Morgunblaðið - 07.12.2001, Síða 6

FRÉTTIR
6 FÖSTUDAGUR 7. DESEMBER 2001 MORGUNBLAÐIÐ
GOLFARAR á höfuðborgarsvæðinu
hafa ástæðu til að kætast þessa dag-
ana því í kvöld verður formlega
opnað nýtt æfingasvæði fyrir þá
innanhúss í Kópavogi. Þar verður
fjölbreytt aðstaða til golfæfinga og
með þessu verður kylfingum ekki
skotaskuld úr að slá kúluna langt
og hátt – með þak yfir höfuðið.
Það er Sportval sem stendur að
æfingaaðstöðunni og segir Páll
Kristjánsson framkvæmdastjóri að
undirbúningur að opnuninni hafi
staðið yfir frá því í sumar. Æf-
ingasvæðið sjálft sé um 700 fer-
metrar að stærð. „Það skiptist
þannig að við erum með stóran og
mikinn púttvöll og svo er æfingaað-
staða til að slá þessi lengri högg.
Síðan er séraðstaða fyrir sex golf-
kennara þar sem þeir geta tekið
myndbönd og kennt nemandanum í
ró og næði.“ Hann bætir því við að
fólk geti pantað sér tíma í kennslu
hjá þessum kennurum, sem allir séu
stór nöfn innan golfheimsins á Ís-
landi.
Púttvöllurinn vekur ekki síður
áhuga eldri borgara, að sögn Páls,
en stefnt er að því að nokkrir golf-
hópar eldri borgara nýti sér völlinn
í hádeginu á virkum dögum.
Hann segir að um 20–25 manns
geti verið á æfingasvæðinu á hverj-
um hálftíma en svokallaðar mottur
þar sem hægt er að slá frá sér eru
14 talsins, auk púttvallarins. „Það
er gífurleg þörf fyrir inniaðstöðu
fyrir golfara því golfíþróttin er sú
íþrótt sem er í mestri sókn á Ís-
landi,“ segir Páll. „Hún er númer
tvö sem fjölmennasta íþróttagrein-
in og það er bara fótboltinn sem er
fjölmennari. Þar sem leiktímabilið
er tiltölulega stutt hjá okkur er
þörfin fyrir inniaðstöðu gífurleg yf-
ir vetrarmánuðina.“
Að sögn Páls hafa verið gerðir
samningar við nokkra golfklúbba
um leigu á föstum tímum en þar fyr-
ir utan getur hinn almenni spilari
komið og leigt sér mottu. Aðstaðan
er í Dalsmára 9–11 og verður opið
alla daga vikunnar frá klukkan 7 á
morgnana til 23.30 á kvöldin, frá og
með morgundeginum.
Morgunblaðið/Golli
Páll Kristjánsson á nýja æfingasvæðinu, en þar er meðal annars óhætt að slá golfkúluna um langan veg og háan.
Ný 700 fermetra golf-
aðstaða innanhúss
FRAMLÖG til markaðssetningar í
ferðaþjónustu verða aukin úr 50
milljónum króna í 200 á næsta ári,
segir Sturla Böðvarsson sam-
gönguráðherra. Tillaga um aukin
útlát er á fjárlögum næsta árs og
segist ráðherra ekki búast við öðru
en að hún verði samþykkt. Með
þessari ráðstöfun fæst mikilvæg
viðbót við fjármuni sem þegar eru
til ráðstöfunar til markaðsaðgerða,
segir samgönguráðherra jafn-
framt, og á næsta ári muni sam-
gönguráðuneytið því verja 400
milljónum króna samanlagt til
markaðssetningar í ferðaþjónustu.
Er þá jafnframt átt við fjármuni
sem þegar eru lagðir til starfsemi
skrifstofa Ferðamálaráðs í Frank-
furt og New York sem og sam-
starfs við grannríkin Færeyjar og
Grænland.
„Við gerum ráð fyrir endur-
skipulagningu markaðsaðgerða á
vegum Ferðamálaráðs og ferða-
málastjóri mun vinna að undirbún-
ingi í því skyni næstu vikur. Helsta
nýbreytnin þar að lútandi er að
leitað verður eftir samstarfi við
fyrirtæki sem eru með starfsstöðv-
ar úti um heim og þannig reynt að
nýta þekkingu og góða aðstöðu fyr-
irtækja og samtaka í þágu ferða-
þjónustunnar. Með þessu viljum
við undirstrika þá áherslu sem
stjórnvöld leggja á að snúa vörn í
sókn í ferðaþjónustunni og nýta
þau tækifæri sem hugsast geta til
þess að efla greinina,“ segir Sturla.
Aðgerðirnar fylgja í kjölfar
áhrifa hryðjuverkaárásanna í
Bandaríkjunum á ferðaþjónustu
segir Sturla Böðvarsson sam-
gönguráðherra að endingu.
200 milljónir króna veittar til
markaðssetningar í ferðaþjónustu
SAMKEPPNISRÁÐ hefur komist
að þeirri niðurstöðu að í samningi
sem Landssíminn hf. gerði við Hafn-
arfjarðarbæ um síma- og gagnaflutn-
ingsþjónustu felist alvarlegt brot á
samkeppnislögum. Með samningnum
hafi fyrirtækið misnotað markaðs-
ráðandi stöðu sína og hefur sam-
keppnisráð gert fyrirtækinu að
greiða 40 milljónir króna í sekt til rík-
issjóðs vegna brotsins. Landssíminn
hyggst skjóta málinu til áfrýjunar-
nefndar samkeppnismála.
Samkeppnisráð segir að Lands-
síminn hafi margoft misnotað mark-
aðsráðandi stöðu sínu. Hingað til hafi
fyrirtækið ekki verið sektað heldur
brýnt fyrir fyrirtækinu að raska ekki
samkeppni. Í þessu máli telur sam-
keppnisráð hins vegar nauðsynlegt
að beita sektum til að tryggja að
Landssíminn láti af lögbrotum í
framtíðinni. Eftir breytingar á sam-
keppnislögum, sem tóku gildi fyrir
ári, sé það meginreglan að leggja
skuli á stjórnvaldssektir á fyrirtæki
sem brjóta gegn bannákvæðum sam-
keppnislaga. Sektunum er ætlað að
hafa varnaðaráhrif og miðast fjár-
hæðin m.a. við það.
Andmælaréttur brotinn?
Í fréttatilkynningu frá Landssím-
anum segir að það veki furðu að ráðið
líti til annara ákærumála og láti það
hafa áhrif til hækkunar sektarfjár-
hæðinni. Hin eldri mál varði m.a.
póstdreifingu og séu eðli málsins
samkvæmt óviðkomandi Landssím-
anum. „Auk þess þá vekur athygli að
undir rekstri málsins gafst Símanum
ekki kostur á að tjá sig um þessi
gömlu mál. Virðist samkeppnisráð,
að því leyti, hafa brotið andmælarétt
á fyrirtækinu.“
Samningaviðræður milli Lands-
símans og Hafnarfjarðarbæjar um
síma- og gagnaflutninga hófust
haustið 2000. Fjarskiptafélagið Títan
hf. lýsti yfir áhuga á þessu verkefni
og sendi bæjaryfirvöldum tilboð 12.
desember. Hafnarfjarðarbær ákvað
á hinn bóginn að taka tilboði Lands-
símans og var samningur þess efnis
undirritaður 28. desember sl. Sam-
keppnisráð telur að gögn málsins gefi
það skýrt til kynna að Landssíminn
hafi misnotað markaðsráðandi stöðu
sína með þessum samningi og hafi
með óeðlilegum hætti náð þessum
viðskiptum til sín.
Samningurinn fól það m.a. í sér að
Hafnarfjarðarbæ væri óheimilt að
eiga viðskipti við aðra en Landssím-
ann um síma- og gagnaflutningsþjón-
ustu. Að mati samkeppnisráðs felur
slíkt í sér skýrt brot á samkeppnis-
lögum. „Það hefur skaðleg áhrif ef
fyrirtæki eins og Landssíminn reyna
með þessum hætti að halda keppi-
nautum sínum frá markaðnum. Sam-
keppni á fjarskiptamarkaði er tak-
mörkuð vegna yfirburðastöðu
Landssímans og allar frekari hömlur
á samkeppni vegna háttsemi Lands-
símans eru óviðunandi og andstæðar
hagsmunum neytenda.“
Í umræddum samningi er jafn-
framt kveðið á um að að Landssíminn
veiti Hafnarfjarðarbæ afslátt af við-
skiptum sem áttu sér stað allt að 8–9
mánuðum áður en samningurinn var
gerður en samkeppnisráð telur slík
afturvirk afsláttarkjör óeðlileg og
óvenjuleg og hafi skaðleg áhrif á
samkeppni. „Sama á við um það
ákvæði samningsins sem kveður á
um endurgreiðslu fjarskiptasam-
banda sem Hafnarfjarðarbæ hafði
láðst að segja upp. Samningsákvæðin
um afslátt voru þess eðlis að ekkert
fyrirtæki annað en Landssíminn gat
veitt sambærilegan afslátt. Að mati
samkeppnisráðs er hinn afturvirki af-
sláttur og endurgreiðslur ekki
byggðar á hlutlægum og málefnaleg-
um sjónarmiðum. Í samningskjörum
fólst óeðlileg aðgerð sem miðaði að
því að halda viðskiptum Hafnarfjarð-
arbæjar hjá Landssímanum og úti-
loka þar með aðra keppinauta frá við-
skiptunum. Samkeppnisráð telur að
þessi samningsákvæði feli í sér alvar-
lega misnotkun á markaðsráðandi
stöðu fyrirtækisins og brot á 11. gr.
samkeppnislaga,“ segir í tilkynningu
samkeppnisráðs.
Tölvupóstur starfsmanna
meðal gagna málsins
Fram kemur að Landssíminn hafi
viðurkennt að í samningnum fælust
óvenjuleg ákvæði en fyrirtækið hélt
því fram fyrir samkeppnisráði að þau
hefðu komið til vegna mistaka. Í
ákvörðun sinni felst samkeppnisráð
ekki á þessa skýringu heldur telur
þvert á móti að gögn málsins sýni
ótvírætt að um meðvitaða aðgerð var
að ræða sem miðaði að því að styrkja
eða viðhalda ráðandi stöðu Lands-
símans.
Meðal gagna málsins er tölvupóst-
ur sem forstöðumaður hjá Landssím-
anum sendi til forstöðumanns hjá
Landssímanum en viðskiptastjórinn
hafði spurt hversu mikið væri búið að
bjóða Hafnarfjarðarbæ í afslátt:
„Varðandi afsláttinn u.þ.b. 500þ (sérð
það í tölvupóstinum) sem ég sendi
þér í síðustu viku þá er um að ræða
sambönd sem þeir eru að segja upp
og við ætlum að láta gilda afturvirkt
frá 1. maí. Þetta er kynnt fyrir þeim
af [fulltrúa Hafnarfjarðarbæjar] sem
afsláttur.“ Af öðru bréfi má ráða að
það sé óvenjuleg aðgerð hjá fyrirtæk-
inu að endurgreiða viðskiptavini fyrir
fjarskiptaþjónustu eða búnað sem
viðkomandi aðili hefur haft á leigu.
Þessi skilningur er staðfestur með
tölvupósti frá starfsmanni innheimtu
Landssímans til fyrrnefnds við-
skiptastjóra vegna viðskiptanna við
Hafnarfjarðarbæ: „Ég er hérna með
lista yfir leigulínur sem [...] var að
koma með til mín. Ertu til í að segja
mér af hverju ég á að fella niður mán-
aðargjöldin á þessum númerum frá
01.04.2000???“ Viðskiptastjóri
Landssímans svarar sama dag með
þessum hætti; „þetta á að gerast
svona samkvæmt samningi/tilmæl-
um frá [forstöðumanni hjá Lands-
símanum]. Við erum að reyna að
komast í að gera 3–5 ára samning við
þá og þetta er ein leiðin að þeim.“
Eins og fyrr greinir var samning-
urinn undirritaður 28. desember sl. af
bæjarstjóra Hafnarfjarðar og fram-
kvæmdastjóra sölu- og markaðssviðs
Landssímans.
Í samtali við Morgunblaðið sagði
Óskar Jósefsson, forstjóri Landssím-
ans, að eftir því sem hann kæmist
næst hefðu verið gerð mistök. „Í ljósi
þess að fjarkiptamarkaðurinn er að
þróast verða alltaf gerð einhver mis-
tök, bæði hjá þeim sem eru markaðs-
ráðandi og þeim sem eru ekki mark-
aðsráðandi,“ sagði Óskar. Sagðist
hann ekki vita til þess að sambærileg
ákvæði væru í öðrum samningum
sem Landssíminn hefði gert.
Samkeppnisráð sektar Landssímann um 40 milljónir
Óviðunandi höml-
ur á samkeppni
ÁFRÝJUNARNEFND samkeppnis-
mála hefur fellt úr gildi úrskurð sam-
keppnisráðs um að Þyrping hf. hafi
brotið samkeppnislög með því að
meina skyndibitastaðnum Jarlinum
að selja hamborgara í Kringlunni.
Jarlinn hóf rekstur sinn í Kringl-
unni árið 1987 en þegar byggt var við
verslunarmiðstöðina árið 1998 var
veitingarekstur skyndibitastaða flutt-
ur á svokallað Stjörnutorg. Í október
1998 var á fundi milli rekstraraðila
Kringlunnar og Jarlsins um það rætt
að Jarlinn myndi halda þar áfram
rekstri sínum í óbreyttri mynd, þ.e. að
um yrði að ræða hamborgarastað. Í
desember sama ár var Jarlinum hins
vegar tilkynnt um að hann gæti ekki
selt hamborgara á nýja staðnum þar
sem McDonalds yrði með hamborg-
arasölu á Stjörnutorgi.
Slík mál verði borin undir
almenna dómstóla
Telur áfrýjunarnefndin það hafa
fallið utan verkefnissviðs samkeppn-
isyfirvalda að fjalla um hvort komist
hafi á bindandi loforð með fundinum
sem haldinn var í október 1998 og
hver réttaráhrif rof á slíku loforði
kunni að vera. Slík mál verði borin
undir almenna dómstóla.
Þá þykir ekki hægt að fullyrða að
hegðun áfrýjanda, fyrir og í tengslum
við þá ákvörðun að meina Jarlinum að
selja hamborgara í Kringlunni, hafi
falið í sér brot á ákvæðum samkeppn-
islaga. Því beri að fella ákvörðun
Samkeppnisráðs úr gildi.
„Það er greinilegt að áfrýjunar-
nefnd samkeppnismála telur að þetta
mál sé af því tagi að það sé í höndum
almennra dómstóla að kveða upp úr-
skurð í því. Af því verður hins vegar
ekki því Þyrping og Jarlinn hafa náð
fullum sáttum og því verður ekki um
frekari eftirmála að ræða,“ segir Þóra
Þrastardóttir eigandi Jarlsins um nið-
urstöðuna.
Ragnar Atli Guðmundsson, fram-
kvæmdastjóri Þyrpingar, rekstrar-
aðila Kringlunnar, er mjög ánægður
með niðurstöðuna. „Við vorum mjög
ósátt við þetta hjá Samkeppnisráði á
sínum tíma. Við lítum á skyndibita-
staðina í húsinu sem eina einingu og
þar þarf að ákveða hver gerir hvað.
Þetta er viðurkenning á okkar mál-
stað og að við höfðum rétt fyrir okk-
ur,“ segir hann.
Úrskurður um hamborg-
arasölu felldur úr gildi