Ársrit Hins íslenska fræðafjelags í Kaupmannahöfn - 01.01.1918, Blaðsíða 133
Repholtz, Æfisaga Thorvaldsens
'33
ár. Amtmaðurinn hafði því margfalt lengri tíma en þeir til
framkvæmda.
Yfirlit Áka Benedictsens er um alla sögu íslendinga frá
upphafi og fram á árið 1915. l'að er ritað með því fjöri og
mælsku sem höfundinum er eiginleg.
En nú kemur til fjelagsins kasta að fræða íslendinga
nokkuð um Dani. Ættu sem flestir íslendingar að styðja fje-
lagið með því að ganga í það. Hjer í Danmörku hafa yfir
Iooo manna þegar gerst fjelagar, og sýnir það að fjelagið hefur
fengið hjer góðar undirtektir. B. Th. M.
Albert Repholtz, Thorvaldsen og Nysö. H Hagerups
Forlag, Köbenhavn 1911. 178 -f- 5 bls. í stóru 4 bl. br.
Af öllum þeim mönnum, sem af íslensku bergi eru
brotnir, er Albert Thorvaldsen frægastur. Um hann hefur lítið
verið ritað á íslensku. Æfisaga hans, sem Bókmentafjelagið
gaf út 1841, má heita hið eina, en hún er bæði lítil og mjög
ófullkomin; auk þess var hún gefin út á meðan Thorvaldsen
var á lífi. Bók sú, sem hjer er nefnd, er hið besta og
fróðlegasta rit, sem út hefur komið um æfi Thorvaldsens, og
fyrir því er bent á hana. Hún er að vísu að eins um síðustu
æfiár hans, eftir að hann 1838 kom frá Róm til Danmerkur,
en það voru merkileg ár. Hann dvaldi þá löngum í Nysö
búgarði hjá þeim hjónum baróni Henrik Stampe og Chri-
stine Stampe. í’ar átti öldungurinn góða daga. Hjónin ljetu
gera handa honum verkstofu, og húsfreyjan hjálpaði honum á
allar lundir. Hún unni mjög listum og var hin mesta gáfu-
kona; hún ritaði langar dagbækur um dvöl hans á heimilinu,
og hafa þær verið notaðar við samningu bókarinnar; er í
henni skýrt mjög greinilega frá síðustu æfiárum Thorvaldsens,
störfum hans og síðustu ferð hans til Róms.
Bók þessi er svo prýðilega úr garði gerð, að hún er
skrautverk; hún er með 96 myndum. Verð hennar er 12 kr.,
en nú i vor. hefur hún verið sett niður í 5 kr., en hætt er
við að Islendingar geti ekki haft gagn af því sökum sam-
gangnaleysis þess sem nú er.
Johannes Steenstrup, Den danske Kvindes Historie
fra Holbergs Tid til vor. I.—II. Bind. Köbenhavn, H. Hage-
rups Forlag 1917. 207 og 211 bls. Verð 10 kr.
Höfundur rits þessa, prófessor Johannes Steenstrup, er
sonur hins nafnfræga náttúrufræðings Japetus Steenstrups, er
ferðaðist á íslandi ásamt Jónasi Hallgrímssyni eins og margir
kannast við. Prófessor Steenstrup er einhver hinn lærðasti
sagnfræðingur, sem nú er uppi, og bók þessi er einhver hin