Morgunblaðið - 12.05.2005, Blaðsíða 41
MORGUNBLAÐIÐ FIMMTUDAGUR 12. MAÍ 2005 41
DAGBÓK
ALÞJÓÐADAGUR hjúkrunarfræðinga er í dag,
12. maí, á afmælisdegi Florence Nightingale. Félag
íslenskra hjúkrunarfræðinga er með fund í tilefni
dagsins en yfirskrift hans er: Fölsuð lyf geta valdið
örkumli og dauða. Ásta Möller, varaformaður Al-
þjóðasambands hjúkrunarfræðinga, segir að um-
ræðuefnið sé valið með það í
huga að vekja athygli á því að eitt af hverjum tíu
lyfjum sem seld eru í heiminum eru talin vera föls-
uð.
„Lyfin hafa ekki þá virkni sem þau eiga að hafa
samkvæmt frumframleiðanda,“ segir Ásta um
lyfin. „Jafnvel er talið að allt upp í 25% af lyfjum
sem eru í umferð í vanþróuðu löndunum séu fölsuð
lyf.“
En hvaða afleiðingar getur þetta haft fyrir þá
einstaklinga sem taka inn fölsuð lyf? „Þetta
skiptir miklu máli og það hefur áhrif á heilsu fólks
að taka inn röng lyf. Rannsóknir hafa sýnt það að
50–60% af þessum fölsuðu lyfjum hafa engin virk
efni.
Það getur líka verið að lyfin hafi of lítið af virkum
efnum eða röng virk efni eða þetta eru óhrein efni
og jafnvel verið skaðleg,“ svarar Ásta. Hún segir
enn frekar að þetta geti verið sérstaklega slæmt
þegar viðfangsefnið er til dæmis sýkingar og getur
valdið lyfjaónæmi, lengdu sjúkdómsferli og jafnvel
dauða.
Vandamálið er að sögn Ástu helst þar sem að-
gengi að lyfjum er erfitt, þar sem fólk hefur
minna á milli handanna og eftirliti með lyfjum er
ábótavant. Sala á fölsuðum lyfjum er vaxandi
vandamál í vestrænum ríkjum þar sem int-
ernetið hefur mikil áhrif. Kaup og sala lyfja á Net-
inu er alltaf að aukast og gylliboð berast notendum
Netsins nánast daglega. Ásta varar við þessum
boðum:
„Mesta hættan er í gegnum þessar kaupleiðir.
Fólk hefur enga tryggingu fyrir því að þetta séu
virk lyf en mest er um að hormónar, sterar og rislyf
séu keypt gegnum Netið og er hættulegast gagn-
vart Vesturlöndum.“
Besta ráðið til að sporna við þessari þróun, að
mati Ástu, er að vekja athygli á vandamálinu og
upplýsa almenning um hætturnar við að kaupa
lyf á þennan hátt. „Hér heima erum við með mjög
virkt eftirlitskerfi,“ segir Ásta og heldur áfram:
„Helsta hættan fyrir okkur eru kaup á Netinu og
kaup á lyfjum í lausasölu utan viðurkenndra
lyfjabúða og erlendis, en á Íslandi teljum við okkur
vera nokkuð örugg. Eftirlit er
gott og í apótekum er vel menntað fólk og
strangar kröfur eru gerðar til lyfjainnflytjenda.“
Fundir um fölsun lyfja fara fram í dag í mörgum
löndum fyrir tilstuðlan Alþjóðasambands hjúkr-
unarfræðinga. Fundurinn er öllum opinn og hefst
kl. 20 í kvöld á Grand hóteli. Aðgangur er ókeypis.
Fundur | Félag íslenskra hjúkrunarfræðinga
Fölsuð lyf geta valdið dauða
Ásta Möller er fædd í
Reykjavík. Stúdent frá
Menntaskólanum í
Hamrahlíð 1976. Hún er
með B.Sc.-próf í hjúkr-
unarfræði og stundar
meistaranám í opin-
berri stjórnsýslu við
Háskóla Íslands. Ásta
hefur verið stunda-
kennari við HÍ og HA frá
1981. Hún sat á Alþingi
fyrir Sjálfstæðisflokkinn 1999–2003 og hefur
verið varaþingmaður í Reykjavík norður frá
2003. Ásta er varaformaður alþjóðasamtaka
hjúkrunarfræðinga. Hún er gift Hauki Þór
Haukssyni og er þriggja barna móðir. 60 ÁRA afmæli. Sigurður Björg-vinsson, vélfræðingur, Skarði,
Gnúpverja- og Skeiðahreppi, verður
sextugur 12. maí. Sigurður tekur á
móti vinum og velunnurum á heimili
sínu í Skarði laugardaginn 25. júní
næstkomandi. Allir vinir og sam-
ferðamenn velkomnir og hefst veislan
kl. 16.
Árnaðheilla
dagbók@mbl.is
Misheppnaðar myndasögur
FYRIR nokkru var myndasögum
Moggans breytt. Ég veit ekki hver
átti hugmyndina að því, en t.d. dýra-
glensi var hent út, sem var frábær
sería og Ferdinand. Hann var þó
settur inn aftur eftir mótmæli. Í
staðinn fáum við einhverjar risaeðlu-
sögur, sem eru svo sem ágætar en
það hefur viljað brenna við að sama
myndasyrpan kemur aftur og það er
ekki nógu gott. Síðan er það Litli
Svalur sem er alger hörmung og
Mogginn ætti að sjá sóma sinn í að
taka út. Húmorinn þar gengur nefni-
lega fyrst og fremst út á það að kíkja
á fáklætt kvenfólk og fleira í þeim
dúr. Er þetta eitthvað til að bjóða
upp á? Mér finnst þetta vera alger-
lega úr takti við húmor árið 2005 og
móðgun við a.m.k. helming þjóð-
arinnar.
Myndasöguunnandi.
Góðar greinar
ÉG LAS góða grein eftir Hafstein
Engilbertsson í Morgunblaðinu hinn
7. maí sl. Ég hvet foreldra til þess að
lesa þessa grein. Á dögunum las ég
líka góða grein eftir Árna Helgason.
Greinarnar sem Elísabet Jökuls-
dóttir skrifar í Moggann eru mjög
skemmtilegar. Takk fyrir.
Ein þakklát.
Netauglýsingar
ÉG ER mjög hissa á hversu margar
auglýsingar eru á vef mbl.is. Ég
hugsa að það séu hátt í 11 auglýs-
ingar á forsíðunni. Væri fínt ef þær
væru ekki allar blikkandi í sífellu en
þær eru það því miður. Í dag kíkti ég
á forsíðuna til að lesa helstu fréttir,
kemur þá ekki fljúgandi yfir skjáinn
einhver flugvél og einhver risaaug-
lýsing frá ónefndri hjálparstofnun.
Mér finnst varla hægt að lesa fréttir
þarna lengur. Visir.is er ekki í miklu
uppáhaldi hjá mér en ég mun að öll-
um líkindum frekar skoða þann vef
þar sem auglýsingar eru ekki nærri
því eins áberandi. Einnig vil ég
benda á bréf hingað frá manni sem
var hissa á þjónustuveri Símans. Ég
hef lent oft í miklum erfiðleikum
með internetþjónustuna hjá þeim og
því nokkuð oft þurft að hringja inn,
aldrei verið númer minna en 15. Bið
oft upp í fjörutíu mínútur. Síðan er
manni gefið samband eitthvert ann-
að og þá er önnur eins röð.
Netverji.
Stærri draumaráðningabók
ÉG VIL taka undir með konunni
sem fyrir dálitlu spurði hvort Stein-
unn Eyjólfsdóttir gæti ekki skrifað
stærri og viðameiri draumaráðn-
ingabók. En það kom út lítil drauma-
ráðningabók eftir hana 1988.
Ásta Jónsdóttir.
Rauðhólar/Elliðavatn
ÞAÐ vekur furðu mína að það skuli
ekki löngu búið að malbika þennan
stutta vegarspotta að vatninu.
Stundum er vegurinn eins og mal-
artroðningur. Kippið þessu í liðinn,
borgaryfirvöld.
Ingi Stein.
Leiðinlegt umtal
MÉR finnst leiðinlegt að hlusta á að
við öryrkjar séum alltaf að reyna að
svindla á kerfinu. Það er kannski
skiljanlegt að fólk haldi þetta, vegna
þess að við megum ekkert vinna, þá
skerðast bætur okkar. En það er
enginn öryrki sér til gamans.
Laufey Elsa Sóleyjardóttir.
Góðir Evróvisjón-þættir
MIG langar að vekja athygli á
hversu feiknavel norrænu sjón-
varpsþættirnir um Evróvisjónlögin í
komandi keppni eru þýddir, ég veit
ekki hver þýðir þá en sá á heiður
skilinn fyrir vel unnið verk og ríkan
orðaforða á íslensku. Gaman væri ef
fleiri slíkir fyndust.
Þessir þættir eru mjög skemmti-
legir og því er fengur að því hve vel
tekst til um þýðinguna.
Kristín.
Velvakandi
Svarað í síma 5691100 frá 10–12
og 13–15 | velvakandi@mbl.is
Fagmennska í fyrirrúmi
Góð slemma.
Norður
♠G93
♥Á873
♦ÁDG4
♣K6
Vestur Austur
♠KD1064 ♠875
♥6 ♥DG4
♦10753 ♦92
♣G74 ♣D10952
Suður
♠Á2
♥K10952
♦K86
♣Á83
Suður spilar sex hjörtu og fær út
spaðakóng.
Hvernig er best að spila?
Slemman er nánast skotheld með
öðru útspili, því þá vinnst tími til að
henda spaða heima í fjórða tígulinn.
Með spaða út þarf trompið að skila
sér eða sá með tromplengdina að
fylgja minnst þrisvar í tígul. En legan
er óhagstæð – austur á DGx í trompi
og aðeins tvílit í tígli. Hann getur því
stungið í þriðja tígulinn og tryggt
vörninni slag á spaða. Þetta er sem
sagt eitt af þeim mörgu spilum sem er
dæmt til að tapast með bestu vörn.
En sagnhafi getur gert sitt besta til
að fyrirbyggja bestu vörn með því að
tímasetja tígulíferðina nákvæmt.
Hann spilar þannig: Drepur spaða-
kóng með ás, tekur hjartaás og kóng,
spilar svo smáum tígli að blindum og
„svínar“ drottningunni. Tekur tígulás
og spilar fjarkanum eins og hann
hyggist trompa tígul næst. Hver veit
– kannski sefur austur á verðinum og
hendir í slaginn. Þá fær suður slaginn
á tígulkóng, fer inn í borð á laufkóng
og hendir spaðatvisti niður í tíg-
ulgosa.
Auðvitað ætti austur ekki að láta
blekkjast, en það kostar ekkert að
leggja stöðuna á hann.
BRIDS
Guðmundur Páll Arnarson | dagbok@mbl.is
60 ÁRA afmæli. Með vor í sinni ogsöng í hjarta fagnar Þuríður
Baxter, söngkona og skrifstofustjóri
hjá STEF, 60 ára afmæli sínu í dag, 12.
maí.
FÖSTUDAGINN 13. maí verður
aukasýning í Austurbæ á gam-
anleikritinu Vodkakúrinn eftir
Kristlaugu Maríu Sigurðardóttur í
leikstjórn Gunnars Inga Gunn-
steinssonar. Gamanleikararnir
Helga Braga Jónsdóttir og Steinn
Ármann Magnússon leika öll hlut-
verkin í verkinu.
Vodkakúrinn sem er í leikfeð
stoppar þennan eina dag í Reykjavík
en búið er að sýna m.a. á Akureyri, í
Keflavík, á Sauðárkróki, í Bolung-
arvík, á Eskifirði, í Vestmanneyjum,
Borgarfirði og Akranesi og eru
næstu sýningar á Selfossi 20. maí og
Höfn 27. og 28. maí en þá verður
leikritið sent í afvötnun.
Aukasýning í Austurbæ
Landbúna›arháskóli
Íslands
A›alstö›var:
Hvanneyri • IS 311 Borgarnes • Ísland
Sími: (+354) 433 5000 • Fax: 433 5001
Netfang: lbhi@lbhi.is • www.lbhi.is
Háskóli
lífs og lands
Hefur flú áhuga á:
• náttúrufræ›i?
• umhverfismálum?
• náttúruvernd?
• n‡tingu náttúruau›linda?
N‡r valkostur í háskólanámi:
Náttúru- og umhverfisfræ›i
Nám í náttúru- og umhverfisfræ›i vi› LBHÍ er flverfaglegt
og gefur brei›an bakgrunn fyrir fjölflætt störf e›a
framhaldsnám. fiar er fengist vi› allar helstu greinar
náttúrfræ›i, náttúruvernd, landn‡tingu og uppl‡singatækni
auk skógræktar og landgræ›slu.
www.lbhi.is
Landbúna›arháskóli Íslands n‡tur sérstö›u vegna sta›setningar,
nálæg›ar vi› náttúruna og fjölbreytts námsvals.
Lj
ó
sm
yn
d
: Ó
la
fu
r A
rn
al
d
s
–
H
ö
nn
un
: N
æ
st