Norðurljósið - 01.01.1986, Blaðsíða 104

104
NORÐURIJÓSIÐ
Trúin er ennfremur nauðsynleg af því að hún er Guði til
dýrðar. Það væri ekki Kristi til dýrðar að blessa þá, sem
treysta honum ekki. Ætti hann að umbuna vantrú? Vilt þú
láta segja það, að Kristur kom til þessarar jarðar, að hann
lifði og dó syndurum til hjálpræðis og að hann, þótt einhver
vildi ekki trúa á hann, veitti samt þeim manni fyrirgefningu
og miskunn? Nei, slíkt mun aldrei eiga sér stað, að til verði
frelsaður vantrúarmaður, maður, sem er hólpinn, en trúir
samt ekki á Krist. Það væri Kristi til vanheiðurs og mundi
gera hann að verndara syndarinnar í stað þess að vera frelsari
frá henni. Fyrir því er trúin nauðsynleg, til þess að Guð fái
dýrðina af frelsun mannsins.
Trúin er einnig okkur til góðs. Drottinn vor ætlaði að
blessa þennan aumingja mann með því að lækna barn hans,
en hann ætlaði að blessa hann tvöfaldri blessun, með því að
lækna hann af vantrú hans líka, því að það er vissulega
hræðilegur veikleiki hjá manni, að skorta trú á skapara sinn.
Viðbjóðslegur sjúkdómur í anda mannsins að efast um Guð
sinn. í huganum fer ég yfir glæpi þá, er menn drýgja, og þótt
margir þeirra séu andstyggilegir, þá er ekkert eins auvirðilegt
og synd þess manns, sem efast um kærleika og kraft Krists, er
dó til þess, að menn mættu lifa. Hún kórónar allar freistingar
hins vonda. Við erum leiddir lengst í burtu frá Guði, þegar
við efumst um kærleika hans, sem hann hefur innsiglað með
eigin hjartablóði. Það er þess vegna okkur til góðs, að við
skulum trúa. Hér sem endranær er það nátengt, sem er Guði
til dýrðar og okkur til góðs.
Trúin er þá skynsamleg, dýrleg og blessunarrík, og synd-
aranum algerlega nauðsynleg til hjálpræðis. Vér verðum að
trúa á Jesúm Krist, ef vér viljum frelsast. En er þá alveg
ómögulegt að frelsast án þess, að trúa? Já. Hvað verður þá af
oss, ef vér trúum ekki á Jesúm Krist? Ég skal svara því
afdráttarlaust. „Sá, sem ekki trúir mun fyrirdæmdur verða.“
Mér er ekkert áhugamál að gefa loðin svör eða leita nýrrar,
fágaðra þýðingar á þessum texta. Hann má standa áfram,
skelfilegur og skýr: „Sá, sem trúir og verður skírður, mun
hólpinn verða, en sá, sem ekki trúir, mun fyrirdæmdur
verða.“ Ef þú trúir ekki á Jesúm Krist, þá muntu verða