Morgunblaðið - 19.12.2002, Page 20
HÖFUÐBORGARSVÆÐIÐ
20 FIMMTUDAGUR 19. DESEMBER 2002 MORGUNBLAÐIÐ
Vivace - falleg og fersk
hönnun, skífa úr perlumóður-
skel sett 10 demöntum.
www.seikowatches.com
ÞAÐ er piparkökuilmur í loftinu og í
hálfrökkri logar á einu kerti. Hópur
fólks situr í hring og sötrar malt og
appelsín en þegar komið er nær má
heyra að inni í allri þessari jóla-
stemmningu er tekist hressilega á.
„Það á bara að sekta fólk, það gengur
ekkert annað,“ segir einhver með
þungri áherslu en fær skæðadrífu
mótmæla yfir sig. „Mér finnst það nú
ansi öfgakennt,“ segir einn um hæl og
annar grípur frammí: „Það þarf ein-
faldlega að fá fleiri ruslafötur!“
Þeir sem taka þátt í umræðunni
eru krakkar í Ungmennaráði
Kringluhverfis en því tilheyra fimm
skólar á framhaldsskóla og gagn-
fræðaskólastigi: Hlíðaskóli, Mennta-
skólinn við Hamrahlíð, Verslunar-
skóli Íslands, Réttarholtsskóli og
Hvassaleitisskóli. Í ráðinu, sem fund-
ar reglulega í félagsmiðstöðinni Bú-
stöðum, sitja tveir fulltrúar úr hverj-
um skóla og þegar blaðamann drífur
að er hávær umræða í gangi um sóða-
skap þeirra sem henda frá sér rusli
innandyra sem utan án þess að nota
þar til gerð ílát. Og það fer ekki hjá
því að unga fólkið er hneykslað.
Einn er þó ósammála og segir þetta
ekki skipta máli því það sé fólk sér-
staklega ráðið til þess að tína allt rusl-
ið upp. Þetta veldur ennþá heitari um-
ræðum sem leiða meðal annars út í
langa sálfræðilega greiningu á gagn-
semi þeirra aðferða sem hægt er að
nota við að fá fólk til að henda rusli í
ruslið. Mitt í öllu saman situr kóf-
sveittur fundarritari sem hefur meira
en nóg að gera við að ná niður því sem
fram fer.
Og það er af nógu að taka í um-
ræðunni: strætómálin, fyrirhugaður
fótboltavöllur í grennd við Réttar-
holtsskóla, vinalausir krakkar, tölvu-
kerfið í MH og jafnvel lélegt jólaveð-
ur er meðal þess fjölmarga sem þarf
að ræða.
Börn samkvæmt lögum
Að loknum fundi setjast tveir ung-
mennaráðsfulltrúanna niður með
blaðamanni til frekara spjalls. Þetta
eru þær Eyrún Óðinsdóttir, annar
fulltrúa Réttarholtsskóla í ráðinu, og
Sigríður Torfadóttir Tulinius, annar
fulltrúa MH. Þegar þær eru spurðar
um hvað brenni helst á unglingunum
um þessar mundir eru þær ekki í vafa.
„Það eru strætómálin, þau eru eitt
heitasta málið,“ segja þær og Sigríður
útskýrir það betur.
„Það er dýrt og svo er strætókerfið
einfaldlega lélegt. Það ganga engir
vagnar eftir klukkan tólf þannig að
maður getur ekki farið í tíubíó því þá
er maður bara fastur einhvers staðar.
Svo ganga vagnarnir bara á hálftíma
fresti um helgar og á kvöldin.“
Þær segja þetta sérlega slæmt þar
sem krakkar á þessum aldri séu mjög
háðir almenningssamgöngum. Far-
gjöldin eru einnig há að þeirra mati
og ótækt að ekki skuli vera hægt að
kaupa afsláttarfargjöld fyrir þennan
aldurshóp öðruvísi en í miðaformi.
„Ef maður þarf að kaupa staka ferð
þarf maður að borga 200 krónur í
staðinn fyrir 60 krónur sem er svolítið
mikið ósamræmi því samkvæmt lög-
um erum við börn þar til við verðum
18 ára en þurfum samt að borga full-
orðinsgjald þegar við erum orðin 14
ára,“ bendir Sigríður á.
Sóðar í öllum aldurshópum
Blaðamanni leikur forvitni á að vita
hvers vegna svo mikið var rifist um
sóðaskap á fundinum og spyr eins og
álfur hvort unglingar hendi ekki allir
rusli á göturnar. Þær stöllur segja
það fjarri lagi. „Eitt af því sem við er-
um að reyna að vinna að er að bæta
ímynd unglinga sem er oft mjög
slæm,“ segir Sigríður.
„Það eru til unglingar sem eru
slæmir í umgengni og eru dónalegir
en þannig fólk er líka að finna í öllum
öðrum aldurshópum. En það er alltaf
talað um unglinga sem einhvern
vandræðahóp sem sé í eiturlyfjum og
áfengi.“
Eyrún tekur undir þetta. „Það er
alls ekki þannig því það er fullt af ung-
lingum sem eru að gera góða hluti,“
segir hún.
Þær segja krökkum ekki sama um
að fólk hafi þessa mynd af þeim og
það endurspeglist í ungmennaráðum
hverfanna. Unglingar finni fyrir
þessu t.d. þegar gamlar konur eru
hálfhræddar við að mæta þeim úti á
götu, sérstaklega þegar þeir eru
margir saman.
Fleira virðist vera hitamál meðal
unglinganna og nefna þær stöllur að-
stöðu fyrir hljómsveitarfólk og stað
fyrir jaðaríþróttir á borð við hjóla-
brettaiðkun. Þá sé talsverð áhersla
lögð á að kynna starfsemi ungmenna-
ráðanna fyrir þeim krökkum sem ráð-
in séu að vinna fyrir. Þetta veltir upp
spurningum um það hvernig ráðið
vinnur og stelpurnar útskýra það.
„Við ræðum málin á fundunum og
hlustum á rök með og á móti. Síðan er
sett niður tillaga með greinargerð
sem oftast er send til Ungmennaráðs
Reykjavíkur, sem ber síðan tillögurn-
ar upp á borgarstjórnarfundi.“
Í ljós kemur að Reykjavíkurráðið
er skipað fulltrúum allra ungmenna-
ráða í borginni en þau eru alls átta
talsins og Eygló Rúnarsdóttir, verk-
efnastjóri hjá ÍTR, sem hlýtt hefur á
viðtalið, útskýrir að Ungmennaráðin í
hverfunum séu tiltölulega ný af nál-
inni þannig að ennþá sé svolítið verið
að móta vinnubrögðin.
„Ungmennaráðið hérna getur t.d.
alveg sent sjálft tillögur og fyrir-
spurnir beint á viðkomandi aðila án
milligöngu Reykjavíkurráðsins,“ seg-
ir hún.
Helga Kristín Friðjónsdóttir, verk-
efnisstjóri hjá Bústöðum, sem einnig
hefur verið stelpunum til halds og
trausts í viðtalinu, bendir á að ung-
mennaráðin hafi komið til þar sem
stöðugt var verið að taka ákvarðanir
sem varða unglinga, án þess að þeir
væru hafðir með í ráðum.
„Það er ekki endilega einhver í
Ráðhúsinu eða einhver fullorðinn sem
hefur meira vit á þeirra málum,“ segir
hún. „Það er ótrúlega mikill munur að
geta núna farið í skólana og bent
krökkum á að setja sig í samband við
ungmennaráðin þegar þeir koma að-
vífandi að manni yfir óréttlæti heims-
ins. Þá getur maður vísað í að það sé
einhver sem talar þeirra máli.“
Tekist á um ýmis hitamál á fundi Ungmennaráðs Kringluhverfis á þriðjudag
Strætómálin, sóðaskapur
og ímynd unglinganna
Morgunblaðið/Golli
Það var jólaleg stemning yfir hópnum þrátt fyrir ákafar umræður um þau mál sem brenna á ungu fólki í hverfinu.
Morgunblaðið/Golli
Sigríður Torfadóttir Tulinius og Eyrún Óðinsdóttir segja að alls ekki allir
unglingar séu sóðar og það þurfi að bæta ímynd unglinga sem oft sé slæm.
Austurbær
BÖRNUM af erlendum uppruna
hefur fjölgað ár frá ári í leikskólum
Reykjavíkur á undanförnum árum.
Nú bregður hins vegar svo við að
fjöldi þeirra er svipaður á milli ára,
eða 422 börn árið 2002 á móti 417
börnum árið 2001. Niðurstaðan er í
samræmi við nýjustu tölur frá Hag-
stofu Íslands um aðflutning erlendra
ríkisborgara til landsins, en þeim
fækkar á tímabilinu janúar til sept-
ember úr 1.051 barni árið 2001 í 738
börn árið 2002.
Samkvæmt upplýsingum frá Leik-
skólum Reykjavíkur, sem Kolbrún
Vigfúsdóttir leikskólaráðgjafi hefur
tekið saman, eru 422 börn af erlend-
um uppruna í leikskólum borgarinn-
ar. Þau tala 51 mismunandi tungu-
mál og eru af 99 þjóðerni.
Athyglisvert er að í fyrra voru 95
fjölskyldur, þar sem báðir foreldrar
voru af erlendum uppruna, með börn
sín á leikskólum Reykjavíkurborgar,
en í ár eru fjölskyldurnar 138, sem er
umtalsverð breyting á milli ára.
422 börn af erlendu
þjóðerni í leikskólum
Hægir á
fjölgun
Reykjavík
ARKITEKTASTOFAN Arkís efh.
var með lægsta tilboðið í hönnunar-
vinnu við skipulag 2. áfanga Valla í
Hafnarfirði en verkið var boðið út í
lokuðu útboði þar sem óskað var eft-
ir verðtilboðum en ekki hönnunartil-
lögum. Samningur um verkið var
undirritaður milli Hafnarfjarðar-
bæjar og Arkís í gær.
Tilboð Arkís hljóðaði upp á 5,8
milljónir króna en hæsta tilboð var
tæpar 13 milljónir að því er kemur
fram í fréttatilkynningu frá Hafnar-
fjarðarbæ. Um er að ræða áfram-
haldandi skipulagningu á framtíðarí-
búðasvæði Hafnfirðinga, vestan við
Grísanes og sunnan við Reykjanes-
braut.
„Þar er gert ráð fyrir blandaðri
byggð húsa, þar sem lágreista og
dreifðasta byggðin er innst í hverf-
inu, næst Grísanesinu og þéttari
byggðin sem nær dregur aðalgöt-
unni í gegnum hverfið. Húsagerðir
skulu vera blandaðar og að hluta til
vera sérsniðnar að markaðsþörfum
dagsins í dag. Lögð verður áhersla á
að sérstakt hraunlandslagið fái að
njóta sín eins og kostur er,“ segir í
tilkynningunni.
Arkís bauð
lægst í
hönnun
2. áfanga
Valla
Hafnarfjörður
ÞAÐ er engu líkara en að þau
séu full lotningar, börnin á leik-
skólanum Sunnuborg, þar sem
þau virða fyrir sér Jesúbarnið í
jötunni, Maríu, Jósef og alla hina
sem komu við í fjárhúsinu forðum
daga. Þessi hátíðlega skreyting
hefur verið sett upp í lystihúsinu
í Grasagarði Reykjavíkur í Laug-
ardal. Hefð er fyrir því að setja
þar upp jólajötuna ár hvert og er
það gert í samvinnu við KFUM og
KFUK.
Auk þess að virða fyrir sér alla
þessa dýrð fengu börnin að hlýða
á jólasögu þegar þau voru á ferð-
inni í Grasagarðinum á dögunum,
dansað var í kringum jólatré auk
þess sem þau borðuðu nesti og
drukku heitt kakó. Það er því
óhætt að segja að þetta hafi verið
sannkölluð jólastund hjá litla
fólkinu.
Morgunblaðið/Kristinn
Laugardalur
Í andakt
yfir jóla-
jötunni
♦ ♦ ♦