Morgunblaðið - 12.05.2005, Blaðsíða 19

MORGUNBLAÐIÐ FIMMTUDAGUR 12. MAÍ 2005 19
MINNSTAÐUR
KÓPAVOGUR fékk skemmtilega afmælisgjöf
frá yngstu bæjarbúunum í gær þegar vel á
annað þúsund barna frá 16 leikskólum gekk í
skrúðgöngu inn í Smáralind og yfir í Vetr-
argarðinn. Börnin voru öll með höfuðklúta í
mismunandi litum eftir leikskólum og að
sögn Hansínu Ástu Björgvinsdóttur, bæj-
arstjóra Kópavogs, voru allir viðstaddir sér-
lega heillaðir af framkomu barnanna. Börnin
sungu nokkur lög en það er sennilega ekki á
hverjum degi sem svona mörg ung börn
syngja saman í kór.
„Við erum með gesti úr vinabæjunum okk-
ar í Svíþjóð, Danmörku, Álandseyjum og
Færeyjum. Fólkið var svo hrifið að sjá þetta
og sagðist aldrei myndu gleyma þessum at-
burði,“ segir Hansína.
Í tilefni af afmælinu samþykkti bæjarstjórn
á hátíðarfundi tillögu um byggingu æskulýðs-
og tómstundahúss og miðstöðvar fyrir kynn-
ingarstarf Kópavogsbæjar. Hansína segir að
húsið sé einkum ætlað starfsemi fyrir ung-
menni, sextán ára og eldri. „Unga fólkið mun
móta þetta að miklu leyti en ég geri ráð fyrir
að þetta verði mikið listatengt,“ segir Hans-
ína en ungmenningarhúsið á að rísa gegnt
Gerðarsafni.
Hansína segir að framtíð Kópavogs sé
björt. „Þetta er afskaplega skemmtilegur
bær og hann er svo geysilega vel staðsettur,“
segir Hansína.
Yngstu Kópavogsbúarnir
sungu í kór á afmælisdaginn
Morgunblaðið/Eyþór
Fjölmennur kór Börnin báru höfuðklúta í mismunandi litum eftir leikskólum.
Æskulýðs- og tóm-
stundahús verður byggt
gegnt Gerðarsafni
HÖFUÐBORGARSVÆÐIÐ
AUSTURLAND
Austurland | Í gær úthlutaði
Menningarráð Austurlands
20,6 milljónum króna til menn-
ingarstarfs á Austurlandi. Er
þetta í fimmta sinn sem út-
hlutað er styrkjum skv. sam-
starfssamningi menntamála-
ráðuneytis, samgönguráðu-
neytis og sveitarfélaga á
Austurlandi um menningar-
mál. Austurland er eini fjórð-
ungurinn með slíkan samning
við ríkið, en tilgangur hans er
að efla menningarstarf á Aust-
urlandi og beina stuðningi rík-
is og sveitarfélaga í fjórðungn-
um við slíkt starf í einn
farveg.
Hæsti styrkurinn í ár var
1,6 milljónir króna en sá
lægsti 100 þúsund krónur. Alls
bárust ráðinu styrkbeiðnir til
95 verkefna. Umsækjendur kostnaðarmátu
verkefnin í heild sinni á um 173 milljónir
króna. Alls var sótt um styrki að upphæð
tæplega 47 milljónir. 51 styrkur var veittur
samtals að upphæð kr. 20,6 milljónir króna-
.Hæsta styrkinn, 1,6 milljónir króna, hlaut
Vopnafjarðarhreppur í menningarstarfsemi
í Miklagarði og Kaupvangi, skáldakvöld,
myndlistarsýning Tolla o.fl. Safnastofnun
Fjarðabyggðar fékk 1,2 milljónir til sýning-
arhalds í Hafnarhúsinu í Neskaupstað o.fl.
1,1 milljón er veitt til 10 ára afmælis listahá-
tíðarinnar Á Seyði á Seyðisfirði, annað eins
til LungA, listahátíðar ungs fólks á Austur-
landi og Norskra daga.
Þórbergssetur fékk milljón króna, sem og
Blús-, rokk- og jazzklúbburinn á Nesi.
Þórunn Sigurðardóttir, listrænn stjórn-
andi Listahátíðar í Reykjavík, opnaði við
sama tækifæri vefinn www.timirymi.is, sem
fjallar um samtímamyndlist og er hann til-
einkaður myndlistarþætti Listahátíðar 2005.
Að þeirri hátíð lokinni mun hann taka við
hlutverki menningarvefjar fyrir Austurland.
„Það sem gerir okkur auðvelt fyrir þegar
við erum í samstarfi við þennan landshluta
er hið mikla og faglega starf sem hér hefur
verið unnið,“ sagði Þórunn m.a. í ávarpi.
Timirymi.is er hannaður af Ölmu Árnadótt-
ur og unninn af Galdri á Hornafirði.
Menningarráð fékk 95 umsóknir um styrki
Rúmum 20 milljón-
um úthlutað til
menningarverkefna
Úthlutað til menningar Signý Ormarsdóttir, menningar-
fulltrúi Austurlands, afhendir Sigríði Dóru Sverrisdóttur,
formanni menningarnefndar Vopnafjarðar, og Magnúsi Má
Þorvaldssyni hæsta styrk ársins.
Morgunblaðið/Steinunn Ásmundsdóttir
Stækkun á hóteli | Fosshótel á Reyðarfirði
hyggst stækka hótelbygginguna um 30 her-
bergi með nýrri tveggja hæða byggingu til
vesturs frá núverandi byggingu. Í framtíðinni
er gert ráð fyrir að auka megi við hótelið um
30 herbergi þar til viðbótar.
Byggja þarf nýju álmuna á lóð milli hótels-
ins og heilsugæslubyggingar, enda er lóð hót-
elsins sjálfs of knöpp fyrir viðbyggingu. Tutt-
ugu herbergi eru á Fosshóteli á Reyðarfirði.
Tafir við sjúkrahús | Framkvæmdir við
stækkun og endurbygginu Fjórðungssjúkra-
hússins í Neskaupstað tefjast í það minnsta
fram á sumar. Boðum í verkið, sem var áætl-
að að kostaði um 180 milljónir króna, hefur
öllum verið hafnað af Framkvæmdasýslu rík-
isins, en lægsta tilboð sem barst nam 247
milljónum króna. Þetta er í annað skipti sem
verkið er boðið út. Er Framkvæmdasýslan í
viðræðum við verktaka um hvernig lækka
megi verkkostnað og mun miðað við að
kostnaður geti orðið um 220 milljónir króna
þegar upp er staðið. Verði endurnýjuð tilboð
þar í námunda er líklegt að semja megi um
verkið í mánuðinum og hefjast handa fljót-
lega eftir það.
Neskaupstaður | Unga kynslóðin tekur þátt í
að móta kaffihúsamenninguna eins og aðrir.
Þessir ungu drengir, Jón Björn Birkisson (t.h.)
og Guðmundur Hafsteinsson, voru nið-
ursokknir í spilamennsku á kaffihúsinu Nesbæ
í Neskaupstað þegar fréttaritara bar að. Spilið
sem þeir spiluðu heitir „Júgíó“ eða Yu-Gi-Oh!
Inn á milli gæddu þeir sér á mat og drykk sem
kaffihúsið hefur upp á að bjóða. „Við erum
ekki búin að spila hér oft – kannski bara einu
sinni?“ sagði Jón Björn sem varla gaf sér tíma
til að líta upp úr spilamennskunni.
Morgunblaðið/Kristín Ágústsdóttir
Júgíó á
kaffihúsinu
Laugarneshverfi | Pólitískur vilji er fyrir því að
selja lóð Strætó bs. við Kirkjusand og finna
Strætó nýjan stað annars staðar í borgarland-
inu, segir Steinunn Valdís Óskarsdóttir borg-
arstjóri. Líklegt er að af flutningum geti orðið á
þessu ári, þó enn sé ekki búið að ákveða fyrir
víst hvert fyrirtækið flytjist.
„Það er ekki búið að taka formlega ákvörðun
um þetta, en það hefur staðið til lengi að flytja
Strætó og í framhaldi af því selja lóðina,“ segir
Steinunn. Hún segir að einkum sé áhugi fyrir
því að koma Strætó fyrir á lóð í Höfðahverfi, á
milli Breiðhöfða og Þórðarhöfða, en á þeirri lóð
hefur Vélamiðstöðin verið með aðstöðu. „Það er
auðvitað verið að skoðað aðra staði líka, en þetta
er staður sem hentar Strætó að mörgu leyti vel.“
Ef allt gengur að óskum segir Steinunn Val-
dís vel hugsanlegt að Strætó flytji í ár, og í fram-
haldinu verði lóðin seld. Hún segist sjá þar
mikla möguleika, trúlega skrifstofuhúsnæði
næst Sæbraut, en íbúðahús nær Laugarnesvegi.
Ásgeir Eiríksson, framkvæmdastjóri Strætó
bs., segir að umræða um þetta sé ekki ný af nál-
inni. „Við höfum um langt skeið bent á þessa lóð
[í Höfðahverfinu], sem gæti verið ákjósanlegur
kostur fyrir okkur.“
Vilji fyrir því að selja lóð
Strætó bs. við Kirkjusand
Fundinn
nýr staður í
borginni
♦♦♦
Djúpivogur | Leikfélag Djúpavogs frumsýndi
nýlega leikverkið Með veröldina í vasanum
eftir Hallgrím Oddson. Þetta er þriðja verkið
sem leikfélagið setur upp síðan það var stofn-
að árið 2002. Höfundur leikstýrði og samdi
tónlistina í samvinnu við Svavar Sigurðsson,
skólastjóra Tónskóla Djúpavogs. Leikritið
gerist í fjölbýlishúsi í Reykjavík og fjallar um
nokkrar konur sem eiga það eitt sameig-
inlegt að búa í sama húsi. Þær eru ólíkar en
þegar óvæntur atburður á sér stað þurfa þær
að leysa málið í sameiningu.
Uppfærslan þótti vel heppnuð, leikendur
stóðu sig vel og tónlistin féll vel inn í verkið.
Stefnt er að því að setja sýninguna upp á
fleiri stöðum á Austurlandi á næstu vikum.
Með veröldina
í vasanum
Morgunblaðið/Sólný Pálsdóttir
Dramadrottningar á sviði F.v. Helga Björk
Arnardóttir, Snædís Ósk Guðjónsdóttir, Sæ-
rún Jónsdóttir, Silvia Hromádko og Hallveig
Ingimarsdóttir.
♦♦♦