Eimreiðin - 01.09.1905, Blaðsíða 20

i8o
Til þess að afstýra því, að hitamagn mós og annars elds-
neytis, er brennur með löngum loga, fari að forgörðum á þennan
hátt, hafa verið smíðaðir ofnar, þar sem loftið er leitt að elds-
neytinu á tvennan hátt, nefnilega bæði í gegnum glóðina, svo
mikið sem þarf til að viðhalda hæfilegum bruna í ofninum, og líka
að sjálfum loganum, svo að þær eldfimu lofttegundir, sem mynd-
ast, geti brunnið til fulls, áður en þær fara burt úr ofninum. Á
myndum þeim, er hér eru sýndar af helztu móofnum, sést,
hvernig má gjöra þetta á ýmsan hátt.
Af framanskráðu sést, að það er afaráríðandi, að ofninn éigi
við eldsneytið. En það er fleira að gæta. Stærð ofnsins verður
að standa í réttu hlutfalli við stærð herbergisins. Ef ofninn er til-
tölulega lítill, verður hraði reykjarins í honum svo mikill, að hiti
hans hefir ekki tíma til að leiðast gegnum hliðar ofnsins út í her-
bergið, og fer því meira af honum en skyldi ónotað burtu. Ef
ofninn er of lítill, má bæta talsvert úr því, með því að lengja arin-
pípuna. Ennfremur verður að vera þægilegt að hirða ofninn og
loftsnerlar svo vel útbúnir, að alveg sé hægt að ráða fyrir því,
hve ört eða hve seint eldsneytið brennur.
Eg skal nú lýsa lítið eitt þeim þremur móofnum, sem mér
hefir litist einna bezt á hér í Danmörku.
i. Móofn frá C. M. Hess í Vejle. Á 24. mynd er þver-
skurður af ofninum. Á myndinni sést, að loft er leitt að logan-
um eftir tveimur pípum með mörgum götum að neðanverðu.
Loftsnerlarnir, sem heyra til þessum loftpípum, sjást á 25. mynd,
sinn til hvorrar hliðar við miðhurðina. Ristin er einkennileg, svo-
nefnd hjararist, og er hægt að hrista alla öskuna niður í ösku-
skúffuna, án þess að opna ofninn. Pað er mjög þýðingarmikið,
því móaska er létt og henni hætt við að rjúka út í herbergið.
Ofnarnir eru smíðaðir af mörgum stærðum, bæði með og án suðu-
hólfs o. s. frv., og kosta eftir stærð frá 4g til 75. kr. Verðið er
reiknað fyrir ofnana samansetta og múraða eldföstum steinum.
Á 25. mynd er einn af skartofnum C. M. Hess. Ofninn er í
empire-stíl og kostar eftir stærð og útbúnaði 100— 124 kr. Ég
hef nákvæmlega kynt mér ofna þessa og get borið um, að þeir
hagnýta eldsneytið ágætlega, það er þægilegt að passa þá og þeir
eru í alla staði mjög vandaðir. Við próf, sem gjört var með ofna
á Fjöllistaskólanum í Kaupmannahöfn, reyndist notagildi þessara
ofna 95,4 °/o. Með öðrum orðum aðeins 4,6 hundraðshlutar af