Morgunblaðið - 19.02.2005, Blaðsíða 23

MORGUNBLAÐIÐ LAUGARDAGUR 19. FEBRÚAR 2005 23
MINNSTAÐUR
GAMLA gróðrarstöðin við Eyja-
fjarðarbraut hefur fengið nýtt
hlutverk, í þetta nær 100 ára
gamla sögufræga hús hafa flutt að-
setur sitt Skógrækt ríkisins og
Norðurlandsskógar.
Ný húsakynni hafa nú formlega
verið tekin í notkun, en alls verða
sex starfsmenn með aðstöðu í hús-
inu, þrír frá hvoru félagi. Rækt-
unarfélag Norðurlands reisti húsið
fyrir tilraunastjóra sinn, en þarna
innst í Innbænum rak félagið til-
raunastöð til ársins 1974 þegar
starfsemin var flutt að Möðruvöll-
um í Hörgárdal. Í kringum húsið
er trjáreitur sem hefur að geyma
merka sögu trjáræktartilrauna
Ræktunarfélags Norðurlands, þar
er m.a. hlynur sem er nálægt því
að vera aldargamall og eins benti
Hallgrímur Indriðason hjá Skóg-
rækt ríkisins gestum við opnun
húsakynna á hengibjörk sem þykir
með þeim tignarlegri á landinu í
sumarskrúða.
Starfsemi Skógræktar ríkisins
er um land allt, en aðalstöðvarnar
eru á Egilsstöðum. Tveir sérfræð-
ingar sem hafa skipulagsmál og
rannsóknir á nýskógrækt að sér-
sviði hafa aðsetur á Akureyri auk
starfsmanns sem einnig hefur að-
stöðu á Mógilsá. Norðurlands-
skógar hafa um þessar mundir
starfað í 5 ár. Á þeim tíma hafa
verið gróðursettar tæplega 4 millj-
ónir skógarplantna og skjólbelta-
plöntur. Stefnt er að því að gróð-
ursetja á þessu ári um 1,5 milljónir
plantna og væntanlega verður
fjöldi jarða með skógræktarsamn-
inga orðinn um 130 í árslok.
Starfssvæði Norðurlandsskóga
nær frá Langanesi til Hrútafjarð-
ar að sögn Valgerðar Jónsdóttur
framkvæmdastjóra, en um 120
bændur á svæðinu stunda skóg-
rækt á vegum verkefnisins auk
þess sem töluverður fjöldi bænda
fær árlega framlög til skjólbelta-
ræktar. Varlega áætlað er talið að
verkefnið skapi um 20 ársverk á
starfssvæðinu.
Jón Loftsson skógræktarstjóri
sagði vel fara á því að þessi tvö fé-
lög, Norðurlandsskógar og Skóg-
rækt ríkisins væru nú komin undir
sama þak í húsnæði sem Ræktun-
arfélag Norðurlands hefði reist
fyrir 100 árum. Hann sagði það
hafa orðið Skógrækt ríkisins til
góðs að starfsemin var flutt út á
landsbyggðina, en nú væru á
hennar vegum sjö starfsstöðvar
víða um land.
Skógrækt ríkisins og Norðurlandsskógar flytja
Verða undir einu þaki í
Gömlu gróðrarstöðinni
Morgunblaðið/Kristján
Skógrækt Hallgrímur Indriðason fór með gesti í skógarferð þegar að-
setur Skógræktarinnar og Norðurlandsskóga var formlega opnað.
AKUREYRI
SÚ hugmynd hefir lengi blundað með
mörgum að stofna Hollvinafélag Iðn-
aðarsafnsins á Akureyri og nú hefur
verið boðað til stofnfundar sunnudag-
inn 20. febrúar nk. sem hefst kl. 15.00 í
fundarsal Einingar Iðju á 2. hæð í
Skipagötu 14. Fyrir því að stofna Holl-
vinafélag eru margar ástæður að mati
stjórnar safnsins og þær helstar að
þúsundir Akureyringa unnu á liðinni
öld við iðnaðinn á Akureyri.
Gestir sem hafa heimsótt safnið
hafa verið á öllum aldri, enda unnu
þrjár kynslóðir mann fram af manni í
sumum fyrirtækjanna. Akureyri var
löngum kölluð iðnaðarbærinn, bar það
nafn með rentu og eru 70 fyrirtæki
kynnt í safninu því til sönnunar, segir í
fréttatilkynningu stjórnar.
Hjálpa við að nafngreina fólk
Hollvinafélaginu er ætlað að stuðla
að sem bestri fræðslu um iðnaðinn á
liðinni öld m.a. með því að hjálpa til við
að nafngreina fólk að störfum á mynd-
um sem er að finna í hundraðatali á
Iðnaðarsafninu.
Fjárhagslegur stuðningur í þessu
skyni er að sjálfsögðu vel metinn.
Á stofnfundinum verður forvitnilegt
að sjá myndband frá 1982 sem sýnir öll
helstu iðnfyrirtæki á Akureyri og ekki
skemmir þulurinn Markús Örn Ant-
onsson. Einnig verða þarna mynda-
möppur með hundruðum mynda þar
sem margur Akureyringurinn mun
þekkja sjálfan sig eða sína nánustu.
Iðnaðarsafnið á Akureyri
Hollvina-
félag safns-
ins stofnað
Götuheiti | Umhverfisráð hefur
samþykkt tillögu umhverfisdeildar
að breytingum á götuheitum og
skráningu eigna við götur: Dals-
braut 1 verði Gleráreyrar 2, Eyja-
fjarðarbraut verði Drottningarbraut
suður að bæjarmörkum, Verk-
menntaskólinn verði skráður við
Hringteig 2, Brim (áður ÚA) við
Fiskitanga 4, hafnarhús við Fiski-
tanga 2, stálskemma á Togara-
bryggju við Fiskitanga 6, Háskólinn
við Norðurslóð, Smáragata felld nið-
ur og Hólabraut tengist Glerárgötu,
Brimnes verði Krossanes og gatan
frá Drottningarbraut að Iðnminja-
safni og Gróðrarstöð nefnist Krók-
eyri.
  
Vinnustofur | Menningar-
málanefnd hefur staðfest ákvörðun
úthlutunarnefndar um vinnustofur
í Listagilinu en nefndin hafði tekið
til afgreiðslu umsóknir um tvö
rými í götunni. Úthlutunarefndin
ákvað að úthluta Jónu Hlíf Hall-
dórsdóttur, Hönnu Hlíf Bjarna-
dóttur og Dögg Stefánsdóttur
rými á annarri hæð í Kaupvangs-
stræti 12. Þá ákvað nefndin að út-
hluta Jónasi Viðari myndlist-
armanni því rými sem áður hýsti
galleríið „Samlagið“.
  
Hljóðkerfi | Nýtt fyrirtæki, Hljóð-
kerfa og ljósaleiga Akureyrar, hefur
tekið til starfa. Fyrirtækið býður
upp á heildarlausnir í tæknimálum,
bæði hljóðkerfi og ljós, fyrir
skemmtanahald, svo sem böll, tón-
leika, brúðkaup, afmæli og ræðu-
höld. Starfsmenn eru fjórir og getur
fyrirtækið útvegað skemmtikrafta
og hljómsveitir fyrir hin ýmsu til-
efni, en fyrirtækið getur bætt
skemmtikröftum og hljómsveitum á
skrá hjá sér.
Vesturbær | Minning Melavallar má ekki falla í
gleymsku og verður því gerð heimildarmynd um völl-
inn, og sett upp minnismerki og upplýsingaspjöld þar
sem völlurinn stóð. Melavöllur var á árum áður þjóð-
arleikvangur Íslendinga og þar voru mörg íþróttaafrek
unnin og vill Íþróttabandalag Reykjavíkur með þessu
halda minningunum lifandi, og verður leitað til ýmissa
aðila til að fjármagna verkefnið.
Á næstunni verður heimildum, myndum og mynd-
skeiðum safnað fyrir heimildagerðina, og verður vef-
urinn www.melavollur.is notaður í þeim tilgangi. Ein-
staklingar sem luma á myndum eða frásögnum frá
vellinum eru hvattir til þess að láta vita af þeim eða
senda þær inn á síðuna. Átakið til þess að safna heim-
ildum á að standa fram í júlí nk.
Morgunblaðið/Ólafur K. Magnússon
Skautavöllur Melavöllurinn gegndi ýmsum hlutverkum og var gjarnan notaður sem skautasvell á veturna.
Heimildar-
mynd gerð um
Melavöllinn
Miðborgin | Sigurður G. Steinþórsson, gull-
smiður og eigandi verslunarinnar Gulls & silf-
urs, hefur tröllatrú á Laugaveginum sem versl-
unargötu. Hann hefur nú flutt verslun sína ofar
á Laugaveginn eftir 34 ár á sama stað til þess að
liðka fyrir niðurrifi á gamla reitnum og upp-
byggingu á nýju húsnæði.
Verslunin Gull & silfur var opnuð formlega á
nýja staðnum á Laugavegi 52 í gær, eftir nokk-
urra vikna framkvæmdir til að koma verkstæði
og verslun haganlega fyrir á nýja staðnum. Sig-
urður segir að hann hafi selt verktaka gamla
húsnæðið, Laugaveg 35, og hann hafi áhuga á
að byggja hús með verslunarhúsnæði með íbúð-
um á efri hæðum, og hafi hann selt til þess að
stuðla að margumtalaðri uppbyggingu í versl-
unargötunni.
Sigurður segir að hann hafi þann möguleika
að kaupa í nýja húsinu þegar það verður tilbúið,
sem gæti orðið eftir rúmt ár, eða halda sig þar
sem verslunin er núna ef sér líki það betur.
Uppbygging á Laugavegi og í miðbænum
hefur verið talsvert milli tannanna á fólki und-
anfarið, en Steinþór er sannfærður um að þetta
sé það sem verði að gerast til þess að gatan
haldi áfram að blómstra. „Mörg fyrirtæki vilja
ekki koma hingað nema í nýtt húsnæði. Meira
að segja eru þeim sem selja merkjavöru sett
skilyrði um að vera í nýju húsnæði, svo þeir
koma ekki nema í nýtt húsnæði. Svo ef við ætl-
um að halda þessu í horfinu verðum við að
byggja upp, það er svo einfalt.“
Nýjar byggingar við Laugaveginn verða þó
að passa inn í þá götumynd sem fyrir er, að mati
Sigurðar. „Mörg af þessum húsum sem hafa
verið byggð í gegnum tíðina eru mjög
óskemmtileg. En ég held að það sé alveg
ríkjandi hugsun núna að halda ákveðnum kar-
aktereinkennum, endurnýja húsnæðið en halda
stemningunni, sem er mjög gott.“
Sigurði hefur margoft verið boðið að setja
upp verslun í verslunarmiðstöðvum, en því hef-
ur hann alltaf hafnað. „Verslunarmiðstöðvar
eiga svo sem rétt á sér í okkar veðráttu, en það
verður samt aldrei þessi stemning sem mynd-
ast í göngugötu. Við sjáum það á menningarnótt
og hverju sem er, það er alltaf farið í miðborg-
ina, það er aldrei hægt að halda slíkt í Smára-
lind eða Kringlunni.“
Áhuginn blossaði skyndilega upp
Ekki er lengra síðan en í otkóber eða nóv-
ember á síðasta ári að þónokkur verslunarhús
við Laugaveginn stóðu tóm, en þetta segir Sig-
urður að hafi breyst snögglega undanfarið. Það
húsnæði sem nú standi tómt sé í öllum tilvikum
nema einu hús sem sé verið að laga til að opna
þar verslun, eða eins og Laugavegur 35, hús
sem á að rífa til að byggja ný. Sigurður átti
verslunina við hliðina á Gulli & silfri á Lauga-
vegi 35, en henni var lokað um áramótin. Hann
segir að strax og henni var lokað hafi fjöldi
áhugasamra aðila talað við sig og falast eftir
húsnæðinu, og því sé ljóst að það sé mikill áhugi
á verslunarrekstri á Laugaveginum, og beðið
eftir nýjum húsum þegar þau verði tilbúin.
Sigurður gullsmiður flytur verslunina til að rýma fyrir uppbyggingu við Laugaveg
Ný hús haldi ein-
kennum götunnar
Morgunblaðið/Árni Sæberg
Gullsmiðurinn Hefur tröllatrú á Laugavegi.