Morgunblaðið - 19.12.2002, Qupperneq 28

SUÐURNES
28 FIMMTUDAGUR 19. DESEMBER 2002 MORGUNBLAÐIÐ
„ÞETTA er búið að vera ofsalega
skemmtilegt námskeið og Rúnar
hefur verið góður kennari,“ sögðu
ungu listamennirnir Klara Margrét
Jónsdóttir og Ingi Rúnar Árnason,
sem sýndu verk sín á samsýningu í
Svarta pakkhúsinu um liðna helgi.
Klara Margrét og Ingi Rúnar
hafa frá því í haust setið námskeið
hjá Félagi myndlistarmanna í
Reykjanesbæ þar sem þau fengu
leiðsögn í teikningu og málun,
ásamt ýmsum undirstöðuatriðum
hvað varðar liti, form og skugga.
Kennari var Rúnar Jóhannesson
myndlistarnemi og voru nemendur
hans frá 6 til 15 ára, raðað í hópa
eftir aldri.
Klara Margrét sagðist í samtali
við Morgunblaðið vera hörð á því
að verða myndlistarkona og að
stefnan hefði lengi verið sett á Par-
ís. „Það er búið að vera mjög gam-
an á námskeiðinu hjá Rúnari og ég
er búin að læra mjög mikið.“
Ingi Rúnar tók í sama streng og
sagðist jafnframt stefna að því að
vinna við listsköpun af einhverju
tagi. „Á námskeiðinu fannst mér
skemmtilegast að mála og það er
líka mjög gaman að teikna,“ sagði
Ingi Rúnar.
Morgunblaðið/Svanhildur Eiríksdóttir
Inga Rúnari Árnasyni fannst skemmtilegast að mála á námskeiðinu og hér
er hann við þau verk sín sem valin voru til sýningar í Svarta pakkhúsinu.
Klara Margrét Jónsdóttir ætlar að verða myndlistarkona og stefnir að list-
námi í París. Hér er hún með leiðbeinandanum, Rúnari Jóhannessyni.
Lærdóms-
ríkt og
skemmti-
legt nám-
skeið
Reykjanesbær
TIL athugunar er hjá bæjarráði
Reykjanesbæjar að taka við mót-
orbátnum Baldri KE 97, bát sem
oft var nefndur „Gullmolinn“, og
hefja að nýju útgerð hans, ekki á
sjó heldur á þurru landi. Hugmynd-
in er að varðveita hann á túninu við
Duus-húsin í Keflavík.
Ólafur Björnsson, útgerðarmað-
ur í Keflavík, og félagi hans létu
smíða Baldur í Svíþjóð 1961. Ólafur
segir að þetta sé fyrsti báturinn
sem hannaður er og smíðaður fyrir
aðstæður hér á landi. Hann var
fyrsti frambyggði báturinn sem
smíðaður var fyrir Íslendinga og
fyrsta íslenska skipið sem notaði
skuttog.
Lengst af var Baldur gerður út
frá Keflavík og átti útgerð Ólafs
hans í þrjátíu ár. Síðan fór hann í
Garðinn og hefur verið gerður út af
Nesfiski undanfarin ár.
Hét því að varðveita bátinn
Ólafur segir að Baldur hafi alla
tíð verið happafleyta og fengið á
sínum tíma viðurnefnið „Gullmol-
inn“. Í bréfi til bæjarráðs Reykja-
nesbæjar segir Ólafur að líklega
hafi enginn bát-
ur fært eins mik-
inn afla til
vinnslu í Kefla-
vík. „Þegar út-
gerð mb. Bald-
urs verður hætt
væri því við hæfi
[að] eiga þennan
bát til minja um
þann atvinnuveg
sem stóð að mestu undir blómlegri
byggð hér á síðustu öld.“
Ólafur hefur upplýsingar um að
til standi að hætta útgerð Baldurs
eftir áramótin, án þess að það hafi
verið endanlega ákveðið, og segir
allar líkur á að hann geti fengið
bátinn til varðveislu en langt er síð-
an Ólafur strengdi þess heit að
reyna að varðveita Baldur þegar að
þessu kæmi. Ólafur segir að búið sé
að brenna eða sökkva mörgum af
gömlu trébátunum. „Ég hlýt að
geta komið í veg fyrir að þetta
verði örlög Baldurs,“ segir hann.
Ef bæjarráð treystir sér til að
setja undirstöður undir bátinn og
taka við honum til varðveislu býðst
hann til þess, með góðra manna
hjálp, að reyna að fá bátinn, koma
honum á land, þrífa og mála.
Morgunblaðið/Hafþór Hreiðarsson
Baldur er nú skráður í Garði en hann fær væntanlega gömlu
KE-merkinguna aftur.
Vill varðveita „Gullmol-
ann“ við Duus-hús
Keflavík
Ólafur Björnsson
ÁKVEÐIÐ hefur verið að með-
ferðarheimilið Byrgið flytji úr
Rockville 1. júní næstkomandi.
Verið er að leita að hentugu hús-
næði annars staðar.
Byrgið er kristilegt líknar-
félag sem veitir endurhæfingar-
meðferð fyrir vímuefnaneytend-
ur. Nú eru 80 einstaklingar í
meðferð. Starfsemin hefur verið
í yfirgefinni ratsjárstöð varnar-
liðsins Rockville skammt frá
Sandgerði í tæp fjögur ár. Stöð-
in er á varnarsvæði. Guðmundur
Jónsson forstöðumaður segir að
nú standi til að varnarliðið skili
landinu til íslenskra stjórnvalda
og áður en til þess komi þurfi að
brjóta niður mannvirkin.
Byrgið hefur að sögn Guð-
mundar lagt í 80 milljóna króna
kostnað við endurbætur á hús-
næðinu í Rockville og ríkið
greitt 54 milljónir af því. Guð-
mundur segir að vissulega sé
synd að þurfa að yfirgefa þenn-
an stað. Hins vegar hafi komið
fram vilji ríkisvaldsins til að
greiða varanlega úr málum
Byrgisins og því ekki ástæða til
annars en að ganga til sam-
starfs.
Guðmundur og fulltrúar við-
komandi ráðuneyta eru þessa
dagana að leita að hentugu hús-
næði annars staðar. Hann legg-
ur áherslu á að þeirri vinnu verði
lokið fyrir jól þannig að hann
geti róað heimilisfólkið sem taki
brottflutninginn nærri sér.
Byrgið flytur og
landinu skilað
Rockville
FLUGSTÖÐ Leifs Eiríkssonar hefur
áfýjað til Hæstaréttar dómi héraðs-
dóms Reykjaness þar sem Sandgerð-
isbær var sýknaður af kröfum fyrir-
tækisins um endurgreiðslu oftekins
fasteignaskatts.
Flugstöðin krafðist endurgreiðslu
á tæplega 40 milljóna króna fast-
eignaskatti sem ofgreiddur var til
Sandgerðisbæjar vegna mistaka
Fasteignamats ríkisins við útreikning
fasteignamats flugstöðvarinnar á ár-
unum 1998 til 2000. Bærinn var sýkn-
aður af þessum kröfum, „að svo
stöddu“, þar sem álagningarstofni
hafi ekki verið hnekkt, eftir atvikum
með dómi, eins og það er orðað í
dómnum.
Höskuldur Ásgeirsson, fram-
kvæmdastjóri Flugstöðvarinnar, seg-
ir að mistökin séu viðurkennd og fyr-
irtækið telji rétt að leita allra þeirra
leiða sem færar eru til að fá endur-
greiðslu á ofteknum fasteignaskatti.
Flugstöðin áfrýjar
fasteignaskattsdómi
Sandgerðisbær