðin breytist hins
vegar í hættuför þegar illmenni
undir forystu Wade (Kevin Bacon)
blanda sér í málin og ætla að
komast undan lögreglunni og yfir
landamærin til Kanada með því
að fá Gail til að fylgja sér niður
fljótið, á slóðir sem enginn er til
frásagnar um að séu færar. Nú
er ekki aðeins hjónaband Gail í
hættu heldur jafnvel líf hennar og
fjölskyldunnar. Eftir því sem líður
á ferðina verður hættan meiri.
Bæði eykst spennan í samskiptum
fjölskyldunnar og illmennanna og
einnig verða flúðimar sem sigla
þarf eftir hrikalegri og fossamir
hærri.
The River Wild er nýstárleg
spennumynd og sker sig úr
spennumyndum ársins 1994 að
því leyti að hér er spennan ekki
byggð upp með sprengingum eins
og í Speed, Blown Away, The
Specialist og öllum hinum.
Myndin er einstæð að því leyti
að við gerð hennar var ráðist í
áður óþekkt áhættuatriði við að-
stæður sem eru flestum kvik-
myndagerðarmönnum framandi.
Sagt er að ekkert fljót hafi leikið
jafnstórt hlutverk í nokkurri kvik-
mynd og fljótið í The River Wild
og siglingaratriði sem þessi hafa
aldrei áður sést.
Þótt hin eftirminnilega kvik-
mynd John Boormans, Deliver-
ance, hafí íjallað um háskaför nið-
ur fljót leyndust hættumar þar á
landi en í the River Wild er fljótið
ekki í bakgrunninum heldur deilir
það aðalhlutverkinu með Meryl
Streep.
Ekkert eitt fljót á meginlandi
N-Ameríku þótti bjóða upp á að-
stæður sem væm svo hrikalegar
að nægði í þennan trylli og því
komu Curtis Hanson leikstjóri og
hans fólk sér fyrir við kröppustu
flúðum fljótanna Kootenai í Mont-
ana og Rogue River í Oregon til
að festa hin ýmsu atriði myndar-
innar á filmu.
Curtis Hanson á að baki 25 ára
feril við kvikmyndagerð en á þeim
tíma hefur hann aðeins leikstýrt
6 kvikmyndum. Orðstír hans fór
ekki hátt fyrr en síðasta mynd
hans The Hand That Rocks The
Cradle með Annabella Sciorra og
Rebecca DeMornay sló í gegn.
í framhaldi af því bauðst honum
að kvikmynda handrit Denis
O’Neill um fjölskylduferðina sem
breytist í háskaför og undirbún-
ingur hófst í ró og næði.
Curtis Hanson gekk með hug-
mynd sem ýmsum hefði sjálfsagt
þótt langsótt; hann vildi enga aðra
leikkonu en skapgerðarleikkonuna
Meryl Streep til að leika hasarhetj-
una Gail, sem þarf að sigrast á
mannlegri illsku og hrikalegri
náttúru til að bjarga sjálfri sér og
því sem henni er kærast.
Þessi hugmynd reyndist ekki
svo langsótt því Meryl Streep vildi
óð og uppvæg taka þátt í þessu
og blása nýju lífí í ímynd sína og
feril, sem mörgum hafði þótt í
lægð undanfarin ár og hafa tekið
óæskilega stefnu einu sinni enn
þegar hún lét til leiðast að leika
undir stjóm Billy August í Húsi
andanna í fyrra.
„Mig langaði til að leggja mikið
á mig til að sjá hvað ég gæti ver-
ið sterk, hve hrædd ég gæti orðið
og hvemig mér gengi að yfirvinna
óttann,“ segir Meryl Streep um
ástæður þess að hún ákvað að
gerast hasarhetja. Undirbúningur
hennar undir hlutverkið tók hálft
ár.
Fyrstu mánuðina var hún héima
í sveitinni í Connecticut og reif sig
upp klukkan fímm á hveijum
morgni, löngu áður en eiginmaður
hennar og fjögur böm fóm á fæt-
ur. Fyrstu þijá klukkutíma dags-
ins notaði hún til að stunda jóga
og eróbikk, lyfta lóðum og byggja
upp vöðvamassa á efri hluta lík-
MERYL Streep við stjórnvölinn á gúmmíbátnum.
KEVIN Bacon leikur illmennið sem setur strik í áætlanir
Gail (Meryl Streep) og fjölskyldu hennar.
amans til þess að standast það
álag sem hún vissi að ætti eftir
að fylgja myndatökunum og til
þess að koma sér upp líkamsbygg-
ingu ræðara.
Þegar sá þröskuldur var yfir-
stiginn tók við margra mánaða
vinna við að læra áratökin, fyrst
á litlum kajak þar sem lag og lip-
urð skiptir öllu máli og síðan á
gúmmfbátum eins og þeim sem
ævintýramenn nota til fljótaferða.
Við þá þjálfun naut hún aðstoð-
ar og kennslu konu sem heitir
Kelley Kalafatich og fullyrt er að
sé besti ræðari í heimi. Kelly tók
jafnframt að sér áhættuleik sem
staðgengill Meryl Streep.
Kelly ber nemandanum gott orð
og undanfama mánuði hafa orðið
fleyg þau ummæli hennar að á
þessum nokkru mánuðum hafí
Streep náð svo góðu valdi á ára-
laginu og komist svo vel í takt við
vatnið að hún skilji og skynji
hættur straumkastsins betur og
nánar en fjölmargir sem hafí verið
í faginu öllum stundum árum sam-
an.
Niðurstaðan varð enda sú að
þótt Kelly og aðrir áhættuleikarar
væru settir í bátana þegar verið
var að kanna aðstæður og gera
könnunarmyndatökur lét Meryl
Streep sér ekkert fyrir bijósti
brenna þegar fljótið var annars
vegar.
I 90% tilvika er það hún sjálf
sem áhorfendur sjá á tjaldinu við
hættulegustu aðstæður á fljótinu,
framleiðendur þurftu aðeins að
grípa til Kelly í 10% tilvika og er
fullyrt að karlar á borð við
Schwarzenegger, Stallone og þá
bræður hefðu vílað fyrir sér ýmis-
legt af því sem ekki þurfti að segja
Meryl Streep tvisvar að gera í The
River Wild.
í dag játa bæði Cirtis Hanson
og Meryl Streep að ýmislegt af
því sem hún gerði í myndinni hefði
betur verið látið ógert, enda mun-
aði einu sinni litlu að illa færi
þegar bátnum hvolfdi í hringiðu á
Kootenai River i Montana og
stjama myndarinnar og tveir
áhættuleikarar bámst tæpa 500
met'ra niður eftir ánni í iðu og
straumkasti áður en loksins tókst
að ná þeim á þurrt.
„Þegar ég réði mig í þetta fyrst
þá hélt ég að þetta yrði eins og
hver önnur bíómynd; ég yrði öragg
en áhættuleikararnir sæju um að
taka áhættuna. En það þróaðist
ekki þannig og tökur með mér era
notaðar í flestum atriðum, í og
með vegna þess að ég held að leik-
stjórinn hafí viljað monta sig af
því að geta boðið áhorfendum upp
á alvöra lífsins," segir Meryl Stre-
ep.
Meryl Streep er
talin sú besta
CURTIS Hanson segir Meryl Streep og Kevin
Bacon til á tökustað.
í BANDARÍSKUM kvikmynda-
iðnaði er ekki umdeilt hver sé
mesta leikkona þar í landi. Það
er á almannavitorði að rétt svar
við þeirri spurningu er Meryl
Streep, jafnvel þótt hún hafi
ekki verið jafnáberandi undan-
farin ár og í lok áttunda áratug-
arins og á fyrri helmingi þess
níunda þegar hún hreppti tvenn
Óskarsverðlaun með skömmu
millibili og lék mörg eftirminni-
legustu kvenhlutverk tímabils-
ins. Undanfarin ár hefur Meryl,
sem er liðlega fertug, mest
haldið sig heima á sveitabænum
í Connecticut þar sem hún býr
með eiginmanni sínum, mynd-
höggvaranum Don Gummer og
fjórum börnum þeirra á aldrin-
um 3-14 ára.
Þar býr hún við aðstæður
sem mörgum löndum hennar
þykja ótrúlega frumstæðar;
verður ennþá að nota skífu-
síma, þar sem stafræna kerfið
er ekki til þar á bæ og er ekki
með áskriftarsjónvarp.
Hins vegar á hún gervi-
hnattamóttakara fyrir sjón-
varp, en sá veitir stopula þjón-
ustu og bilaði 15 sinnum vegna
eldingaveðurs á síðasta ári.
„Þegar það gerist verð ég frá-
vita af gleði,“ segir Meryl Stre-
ep og tekur faðm fjölskyldunn-
ar og sveitasæluna fram yfir
glys og glaum Hollywood, þótt
þar njóti hún svo almennrar
virðingar og aðdáunar að
stappar nærri tilbeiðslu.
Leikferill Meryl Louise Stre-
ep hófst á sviði í skólaleikritum.
Hún ólst upp í Summit í New
Jersey. Faðir hennar var stjórn-
andi í lyfjafyrirtæki en móðir
hennar auglýsingateiknari.
Meryl var send til náms við
einhveijar virtustu mennta-
stofnanir vestanhafs, fyrst í
Vassar-háskóla og síðan í Yale
og strax á skólaárunum var
mikils af henni vænst sem leik-
konu.
Fyrsta kvikmyndin sem
Meryl Streep lék í var Julia
(1977) en strax í þeirri næstu,
Deer Hunter, þar sem hún lék
á móti Robert DeNiro, Chri-
stopher Walken, John Savage
og þáverandi sambýlismanni
sínum, John Cazale (sem þekkt-
astur er sem Freddy í Godfath-
er og lést skömmu eftir gerð
Deer Hunter úr lungnakrabba-
meini), skaut henni upp á
stj örnuhimininn.
Síðan rak hver stórmyndin
aðra á ferli Meryl Streep og
fyrr en varði var hún orðin
óumdeild sem fremst meðal
skapgerðarleikkvenna í banda-
rískri kvikmyndagerð. Fyrstu
Óskarsverðlaun sín hlaut hún
fyrir Kramer vs. Kramer (1979)
og seinni styttuna hlaut hún
fyrir Sophie’s Choice (1982).
Önnur helstu dramatisku hlut-
verk hennar eru úr myndum á
borð við French Lieutenant’s
Woman (1981) og Out of Africa
(1985), en seinni árin hefur hún
reynt fyrir sér í gamanleik með
ágætum árangri í myndum á
borð við Postcard From The
Edge (1990) og Death Becomes
Her (1992).
Aðrar helstu myndir Meryl
Streep eru: Manhattan (1979),
The Seduction of Joe Tynan
(1979), Still of the Night (1982),
Silkwood (1983), In Our Hands
(1984), Falling in Love (1984),
Plenty (1985), Out of Africa
(1985), Heartburn (1986), Ir-
onweed (1987), A Cry in The
Dark (1988), She-Devil (1989),
Postcards From the Edge
(1990), Defending Your Life
(1991), Death Becomes Her
(1992) og House of Spirits
(1994).