Morgunblaðið - 15.01.1995, Blaðsíða 46

46 SUNNUDAGUR 15. JANÚAR 1995
MORGUNBLAÐIÐ
ÍÞRÓTTIR
KORFUKNATTLEIKUR
Barátta um bikarúrslrt
Leikur helgarinnar í körfuknattleiknum
er án efa undanúrslitaleikur bikar-
keppninnar á milli Grindvíkinga og Keflvík-
inga í Grindavík. „Þetta verður örugglega
hörkuleikur," segir Guðmundur Bragason
leikmaður Grindvíkinga. „Það verður auð-
vitað á brattann að sækja fyrir okkur því
Booker leikur ekki með og nú þurfum við
að venja okkur við að leika án erlends leik-
manns. En við erum staðráðnir í að standa
okkur og komast loksins í Laugardalshöl-
lina. Nú er kominn tími til að komast alla
leið.“
Guðmundur sagði að Grindvíkingar
hefðu unnið Keflvíkinga nokkuð auðveld-
lega í deildarleikjunum í vetur. „En þeir
sigrar segja auðvitað ekkert um þennan
leik. Keflvíkingar hafa verið að koma til
að undanförnu og Grissom er orðinn heill.
Við verðum að hafa góðar gætur á Burns
en hann er mjög sterkur og fjölhæfur leik-
maður, en við verðum samt að passa okk-
ur á að gleyma ekki öðrum leikmönnum.
Ég held að leikurinn vinnist fyrst og fremst
á vörninni og við verðum að leggja enn
harðar að okkur þar sem Booker er ekki
með. Þetta eru tvö jöfn lið og dagsformið
ræður miklu. Eins og oft í bikarkeppninni
held ég að úrslitin ráðist ekki fyrr en á
síðustu mínútunum."
Þegar Jón Kr. Gíslason, þjálfari og leik-
maður bikarmeistara Keflvíkinga, var
spurður hvemig leikurinn leggðist í hann
svaraði hann: „Okkur hefur gengið illa
gegn Grindvíkingum í vetur en engu að
síður leggst leikurinn vel í mig. Ég held
að við séum að undirbúa okkur rétt og
þetta verður örugglega góður og skemmti-
legur leikur. Það spillir auðvitað ekki fyrir
okkur að Booker er ekki með, en það get-
ur þó haft þau áhrif á Grindvíkinga að
þeir leggi enn harðar að sér og eflist til
muna, slíkt gerist oft þegar svona stendur
á. Það er erfitt að leika í Grindavík og ég
viðurkenni fúslega að það hefði verið
skemmtilegra að fá þennan leik heima, en
það er ljóst að bikarmeistararnir leika ekki
á heimavelli í bikamum í ár.“
Jón Kr. sagði að Keflvíkingar hefðu tap-
að stórt í þeim þremur leikjum sem þeir
hefðu leikið við Grindvíkinga í vetur. „Við
höfum tapað þessum leikjum stórt og í
raun aldrei átt neina glætu gegn þeim,
stóðum reyndar í þeim í fyrri hálfleik í
síðasta leiknum. Þetta verðum við að bæta
fyrir. Grindvíkingar leika ekki ósvipað o^
við höfum verið að gera undanfarin ár.'
Þeir keyra upp hraðann og treysta á
þriggja stiga skyttumar og nú reynir mað-
ur að finna út þá leiki þar sem okkur gekk
hvað verst og ætli við reynum þá ekki að
leika eins og þau lið sem best gekk á
móti okkur,“ sagði Jón Kr. Gíslason.
Formsatriði hjá Njarðvík
Haukar úr Hafnarfirði taka á móti Njarð-
víkingum í hinum undanúrslitaleiknum.
„Þetta leggst vel í mig,“ sagði Pétur Ingvars-
son einn leikmanna Hauka í samtali við
Morgunblaðið. „Það þýðir ekkert annað en
vera bjartsýnn og ég hlakka til að leika í
Höllinni," sagði Pétur og vísaði til úrslita-
leiksins sem þar fer fram.
Þið verðið fyrsta að sigra í undanúrslita-
leiknum, er það ekki?
„Jú, auðvitað, en leikurinn er bara
formsatriði. Það þýðir ekkert nema bjart-
sýni. En í alvöru þá verður þessi leikur
rosalega erfiður fyrir okkur. Fyrirfram
erum við taldir minnimáttar og ætlum að
reyna að notfæra okkur það og koma þeim
á óvart. Ef við eigum góðan leik og þeir
slakan þá töpum við ekki nema með tíu
stigum," sagði Pétur. „Við ætlum að koma
með nokkrar nýjungar og koma þeim þann-
ig á óvart, ekki þar fýrir að við erum bún-
ir að leika nokkuð oft við Njarðvíkinga í
vetur og alltaf tapað af miklu öryggi,"
sagði Pétur.
Valur Ingimundarson, þjálfari og leik-
maður Njarðvíkinga, sagði aðalmálið fyrir
Njarðvíkinga að ná upp stemmningu fyrir
leikinn. „Við eigum auðvitað að vinna og
höfum gert það af öryggi í fimm leikjum
í vetur. Þó svo menn ætli aldrei að van-
meta mótheijana þá gerist það oft, en það
má ekki vanmeta Haukana," sagði Valur.
„Ef við spilum vel og náum að leika eins
og við höfum verið að gera þá er ég ekki
virkilega hræddur, en vandamálið gæti
orðið að ná upp stemnningu og ef hún
næst ekki getur í sjálfu sér allt gerst.
Haukar eru erfiðir á heimavelli og hafa
verið að vinna lið þar þannig að það er
ekkert gefíð í þessu og ég er mjög smeyk-
ur,“ sagði Valur.
TENNIS / OPNA ASTRALSKA
Styrkleikalistinn
Sanchez
Vicario
ogPete
Sampras
eruefst
Opna ástralska meistaramótið í
tennis hefst í Melbourne í vik-
unni. Þetta er fyrsta stórmót ársins
og er ávallt beðið eftir því með
mikilli eftirvæntingu en nú hafa
frægar tennisstjörnur á borð við
Navratilvou og Ivan Lendl lagt
tennisspaðann á hilluna.
Bandaríkjamaðurinn Pete Samp-
ras er efstur á styrkleikalista móts-
ins í karlaflokki, landi hans, Andre
Agassi, er í öðru sæti og Þjóðveij-
inn Boris Bercker í þriðja. Arantxa
Sanchez Vicario frá Spáni er efst
í kvennaflokki og landa hennar
Conchita Martinez í öðru. Þetta er
í fyrsta sinn sem Vicario er efst á
styrkleikalista í stórmóti, en þess
má geta að Steffi Graf tekur ekki
þátt í mótinu vegna meiðsla á fæti
og sömu sögu er að segja af hinni
19 ára gömlu Jennifer Capriati frá
Bandaríkjunum.
Styrkleikalisti tíu efstu í karla
og kvennaflokki lítur þannig út.
Karlar:
1-Pete Sampras (Bandaríkjunum)
2-Andre Agassi (Bandaríkjunum)
3-Boris Becker (Þýskalandi)
4-Goran Ivanisevic (Króatíu)
5-Michael Chang (Bandaríkjunum)
6-Stefan Edberg (Svíþjóð)
7-Michael Stich (Þýskalandi)
8-Todd Martin (Bandaríkjunum)
9-Jim Courier (Bandaríkjunum)
10-Yevgeny Kafelnikov (Russia)
Konur
l-Arantxa Sanchez Vicario (Spáni)
2-Conchita Martinez (Spáni)
3-Jana Novotna (Tékklandi)
4-Mary Pierce (Frakklandi)
5-Gabriela Sabatini (Argentínu)
6-Lindsay Davenport (Bandaríkjunum)
7-Kimiko Date (Japan)
8-Natalia Zvereva (H-Rússlandi)
9-Magdalena Maleeva (Búlgaríu)
10-Anke Huber (Þýskalandi)
Reuter
GABRIELA Sabatlni, tennlskona frá Argentínu, verAur meðal keppenda fá opna
ástralska meistaramótlnu sem hefst f næstu vlku. Hún er mætt tll Ástralíu og
var myndln tekln af hennl í æfingamótl á staðnum.
Reuter
JEFF Hornacek lætur Dee Brown ekkl trufla slg
og skorar örugglega fyrir Utah gegn Boston.
Utahbest
a utivelli
Utah er með besta árangur á útivelli í NBA-deildinni
í körfuknattleik á tímabilinu. Aðfararnótt laugar-
dags sótti liðið Celtic heim, vann 95:93 og hefur þar
með sigrað í 11 útileikjum í röð. Karl Malone skoraði
19 stig, Jeff Homacek 17 og átti sjö stoðsendingar og
John Stockton var með 15 stig. Dee Brown var stiga-
hæstur hjá Celtic með 21 stig og Dominique Wilkins
var með 19 stig.
Vernon Maxwell skoraði úr þriggja stiga skoti þegar
fjórir tíundu úr sekúndu voru eftir af leik Houston og
San Antonio ogtryggði Houston 103:100 sigur. Hakeem
Olajuwon skoraði 47 stig fyrir Houston, sem hefur sigr-
að í átta af síðustu níu leikjum. David Robinson var
með 23 stig fyrir San Antonio og 10 fráköst.
Orlando gerði góða ferð til Atlanta og vann 101:96,
12. sigur liðsins í síðustu 14 leikjum. Anfernee
Hardaway gerði 26 stig, þar af fjögur úr vítaskotum,
þegar 15,1 sek. var til leiksloka. Shaquille O’Neal skor-
aði 21 stig.
Kjartan hættur med Víking
KJARTAN Másson hefur látið af störfum sem þjálfari
meistaraflokks Víking í knattspyrnu.
í frétt frá Víkingi og Kjartani segir að Kjartan láti
af störfum af persónulegum ástæðum og þakkar knatt-
spymudeild Víkings honum vel unnin störf í þágu félags-
ins. Kjartan hóf störf hjá félaginu fyrir rúmu ári
LEIÐRETTING
Söluverð en ekki laun
I sunnudagsblaðinu fyrir viku birtist hér grein og
tafla um leikmannakaup ítalskra knattspyrnuliða en
þar sem átti að standa kaupverð var rætt um árslaun
leikmanna. Beðist er velvirðingar á mistökunum.