Ársrit Hins íslenska fræðafjelags í Kaupmannahöfn - 01.01.1918, Blaðsíða 5
Einangrun
5
lokum. Á Ástrallandi eru líka hin svokolluðu nefdýr
(breiðnefur og mjónefur, Ornithorynchus og Echidna), með
enn þá eldra sniði en pokadýrin, það eru hin einu spen-
dýr, sem verpa eggjum eins og skriðdýr og fuglar. Af
öðrum dýraflokkum eru líka margar undarlegar skepnur,
sem ekki eru til annarstaðar. Par eru hinir einkennilegu
strútsfuglar, sem kallaðir eru emú og kasúar, hörpufugl-
inn (Menura superba), svartar álftir (Cygnus atratus), hauga-
fuglinn (.Megapodius tumulus) og margir fleiri einkennilegir
fuglar; af sjerstaklegum fiskum má nefna lungnafiskinn
(iCeratodus), vatnasíld (Diplomystus), þorsk-aborra (Oligor-
us) o. fl.; enn fremur eru þar vatnakrabbar, sem grafa
sjer vatnsþrór, er þeir lifa í um þurkatímann, þriggja álna
langir ánumaðkar o. fl. Jurtaríkið á Ástrallandi er iíka
mjög einkennilegt og hefur engu minni fornaldarsvip en
dýrin; þar er mikið af burknatrjám, stórum jöfnum, syka-
deum, arákaríum og öðrum plöntum, sem höfðu mestan
þroska á fyrri tímabilum jarðar í trías og á steinkola-
tíma; þar eru 120 tegundir af gúmmítrjám (Eucalyptus),
sem geta orðið 400 feta há, enn fremur flöskutrje (.Dela-
bcchia rupestris), grastrje (Xanthorroea) og mörg fleiri trje
og jurtir með undarlegum svip. Á Ástrallandinu er talið
að til sjeu um 9000 jurtategundir, en af þeim eru að
eins 15 °/o til í öðrum löndum, og sýnir það bezt, hve
sjerstaklegt og einangrað gróðrarríkið hefur verið í þess-
ari álfu. .
Á afskektum úthafseyjum sjest þó einna bezt, hve
mikil áhrif einangrunin hefur haft á alt, sem þar lifir.
þróun dýra- og jurtalífsins hefur um langan tíma verið
einskorðuð innan þröngra takmarka, þar hafa myndast
margar sjerstakar tegundir, sem hvergi eru annarstaðar
til, þær hafa ekki þurft að berjast við árásir aðkomandi
tegunda, hafa lifað sínu lífi fyrir sig og getað fullkomnað
sig upp á þann hátt, sem hentugast var eftir kringum-