Morgunblaðið - 19.02.2005, Blaðsíða 28
28 LAUGARDAGUR 19. FEBRÚAR 2005 MORGUNBLAÐIÐ
FERÐALÖG
Ódýrari bílaleigubílar fyrir
Íslendinga
Bílar frá dkr. 1.975 vikan
Bílaleigubílar
Sumarhús í
DANMÖRKU
www.fylkir.is sími 456-3745
Innifalið í verði: Ótakmarkaður akstur,
allar tryggingar, engin sjálfsábyrgð.
(Afgreiðslugjöld á flugvöllum.)
Höfum allar stærðir bíla, 5-7 manna
og minibus, 9 manna og rútur með/
án bílstjóra.
Sumarhús
Útvegum sumarhús í Danmörku af
öllum stærðum, frá 2ja manna og
upp í 30 manna hallir. Valið beint af
heimasíðu minni eða fáið lista.
Sendum sumarhúsaverðlista;
Dancenter sumarhús
Lalandia orlofshverfi
Danskfolkeferie orlofshverfi
Hótel. Heimagisting. Bændagisting.
Ferðaskipulagning.
Vegakort og dönsk gsm-símakort.
Fjölbreyttar upplýsingar á
heimasíðu; www.fylkir.is
www.gisting.dk
sími: 0045 3694 6700
Ódýr og góð gisting
í hjarta Kaupmannahafnar
Innfæddir taka daginn snemma, eru lífs-glaðir og ákaflega nægjusamir. Þarsem við fórum um í rútum gerðu þeirundantekningarlaust hlé á störfum sín-
um til að veifa og brosa. Híbýli heimamanna
eru sum glæsileg, en víða virtust þau vera
óttaleg hreysi og allt þar á milli og voru lóðir
yfirleitt afmarkaðar með girðingu, jukkum
eða kaktusum, segir Sigríður Ingvarsdóttir,
sem fór í nóvember sl. í vikuferð til Costa
Rica ásamt eiginmanninum Guðmundi Jóns-
syni í tilefni fimmtugsafmælis húsbóndans.
Þau segjast ekki hafa mikla reynslu af ferða-
lögum til útlanda og því eigi þau sér engan
sérstakan uppáhaldsstað utan landsteinanna.
„Okkar gamli heimabær, Húsavík, stendur
hins vegar undir nafni sem slíkur og svo er
Danmörk reyndar alltaf svolítið „dejlig“. Að
þessu sinni langaði okkur til framandi lands
og varð Costa Rica fyrir valinu þar sem okk-
ur leist vel á ferðatilhögun og veðurfar.“
Costa Rica liggur á milli Nicaragua í norðri
og Panama í austri. Austurströnd landsins
liggur að Karíbahafinu en ströndin sunnan og
vestan til liggur að Kyrrahafi. Þau hjónin
þekktu ekkert til annarra ferðafélaga áður en
lagt var í’ann, en hópurinn taldi um fjörutíu
manns. Flogið var með Icelandair til Orlando
þar sem dvalið var í þrjá daga á Best West-
ern Plaza, þriggja stjörnu hóteli við Int-
ernational Drive, og tvær nætur í bakaleið-
inni, en flogið var með hollenska flugfélaginu
Martinair til San José á Costa Rica þar sem
dvalið var í vikutíma. Sól og hiti yljaði ferða-
löngunum allan tímann þótt stöku skúr hafi
gert seinnihluta dags enda var regntímabilið
að líða undir lok.
Um margt að velja
„Við tókum daginn snemma. Eftir góðan
árbít var lagst í sólbað, ýmist í hótelgarðinum
eða á ströndinni við hótelið, og farið í göngu-
ferðir um nágrennið þess á milli,“ segir Sig-
ríður. Gist var á Flamingo Beach Resort í
Guanacaste, sem er í um fimm stunda akst-
ursleið vestur af flugvellinum í San José. Að-
búnaður á hótelinu reyndist góður, herbergin
hrein og snyrtileg, góð sundlaug með sund-
laugarbar, matsala, líkamsræktarsalur að
nafninu til, smáverslanir, snyrtistofa, þvotta-
þjónusta og hæggeng netþjónusta.
Fulltrúi frá þarlendri ferðaskrifstofu
kynnti skoðunarferðir fyrir hópnum á fyrsta
degi og reyndist um margt að velja. „Við kus-
um að fara í dagsferð til Rincon de la Vieja
National Park, sem er einn af mörgum þjóð-
görum Costa Rica. Þar brunuðum við eftir
vírum milli himinhárra trjáa innan um „hina“
apana. Við fórum í reiðtúr og síðan í leirbað
og heitar uppsprettulaugar lengst inni í regn-
skógi. Þá fórum við í skjaldbökuferð, sem líð-
ur seint úr minni. Þetta reyndist hin mesta
glæfraferð, en ökuferðin varði í heila átta
tíma í svartamyrkri og forarleðju
vegna rigninga. Haldið var af stað kl.
20.00 að kvöldi og ekki komið til baka
fyrr en kl. 05.00 að morgni. Sjóferð
með snorkli og kajaksiglingum var
einnig á dagskránni og reyndist stór-
skemmtileg upplifun.
Sjálfsþurftarbúskapur
Hægt var að fá kvöldverð á hótelinu
fyrir lítinn pening, en okkur fannst
meira spennandi að fara á aðra staði
eins og t.d. til Brasilito og Tamarindo
þar sem hægt var að fá ágætismat.
Eitt kvöldið bauð hótelið hins vegar
upp á hlaðborð með sýnishorni af mat-
argerð innfæddra. Á borðum var
margt framandi, en heimamenn nota
mikið af baunum, hrísgrjónum, ávöxtum og
grænmeti í matargerðina. Djúpsteikt jukka
reyndist t.d. mikið ljúfmeti. Menn stunda
þarna gjarnan sjálfsþurftarbúskap með góð-
um árangri því það liggur við að sé spýtu
stungið í mold spretti af henni lauf áður en
langt um líður.
Lítið fór fyrir skemmtanalífinu og þarf ef-
laust að leita út fyrir hótelið að slíku. Ég
mæli hins vegar með því að fólk fari í dags-
ferð til Brasilito, sem er næsta þorp. Þar er
stórkostleg strönd með tærum sjó og hvítum
skeljasandi. Í þorpinu sjálfu er ljómandi góð-
ur veitingastaður alveg niðri við fjöruborðið
þar sem hægt er að fá góða fiskrétti og þar
eru hendur laugaðar fyrir og eftir mat.“
Skjaldbökubörn í sandi
Að sögn Sigríðar og Guðmundar lögðu
heimamenn á Costa Rica fyrir nokkrum árum
niður herinn, sömdu um frið við nágranna-
þjóðirnar og sögðust ekki blanda sér í þeirra
deilumál. Þess í stað lögðu þeir peninga í
menntamál og samgöngur. Flestir hafa sjón-
varp og allir hafa aðgang að síma, ef ekki
einkasíma er stutt í almenningssíma. Netkaffi
sáust víða auglýst, en gsm-samband var ekk-
ert. „Margt nýtt bar fyrir augu, t.d. eldflugur,
stórar en meinlausar eðlur, svartir apar, önn-
um kafnir stórir kóngamaurar og furðuleg
bjöllutegund, sem m.a. var notuð til að vekja
athygli gesta á „tips“-kassa í þjóðgarðinum.
Risaskjaldbaka rótaði sandi yfir nýorpin egg-
in sín lengst uppi í fjöru, hvarf að því loknu til
sjávar þar sem hún beið eftir nógu stórri öldu
til að bera sig til hafs. Í vasaljósgeisla grillti
svo í hundruð lítilla skjaldbökubarna í sand-
inum og myrkrinu, leitandi að réttu leiðinni
til sjávar. Og maður bara hugsaði: Skyldi ég
vera búin að stíga ofan á mörg svona kríli!“
FERÐALÖG | Til Costa Rica á fimmtugsafmæli húsbóndans
Okkur langaði til
framandi lands
Sigríður í góðum félagsskap á sundlaugarbarnum.
Hjónin og húsamálararnir Sigríður Ingvarsdóttir og
Guðmundur Jónsson brugðu sér til Costa Rica.
Fyrir þá sem þola langt ferðalag, rútuferðir og
slæma vegi og eru að leita eftir hvíld og sól
fremur en sælkeramáltíðum og fjörugu nætur-
lífi er Costa Rica kjörinn áfangastaður, að mati
hjónanna og húsamálaranna Sigríðar Ingv-
arsdóttur og Guðmundar Jónssonar.
Flamingo Beach Resort
www.cardelhotels.com
join@mbl.is
Í þjóðgarðinum brunaði afmælis-
barnið um á vírum.
Flamingo Beach-hótelið ásamt samnefndri strönd og fjær er Brasilito-ströndin.
Íþróttaferðir, árshátíðarferðir,hvataferðir og síðast en ekkisíst golf- og gönguferðir eru
meðal ferða sem ÍT-ferðir ætla að
skipuleggja í vor og í sumar.
Helsti þátturinn í starfsemi ÍT-
ferða er skipulag og utanumhald
íþróttaferða ýmissa íþróttagreina,
hvort sem ferðinni er heitið á
íþróttamót, í æfingaferðir eða fjöl-
skylduferðir. Auk þess bjóða ÍT-
ferðir m.a. ferðir á enska boltann
og skóla- og kennaraferðir
Ganga og golf
ÍT-ferðir verða með sína fyrstu
gönguferð í Slóveníu 15.–22. júní
nk. undir fararstjórn Hjördísar
Hilmarsdóttur. Gengið verður í
sex daga um Triglav-þjóðgarðinn í
Julian-ölpunum, nálægt landa-
mærum Austurríkis. Triglav-
þjóðgarðurinn er í hjarta Gor-
enjska-fjallasvæðisins, en þar er
m.a. að finna stærsta jökulvatn
Slóveníu, Lake Bohinj. Þjóðgarð-
urinn nær yfir um 85 þúsund hekt-
ara með giljum, ám og lækjum,
vötnum, frumskógi og engjum, að
sögn Ingigerðar Einarsdóttur,
verkefnastjóra hjá ÍT-ferðum.
Meðal annarra gönguferða sem
eru á dagskrá hjá ÍT-ferðum í
sumar eru þrjár gönguferðir um
Pyreneafjöllin með innfæddum
leiðsögumönnum. Gert er ráð fyrir
viku á göngu og
möguleika á ann-
arri viku í afslöpp-
un í Tossa de Mar.
Tveggja vikna
fjölskylduganga
hefur svo verið
skipulögð milli
þorpa á Costa
Brava-ströndinni á
Spáni dagana 4.–
18. júní sem henta
á jafnt ungum sem
öldnum. Lág-
marksþátttaka í
gönguferðirnar
miðast við 21.
ÍT-ferðir koma
svo til með að
bjóða golfferðir til
Skotlands frá apr-
íllokum til maíloka
þar sem gist verð-
ur á Westerwood,
fjögurra stjarna
golfhóteli, sem er
um 15 mínútna akstur frá Glas-
gow.
Þá benda ÍT-ferðir golf-
áhugamönnum á La Cala Golf Re-
sort sem er fimm stjarna golfhótel
á Costa del Sol og jafnframt á
góða golfaðstöðu á Costa Blanca.
Til beggja staða má fljúga á eigin
vegum, en hægt er að bóka gist-
ingu, golf og bíl hjá ÍT-ferðum.
ÍT-FERÐIR
Gengið verður í sex daga um Triglav-þjóðgarðinn í
Julian-ölpunum í Slóveníu.
Göngugarpar stefna á Spán og Slóveníu