Morgunblaðið - 19.02.2005, Blaðsíða 32
32 LAUGARDAGUR 19. FEBRÚAR 2005 MORGUNBLAÐIÐ
ÚR VESTURHEIMI
St. Louis | ,,Hátíðin var frábær, ís-
lensku fiskréttunum var mjög vel tek-
ið, áheyrendur kunnu sérlega vel að
meta tríóið Guitar Islancio og við
fengum meiri háttar umfjöllun í fjöl-
miðlum,“ sagði Hlynur Guðjónsson,
framkvæmdastjóri hjá Icelandic USA,
dótturfélagi Sölumiðstöðvar hrað-
frystihúsanna í Bandaríkjunum, að
lokinni þriggja daga Íslandskynningu
í St. Louis um liðna helgi.
Icelandic USA og aðstandendur
markaðsverkefnisins Iceland Nat-
urally í Bandaríkjunum skipulögðu
hátíðina í samvinnu við Dan Kopmen,
framkvæmdastjóra Schlafly Tap
Room í St. Louis. Djasstríóið Guitar
Islancio (Björn Thoroddsen, Gunnar
Þórðarson og Jón Rafnsson) skemmtu
gestum daglega í Schlafly Tap Room
og kom einnig fram í menningar-
miðstöðinni Focal Point Arts Center.
Völundur Snær Völundarson kokkur,
sem rekur veitingastaðinn The Ferry
House Restaurant í Freeport á eyj-
unni Grand Bahama, framreiddi fisk-
rétti og þrír þeirra voru á matseðli
Schlafly Tap Room meðan hátíðin
stóð yfir. ,,Réttirnir slógu í gegn og
sérstaklega plokkfiskurinn,“ sagði
Hlynur.
Fox sjónvarpsstöðin var með 15
mínútna langan þátt um Ísland í til-
efni hátíðarinnar og ræddi meðal ann-
ars við Völund Snæ eða Worly eins og
hann er kallaður vestra. Hátíðinni
voru einnig gerð góð skil í útvarps-
stöðvum og dagblöðum. ,,Umfjöllunin
var mikil og mjög jákvæð,“ sagði
Hlynur.
Þetta er fyrsta Íslandskynningin í
St. Louis og sagði Pétur Þ. Óskarsson,
viðskiptafulltrúi á aðalræðisskrifstofu
Íslands í New York, að hugsanlega
yrði framhald á á næsta ári.
Vel heppnuð kynning
á fiskréttum í St. Louis
Morgunblaðið/Steinþór Guðbjartsson
Lykilmenn í St. Louis F.v.: Hlynur Guðjónsson, framkvæmdastjóri hjá Ice-
landic USA, Hannes Heimisson, aðalræðismaður Íslands í New York, Pétur
Þ. Óskarsson, viðskiptafulltúi á aðalræðisskrifstofu Íslands í New York,
Dan Kopmen, framkvæmdastjóri Schlafly Tap Room, og Eric Sigurdson,
eigandi kleinuhringjakeðjunnar Krispy Kreme í St. Louis og Chicago.
Djasstríóið Guitar Islancio Gunnar Þórðarson, Jón Rafnsson og Björn
Thoroddsen skemmtu gestum í St. Louis um liðna helgi.
Manitoba |Páll Jensson, prófessor við verkfræðideild Há-
skóla Íslands, og Örvar Jónsson, nemandi hans, eru að
byrja að kanna arðsemi flutninga, einkum flutning á korni,
frá miðvesturfylkjum og -ríkjum Kanada og Bandaríkj-
anna til Evrópu og Afríku með Churchill í Manitoba sem
útskipunarhöfn og Ísland sem birgðastöð. Verkefnið er
meistaraverkefni við HÍ og tekur um átta mánuði.
Fyrir nokkrum árum veltu menn því fyrir sér hvort hag-
kvæmt væri að flytja korn frá Kanada til Evrópu með því
að sigla með það þrjá til fjóra mánuði á sumrin frá
Churchill í Manitoba til Íslands og þaðan til markaða á
meginlandi Evrópu. Margir hafa kannað málið frá ýmsum
hliðum og meðal annars taldi rússneska ríkisstjórnin fyrir
um ári að nú væri rétti tíminn til að koma á vöruflutningum
milli Murmansk í Rússlandi og Churchill, því rannsóknir
hafi sýnt að flutningaleiðin væri sú hagkvæmasta milli
Mið-Norður-Ameríku og Norður-Evrópu.
Sveinn Arnbjörnsson, flugmaður í Manitoba, hefur flog-
ið reglulega til Churchill í mörg ár og viðrað hugmyndina
um flutninga þaðan til Evrópu um Ísland við marga.
Bændur og fleiri í Miðvestur-Norður-Ameríku af íslensk-
um ættum hafa haldið hugmyndinni á lofti undanfarin ár
og bent á að gríðarlega mikið af korni og öðru fari um lang-
an veg með járnbrautum til austurstrandar Kanada og
Bandaríkjanna. Þetta séu tímafrekir flutningar og dýrir en
með því að fara um Churchill megi ætla að kostnaðurinn
minnki þar sem flutningstíminn styttist.
Páll segir að Atli Ásmundsson, aðalræðismaður Íslands
í Winnipeg, hafi sýnt málinu mikinn áhuga og stuðning auk
þess sem Útflutningsráð, Manitobafylki, Samskip og
Hafnarfjarðarhöfn hafi stutt það. Því hafi verið ákveðið að
stofna til 30 eininga meistaraverkefnis við verkfræðideild
Háskóla Íslands, en um sé að ræða um átta mánaða vinnu
til þess að rannsaka umræddan möguleika og kanna arð-
semi hugmyndarinnar. ,,Við erum rétt að byrja,“ segir
Páll.
Tvímenningarnir fóru til Churchill í liðinni viku til að
kanna aðstæður og ræða við heimamenn um verkefnið.
Þeir hittu m.a. Michael Spence, bæjarstjóra í Churchill, og
Michael J. Ogborn, framkvæmdastjóra OmniTRAX, sem
rekur járnbrautina til Churchill. ,,Við höfum fengið mjög
góðar viðtökur og greinilegt er að mikill áhugi er á málinu,
ekki síst í Churchill,“ segir Páll.
Morgunblaðið/Steinþór Guðbjartss
Á milli funda í Manitoba Frá vinstri: Michael J. Og-
born, framkvæmdastjóri OmniTRAX, Atli Ásmunds-
son, aðalræðismaður í Winnipeg, Örvar Jónsson meist-
aranemi og Páll Jensson, prófessor við verkfræðideild
Háskóla Íslands.
Kanna hagkvæmni flutn-
inga um Churchill og Ísland
Stonewall | Fyrsta keppnin til minn-
ingar um Fálkana og árangur þeirra
1920 þegar þeir urðu fyrstu ólympíu-
meistararnir í íshokkí fór fram í
Stonewall í Manitoba á laugardags-
kvöld. Atli Ásmundsson, aðalræðis-
maður Íslands í Winnipeg, hóf leikinn
og afhenti sigurvegurunum glæsileg-
an farandbikar sem Íþrótta- og ól-
ympíusamband Íslands gaf til að
halda árangri Fálkanna á lofti.
Alþjóðlegt 10 liða íshokkímót fyrir
lið skipuð leikmönnum 17 ára og
yngri, World Under 17 Hockey Chal-
lenge, var haldið í Stonewall og Selk-
irk um áramótin 2001/2002 og var það
tileinkað vestur-íslenska liðinu Fálk-
unum eða The Winnipeg Falcons,
sem keppti fyrir hönd Kanada á Ól-
ympíuleikunum í Antwerpen í Belgíu
1920 og varð ólympíumeistari. Thom-
as A. Goodman, sem er af íslenskum
ættum, var formaður skipulags-
nefndar mótsins og óskaði eftir því
við Eið Guðnason, þáverandi aðal-
ræðismann Íslands í Winnipeg, að Ís-
land tengdist mótinu á einhvern hátt.
Eiður hafði samband við Ellert B.
Schram, forseta ÍSÍ, sem tók vel í
beiðnina og gaf ÍSÍ stóran bikar til
keppninnar.
Hins vegar sá Íshokkísamband
Kanada um öll verðlaun og var bik-
arinn því geymdur en ekki gleymdur.
,,Ég vildi nota bikarinn á einhvern
hátt til að minnast Fálkanna og nið-
urstaðan varð þessi árlegi leikur um
Fálkabikarinn milli ungmennaliðsins
Stonewall Jets og bandaríska há-
skólaliðsins MSU Bottineau Lumber-
jacks frá Norður-Dakóta,“ segir
Thomas Goodman og bætir við að
hugarfar leikmanna Jets sé eins og
það hafi verið hjá Fálkunum. ,,Þetta
eru strákar sem hafa alist upp saman
og leikið hokkí frá unga aldri, fyrst og
fremst ánægjunnar vegna. Margir
Kanadamenn eru í bandaríska liðinu
og strákar af íslenskum ættum leika
með báðum liðum.“
Atli Ásmundsson og Lockie
McLean, bæjarstjórnarmaður í
Stonewall, fluttu ávörp fyrir leikinn
og eftir að Ashley Klimpke hafði
sungið þjóðsöngva Kanada og Banda-
ríkjanna hóf Atli leikinn með því að
henda pökknum á ísinn og lét fyrirlið-
ana um að kljást um hann. Gestirnir
höfðu þó nokkra yfirburði í leiknum
og unnu 4:1. Þegar Atli afhenti þeim
farandgripinn minnti hann leikmenn-
ina á söguna á bak við bikarinn og
keppnina og bað þá um að hafa hana í
minni, en í ávarpinu fyrir leik flutti
hann kveðju frá ÍSÍ og rakti sögu
Fálkanna í stórum dráttum.
Fálkabikarinn af-
hentur í fyrsta sinn
Gimli | Vélsleðamenn í Manitoba
settu Kanadamet á Winnipegvatni
á laugardag, þegar þeir mynduðu
320 vélsleða langa röð og óku
þannig á ísnum í um klukkutíma.
Í metliðinu voru meðal annars
tveir Kanadamenn af íslenskum
ættum.
,,Þetta var hressandi og
skemmtilegt,“ sagði Jónas Ein-
arson frá Vatnsnesi í Árnesi,
skammt fyrir norðan Gimli, en
hann var einnig í metliðinu 2002.
Á sleðanum fyrir aftan hann var
mágur hans, Einar U. Einarson
frá Gíslastöðum í Hnausa. ,,Hug-
myndin var að slá heimsmetið en
vegna kuldans komu færri en til
stóð,“ bætti Jónas við.
Takmarkið var að fá 820 vél-
sleða í röðina og komast þannig í
heimsmetabók Guinness. Útlitið
var gott fyrri hluta vikunnar en
síðan kólnaði og þó nokkur vind-
ur gerði fólki erfitt fyrir að vera
úti. Annað markmið var að safna
peningum til sjúkdómarannsókna
og söfnuðust meira en 23.000
dollarar eða ríflega 1.100 þúsund
kr.
Vestur-Íslendingar í metliði
Chicago | Frón, Íslendinga-
félagið í Chicago í Bandaríkj-
unum, hélt árlegt þorrablót
sitt um liðna helgi og ætla má
að félög vestra verði með
þorrablót um hverja helgi
fram í byrjun apríl.
Íslenskur þorramatur var
á borðum í veislunni og fór
hann vel í flesta en sumum
heimamönnum þótti hákarl-
inn of sterkur og hrúts-
pungarnir og sviðasultan
ekki sérstaklega aðlaðandi.
Það kom samt ekki í veg fyrir
að menn fengju sér vel að
borða og nytu veitinganna.
Um 50 manns sóttu þorra-
blótið og þar á meðal voru
sérstakir gestir frá Íslandi,
Anna Björk Guðbjörnsdóttir
og Almar Grímsson, forseti
Þjóðræknisfélagsins.
Happdrætti félagsins var á
sínum stað og að þessu sinni
fékk Gunnar Thors flest verðlaun og þar á meðal áskrift á Netinu að
Lögbergi-Heimskringlu. Leah Schildknecht og Brynhildur Porter
fögnuðu hins vegar manna mest þegar þær unnu sína ferðina hvor
með Icelandair til Íslands og til baka.
Þorrablótin loks
byrjuð vestra
Brynhildur Porter og Leah
Schildknecht unnu hvor sína
ferðina með Icelandair til Íslands
og til baka.
Morgunblaðið/Steinþór Guðbjartsson
Eric Sigurdson frá St. Louis og
Marc Johnson frá Chicago gáfu
tóninn í söngnum.
Anna Björk Guðbjörnsdóttir og Almar
Grímsson, forseti Þjóðræknisfélags-
ins, komu frá Íslandi á þorrablótið.
Veistu hvernig
þjónustubyggingar í
Gufuneskirkjugarði verða
í framtíðinni?
Komdu á hönnunarsýninguna
á 4. hæð Perlunnar sem
opin er alla daga frá
2. febrúar til 2. mars.
KIRKJUGARÐAR REYKJAVÍKUR