Norðurljósið - 01.01.1986, Blaðsíða 114

114
NORÐURIJÓSIÐ
Farðu og segðu frá
reynslu þinni sem kristins manns.
Eftir Victor Jack.
Greinin, „Stansaðu og hugsaðu" sem birtist í „Norðurljós-
inu“ í fyrra, átti að hjálpa þér að skilja hvað það þýðir að vera
kristinn. „Farðu og segðu frá“ mun hjálpa þér til að vaxa og
verða sterkur í trúnni. Jesús er ekki ánægður með það, að þú
játir hann aðeins sem frelsara þinn. Hann vill að þú fylgir
honum einlæglega á hverjum degi. Eftirfarandi grein á að
sýna þér hvernig þú getur tekið framförum í trúarlífinu, og
einnig að hjálpa þér að segja öðrum frá Drottni Jesú.
Af stað!
Vertu viðbúinn — af stað! Nú ert þú byrjaður í hinu nýja
kristna lífi þínu. Nú ert þú byrjaður í kristilegu kapphlaupi,
sem er mikilvægasta kapphlaup sem til er. Til að halda heilsu
og þroskast eðlilega verður þú að fá nóg af góðri fæðu, hreint
loft og reglulega hreyfingu. Guð hefir séð fyrir öllum and-
legum þörfum þínum. Lestu áfram og muntu þá finna leið-
ina til andlegs þroska.
Segðu frá!
Jesús vill að þú segir öðrum frá dásamlegum kærleika hans.
Ef þú ert orðinn kristinn segðu þá einhverjum frá því þegar í
stað. Haltu ekki þessum góðu fréttum leyndum aðeins fyrir
sjálfan þig. Allir þurfa að vita um Jesúm.