Morgunblaðið - 19.02.2005, Blaðsíða 38

38 LAUGARDAGUR 19. FEBRÚAR 2005 MORGUNBLAÐIÐ
KIRKJUSTARFUMRÆÐAN
ÁSKIRKJA: Barnastarf kl. 11 gítarleikari
Pétur Þór Benediktsson, organisti Kári
Þormar, prestur sr. Þórhildur Ólafs. Guðs-
þjónusta kl. 14 Félagar úr kór Áskirkju
syngja, organisti Kári Þormar, sr. Þórhildur
Ólafs þjónar fyrir altari, sr. Árni Bergur Sig-
urbjörnsson prédikar. Messukaffi í efri
safnaðarsal í boði sóknarnefndar.
Hjúkrunarheimilið Skjól: Guðsþjónusta kl.
15.30. Sóknarprestur.
BÚSTAÐAKIRKJA: Barnamessa klukkan
11. Gott tækifæri fyrir alla fjölskylduna að
eiga innihaldsríka stund með öðrum fjöl-
skyldum. Léttir söngvar, biblíusögur, bæn-
ir, umræður og leikir við hæfi barnanna.
Guðsþjónusta kl. 14. Kirsten Lund Larsen
framkvæmdastjóri KFUM & KFUK í Dan-
mörku flytur ávarp. Organisti Guðmundur
Sigurðsson. Sr. Pálmi Matthíasson.
DÓMKIRKJAN: Messa kl. 11. Sr. Hjálmar
Jónsson prédikar. Dómkórinn syngur. Org-
anisti Marteinn H. Friðriksson. Barnastarf
á kirkjuloftinu meðan á messu stendur.
Æðruleysismessa kl. 20. Sr. Karl V. Matt-
híasson prédikar. Sr. Jóna Hrönn Bolla-
dóttir og sr. Hjálmar Jónsson þjóna ásamt
sr. Karli. Eyþór Gunnarsson, Birgir Braga-
son og Ellen Kristjánsdóttir sjá um tónlist.
GRENSÁSKIRKJA: Barnastarf kl. 11 í
umsjá Jóhönnu Sesselju Erludóttur og
unglinga úr kirkjustarfinu. Messa kl. 11.
Altarisganga. Kirkjukór Grensáskirkju syng-
ur. Organisti Árni Arinbjarnarson. Samskot
í líknarsjóð. Ólafur Jóhannsson.
GRUND dvalar- og hjúkrunarheimili: Guðs-
þjónusta kl. 14. Guðni Már Harðarson,
guðfræðinemi, prédikar. Sr. Kristján Valur
Ingólfsson þjónar fyrir altari. Félag fyrrum
þjónandi presta.
HALLGRÍMSKIRKJA: Fræðslumorgunn kl.
10. Sr. Þórhallur Heimisson fjallar um Da
Vinci-lykilinn. Messa og barnastarf kl. 11.
Sr. Jón Dalbú Hróbjartsson prédikar og
þjónar fyrir altari ásamt sr. Sigurði Páls-
syni. Umsjón barnastarfs Magnea Sverr-
isdóttir, djákni. Drengjakór Reykjavíkur í
Hallgrímskirkju syngur undir stjórn Friðriks
S. Kristinssonar. Organisti Hörður Áskels-
son. Fermingarbörn aðstoða við lestur ritn-
ingarorða, bæna o.fl. Fjölskyldur ferming-
arbarnanna eru hvattar til að koma til
messu. Eftir messu er boðið upp á kaffi
og ávaxtadrykk.
HÁTEIGSKIRKJA: Messa kl. 11. Organisti
Douglas A. Brotchie. Sr. Helga Soffía Kon-
ráðsdóttir. Barnaguðsþjónusta kl. 13. Um-
sjón Ólafur J. Borgþórsson. (senda sjálf
viðb.og/eða breytingu)
LANDSPÍTALI – HÁSKÓLASJÚKRAHÚS:
Fossvogur: Guðsþjónusta kl. 10.30. Sr.
Gunnar Rúnar Matthíasson. Organisti
Helgi Bragason
LANGHOLTSKIRKJA: Kirkja Guðbrands
biskups. Messa og barnastarf kl. 11.
Helga Guðmundsdóttir, kirkjuvörður og for-
seti Kvenfélagasambands Íslands, flytur
hugvekju. Regína Unnur Ólafsdóttir syngur
einsöng. Prestur Jón Helgi Þórarinsson.
Organisti Jón Stefánsson. Í tilefni konu-
dags bjóða karlar upp á vöfflukaffi eftir
messu. Allir velkomnir. Barnastarf í safn-
aðarheimilinu undir stjórn Rutar, Stein-
unnar og Arnórs. Börnin fá einnig vöfflur
eftir stundina.
LAUGARNESKIRKJA: Messa og sunnu-
dagaskóli kl. 11. Sunnudagaskólinn er í
umsjá Hildar Eirar Bolladóttur, Heimis Har-
aldssonar og Þorvalds Þorvaldssonar.
Gunnar Gunnarsson leikur á orgelið. Kór
Laugarneskirkju syngur. Sr. Bjarni Karls-
son og Aðalbjörg Helgadóttir meðhjálpari
þjóna og messukaffi Sigríðar kirkjuvarðar
bíður svo allra að messu lokinni.
NESKIRKJA: Messa og barnastarf kl. 11.
Litli kórinn – kór eldri borgara leiðir safn-
aðarsöng. Stjórnandi Inga J. Backman.
Organisti Reynir Jónasson. Dr. Sigurður
Árni Þórðarson prédikar og þjónar fyrir alt-
ari ásamt dr. Hjalta Hugasyni. Dr. Rúnar
Vilhjálmsson og Björn G. Eiríksson kynna
starf Gídeonfélagsins. Börnin byrja í kirkj-
unni og fara síðan í safnaðarsal kirkj-
unnar.
SELTJARNARNESKIRKJA: Messa kl. 11.
Konudagurinn haldinn hátíðlegur. Konur úr
Kvenfélagi Seltjarnarness aðstoða við
messuna. Viera Manasek, sópran, syngur
einsöng. Konur úr kammerkór Seltjarnar-
neskirkju leiða sálmasöng. Guðrún Helga
Brynleifsdóttir bæjarfulltrúi prédikar. Org-
anisti Pavel Manasek. Sr. Arna Grét-
arsdóttir. Kvenfélagið selur kaffi og með
því eftir messuna. Sunnudagaskólinn á
sama tíma. Æskulýðsfélagið kl. 20–22.
Stelpufundur. Verið hjartanlega velkomin.
FRÍKIRKJAN í Reykjavík: Barnasamvera
sunnudaginn 20. febrúar kl. 11. Róleg og
hugljúf sögu- og söngstund með Ásu Björk
og Ara Braga sunnudagaskólakennurum.
Biblíusagan og gömlu Biblíumyndirnar á
sínum stað. Djús, kaffi og kex í fork-
irkjunni í lokin. Andabrauðið að stundinni
lokinni.
ÁRBÆJARKIRKJA: Tónlistarguðsþjónusta.
Taize-messa kl.11. Sunnudagaskólinn á
sama tíma í safnaðarheimilinu. Kaffi,
ávaxtasafi og meðlæti á eftir.
BREIÐHOLTSKIRKJA: Barnaguðsþjónusta
kl. 11. Messa kl. 11. Hressing í safn-
aðarheimilinu eftir messuna. Prestur sr.
Sigurjón Árni Eyjólfsson. Organisti Keith
Reed.
DIGRANESKIRKJA: Messa kl 11. Prestur
sr. Kjartan Jónsson. Organisti Kjartan Sig-
urjónsson. Kór Digraneskirkju, A-hópur.
Sunnudagaskóli á sama tíma í kapellu á
neðri hæð kirkjunnar. Léttur málsverður í
safnaðarsal eftir messu (sjá nánar
www.digraneskirkja.is).
FELLA- OG HÓLAKIRKJA: Guðsþjónusta
og sunnudagaskóli kl. 11. Sr. Sigríður
Guðmarsdóttir, prestur í Grafarholtssókn,
predikar. Sr. Svavar Stefánsson þjónar fyr-
ir altari. Kór Fella- og Hólakirkju leiðir safn-
aðarsöng undir stjórn Lenku Mátéová org-
anista. Umsjón með sunnudagaskólanum
hefur Sigríður Rún Tryggvadóttir. Börnum á
leikskólunum Völvuborg, Vinaminni og Ösp
og fjölskyldum þeirra er sérstaklega boðið
í sunnudagaskólann.
GRAFARVOGSKIRKJA: Skátaguðsþjón-
usta kl. 11 í Grafarvogskirkju. Séra Vigfús
Þór Árnason þjónar fyrir altari. Guðmundur
Halldór Magnússon flytur hugleiðingu.
Skátakórinn syngur. Organisti: Bjarni Þór
Jónatansson. Barnaguðsþjónusta kl. 11 í
Grafarvogskirkju. Prestur séra Bjarni Þór
Bjarnason. Umsjón hafa Hjörtur og Rúna.
Undirleikari er Stefán Birkisson. Barna-
guðsþjónusta kl. 11 í Borgarholtsskóla.
Prestur séra Elínborg Gísladóttir. Umsjón
hafa Gummi og Dagný. Undirleikari er Guð-
laugur Viktorsson. Krakkakór Grafarvogs-
kirkju syngur undir stjórn Oddnýjar J. Þor-
steinsdóttur. Tónlistarstund í
Grafarvogskirkju kl. 20. Flytjendur eru Lux
Terrae: Maríanna Másdóttir, söngur, Hilm-
ar Örn Agnarsson, orgel/píanó, Jóhann
Stefánsson, trompet, Sigurgeir Sigmunds-
son, gítar, Jóhann Ásmundsson, bassi
ásamt Unglingakór Grafarvogskirkju.
Stjórnandi Oddný Jóna Þorsteinsdótt-
ir.Aðgangur er ókeypis en eftir stundina
verður selt kaffi og meðlæti. Allur ágóði
rennur í ferðasjóð Unglingakórs Graf-
arvogskirkju.
HJALLAKIRKJA: Fjölskylduguðsþjónusta
kl. 11. Sr. Sigfús Kristjánsson þjónar. Þor-
gils Hlynur Þorbergsson, guðfræðingur,
prédikar. Yngri kór Snælandsskóla kemur
í heimsókn og syngur undir stjórn Gróu
Hreinsdóttur. Félagar úr kór kirkjunnar
syngja og leiða safnaðarsöng. Organisti
Jón Ólafur Sigurðsson. Barnaguðsþjón-
usta kl. 13. Tóta trúður heimsækir börnin.
Við minnum á bæna- og kyrrðarstund á
þriðjudag kl. 18 (sjá einnig á www.hjalla-
kirkja.is).
KÓPAVOGSKIRKJA: Barnastarf í kirkjunni
kl. 12.30 í umsjón Önnu Kristínar, Péturs
Þórs og Sigríðar Stefánsdóttur. Guðsþjón-
usta kl. 14. Sr. Ægir Fr. Sigurgeirsson pre-
dikar og þjónar fyrir altari. Kór Kópavogs-
kirkju syngur og leiðir safnaðarsöng.
Ingunn Sigurðardóttir syngur einsöng. Org-
anisti Þóra Vigdís Guðmundsdóttir. Kaffi-
sopi eftir messu. Bæna- og kyrrðarstund
þriðjudag kl. 12.10.
LINDASÓKN í Kópavogi: Guðsþjónusta og
sunnudagaskóli í Lindaskóla kl. 11. Fé-
lagar úr kór Lindakirkju leiða safn-
aðarsöng undir stjórn Hannesar Bald-
urssonar organista. Sr. Guðmundur Karl
Brynjarsson þjónar.
SELJAKIRKJA: Barnaguðsþjónusta kl. 11.
Jesús er besti vinur barnanna! Söngur,
saga, brúður, líf! Guðsþjónusta kl. 14. Sr.
Bolli Pétur Bollason prédikar. Kirkjukór
Seljakirkju syngur. Organisti Jón Bjarna-
son. Kvöldguðsþjónusta kl. 20. Sr. Valgeir
Ástráðsson predikar. Þorvaldur Hall-
dórsson leiðir söng. Kór Seljakirkju syng-
ur. Altarisganga.
ÍSLENSKA KRISTSKIRKJAN: Morgunguðs-
þjónusta kl.11.00. Fræðsla fyrir börn og
fullorðna. Konráð R. Friðfinnsson talar.
Samkoma kl.20.00 með mikilli lofgjörð og
fyrirbænum. Högni Valsson forstöðumaður
fríkirkjunnar „Vegurinn“ predikar. Einnig
spilar unglingahljómsveit Vegarins nokkur
lög. Þáttur kirkjunnar „Um trúna og til-
veruna“ er sýndur á Ómega kl.13.30.
BOÐUNARKIRKJAN, Hlíðasmára 9, Kóp:
Samkomur alla laugardaga kl. 11. Bæna-
stund alla miðvikudaga kl. 20. Biblíu-
fræðsla allan sólarhringinn á Útvarp Boð-
un FM 105,5. Allir alltaf velkomnir.
FÆREYSKA SJÓMANNAHEIMILIÐ: Sam-
koma sunnudag kl. 20.30. Fríðbjörg Jen-
sen syngur. Allir velkomnir.
HJÁLPRÆÐISHERINN: Sunnudagur: Sam-
koma kl. 20. Umsjón Fanney Sigurð-
ardóttir og Guðmundur Guðjónsson.
Mánudagur: Heimilasamband kl. 15. Allar
konur velkomnar.
FRÍKIRKJAN KEFAS, Fagrahvarfi 2a:
Samkoma sunnudag kl. 14. Sigrún Ein-
arsdóttir talar. Lofgjörð og fyrirbænir. Tví-
skipt barnastarf fyrir 1–5 ára og 6–12 ára
börn á samkomutíma. Kaffi og samfélag
eftir samkomu. Þriðjudaginn 22. feb. er
bænastund kl. 20.30. Allir velkomnir.
KFUM og KFUK v/Holtaveg: Samkoma
kl. 17. Sáð og spáð í hjörtu. Ræðumaður
Anna Magnúsdóttir. Bæn Valdís Magn-
úsdóttir. Kynning á Undralandinu. Börn
taka virkan þátt í samkomunni. Heitur
matur á fjölskylduvænu verði eftir sam-
komuna. Allir velkomnir.
FÍLADELFÍA: Brauðsbrotning kl. 11. Ræð-
um. Jakob Valsson. Almenn samkoma kl.
16.30. Ræðum. Vörður Leví Traustason.
Vitnisburðir frá Alfa-helginni og skírn.
Gospelkór Fíladelfíu leiðir lofgjörð. Fyr-
irbænir í lok samkomu. Barnakirkja á
meðan á samkomunni stendur. Allir eru
hjartanlega velkomnir. Þriðjud. 22. feb. kl.
18.30 er nýliðafræðsla. Allir velkomnir.
Miðvikud. 23. feb. kl. 18 er fjölskyldu-
samvera, „súpa og brauð“. Allir velkomnir.
Bænastund alla laugardaga kl. 20. Bæna-
stundir alla virka morgna kl. 7–8. www.-
gospel.is – Ath! Hægt er að horfa á beina
útsendingu á www.gospel.is eða hlusta á
útvarp Lindina, fm 102.9. Ath! Kl. 20 á
Omega er samkoma frá Fíladelfíu og á
mánudagskvöldum er nýr þáttur, „Vatna-
skil“ frá Fíladelfíu sýndur á Omega kl. 20.
KROSSINN: Almenn samkoma í Hlíða-
smára 5 kl. 16.30.
BETANÍA, Lynghálsi 3: Samkoma kl. 11
sunnudaga. Einnig samkomur kl. 19.30 á
föstudögum.
KAÞÓLSKA KIRKJAN:
Reykjavík, Kristskirkja í Landakoti, dóm-
kirkja og basilíka: Sunnudaga: Messa kl.
10.30. Messa á ensku kl. 18. Alla virka
daga: Messa kl. 18. Alla laugardaga:
Barnamessa kl. 14. Tilbeiðslustund er
haldin í Kristskirkju á hverju fimmtudags-
kvöldi að messu lokinni, þ.e. frá kl. 18.30
til 19.15. Alla föstudaga í lönguföstu er
krossferilsbæn lesin kl. 17.30. Gengið er
frá einni viðstöðu til annarrar (14 við-
stöður) og um leið erum vér hvött til að
íhuga þjáningar Drottins og dauða og biðj-
um um miskunn og fyrirgefningu, oss sjálf-
um og öðrum til handa. Reykjavík, Mar-
íukirkja við Raufarsel: Sunnudaga: Messa
kl. 11. Laugardaga: Messa á ensku kl.
18.30. Virka daga: Messa kl. 18.30. „Ár
altarissakramentisins“: Tilbeiðslustund á
mánudögum frá kl. 19 til 20. Riftún í Ölf-
usi: Sunnudaga: Messa kl. 16. Miðviku-
daga kl. 20. Hafnarfjörður, Jósefskirkja:
Sunnudaga: Messa kl. 10.30. Alla virka
daga: Messa kl. 18.30. „Ár alt-
arissakramentisins“: Tilbeiðslustund á
hverjum degi kl. 17.15. Karmelklaustur:
Sunnudaga: Messa kl. 8.30. Virka daga:
Messa kl. 8. Keflavík, Barbörukapella:
Skólavegi 38: Sunnudaga: Messa kl. 14.
Stykkishólmur, Austurgötu 7: Alla virka
daga: Messa kl. 18.30. Sunnudaga:
Messa kl. 10. Ísafjörður: Sunnudaga:
Messa kl. 11. Flateyri: Laugardaga:
Messa kl. 18. Bolungarvík: Sunnudaga
kl. 16. Suðureyri: Sunnudaga: Messa kl.
19. Akureyri, Kaþólska kirkjan: Péturs-
kirkja, Hrafnagilsstræti 2: Laugardaga:
Messa kl. 18. Sunnudaga: Messa kl. 11.
„Ár altarissakramentisins“: Tilbeiðslu-
stund á hverjum föstudegi kl. 17 og
messa kl. 18.
BRAUTARHOLTSKIRKJA á Kjalarnesi:
Guðsþjónusta sunnudag kl. 11 f.h. Mik-
ilvægur fundur með fermingarbörnum og
foreldrum þeirra eftir messu. Gunnar Krist-
jánsson, sóknarprestur.
LANDAKIRKJA í Vestmannaeyjum: Kl. 11
Sunnudagaskóli í Landakirkju. Krakkar frá
Leikskólanum Rauðagerði sérstaklega vel-
komin. Rauðagerðiskrakkar ætla að
syngja fyrir okkur lög sem þau hafa verið
að æfa á leikskólanum. Við fáum Músa-
pésa og Mýslu í heimsókn. Við biðjum
saman í Jesú nafni, heyrum biblíusögu um
Lasarus og syngjum saman. Barnafræð-
arar og prestar kirkjunnar. Kl. 14 Guðs-
þjónusta í Landakirkju. Í orðum predikunar
Guðspjall dagsins:
Kanverska konan.
(Matt. 4.)
Ljósmynd/Hilmar Bragi Bárðarson
Keflavíkurkirkja
ÞEGAR hinn forni Góumánuður
gengur í garð lýkur skammdeginu
þann veturinn.
Vetrarveran Góa er kvenvættur
og eiginlegur tákngervingur hinnar
„hagsýnu húsmóður“. Góukoman
var vísbending til hinna germönsku
þjóðflokka um að nú væri orðið
tímabært að dytta að amboðum og
skoða í kornhlöður og birgðabúr
heimilisins. Húsmæður höfðu allt að
segja um hvernig haga skyldi rækt-
un og birgðasöfnun á komandi gróð-
urtíma. Góumánuður var þeirra
skipulagstími.
Á Góunni voru bændur á meg-
inlandinu uppteknir við skógarhögg
og veiðar, en á Íslandi reru flestir
verkfærir menn úr verum við sjáv-
arsíðuna og sinntu fiskiveiðum á
vetrarvertíð.
Á Íslandi hefur fyrsti dagur Góu
lengi verið kallaður Konudagurinn.
Elstu heimildir um það orð munu
vera frá miðri nítjándu öld. Þann
dag áttu karlar að vera umfram
venju liðlegir og kurteisir við konur
– og jafnvel færa þeim eitthvert
kvenskart eða fallegt glingur sem
ástar- eða vináttuvott. Í Þingeyj-
arsýslum var t.d. víða siður að karl-
ar færðu konum rauðan ullarlagð
sem þær síðan gátu notað til að
skreyta fatnað sinn með.
Upp úr 1960 hófst síðan sá fallegi
siður að gefa konum blóm á Konu-
daginn. Má því segja að þar hafi
„rauði ullarlagðurinn“ komið aftur í
nýrri mynd. Upphafsmaður þess-
arar nýbreytni mun hafa verið
Helgi Filipusson blómakaupmaður
sem á þessum tíma rak blómabúð-
ina Flóru í Reykjavík. Aðrir blóma-
kaupmenn voru fljótir að grípa hug-
myndina – sem varð geysivinsæl –
og 1965 eru „konudagsblómin“ orð-
in föst í sessi og vart er nú til sá
karlmaður á Íslandi sem ekki kaup-
ir einn eða fleiri blómvendi á Konu-
daginn handa konunum í lífi sínu,
hvort sem þær eru „móðir, kona eða
meyja“.
Í fyrstu voru túlipanarnir aðal-
uppistaða í konudagsblómvönd-
unum og eru enn vinsælir. En með
nýjum tímum, betri tækni og örari
samgöngum hefur blómaúrvalið
orðið fjölbreyttara. Fyrir utan hina
sívinsælu túlipana er nú boðið upp á
íslenskar vetrarrósir og blóm frá
fjarlægari slóðum. Um margt er að
velja – og fátt er betri vottur um
virðingu og væntumþykju en fal-
legur blómvöndur.
Konudagurinn er sérstæður fyrir
Ísland hér í Norður-Evrópu, en
Ítalir eiga líka sinn konudag hinn 8.
mars – og ítalskir karlmenn eru
ósparir á að færa mæðrum sínum,
eiginkonum, frænkum og dætrum
blóm í tilefni dagsins.
HAFSTEINN HAFLIÐASON,
garðyrkjumaður.
Konudagurinn
Frá Hafsteini Hafliðasyni
Konudagstúlípanar í ræktun í gróðurhúsi.
BRÉF TIL BLAÐSINS
Morgunblaðið, Kringlunni 1, 103 Reykjavík  Bréf til blaðsins | mbl.is
ÞAÐ VAR mikil stemmning í Lang-
holtskirkju laugardaginn 29. janúar
síðastliðinn þegar Þórarinn Eldjárn
sté í pontu til að flytja ávarp við upp-
haf tónleika Sinfóníuhljómsveitar
tónlistarskólanna. Ungu tónlist-
armennirnir sem skipa hljómsveit-
ina, 78 talsins, komu fyrst á æfingu
föstudaginn 7. janúar síðastliðinn.
Hljómsveitin er samstarfsverkefni
Tónlistarskóla FÍH, Tónlistarskóla
Hafnarfjarðar, Tónlistarskóla Kópa-
vogs og Tónskóla Sigursveins D.
Kristinssonar og er henni ætlað að
gefa efnilegum nemendum kost á að
glíma við viðamikil hljómsveitarverk
og vinna saman í fullskipaðri hljóm-
sveit. Allan janúarmánuð hafa
krakkarnir sótt stífar æfingar undir
styrkri stjórn hljómsveitarstjórans
Guðna Franzsonar. Margir fleiri
hafa komið að undirbúningnum, að-
stoðarfólk og kennarar auk nemenda
Tónlistarskóla Reykjanesbæjar og
Tónlistarskóla Seltjarnarness. En
að öllum öðrum ólöstuðum á Guðni
mikinn heiður skilinn fyrir hversu
vel hann náði til krakkanna.
Eins og Þórarinn benti á í ávarpi
sínu þá er eina ráðið við vondri tón-
list góð tónlist! Og það var einmitt
góð tónlist sem tónleikagestir fengu
að heyra í Langholtskirkju þennan
laugardagseftirmiðdag. Fyrst flutti
hljómsveitin skoska dansa op. 59 eft-
ir Malcolm Arnold með miklu fjöri
og iðandi af lífi. Síðan tók við frum-
flutningur á verki Johns Speights
„Ariel“, sem er konsert fyrir básúnu
og hljómsveit. Þetta magnaða og nú-
tímalega verk samdi John á liðnu
hausti sérstaklega í tilefni þessara
tónleika. Í verkinu lýsir tónskáldið
ákveðnum einmanaleika í sambandi
einleikarans og hljómsveitarinnar,
þar sem einleikarinn lendir oft ut-
anveltu. Einleikari með hljómsveit-
inni var hinn ungi og efnilegi bás-
únuleikari Sigurbjörn Ari
Hróðmarsson. Stóð hann sig frábær-
lega vel eins og reyndar hljómsveitin
öll og verkið sjálft lofaði meistarann.
Þetta er lifandi verk sem hæfir vel
ungu og hressu tónlistarfólki og fer
með áheyrendur á flug um allt tón-
leikarýmið.
Eftir hlé var boðið upp á sinfóníu í
þremur þáttum frá árinu 1945 eftir
Igor Stravinsky. Einnig þessu verki
skilaði hljómsveitin með miklum
krafti og gleði til áheyrenda. Það var
einmitt krafturinn og leikgleðin sem
settu hvað mestan svip á þessa tón-
leika. Það er gott framtak hjá tón-
listarskólunum að bjóða unga tón-
listarfólkinu þetta tækifæri.
Krakkarnir kunnu líka svo sann-
arlega að þakka fyrir sig með frá-
bærri frammistöðu, geislandi áhuga
og leikgleði sem fylgdi tónlist-
argestum heim á leið að tónleikum
loknum. Vonandi verður framhald
þarna á.
ÞÓRHALLUR HEIMISSON
prestur.
Með leikgleðina
í fyrirrúmi
Frá Þórhalli Heimissyni