Morgunblaðið - 19.02.2005, Blaðsíða 25

MORGUNBLAÐIÐ LAUGARDAGUR 19. FEBRÚAR 2005 25
MINNSTAÐUR
ÁRBORGARSVÆÐIÐ
Hveragerði | Fimmtán manna hópur
fimleikakrakka úr Hveragerði gerði
góða ferð á Íslandsmót Fimleika-
sambands Íslands í Vestmanna-
eyjum um síðustu helgi. Þetta litla
félag kom heim með tvo Íslands-
meistaratitla og fjölda annarra verð-
launa. Elín Guðmundsdóttir, gjald-
keri fimleikadeildar Hamars og
fimleikamamma, er afar ánægð með
árangurinn.
Auk þjálfara og keppenda fóru tíu
foreldrar með til Eyja og höfðu
mikla ánægju af. Í keppninni á laug-
ardag unnu átta Hamarsmenn sér
rétt til að taka þátt í Íslandsmótinu á
sunnudag. Þar náðu margir góðum
árangri og tveir urðu Íslandsmeist-
arar, Hjördís Jóhannsdóttir í þriðja
þrepi stúlkna og Daði Rafn Brynj-
arsson í þriðja þrepi pilta.
Auk góðs árangurs í keppninni
fengu krakkarnir úr Hveragerði
hrós fyrir góða hegðun og umgengni
í veislu og kvöldvöku sem fram fór í
Höllinni á laugardagskvöldið. „Okk-
ur foreldrum og þjálfurunum finnst
þetta frábær árangur hjá svo litlu fé-
lagi,“ segir Elín
Hjördís Jóhannsdóttir, 12 ára,
varð í fyrsta sæti í þriðja þrepi
stúlkna. Hún fór til Eyja beint úr
samræmdu prófi. „Við úr sjöunda
bekk, sem vorum að koma úr próf-
inu, fórum í flugi því að Herjólfur var
farinn á undan okkur,“ segir Hjör-
dís.
„Þetta er í fyrsta skipti sem ég
vinn, en ég hef tekið þátt í 1. og 2.
þrepi og komst inn á meistaramót í
báðum þrepunum, fékk silfur í 1.
þrepi og brons í 2. þrepi,“ segir
Hjördís sem hefur æft fimleika frá
sex eða sjö ára aldri, „ég man ekki
alveg hvort ég var“.
„Bara að keppa,“ segir Hjördís
þegar hún er spurð að því hvað hafi
verið skemmtilegast í Eyjum. Hún
segir að ferðin heim með Herjólfi
hafi ekki gengið vel því að slæmt hafi
verið í sjóinn. „En ég varð ekkert
sjóveik. Ég hef þrisvar sinnum farið í
Herjólf og aldrei orðið sjóveik. Það
leið samt ekkert öllum neitt voðalega
vel á leiðinni. Það var gaman að fá að
fara til Eyja, um helgina verðum við
að keppa í hópfimleikum í Keflavík,“
segir þessi efnilega fimleikakona.
Morgunblaðið/Margrét Ísaksdóttir
Fimir krakkar Hópur fimleikakrakka úr Hamri tók þátt í fimleikamóti í
Vestmannaeyjum og stóð sig vel.
Góður árangur hjá litlu félagi
Ölfus | Haraldur Pétursson, Ís-
lands- og heimsbikarmeistari í tor-
færuakstri, er fluttur til Noregs.
Hann hefur ekki ákveðið hvort
hann tekur þátt í Íslandsmeistara-
mótinu í sumar eða hvort hann
reynir fyrir sér í Noregi.
Haraldur hefur sigrað þrjú síð-
ustu árin í Íslandsmótinu og
Heimsbikarmótinu í torfæru á bíl
sínum Musso og í sumar sigraði
hann í keppnunum með fádæma yf-
irburðum. Hann hefur búið í áratug
á Breiðabólsstað í Ölfusi og hefur
nú verið útnefndur „Íþróttamaður
Sveitarfélagsins Ölfuss“.
„Þetta var frekar auðvelt í sum-
ar. Ég er búinn að vera í þessu í
rúman áratug og hef eytt miklum
tíma í bílinn. Það skilar sér. Ég var
líka heppinn, það bilaði lítið,“ segir
Haraldur. Þá vekur hann athygli á
að aðalkeppinautur hans til margra
ára og sveitungi, Gísli G., hafi ekki
verið með í sumar. Hann segist
hafa saknað Gísla úr keppninni,
þeir séu báðir miklir keppnismenn
og hafi ánægju af að vinna hvor
annan.
Dellumenn eins og við
Haraldur flutti til Noregs fyrir
hálfum öðrum mánuði. Þar vinnur
hann við bílabreytingar hjá Arctic
trucks í Drammen og vann raunar
töluvert í Noregi á síðasta ári.
„Þetta er að vinda upp á sig hér og
er heilmikið að gerast í jeppa-
breytingum. Norðmenn eru
dellumenn eins og við,“ segir Har-
aldur.
Haraldur hefur ekki ákveðið
hvort hann keppir í sumar, og þá
hvort það verður á Íslandi eða í
Noregi. Segist vera að melta þetta
og málið skýrist með vorinu. „Það
væri gaman að breyta til og keppa
hér úti. Það er
keppt í Noregi og
einnig verið að
byggja þetta upp
annars staðar
Norðurlöndunum
þannig að það er
bjart fram undan í
torfærunni. Pen-
ingarnir eru það
eina sem vantar í
þetta sport.“
Haraldur segir
að Mussoinn sé
enn heima og fljót-
legt að senda hann
utan ef það verður
niðurstaðan. Hann
segist einnig vera farinn að huga að
styrktaraðilum og segir að það taki
sinn tíma og jafnvel enn meiri tíma
í Noregi en heima.
Haraldur Pétursson torfærukappi er fluttur til Noregs
Væri gaman að keppa hér úti
Svartir í framan en sælir í sinni Haraldur Pétursson, íþróttamaður Ölf-
uss, t.h., að lokinni síðustu keppninni í sumar ásamt Gunnari Gunnarssyni.
Í vatninu Haraldur Pétursson hefur verið sigursæll á
Musso síðustu árin. Hér er hann í keppni í Jósepsdal.
Morgunblaðið/Gunnlaugur E. Briem