Morgunblaðið - 19.12.2002, Qupperneq 24

AKUREYRI
24 FIMMTUDAGUR 19. DESEMBER 2002 MORGUNBLAÐIÐ
Sjómannafélag Eyjafjarðar
Fundarboð
Aðalfundur Sjómannafélags Eyjafjarðar verður haldinn í
Skipagötu 14, 4. hæð, (Alþýðuhúsinu), föstudaginn
27. desember 2002 og hefst kl. 11.00 f.h.
Dagskrá:
1. Venjuleg aðalfundarstörf.
2. Önnur mál.
Sævar Gunnarsson, formaður Sjómannasambands Íslands,
verður gestur fundarins.
Stjórn Sjómannafélags Eyjafjarðar
Heilsukoddi sem lagar sig
að líkamanum.
Verð kr. 3.990
Sendum í póstkröfu
www.islandia.is/~heilsuhorn
Bókhveiti
heilsukoddar
Glerártorgi,
Akureyri,
s. 462 1889.
ODDUR Helgi Halldórsson bæjar-
fulltrúi L-listans, lista fólksins,
greiddi atkvæði gegn fjárhagsáætl-
un Akureyrarbæjar á fundi bæjar-
stjórnar þar sem áætlunin var af-
greidd. „Mér finnst þetta bara
hryllilega slöpp áætlun, metnaðar-
og úrræðalaus,“ sagði Oddur. „Það
versta sem ég hef séð í þau 9 ár sem
ég hef setið í bæjarstjórn.“
Hann sagði alveg ljóst að áætl-
unin stæðist engan veginn og bæta
þyrfti verulegum fjármunum við
þegar hún yrði endurskoðuð næsta
sumar. „Það vita allir að það er
skekkja í áætluninni, hún er ekki vel
unnin,“ sagði Oddur.
Hann sagði að vissulega ætti að
framkvæma mikið og hann væri
ekki á móti því, en alla framsækni
skorti og sér fyndist nú strax á
fyrsta kjörtímabili meirihlutans
gæta þreytu. Hann gagnrýndi að
byggja ætti nýjan leikskóla sem
ekki yrði fullnýttur, ekki mætti ráða
iðjuþjálfa til grunnskólanna þó slíkt
gæti falið í sér sparnað til lengri
tíma en verkefnastjóri hefði verið
ráðinn til að fylgja eftir samkomu-
lagi meirihlutaflokkanna.
Oddur sagði að bjartari tímar
væru framundan varðandi fjárhag-
inn eftir nokkur ár þegar nokkrum
stórframkvæmdum yrði lokið. „Ég
hefði talið vænlegt að taka lán þar
til við komumst yfir þennan hjalla,“
sagði hann. Þá nefndi hann að bær-
inn hefði boðist til að greiða 30%
stofnframlag vegna nýbyggingar við
Hlíð í stað 15% lögboðins framlags.
„Þetta sýnir að meirihlutaflokkarnir
eru búnir að gefast upp á að tala við
sína menn í ríkisstjórn. Þeir komast
ekki lengra og gefast upp. Þetta
finnst mér einkennast af aumingja-
og bjálfaskap,“ sagði Oddur.
Höfum ekki efni á
að gera allt í einu
Oktavía Jóhannesdóttir, Samfylk-
ingu, sagði gríðarlega framkvæmda-
gleði einkenna áætlunina, svo mikla
að þó sjálf væri hún framkvæmda-
glöð þætti henni nóg um nú. „Far-
sælla hefði verið að dreifa þessu á
lengra tímabil, við höfum ekki efni á
að gera allt í einu,“ sagði hún. Þá
nefndi hún að menn væru á ystu nöf
varðandi reksturinn og menn yrðu
að endurskilgreina upp á hvað ætti
að bjóða. „Það verður að gera það
og ef í ljós kemur að þetta er of
mikið, verðum við að segja okkur
frá einhverjum verkum,“ sagði Okt-
avía.
Þá nefndi hún að skuldir bæjarins
væru mikið að aukast, en nú hefðu
menn ekki Framkvæmdasjóðinn
upp á að hlaupa til að létta undir
með sér.
Hún sagði einnig að viðsnúningur
Framsóknarflokksins vekti athygli,
en hér áður fyrr hefðu menn þar á
bæ viljað stíga á bremsuna. Slíku
væri ekki að heilsa nú. Loks nefndi
hún að sér sýndist sem aukin mið-
stýringarárátta herjaði á meirihlut-
ann, öllum málum væri safnað á
eina hendi.
Þröng staða
Jón Erlendsson í Vinstri grænum
sagði þrönga stöðu einkenna fjár-
hagsáætlun, en 97,5% tekna færu í
rekstur. Þar væri raunar við ríkið
að sakast að einhverju leyti, verk-
efnum væri sífellt bætt á sveitar-
félögin án þess að tekjustofnar
fylgdu. Hann sagðist gagnrýna
gjaldskrárhækkanir, t.d. á leikskól-
um. Þetta væru ekki miklar hækk-
anir, ekki munaði miklu um þær
inni í bæjarsjóði og því hefði verið
betra að sleppa þeim. Nefndi hann
að ná hefði mátt sömu fjármunum
t.d. með því að hækka gjaldskrá
íþróttafélaganna, t.d. vegna íþrótta-
tíma.
Minnihluti bæjarstjórnar um fjárhagsáætlun
Slöpp og úrræðalaus, en
framkvæmdagleðin mikil
ÁKVEÐIÐ hefur verið að loka
leikskólanum Árholti þegar nýr
leikskóli, Hólmatún í Nausta-
hverfi, verður tilbúinn næsta sum-
ar. Þar verða 96 rými og áætlað að
110 börn verði á leikskólanum.
Starfsfólki hefur verið boðinn
flutningur yfir á hinn nýja leik-
skóla og þá mun að sögn Jóns Sól-
nes formanns skólanefndar verða
kappkostað að mæta óskum for-
eldra barna á Árholti þegar að lok-
un leikskólans kemur. Nokkur
ólga er meðal foreldra vegna yf-
irvofandi lokunar leikskólans en
þeir hittu skólanefnd og starfsfólk
á fundi í vikunni.
Hrafnhildur Sigurðardóttir leik-
skólafulltrúi sagði að alls myndu
32 börn flytjast af leikskólanum og
eiga foreldrar val um hvort þau
fari í Hólmatún eða í aðra leik-
skóla bæjarins, en óskir þar um
þurfa að berast fyrir 1. apríl næst-
komandi. Börnin af Árholti verða
sett í forgangshóp varðandi um-
sóknir um leikskóla. Fram kom í
máli formanns skólanefndar að
leikskólinn væri lítill, húsnæðið
gamalt og þyrfti mikillar endur-
nýjunar við. Gunnar Gíslason
deildarstjóri skóladeildar sagði
ljóst að Árholt yrði af þessum sök-
um fyrsti leikskóli bæjarins sem
færður yrði til í kjölfar þess að nýr
leikskóli yrði tekin í notkun. Hann
benti einnig á að mun meira fram-
boð væri á leikskólaplássum norð-
an ár en sunnan. Þá væri Árholt
lítil eining og óhagkvæm í rekstri.
Stefnt væri að því að koma slíkum
einingum úr rekstri og væri lokun
Árholts liður í því.
Fram kom í máli foreldra á
fundinum að þau myndu gjarnan
kjósa að börnin fengju að halda
hópinn og fengu þau svör að allt
yrði gert til að hægt yrði að verða
við þeirri ósk. Þá komu einnig
fram þau sjónarmið að börnunum
liði betur á litlum leikskólum og
óaði marga við því að senda börn
sín á Hólmatún þar sem það væri
svo stórt. Eins þótti fólki súrt í
broti að fara svo langt með börn
sín á leikskóla, en flestir byggju í
námunda við Árholt.
Gunnar sagði að mönnum hefði
þótt það skárri kostur að loka ein-
um leikskóla, sem væri óhag-
kvæmur í rekstri, en að skera nið-
ur fé til allra leikskóla bæjarins
þegar sú staða kom upp að draga
þyrfti úr útgjöldum.
Leikskólanum Árholti lokað í sumar
Allt gert til að mæta
óskum foreldra
vegna flutnings
Morgunblaðið/Kristján
Foreldrar barna á Árholti fjölmenntu á fundinn í leikskólanum.
ELDUR kom upp í vélarrúmi
Sléttbaks EA þar sem hann lá við
Togarabryggjuna.
Slökkvilið Akureyrar var kall-
að út kl. 14.43 og gekk vel og
greiðlega að slökkva eldinn sem
ekki var mikill.
Verið var að skera úr stokk í
vélarrúmi og hljóp neisti í ullar-
einingu sem var bak við stokkinn
og blossaði upp eldur í pappa-
hleðslu utan á einingunni. Sam-
kvæmt upplýsingum frá slökkvi-
liðinu varð minna úr en á
horfðist í fyrstu, en nokkrir vél-
stjórar voru að störfum í vél-
arrúminu og náðu þeir að koma í
veg fyrir að eldurinn breiddist
út. Höfðu skjót viðbrögð þeirra
mikið að segja.
Morgunblaðið/Kristján
Rjúfa þurfti gat á þilið við ljósavélina um borð í Sléttbak EA, svo slökkvi-
liðsmenn gætu fullvissað sig um að ekki væri eldur á milli þilja.
Eldur í vélarrúmi
ÞRJÚ tilboð bárust í snjó-
mokstur á efri hluta syðri
Brekkunnar á Akureyri en
tilboðin voru opnuð í gær. Til-
boðin voru öll langt yfir
kostnaðaráætlun sem hljóðaði
upp á 10,5 milljónir króna.
GV gröfur ehf. buðu lægst,
eða um 27,2 milljónir króna,
eða 259% af kostnaðaráætlun.
G. Hjálmarsson hf. bauð
um 29,3 milljónir króna, eða
279% af kostnaðaráætlun og
Trukkar og tæki ehf. buðu
um 34 milljónir króna, eða
324% af kostnaðaráætlun. GV
gröfur voru einnig með frá-
vikstilboð, sem hljóðaði upp á
um 14,5 milljónir króna, eða
138% af kostnaðaráætlun.
Um er að ræða snjómokstur á
umræddu svæði frá næstu
áramótum og fram til vors
2004.
Snjómokstur á
Brekkunni
Tilboðin
langt yfir
kostnað-
aráætlun