Eimreiðin - 01.09.1905, Blaðsíða 13
i73
seinni árum hafa tíðkast nokkuð öðruvísi lagaðar þurkgrindur í
Noregi. Niður í mýrina eru reknir staurar og á þá negld þvertré
með mátulegu millibili. Á þvertrén eru svo festir nokkrir zink-
dregnir stálþræðir, sem móflögurnar svo eru lagðar á. Endastólp-
arnir eru festir rammlega með stálþráðastögum, svo þeir láti ekki
undan, þegar móþyngslin koma á strengina. Pessar þurkgrindur
ættu ekki að verða svo fjarska dýrar heima og sjálfsagt talsvert
ódýrari en þurkgrindur úr tómu tré. Með þurkgrindum má fá
mó þurran þrisvar á sumri. Eftir reynslu frá Noregi kosta þurk-
grindur hér um bil 2—3 kr. fyrir hvern teningsmetra af mó, er
þær taka, og ef gjört er ráð fyrir, að þær séu notaðar þrisvar á
sumri, verður upphaflegi kostnaðurinn við þær hér um bil 1 kr.
fyrir hvern teningsmetra af mó, er þurka skal á ári hverju. Hve
mikill árskostnaðurinn verður, er vandi að segja um, og fer það
eftir endingunni; en líklegt er, að þær endist ekki öllu lengur en
5—7 ár, og verður þá árlegi kostnaðurinn 20 aurar á hvern ten-
ingsmetra, sem þurkaður er í þurkgrindunum.
Áður en hægt er að nota þennan mó til undirburðar, verð-
ur að tæta hann og mylja. Er hagkvæmast að gjöra það með
þartil gjörðum vélum. Á 22.
mynd er slík rifvél. Hún er
smíðuð hjá Ábjörn Anderson í
Svedala í Svíþjóð, og fæst af
ýmsum stærðum. Minsta vélin,
er kostar 150 kr., tætir 2000
kíló á dag, og má reka hana
með hestafli, — hestagangurinn
kostar 140 kr. — eða jafnvel
með handafli, en er þó helzt
til þung til þess. Stærstu vél-
arnar kosta 350 kr. og tæta
20,000 kíló á dag, og þarf hér um bil 6 hesta aflvél. Oft er mó-
sallinn sáldaður, og verða þá tægjurnar — móullin — eftir á sáld-
inu, en hin eiginlega mómylsna dettur gegnum það. Móullin er
höfð til undirburðar og margs fleira, en mómylsnan er höfð í
salerni og til að leggja á botninn í haugstæðum. Patinig löguð
sáld, er standa í sambandi við rifvélina og hreyfast af henni, kosta
150 kr. Og geta sáldað 20,000 kíló á dag.
Þegar mósalli er búinn til til sölu, er honum þrýst saman í
22. mynd.