Morgunblaðið - 25.03.2001, Blaðsíða 11

MORGUNBLAÐIÐ SUNNUDAGUR 25. MARS 2001 B 11
og það vantar meira pláss fyrir
frumleikann,“ segir Guðjón Steins-
son í Klúbbi matreiðslumeistara. Ed
Leonard, fyrirliði bandaríska lands-
liðsins, tekur undir þessi orð. „Dóm-
ararnir gefa of mikið fyrir grundvall-
aratriðin, of lítið fyrir frumleika og
sköpunargleði, þetta „extra“ sem all-
ir sem koma á svona keppni til að
fylgjast með eru að leita að. Þetta
sást berlega með kalda borðið okkar,
við fengum lítið sem ekkert fyrir
heildar-„konseptið“ hjá okkur sem
var unnið út frá þemanu „tími í mis-
munandi löndum“. Við höfðum lagt
geysilega vinnu í þessa þemavinnu
og auðvitað verður maður svekktur
þegar maður er bara dæmdur út frá
þröngu stöðlunum.“ Var Ed Leon-
ard ekki einn um þessa skoðun og
átti samúð fjölmargra keppenda og
áhorfenda þegar í ljós kom að Sviss-
lendingar sigruðu í kalda borðinu.
„Það má hinsvegar ekki gleyma því
að þetta er ströng keppni þar sem
menn verða að fara að gefnum
reglum. Þú átt að elda mat fyrir
ákveðinn fjölda á tilteknum tíma og
þetta á að endurspegla það sem
menn geta gert á venjulegum veit-
ingahúsum,“ segir Gissur Guð-
mundsson. „Það getur oft verið
svekkjandi að þurfa að eltast við
þessi smáatriði en svona er þetta nú
einu sinni. Þessar reglur eru þó oft
túlkunaratriði og til dæmis vakti at-
hygli þegar íslenska liðið fékk mínus
fyrir að vera „of duglegir í eldhús-
inu“. Það var verið að refsa þessum
ungu strákum fyrir að vera of
„energískir“! Þetta var að vísu ekki
mikill mínus en svolítið hlægilegur
og ekki furða að einn landsliðsmanna
spyrði einn dómaranna að því hvort
betra hefði verið að þeir hefðu setið á
rassinum og slappað af meðan mat-
urinn mallaði í rólegheitunum. Hann
fékk lítil svör við því og varð dóm-
arinn hálfskömmustulegur á svip-
inn.“ Ragnar Ómarsson landsliðs-
maður segir að þeir hefðu talið að
þeir hefðu ákveðinn tíma til að elda
matinn og ættu að reyna að nýta
hann sem best. „Dómararnir töldu
okkur vera að vinna of mikið. Á
dauða mínum átti ég von en ekki að
fá mínus fyrir það! Þetta var nú ekki
eins og við værum að hamast neitt,
allt gekk eins og í sögu og maður
hefur oft lent á meira floti. Enda
stríddum við þeim mikið á þessu
„kommenti“ og sögðum að þetta
væri auðvitað allt miðað við gömlu
kallana sem gætu ekki hreyft sig!“
Hafðu þá úr skíragulli!
Íslensku landsliðsmennirnir fengu
mikið lof fyrir eldmóð og áhuga og
þykja eitt efnilegasta landsliðið sem
er á ferðinni í dag. „Þetta er
skemmtilega villt lið sem á eftir að
ná langt,“ sagði Ed Leonard við
verðlaunaafhendinguna. „Manni
finnst ótrúlegt að svona lítil þjóð geti
haldið úti jafngóðu liði,“ sagði Leon-
ard en bandaríska liðið fer í æfinga-
búðir á 6 vikna fresti allt árið um
kring og útgerðin kostar tugmilljón-
ir á ári á þeim bænum. Leonard var
hinsvegar svo hrifinn af íslensku
strákunum að hann bauð þeim að
koma til Bandaríkjanna og æfa með
liði sínu við toppaðstæður. „Það
verður að koma í ljós hvort við get-
um þekkst boðið en auðvitað er það
rausnarlegt,“ segir Gissur Guð-
mundsson. „Það er kannski leiðin-
legt að vera alltaf að tönnlast á því
en þegar öllu er á botninn hvolft
snýst þetta um fjármagn. Að gera út
heimsklassa kokkalandslið er dýrt
og við höfum úr miklu minna fjár-
magni að spila en aðrar þjóðir. Ég
held hinsvegar að sá stórkostlegi ár-
angur sem íslenskir matreiðslumenn
hafa náð erlendis að undanförnu
verði til þess að vekja íslensk fyr-
irtæki til vitundar um það hversu
gífurleg auglýsing matreiðslumenn
okkar eru fyrir íslenska matvæla-
framleiðslu og því komi menn til að
styðja betur við bakið á okkur í
framtíðinni. Við erum mjög ánægðir
með frammistöðuna hér á ScotHot
og silfurverðlaunin. Næst er það
gullið sem við sækjum og bað ég
Carlos Sauber frá Lúxemborg að sjá
til þess að verðlaunapeningarnir á
HM í Lúxemborg á næsta ári verði
úr skíragulli því við ætlum að krækja
í þá!“ Íslenska liðið var það lang-
yngsta í keppninni og var meðalald-
ur annarra keppnisliða 10–15 árum
hærri.
„Það tekur tíma að byggja upp
gott lið. Ég byrjaði með núverandi
landslið 1994 og æ síðan hef ég unnið
eftir kerfi sem ég kalla „goshver-
inn“, þ.e. á hverju ári „poppar“ einn
út úr liðinu og annar inn. Þannig er
tryggður stöðugleiki en jafnframt
hæfileg endurnýjun. Í byrjun átti
liðið á brattann á sækja en eftir 7 ára
samvist erum við komnir með mjög
frambærilegt landslið sem er farið
að vinna til verðlauna á stórmótum,“
segir Tony Jackson, forseti félags
skoskra matreiðslumanna og yfir-
skipuleggjandi keppninnar, en Skot-
arnir lentu í öðru sæti í keppninni
sem er besti árangur þeirra til þessa.
„Íslenska landsliðið er ungt, gífur-
lega metnaðargjarnt og mjög gott.
Þið getið litið mjög björtum augum
til framtíðarinnar,“ bætti hann við.
Íslendingar tóku aðeins þátt í
keppninni um besta heita matinn
enda leit liðið fyrst og fremst á Scot-
Hot sem æfingakeppni fyrir HM á
næsta ári. Liðið kom því ekki til
greina í keppni um heildarsigurveg-
ara á mótinu en þar ræður saman-
lögð stigatala úr báðum flokkum.
Kanadamenn urðu efstir í heita
matnum og Svisslendingar í kalda
matnum og Kanadamenn unnu síðan
samanlagt.
„Úrslitin komu mér geysilega á
óvart,“ segir Gissur Guðmundsson.
„Skotarnir voru mjög sterkir á
heimavelli og þeir ásamt Banda-
ríkjamönnum voru með bestu liðin
að mínu mati þó Kanadamenn hafi
vissulega verið vel að sigrinum
komnir. Þeir sigruðu í heita matnum
en komust ekki á pall fyrir kalda
matinn og það gerir sigur þeirra
mjög merkilegan.“
Morgunblaðið/Einar Logi
Keppnisréttir landsliðsins á ScotHot.