Dagblaðið - 02.06.1977, Blaðsíða 17

DAGBLAÐIf). FIMMTUDAGIJR 2. JtJNl 1977. _______________ 17
Tommy Smith, Evrópumeistari Liverpool, bregdur Gísla Torfasyni innan vítateigs. Vítaspyrna. DB-mynd Bjarnleifur.
Strákamir stjörnumar
— þegar úrvalsliö KSÍ sigraöi stjörnuliö Bobby Charlton 5-2 á Laugardalsvelli ígær
Geta íslenzku strákanna kom
mér alls ekki á óvart. Ég þekki
Tony Knapp vel.. Þekki hæfileika
hans og getu til að ná því bezta út
úr leikmönnum og ég var því ekki
hissa á hve vel íslenzka liðið lék,
sagði Bobby Charlton, sá marg-
reyndi kappi, eftir að stjörnulið
hans hafði tapað fyrir úrvalsliði
KSÍ á Laugardalsvelli í gær 5-2.
Það var stórskemmtilegur leikur
á köflum og 8072 áhorfendur, sem
borguðu sig inn á völlinn auk
fjölmargra annarra, voru vel með
á nótunum. Skemmtu sér vel og
hrifust af snjöllum leik islenzku
leikmannanna, sem unnu verð-
skuldaðan, góðan sigur.
tslenzku leikmennirnir voru
leiknir og sprækir, sagði Charlton
ennfremur, en því ber ekki að
neita, að ferðalagið frá Danmörku
sat talsvert í leikmönnum mínum.
Við komum til íslands rétt um
sexleytið — og inn á Laugardals-
völl fimmtán mínútum áður
en leikurinn hófst. En það dregur
ekki úr getu íslenzku leikmann-
anna. Við lékum við úrvalslið
Kaupmannahafnar á þriðjudags-
kvöld og unnum 4-2. Það lið var
ekki nálægt því eins sterkt og
ísienzka landsliðið, sagði
Charlton, sem er ákaflega
geðugur maður, og hann lagði
nokkra áherzlu á, að lið hans
hefði tapað fyrir landsliði, þó svo
hann segðist vita, að Island gæti
stillt upp talsvert sterkara lands-
liði með atvinnumönnum.
— Ég vissi, að brezku leik-
mennirnir mundu reyna að
dempa niður hraðann eins og þeir
gátu og sagði því strákunum að
byrja með miklum krafti. Það
tókst og ég er ákaflega ánægður
með hvern einasta leikmann
íslenzka liðsins, sagði landsliðs-
þjálfarinn Tony Knapp eftir leik-
inn. Var vissulega stoltur af
frammistöðu íslenzka liðsins —
og hann rnátti líka vera það. Eg
var hissa á því hélt Knapp áfram,
að gagnrýni skyldi koma á það, að
ég skipti fimm leikmönnum inná
strax eftir ieikhléið. Það voru 16
menn valdir og þeir áttu allir að
leika — og piltarnir voru þreyttir,
flestir, eftir leikina í 1. deild á
þriðjudagskvöld. Þeir vildu fá
hvíld — og Ingi Björn vildi helzt
ekki leika með í síðari hálfleikn-
um. Hann hafði fengið stuð — en
ég fékk hann til að byrja með
aftur, en síðan kom Atli Eóvalds-
son í hans stað.
Góð skemmtun
Leikurinn var strax bráð-
skemmtilegur og það var íslenzka
liðið, sem gaf tóninn. Samleikur
strax aðall þess — og hraði. Það
kom brezkum í opna skjöldu, en
satt bezt að segja þá var ég hissa
hve sumir leikmenn brezka
liðsins virkuðu þungir og seinir.
Leikmenn eins og Lorimer, Hurst,
Dunne — jafnvel Callaghan og
Smith, allt leikmenn, sem eiga að
vera í toppþjálfun. Hins vegar
stóð Bobby Charlton vel fyrir
sínu, sá snilldarkappi, þó 38 ára
sé, og hættur að leika. Og þá ekki
hinn síður 45 ára bróðir hans,
Jaekie, sem lék mestallan síðari
hálfleikinn. Auðvitað hafa þessir
kappar misst talsvert af snerp-
unni frá sínum yngri árum. Allir
komnir yfir þrítugt, nema einn.
Brian Kidd og hann var harð-
skeyttasti leikmaður liðsins.
Já, tónninn í leiknum var
íslenzkur á stórfallegum Laugar-
dalsvellinum. Strax á 3ju mín. átti
Jón Gunnlaugsson hörkuskalla
rétt yfir — og rétt á eftir Atli
Eðvaldsson skalla ofan á þverslá.
Leikur liðsins yljaði áhorfendum
— samleikurinn, flétturnar og
hvatningarhrópin urðu strax
mikil. Það þurfti heldur ekki að
bíða eftir marki. Guðmundur Þor-
björnsson lék upp kantinn og Ingi
Björn Albertsson nýtti sér vel
misskilníng millii Smith og
Charlton. Náði knettinum og
skoraði með föstu skoti, sem
Stepney átti ekki möguleika að
verja. Ingi Björn átti eftir að
skora tvö önnur mörk hjá þessum
fræga markverði, sem fyrir
aðeins hálfum mánuði átti stór-
leik á Wembley í úrslitaleik
bikarsins milli Man. Utd. og
Liverpool.
Og annað mark kom. Knöttur-
inn lá aftur í netmöskvunum hjá
Stepney. Gísli Torfason fékk
knöttinn. Brauzt upp og komst
frír inn í vítateig. Smith átti ekki
annað ráð en að bregða honum
aftanfrá. Víti, sem Ingi Björn
skoraði örugglega úr. Nokkrum
sek. síðar kom Stepney með
snjallri markvörzlu í veg fyrir, að
Kristinn Björnsson skoraði. Tæki-
færi brezkra voru fá. Callaghan
átti langskot yfir. Kidd skalla rétt
yfir eftir hornspyrnu — og svo
kom gull af marki hjá Inga Birni.
Atli Þór tók aukaspyrnu. Gaf
fyrir og eins og elding skallaði
Ingi Björn knöttinn í netið hjá
Stepney.
Charlton skoror
til að ná tökum á leiknum. Lítið
gekk — en Sigurður Dagsson
varði þó snilldarlega frá Kidd
áður en Bobby Charlton minnkaði
muninn í 3-1 tveimur mín. fyrir
hlé. Skallaði knöttinn í mark af
stuttu færi eftir aukaspyrnu
Kendall.
Eftir leikhléið komu Diðrik
Ölafsson, Karl Þórðarson, Albert
Guðmundsson, Ólafur Danivals-
son og Árni Sveinsson í stað Sig-
urðar Dagssonar, Atla, Einars
Þórhallssonar, Harðar Hilmars-
sonar og Kristins Björnssonar —
en Atli skipti síðar við Inga
Björn, og þessar breytingar
veiktu alls ekki íslenzka liðið. Þó
voru brezku leikmennirnir skárri
í s.h. og strax á fyrstu mínútunum
mátti Diðrik taka á honum stóra
sínum til að koma í veg fyrir
mörk. Það gerði hann líka vel og á
57. mín. skoraði Ölafur Danivalss.
gullfallegt mark. Fékk langsend-
ingu frá Gísla. Lyfti knettinum
yfir Wood, sem kominn var í
markið í stað Stepney, og allt var
opið. 4-1. Nokkrum sek. síðar
minnkaði Kidd muninn í 4-2.
Sneiddi knöttinn af stuttu færi í
bláhornið eftir stórgóða auka-
spyrnu B. Charlton. Leikurinn
var enn skemmtilegri en í f.h. og
punktinn yfir i-ið setti svo Guð-
mundur Þorbjörnsson. Eftir fall-
egt upphlaup brauzt hann i gegn
og skoraði. Glæsilegt mark.
Undirbúningurinn og mark-
skotið. Lokakaflann voru brezkir
ágengari, en tókst ekki að minnka
muninn. Litlu munaði þó
stundum hjá Kidd og Ball.
„íslenzku strákarnir eru
sprækir og nýttu tækifæri sín vel,
hvað við gerðum hins vegar
ekki,“ sagði Bobby Charlton eftir
leikinn. Já, nýting okkar manna
var góð— og leikurinn í heild
verður minnisstæður. Það er
kannski ekki rétt að taka þar einn
fram öðrum fremur — en hlutur
Gísla var stór. Hann var bezti
maður á vellinum. Frábær bæði í
vörn og sókn og sendingar hans
með Charlton-stimpli. Báðir
markverðirnir, Sigurður og
Diðrik, voru mjög góðir — og Ingi
Björn á sér fáa líka í marktæki-
færum. Hann hlýtur að verða
fastamaður i landsliðinu eftir
þennan leik. Atli naut sín betur
sem framvörður — og Janus
Guðlaugsson er efni í framtiðar-
landsliðsbakvörð. En allir eiga
strákarnir skilið hrós fyrir
frammistöðuna. Eina, sem pirraði
mann var alltof flautugjarn
dómari, Eysteinn Guðmundsson,
á þessu skemmtikvöldi. hsím.
Unnu Sovét
Pólland sigraði Svíþjóð 17-16
(10-9) á handknattleiksmóti, sem
hófst í Bjelovar í Júgóslavíu í
gær. Þá vann Ungverjaland Sovét-
rikin 25-22 (15-7). Tvö
júgóslavnesk lið taka einnig þátt i
mótinu.
Brezkir reyndu hvað þeir gátu
Ingi Björn Albertsson skorar stórfallegt skallamark — þriðja mark
hans og ísiands — og hinn frægi markvörður Manch. Utd. kemur
engum vörnum við. DB-mvnd Bjarnleifur.
Sauöárkrókur—Dalvík—Akureyri—
phyris - kynning á Norðurlandi
Vinsælu snyrtivörurnar frá Phyris veróa kynntar af fegrunarfræðingi okkar:
Sauðárkrókur Laugardag 4. júni Sauðárkróksapótek.
Daivík. Mánudag 6. júní Dalvíkurapólck
Akure.vri.Mánudag 6. júni Vörusalan s/f.
Psoriasis- og exemsjúklingar sérstaklega velkomnir.
Phyris er húðsnyrting og hörundsfegrun með hjálp blóma og jurtaseyða.
Phyris-umboðið.