Morgunblaðið - 15.01.1995, Blaðsíða 32

32 SUNNUDAGUR 15. JANÚAR 1995
MORGUNBLAÐIÐ
MINNINGAR
ÞÓRARINN ÓLAFSSON
+ Þórarinn Ólafs-
son kennari
fæddist á Nauteyri
við Isafjarðardjúp
23. maí 1912. Hann
lést á Akranesi 8.
janúar síðastliðinn
og fór útför hans
fram frá Akranes-
kirkju 13. janúar.
ÞEGAR ég frétti
skyndilega fráfall Þór-
arins Ólafssonar hrökk
ég illa við. Ég hafði hitt
hann á fömum vegi
ekki alls fyrir löngu. Þá
fannst mér hann vera
hreystin uppmáluð og meira lifandi
en margur æskumaðurinn þrátt fyrir
árin sín 82. Af sinni alkunnu glað-
værð og hispursleysi fór hann með
vísu fyrir mig og sagði sögu. Ég
lærði ekki vísuna og man söguna
ekki glöggt en ástríðufull ásýnd
sagnamannsins stendur björt og skýr
í hugskoti mínu. Og ég
rifjaði upp með sjálfum
mén Þessi maður er
meiri en háskólamir.
Hann er holdgerfingur
íslenskrar menningar
eins og hún gerðist
best. Omengaður af
hræsninni og fleður-
skapnum sem hafa
laumað sér inn í líf okk-
ar að utan undir yfirsk-
ini framfara, sagna-
fróður um horfinn tíma
sem aldrei kemur aftur,
hreinn og beinn í allri
framgöngu.
Og nú eins og hendi
væri veifað var hann allur. Eg fyllt-
ist depurð að hafa misst góðan við
og þunglyndi er ég hugsaði til þess
að þeir týna óðum tölunni hinir bestu
íslendingar, þeir sem í þverrandi fjöri
sínu geyma dýrmætasta fjársjóð
þjóðarinnar, en það er arfleifðin frá
þeim tíma þegar fyrirferðamikið
pjátrið villti mönnum ekki sýn.
En enginn getur verið lengi dapur
sem hefur Þórarinn fyrir augunum
í minningunni. Og þar sem hann
stendur nú ljóslifandi fyrir augum
mínum, fyrst alvörugefinn og ein-
beittur að segja frá og svo brosmild-
ur og síðast skellihlæjandi eins og
honum einum var lagið, þá hlýtur
sorgin og depurðin að víkja um set.
Þórarinn kenndi okkur m.a. grasa-
fræði í Gagnfræðaskólanum á Akra-
nesi. Það var þungt nám svo ekki
sé meira sgat. Enginn var að læra
þetta af fróðleiksfysn, margir til að
ná prófi og sumir til að gleðja hinn
ástsæla læriföður. Aðferðafræði
kennslunar var þessi: Smásmuguleg
sundurgreining með spumingum í
hundraða tali. Engar óþarfa vanga-
veltur sem trufla einbeitinguna við
verkið sem þarf að vinna. Ef þið
lærið svörin utan að við öllum spurn-
ingunum þá fáið þið tíu. Svo einfalt
var það. Og kannski fengu einhverjir
tíu. Annað væri ósanngjamt. Én
ÓdtendÍHý til 9. oq 16.Lekkinýá oq fobeld^a (jeÍH*a!
FÉKKSTU FYRIR NEÐAN 6 Á JÓLAPRÓFUNUM ?
EF SVO ER KEMUR NÁMSAÐSTOÐ ÞÉR AÐ GAGNI!
Allir vita að nám er mjög mikilvægt vilji maður auka möguleika sína í framtíðinni.
Einkunnir eru einnig mikilvægar þvi þær gefa til kynna kunnáttu í námsefni.
Fjölmargir nemendur lenda í erfiðleikum í námi á fyrsta ári í framhaldsskóla og hætta jafnvel
vegnaoflágra einkunna. Flestir þeirra fengu einkunnir undir 6 á samræmdum prófum
nokkrum mánuðum fyrr. Þetta eru staðreyndir úr íslensku skólalffi sem við viljum láta
ykkur vita af. Á undanfömum tíu árum hafa þúsundir grunn-, framhalds- og háskóla-
nema notið aðstoðar kennara okkar. Árangur þessara nemenda í skóla sýnir að við erum
á réttri leið í kennslunni. Nemendur okkar byrja á að taka námsgreiningarpróf
sem lögð eru til grundvallar þegar við ákveðum hvaða námsþætti þarf að kenna.
Við tökum því á námsefninu þar sem þess er þörf og þurfum ekki að eyða
dýrmætum tíma í að þreifa okkur áfram til að finna veiku punktana
VIÐ BJÓÐUM YKKUR NÁMSKEIÐ f ÍSLENSKU, STÆRÐFRÆÐI, ENSKU OG DÖNSKU
FYRIR SAMRÆMDU PRÓFIN !
VIÐ ERUM EINNIG MEÐ NÁMSKEIÐ f FLESTUM GREINUM
FRAMHALDSSKÓLA, HÁSKÓLA SVOOG FRÆÐSLU FYRIR FULLORÐNA
Upplýsingar og innritun í s. 79233 kl. 16.30 -18.30 virka daga og i símsvara allan sólarhringinn.
9\{emendaþjónnstan sf
Þangbakka 10, Mjóddinni, Sími 79233, Fax 79458
ARGENTÍNA AUSTURRÍKI ÁSTRALÍA BANDARÍKIN BELGÍA BÓLIVÍA BRASILÍA BRETLAND
AFS vill gera öllum kleift að gerast \
SKIPTINEMAR
ffi Yfír 25 lönd eru í boöi
í öllum heimsálfum.
B Ógleymanleg reynsla.
■ Kykur Jnoska
og víðsýni.
■ Gagnlegl
tungumálanám.
■ 50 ára reynsla af
nemendaskiptum.
íslensktr nemar og fararstjóri í Venezuela. B BrOttfÖr tVlSVar a an.
Þess vegna býður félagið mjög viðráðanleg greiðslukjör.
Dreifa má greiðslum á allt að 18 mánuð.
Enn eru nokkur nokkur í laus næsáa sumar.
> Upplýsingar og umsóknarblöð fást á skrifstofu AFS á íslandi,
Laugavegi 59, 3. hæð, milli kl. 10 og 16 virka daga. _____
Sími 91-25450. A!Þjóöleg fræösla og samskipti
PORTÚGAL PARAGUAY MEXÍKÓ LETTLAND JAMAÍKA ÍTALÍA INDÓNESÍA HOLLAND GVATEMALA
2
o
73
X
Q
o
2
z
skiptir þó minna rnáli en hitt að í lok
tímans kom saga. Ekki endilega ný
saga, sumar sögumar vom sagðar
aftur og aftur og urðu betri eftir því
sem þær vom oftar sagðar. Og nú
var athyglin í lagi. Maður var ein
augu og eym að horfa á manninn
og hlusta. Og maður trúði sögunum.
Þær voru allar sannar á þeirri stundu
sem þær voru sagðar. Sögur frá
uppvaxtarárunum, mildar sögur af
sólbjörtum sumardögum við Djúp,
magnaðar skammdegissögur af ham-
förum náttúm við ysta haf, dulúðug-
ar sögur af mórum og skottum, sög-
ur úr hversdagslífínu þar sem allir
undu glaðir við sitt. Hin ævintýralega
umgjörð og litríkar persónumar
stóðu okkur ljóslifandi fyrir sjónum.
Meira að segja draugasögumar og
hetjusögurnar vom sannar. Slík var
kynngi frásagnarinnar frammi fyrir
hinum námsfúsu nemendum. En
bestar og sannastar voru þó sögum-
ar af honum sjálfum. Þær vitnuðu
um manninn sem sagði og hann um
þær.
Grasafræðin er öll gleymd. Og
sögumar flestar líka, illu heilli. En
það sem mestu skiptir er varðveitt í
huga og hjarta. Það er minningin
um lærimeistarann og manninn og
allt það góða sem hann bar með sér.
Af henni stafar gullnum bjarma.
Ég votta Rannveigu eiginkonu
Þórarins, bömum þeirra og bama-
börnum samúð mína. Guð gefi þeim
styrk í sorginni.
Leó Jóhannesson.
....er Kári engum manni líkur.“
(Brennu-Njáls saga.)
Vinur okkar, Þórarinn Ólafsson,
er farinn veg allrar veraldar. Hann
birtist okkur ekki oftar hér á tröpp-
unum glaður og reifur í fylgd elsku-
legrar og glæsilegrar konu sinnar.
Honum bregður ekki oftar fyrir á
götum Akraness, kvikum á fæti og
unglegum í háttum og fasi. Hann
kveður ekki fleiri vísur, segir ekki
sögur framar. Þórarinn var ógleym-
anlegur maður, glaðvær og jafnlynd-
uf, engum öðrum líkur, heilsteypt
karlmenni. Hann var í rauninni ung-
ur maður alla tíð.
Þegar Þórarinn óx úr grasi vestur
á Snæfjallaströnd var enn fornöld á
þeim slóðum. Atvinnuhættir höfðu
ekki breyst ýkja mikið frá þeim tím-
um þegar fóstbræðurnir Þormóður
Kolbrúnarskáld og Þorgeir Hávars-
son gengu þar um garða. En sá
varð munur á kynslóð Þórarins og
fyrri kynslóðum við E)júp að öld tölvu
og annarra nútímagaldra var upp
runnin áður en hún tók að kemba
hærumar.
Snemma varð Þórarinn Ólafsson
afbragð annarra manna. Hann var
verkmaður mikill og fjölhæfur og
gekk glaður að hverju starfí. Hann
var manna hagastur enda dundaði
hann mörg siðustu árin við að smíða
listilega gerða aska og fleiri bús-
hluti í gömlum stíl. Gripi sína
skreytti hann gjaman með höfða-
letri sem hann kunni góð skil á eins
og fleiri fomum listum. Þórarinn
gerðist ungur veiðikló til sjós og
lands. Hann var vel íþróttum búinn,
synti að gamni sínu um þvera fjörðu
vestra — enda fyrirmyndir hans hetj-
ur fornra sagna. Hann hafði ungur
gerst handgenginn íslendingasögum
og hafði alla ævi lifandi áhuga á
íslenskum miðaldafræðum. Hann
var sagnaþulur í fomum stíl, vissi
margt um íslenska þjóðhætti, kunni
ógrynni þjóðsagna og hafði sjálfur
reynt ýmsa hluti sögulega. Margir
munu lengi minnast þess þegar hann
fór á kostum í frásögnum sínum.
Þórarinn var og gagnkunnugur ís-
lenskri náttúm. Jarðsagan var hon-
um opin bók. Hann þekkti flestar
íslenskar plöntur. Og dýralífíð var
honum óþrotleg uppspretta unaðar
og ævintýra.
Kennsla varð ævistarf Þórarins
Ólafssonar. Lengst kenndi hann við
Gagnfræðaskólann á Akranesi. Þar
nutu hæfileikar hans sín vel. Glað-
lyndi og rammíslensk frásagnarlist
gerðu hann að fyrirmyndarkennara.
Þar kom að sjálfsögðu líka til yfír-
gripsmikil þekking á námsefninu. I
okkar tíð á Akranesi kenndi hann
lengst af náttúrufræði og teiknun
(sem nú mun kallast myndmennt).
Áður hafði hann kennt íþróttir og
smíðar. Hann hafði sjálfur numið
hjá hinum ágætustu kennurum, Að-
alsteini Eiríkssyni í Reykjanesi við
Djúp, við Statens Gymnastikinstitut
í Kaupmannahöfn og hjá Kurti Zier
í Reykjavík.
í hópi samstarfsmanna naut Þór-
arinn sín vel og var allra manna
vinsælastur. Eins og margir greindir
menn og hugsandi var hann hæfí-
lega fjarhuga og utan við sig en
rataði þó venjulega í rétta kennslu-
stofu.
Þórarinn Ólafsson var útivistar-
maður. Hann fór þar ekki troðnar
slóðir enda frumlegur og frjór í hugs-
un. Hann og félagar hans munu að
líkindum fyrstir íslendinga hafa
gengið yfír meginöræfí íslands frá
austri til vesturs, frá Héraði í Borg-
arfjörð. Hann var einnig fús til
stuttra ferða með þeim sem litlir
voru garpar. Akrafjallsferðir með
Þórarni urðu ævintýri, hvort sem
leitað var eggja eða einungis gengið
á fjallið til að njóta náttúrufegurðar.
Margar beijaferðir okkar upp í Borg-
arfjörð, í Dali og á Snæfellsnes voru
uppspretta ánægju og gleði. Hann
hélt og áhuga sínum á veiðum
óskertum til æviloka og sótti bæði
í fisk og fugl.
Þó að Þórarinn Ólafsson væri sér-
stæður maður — og þyrði að vera
það í veröld þar sem hermihneigð
er hærra metin en frumleiki — og
þó að hann væri mörgum glæsileg-
um kostum og góðum hæfileikum
búinn, bar þó hitt af hver drengur
hann var. Hann mun aldrei hafa á
neinu níðst sem honum var til trú-
að. í vináttu var hann traustur sem
bjarg. Svik urðu aldrei fundin í hans
munni. Enginn var ber að baki sem
slíkan mann átti að vini.
Við hjónin söknum góðs drengs
og tregum einn besta vin okkar —
en við erum jafnframt þakklát fyrir
að hafa átt vináttu hans og konu
hans í hálfan fjórða tug ára. Við
sendum elskulegri vinkonu okkar,
Rannveigu Hálfdánardóttur, og ást-
vinum hennar hugheilar samúðar-
kveðjur og biðjum þeim blessunar
Guðs.
Þórarinn Ólafsson var prýðilega
hagmæltur enda nefndum við Þór-
leifur Bjarnason hann Skjaldfann-
arskáld. Þó að Elli kerling virtist
langt frá því að koma honum á kné
gerði hann sér ljóst að fyrr eða síð-
ar yrðu allir að láta í minni pokann
fyrir henni og gestur sá sem allir
eiga vísan myndi knýja dyra. Því
kvað hann fyrir nokkrum árum:
Sumar liðið, sest áð haust,
sölnað lauf og fokið.
Mitt er fúið fley við naust
og fórinni bráðum lokið.
Nú er förinni lokið. Hún var löng
- Kringlan -
verslunarhúsnæði
Til sölu verslunarhúsnæði, frábær staðsetning. Stærð
113,71 fm nettó. Húsnæðið er í leigu. (Ostabúðin). Eigna-
skipti möguleg. Verðhugmynd kr. 32.000.000,-.
Upplýsingar hjá Fasteignasölunni Kjöreign,
sími 568-5009.
ÁRMÚLA21
Jan V.S. Wiium, lögg. fast.