Morgunblaðið - 19.12.2002, Qupperneq 65
KVIKMYNDIR
MORGUNBLAÐIÐ FIMMTUDAGUR 19. DESEMBER 2002 65
FRIDAY-serían, hugarfóstur
rapparans Ice Cube og fleiri, er
stórfurðulegt innlegg í bandaríska
kvikmyndalandslagið. Um er að
ræða gamanmyndir í sígildum
„slapstick“-stíl, þar sem tilvera
tveggja ungra og ólánlegra manna,
er búa í hinu niðurnídda blökku-
mannahverfi South-Central í Los
Angeles, er dregin sundur og saman
í groddalegu háði. Þannig hafa
myndirnar sterkan kaldhæðnislegan
undirtón og það frumlega við þær er
tilraun handritshöfundanna til að
spyrða hina vinsælu blökkumanna-
glæpamynd saman við slapstick-
formið í anda Hollywood-gaman-
mynda gulláranna.
Þemað sem gengið er út frá er
einn óvenjulega óheppilegur föstu-
dagur í lífi tveggja undirmáls-
blökkumanna (sem í þessari mynd
eru leiknir af Ice Cube og Mike
Epps), og er handritið í Friday Af-
ter Next t.d. haganlega unninn
spuni, þar sem hver tilviljunar-
kennda atburðarásin rekur aðra í
nokkurs konar rússíbanareið um
ömurlegt fátækrahverfið á aðfanga-
dag. En söluvænleikinn er ekki
langt undan í þessum annars
háðsku myndum, og er gengið tals-
vert langt í að höfða til breiðs hóps
áhorfenda með fulltingi lágkúru-
legra staðalmynda sem dregnar eru
upp af lágstéttarblökkumönnum í
Bandaríkjunum. Sumt er þannig
fyndið og beitt, eins og t.d. myndin
sem dregin er upp af einni sorgleg-
ustu verslunarmiðstöð í Bandaríkj-
unum, og eltingarleikir þjófa og
fórnarlamba þeirra um fátækra-
hverfið á aðfangadag. Húsin eru
hvert öðru niðurníddara, jafnvel
neglt fyrir glugga þeirra, en glað-
beittar og yfirdrifnar jólaskreyting-
arnar vantar ekki. En þrátt fyrir
þessa fínu punkta er myndin í heild
hroðvirknisleg og allt of lágkúruleg
í gamansemi til þess að hún nái að
halda sig innan einhverra írónískra
marka. Í þeim húmor er þvert á
móti höfðað til þess markhóps sem
sækir fordómafullar gamanmyndir
og hlær hrossahlátri yfir lauslátum
og innantómum ofurbeibum, spólg-
röðum unglingspiltum og kjaftfor-
um blökkumönnum sem reka við og
ropa í kór.
Friday After Next nær á ein-
hvern undraverðan hátt að leika á
mörkum þess sem er gagnrýnið á
þessar staðalmyndir og að nota þær
til að selja myndina. Reynslan af því
að sitja myndina í gegn er því væg-
ast sagt blendin.
Föstudagar til fums og fáts.
Háð og fordómar
FRIDAY AFTER NEXT
(ÞARNÆSTA FÖSTUDAG)
Laugarásbíó
Leikstjórn: Marcus Raboy. Handrit: Ice
Cube í samvinnu við DJ Pooh. Kvik-
myndataka: Glen MacPherson. Aðal-
hlutverk: Ice Cube, Mike Epps, John
Witherspoon o.fl. Lengd: 85 mín. Banda-
ríkin. New Line Cinema, 2002.
Heiða Jóhannsdóttir
Naomi Campbell ilmvötnin
fást í snyrtivöruverslunum og
apótekum um land allt
KRINGLUNNI - 533 1720
Fullt af flottum toppum
ný sending
...úlpurnar komnar aftur
Lostafullt
og ósiðlegt
Háskólabíó við Hagatorg I Sími 545 2500 I sinfonia@sinfonia.is I www.sinfonia.is
AÐALSTYRKTARAÐILI SINFÓNÍUHLJÓMSVEITAR ÍSLANDS
M
Á
T
T
U
R
IN
N
&
D
Ý
R
Ð
IN
1
2
/0
2
miðvikudaginn 8. janúar kl. 19:30
fimmtudaginn 9. janúar kl. 19:30
föstudaginn 10. janúar kl. 19:30
laugardaginn 11. janúar kl. 17:00
3.000 / 2.600 / 2.200 kr.
Í lok átjándu aldar þóttust menn vissir um að „hinn lostafulli og ósiðlegi“ vals
væri „ein af meginástæðunum fyrir veikleika kynslóðar okkar bæði á sál og
líkama.“ Tíminn hefur síðan leikið þessa kenningu grátt en eins og allir unn-
endur Vínartónlistar vita er hún sannkallaður óður til fegurðar og lífsgleði.
Vínartónleikar Sinfóníuhljómsveitarinnar eru vinsælustu sígildu tónleikar
ársins. Peter Guth, listrænn stjórnandi Strauss hátíðarhljómsveitarinnar í
Vín, stjórnar af sinni alkunnu snilld.
Hringdu núna í miðasöluna í síma 545 2500 til að tryggja miða; opið í dag,
á morgun og á Þorláksmessu frá 9-17.
Gjafakort á Vín er góð gjöf
Hafðu samband við miðasöluna og láttu útbúa góða jólagjöf fyrir þína.
Hljómsveitarstjóri: Peter Guth
Einsöngvari: Garðar Thor Cortes
Dansari: Lucero Tena
Vínartónleikar
í Háskólabíói
Miðaverð