Morgunblaðið - 09.07.2002, Side 19

LANDIÐ
MORGUNBLAÐIÐ ÞRIÐJUDAGUR 9. JÚLÍ 2002 19
Verð frá
kr. 181.000.-
SLÁTTUTRAKTORAR
12,5 hp - 17 hp
30-50% afs lá t tu r
ÚTSALA
VIÐ SKÓLASLIT Grunnskóla
Grundarfjarðar í vor var þess
minnst sérstaklega að 40 ár eru
liðin frá því að vígsla skólans á
þeim stað sem hann stendur enn
fór fram hinn 6. janúar 1962. Lög-
skipað skólahald hefur hins vegar
verið í Grundarfirði frá 1945, en
frá þeim tíma til ársins 1962 fór
kennslan fram í samkomuhúsinu,
en í því voru tvær skólastofur. Frá
því að kennsla hófst í nýjum skóla
við Borgarbraut árið 1962 hefur
mikið verið byggt við hann, nú síð-
ast, eða árið 1999, var byggt ofan
á álmuna sem byggð var við gamla
skólann og tekin var í notkun
1978. Í tilefni þessara tímamóta í
sögu skólahalds í Grundarfirði
voru skólastlitin í óvenju viðamikl-
um búningi, en þau fóru fram í
íþróttahúsinu sem er áfast skól-
anum. Hljóðfæraleikur, söngur og
talað mál var meðal þess skreytti
skólaslitastundina en eftir afhend-
ingu verðlauna og útskrift 10.
bekkinga var öllum skólaslitagest-
um boðið til veglegrar kaffiveislu í
sal skólans. Sýningar voru á hand-
verki nemenda og sérstöku list-
verki í tilefni afmælisins, en einnig
voru sýndar myndir úr sögu skól-
ans. Var þeirri sýningu skipt í
yngra og eldra tímabil og nútíma-
tækni beitt við sýningu myndanna
þ.e. fartölvum og skjávarpa.
Í tilefni þessara tímamóta í var
ráðist í gerð afmælisrits sem Pétur
Guðráð Pétursson sérkennari við
skólann ritstýrði. Í ritinu, sem er
hið glæsilegasta, eru greinar eftir
fjölmarga af nemendum skólans
sem og fleiri aðila sem tengst hafa
starfi skólans sl. 40 ár, þar á meðal
fyrrverandi skólastjóra og kenn-
ara. Ritið er ríkulega myndskreytt
og hið eigulegasta á allan hátt.
Grunnskóli Grundarfjarðar 40 ára
Morgunblaðið/Gunnar Kristjánsson
Grunnskólinn eins og hann er í dag, elsti hluti hans er fyrir miðri mynd.
Grundarfjörður
BJÖRN Malmquist hefur
verið ráðinn forstöðumaður
Svæðisútvarps Austur-
lands. Jóhann Hauksson,
sem gegnt hefur starfinu
síðustu þrjú árin, var nýlega
ráðinn yfirmaður Rásar 2,
með aðsetur á Akureyri.
Björn útskrifaðist sem
landfræðingur frá Háskóla Íslands
árið 1992, úr hagnýtri fjölmiðlun
1994 og M.A. Mass Comm-
unication frá Wayne State
University í Detroit árið
1997. Hann hefur unnið við
blaðamennsku og almanna-
tengsl frá 1993 og starfað
hjá Svæðisútvarpi Austur-
lands síðan í apríl.
Björn fékk fjögur at-
kvæði við afgreiðslu út-
varpsráðs, en Kristján
Hrafnsson fréttamaður, sem einnig
sótti um, hlaut þrjú atkvæði.
Nýr forstöðumaður
RUV á Austurlandi
Egilsstaðir
Björn
Malmquist
GESTIR frá Danmörku, Færeyjum,
Noregi, Svíþjóð, Grænlandi og Finn-
landi komu til Akraness fyrir
skömmu og er um að ræða heimsókn
um eitt hundrað manns frá vinabæj-
um Akraness. Fyrir um fjórum ára-
tugum eignaðist Akranes vinabæina
Tönder í Danmörku, Västervik í Sví-
þjóð, Närpes í Finnlandi og Bamble í
Noregi.
Síðar bættust Qaqortoq í Græn-
landi og Sörvág í Færeyjum í hópinn
en tveir síðastnefndu bæirnir eru ekki
hluti af vinabæjakeðjunni sem stend-
ur fyrir vinabæjamótunum, en samt
sem áður eru fulltrúar allra sex þjóð-
anna viðstaddir mótið á Akranesi.
Um 25 gestir eru frá hverjum vina-
bæjanna, en aðeins tveir frá Græn-
landi og fjórir frá Færeyjum. Í gegn-
um tíðina hafa samskipti bæjanna
verið með ýmsu móti og má segja að
Skagamenn hafi verið nokkuð iðnir
við að sinna þessu samstarfi m.a. með
heimsóknum íþrótta- og menningar-
hópa. M.a. má nefna að Skagaleik-
flokkurinn fer nú í sumar í heimsókn
til Færeyja og sýnir þar Þrymskviðu.
Eitt af verkefnum mótsins er að
ræða hvernig megi þróa samstarf
bæjana áfram og ná meiri árangri án
þess að leggja út í aukinn kostnað.
Allir gestirnir dvöldu á heimilum Ak-
urnesinga og gekk vel að fá áhuga-
sama Skagamenn til að taka við gest-
unum.
Farið var með gestina í ýmsar ferð-
ir um Vesturland, Akranes og nær-
sveitir í bland við fundi og aðrar uppá-
komur.
Norrænt vinabæjamót
Akranes