Morgunblaðið - 12.05.2005, Blaðsíða 25

MORGUNBLAÐIÐ FIMMTUDAGUR 12. MAÍ 2005 25
DAGLEGT LÍF
Ólíkt því sem margur heldurþá hafa unglingar mjöggaman af samvistum viðeldra fólk. Þetta hefur í
það minnsta sannast í Gerðubergi
þar sem krakkar úr tólf ára bekkjum
þriggja grunnskóla í Breiðholti
koma saman í hverjum mánuði yfir
vetrartímann til að spila félagsvist
við eldri borgara. Spilamennskan er
hluti af verkefni sem heitir Kynslóð-
ir saman í Breiðholti en að því
standa Félagsstarf Gerðubergs og
Fræðslumiðstöð Reykjavíkur. Skól-
arnir sem taka þátt í þessu samstarfi
eru Fellaskóli, Hólabrekkuskóli og
Seljaskóli, en Ártúnsskóli hefur
einnig verið með í verkefninu undan-
farið en þátttaka þess skóla er bund-
in einstökum atburðum. Guðrún
Jónsdóttir forstöðukona félags-
starfsins í Gerðubergi segir verk-
efnið hafa staðið undanfarin fimm ár
og gefið mjög góða raun. „Þetta er
frábær leið til að brúa kynslóðabilið
því börn hafa í dag alltof lítil kynni af
þeim þroska og þeirri visku sem árin
hafa fært eldri borgurum.“
Styrkir gildismat og dómgreind
Unglingarnir koma á skólatíma í
Gerðuberg til að spila og er það hluti
af námi þeirra í lífsleikni. Þau
hlakka alltaf mikið til og sleppa jafn-
vel öðru skipulegu tómstundastarfi
fyrir þessar samverustundir. „Kenn-
arar þessara krakka segja að það sé
mjög gaman að heyra þau í skólan-
um segja frá samtölum sínum við
spilaborðið og hvers þau verða vísari
um líf þeirra sem eldri eru. Ég veit
dæmi um dreng sem stóð höllum
fæti félagslega en blómstraði í þessu
samstarfi og þetta breytti miklu í
hans lífi. Gamla fólkið hefur sérlega
gaman að því að spila við unga fólkið
og það gefur þeim lífsfyllingu að
finna til nytsemdar og félagsskapar.
Þarna er gullið tækifæri fyrir krakk-
ana til að fræðast af hinum eldri og
þau styrkja eigið gildismat og dóm-
greind með því að tengja gamla
reynslu við nýja,“ segir Guðrún og
bætir við að þessir sömu krakkar
taki einnig þátt í sameiginlegri
fræðsluferð um borgina sem og í
menningardögum á vorin með dansi,
upplestri og öðru.
Kurteis og skemmtileg
Krakkarnir sem sátu þetta sinnið
við spilaborðin voru einbeitt og létu
engan komast upp með að svindla
eða svíkja lit. Keppnisskapið var þó
nokkuð enda veitt verðlaun fyrir
bestu frammistöðuna. Aðspurð
sögðust þau hafa mjög gaman af því
að spila félagsvist og þetta hefði orð-
ið til þess að þau væru líka með
spilakvöld í skólanum hjá sér. „Það
er rosalega gaman að spila við gamla
fólkið og við erum reyndar sum orð-
in miklu betri en þau og mölum þau
stundum,“ segja þau hress með sína
frammistöðu.
Ein þeirra eldri kvenna sem var
að spila við krakkana sagði að mörg
þeirra hafi ekki kunnað að spila þeg-
ar þau byrjuðu. „En þau eru svaka-
lega fljót að læra og taka miklum
framförum og nú eru þau orðin mjög
flink og það er virkilega gaman að
spila við þau. Þau eru kurteis og
skemmtileg og okkur líður vel með
þeim.“
Það var óspart sprellað á báða bóga við þetta borð.
 FÉLAGSSTARF | Kynslóðir spila saman í Breiðholti
Ungur nemur,
gamall temur
Eftir Kristínu Heiðu Kristinsdóttur
khk@mbl.is
Morgunblaðið/Golli
Krakkarnir þiggja aðstoð hinna eldri þegar greiða þarf úr ýmiskonar
vandamálum sem koma stundum upp í spilamennskunni.
ÁFENGI hefur löngum verið tal-
ið hafa mikil áhrif á samskipti
kynjanna, hömlur geta minnkað
og kynhvöt aukist. Á vefnum for-
skning.no er haft eftir vísinda-
tímaritinu Nature að hugsunin
um áfengi geti jafnvel haft sömu
áhrif. Könnun á 82 karlkyns há-
skólanemum leiddi í ljós að tal
um áfengi jók áhuga þeirra á
hinu kyninu.
Ronald Friedman og sam-
starfsmenn hans við Háskólann í
Missouri lögðu spurningalista
fyrir karlana um viðhorf þeirra
til áfengis og áhrifa þess á kyn-
hvötina. Mánuði síðar tóku þeir
þátt í tilraun þar sem þeir sátu
fyrir framan tölvuskjái þar sem
orð og bókstafir flögruðu yfir.
Hugtökin voru ýmist orð yfir
áfengi eins og bjór, viskí og
martini eða annað eins og
smoothie, espresso og ís. Orðin
runnu hratt hjá svo meðvitundin
náði ekki að vinna úr þeim en
undirmeðvitundin gerði það,
samkvæmt vísindamönnunum.
Mennirnir áttu síðan að skoða
myndir af konum og segja til um
hversu aðlaðandi þær væru.
Þeim sem voru þeirrar skoðunar
að áfengi yki kynhvötina, fannst
konurnar fallegri eftir að hafa
séð orðin og drógu vísindamenn-
irnir þær ályktanir að væntingar
gætu haft áhrif á upplifunina.
Þeir kalla á frekari rannsóknir á
því hvar hugsunin endar og efna-
skiptin taka við.
Áfengi og kynhvöt
 KÖNNUN
Garðtraktorar
12,5 HP - 17 HP
Sláttubreidd 76 cm - 107 cm
REYKJAVÍK: Ármúla 11 - Sími 568-1500 AKUREYRI: Lónsbakka - Sími 461-1070 - thor.is
GÓÐAR VÉLAR Í GARÐINN OG SUMARBÚSTAÐINN
Garðsláttuvélar
Enskur eðalgripur
3ja hraða, 5 HP
56 cm sláttubreidd
88 L grasjafnari
Garðsláttuvél
Þýskur gæðingur
2ja hraða, 5,5 HP
Allgjör draumur í slætti
Garðsláttuvélar
Þær mest seldu
3,5 HP - 6 HP