Morgunblaðið - 24.02.1996, Qupperneq 48

48 LAUGARDAGUR 24. FEBRÚAR 1996
MORGUNBLAÐIÐ
Dýraglens
Ljóska
Ferdinand
SO I 5T00P IN THE CHOU) LINE IN THE KAIN FOR AN HOUR TOPAV 0ECAO5E THE COOK 5AIP WE UIERE
HAN/INI6 TAPIOCA PUPPIN6...S0 WHAT HAPPEN5? THEY RAN OUT, ANP I 60T BREAD PUPPIN6 !
HATE BREAP PUPDIN6í l'M IN THE INFANTRV.. l'M 5TANPIN6 IN THE RAIN...RATS!
í dag stóð ég í klukkutíma í rigningu í biðröðinni eftir matnum af því að kokkurinn sagði að við fengj-
um Tapioca-búðing ...en hvað gerðist? Hann kláraðist, og ég fékk brauðbúðing! Ég hef ógeð á brauðbúð-
ingi! Ég er í fótgönguliðinu ...ég stend úti í rigningunni ...sveiattan!
BREF
TIL BLAÐSINS
Kringlan 1103 Reykjavík • Sími 5691100 • Símbréf 569 1329
• Netfang:lauga@mbl.is
Framtíð
höfuðborgarinnar
Frá Guðrúnu Marteinsson:
ÉG VIL þakka Guðrúnu Ágústs-
dóttur, formanni Skipulagsnefnd-
ar Reykjavíkurborgar, grein sem
birtist í DV undir fyrirsögninni
„Með og á móti“ fyrir nokkrum
vikum.
Þetta var eins og talað frá mínu
hjarta þar sem ég var íbúi í Skeija-
firði um margra ára skeið, 1937-
1953, og aftur í nokkur ár seinna
hefi ég fylgst svolítið með þróun
mála hvað varðar starfsemi
Reykjavíkurflugvallar. Var t.d.
áhorfandi að flugslysi, fyrir u.þ.b.
50 árum, þegar flugvél kom aðvíf-
andi úr vesturátt af hafi og stefndi
á flugbrautina á milli Þorrabrautar
og Einarsness, þar sem nú er
innanlandsflugstöðin. Ég kom þá
gangandi frá Reykjavík og fór
Njarðargötu yfír mýrina. Sá ég
að vélin fór að lækka sig ískyggi-
lega fljótt og lenti beint í þakið á
húsi, sem stóð við Þjórsárgötu.
Enginn var heima í húsinu svo
ekki varð mannsskaði að, en það
var voðalegt að verða áhorfandi -
flugvélin fór í mask og húsið líka.
Eins og Guðrún nafna mín minnt-
ist svo réttilega á er öryggis- og
umhverfisþátturinn mikilvægastur
og það að styrkja miðborgina.
Annað sem tengist þessu máli,
ekki bara fyrir Reykjavík, heldur
alla landsbyggðina er sú nauðsyn
að leggja eins teins-hraðlest milli
Reykjavíkur og Keflavíkur. Meira
að segja mætti leggja jafnframt
smá hitavatnslögn meðfram tein-
inum til að veija hann fyrir frosti
og snjó. (Slá þá frönsku lestina
út sem stöðvast í minnstu snjó-
komu).
Þetta myndi spara:
1. Viðhald og uppbyggingu
flugvallar í Reylqavík, sem að sögn
myndi kosta hundruð milljónir
króna.
2. Gefa Reykvíkingum og öllum
landsmönnum svæði sem gæti
fært okkur óendanlega dýrmætan
landskika, miðsvæðis, og land að
ströndinni í Skeijafirði og friðland-
inu í Öskjuhlíð. Gefa unglingum
allskyns tækifæri við sjávaríþrótt-
ir, sbr. sjónvarpsþáttinn um
„Strandverði“. Eitthvað fyrir alla
- Tennis- og íþróttavöll - Hesta-
leigu upp í Heiðmörk - Paradís
fyrir fólk á öllum aldri - Garð-
yrkju og skógrækt - Danshöll -
Söng- og tónlistarhöll - Óperuhöll
- Menningarmiðstöð fyrir alla
landsmenn í miðri Reykjavík.
3. Flugvöllurinn í Keflavík
myndi nýtast miklu betur. Ibúarn-
ir úti á íandi sem fara til útlanda
geta flogið beint og til baka frá
Keflavíkurflugvelli í stað þess að
þurfa að þvælast í bæinn, jafnvel
að kosta upp á gistingu.
4. Ferðir með hraðlest allt árið
um kring myndu koma í veg fyrir
fjölda bílslysa, sem sífellt aukast
á Keflavíkurveginum vegna
þrengsla, hraða og hálku á mjög
hættulegum vegi. Einnig yrði
þetta mikill tímasparnaður ef lest-
in fer beint frá Hótel Loftleiðum,
hún getur stansað í Hafnarfirði
og við Keflavíkurvegamót og er
svo komin á Keflavíkurflugvöll.
Bingó.
5. Páll Halldórsson, forstöðu-
maður innanlandsflugs Flugleiða,
mótmælir því að leggja flugvöllinn
niður. Talar um að innanlandsflug
leggist bara af. Keflavík er ekki
nema 30 mín. akstur í burtu. 300
þúsund farþegar fara um þennan
flugvöll, þá er mál til komið að
bjóða þeim betri þjónustu. Alls
konar þægindi og verslanir yrðu
auðvitað til staðar á Keflavíkur-
flugvelli.
Þróun erlendis hefur sýnt að
miklu hættulegra er að hafa flug-
vellina inn í miðjum borgum, sbr.
Kennedyflugvöll, sem er orðinn
þyrnir í augum allra vegna
mengunar og öryggisleysis, að ég
tali nú ekki um hávaðaálag á
jörðu þegar flugvélar hefja sig til
flugs upp yfir íbúðarhverfin sem
eru hringinn í kringum völlinn.
Hvernig getur þessi maður talað
um að „frá öryggissjónarmiði sé
ekki mikil hætta sem stafar af
vellinum"? Ekki munaði miklu að
fullur langferðabíll yrði fyrir einni
flugvél, sem náði ekki að lenda
inn á vellinum. Það eru fleiri
dæmi um flugslys eins og Guðrún
nefndi og vonandi að Guð gefi
að við fáum tækifæri sem fyrst
til að færa kennslu-, og æfinga-,
innanlands- og utanlandsflug á
einn og sama stað og koma með
því í veg fyrir bæði flugslys hér
í borg og mörg bílslys á Keflavík-
urveginum.
GUÐRÚN MARTEINSSON,
Meistaravöllum 15, Reykjavík.
Allt efni sem birtist í Morgunblaðinu og Lesbók verður framvegis varðveitt í
upplýsingasafni þess. Morgunblaðið áskilur sér rétt til að ráðstafa efninu það-
an, hvort sem er með endurbirtingu eða á annan hátt. Þeir sem afhenda biaðinu
efni til birtingar teljast samþykkja þetta, ef ekki fylgir fyrirvari hér að lútandi.