Menntamál - 01.08.1957, Page 90

184
MENNTAMÁL
skáli var búinn bitum í rjáfri, og veittu þessir bitar piltum
sérstakt leikrými til eltingarleiks og leikrauna. VíSa er
þess getið, að prestar séu íþróttum búnir, sundmenn eða
glímumenn.
Þessar íþróttavenjur lifna á ný meðal námssveina Bessa-
staðaskólans, og þær lífga út frá sér íþróttalíf landsmanna
á 19. öld. Ég hygg, að hinar marg endurteknu bænir stjórn-
enda lærða skólans í Reykjavík á árunum 1846-1856 til
danskra stjórnarvalda um byggingu húss fyrir „leikfimi
og glímu“ séu sprottnar af íþróttaáhuga þeirra, sem lifðu
góðu og affarasælu lífi í Bessastaðaskóla, en alls ekki vegna
danskra fyrirmæla frá 1809 um íþróttakennslu í hinum
lærðu-skólum Danaveldis. í skýrslu um hinn Lærða-skóla
í Reykjavík skólaárið 1856—1857 segir svo, þar sem rætt
er um stjórn skólans:
„í áætluninni fyrir reikningsárið 1857—1858 eru ætl-
aðir 1600 rdd. til húsasmíða, en áður voru til þess ætlaðir
aðeins 600 rdd., og er beinlínis til þess, að reist verði hús,
þar sem lærisveinar geti tamið sér leikfimi. 30. d. júní-
mánaðar 1857 er Sergeant og leikfimiskennari Carl Peter
Steenberg skipaður kennari í leikfimi við þennan skóla.
Þannig verður þá þetta skólaárið bundinn endi á loforðið
um kennslu í leikfimi, og vopnfimni endurnýjuð, sem í svo
margar aldir hefur í dái legið, enda þótt vopnfimniskennsl-
an verði nokkru yfirgripsminni en hjá forfeðrum vorum.
Hús þetta er og mjög hentugt fyrir pilta að temja sér
glímur, sem nú mega heita því nær hin eina þjóðlega
leikfimi."
Hús það, sem hér um ræðir, er byrjun á því íþróttahúsi
Menntaskólans í Reykjavík, sem enn er í notkun. Af þess-
ari frásögn má sjá, að 30. júní 1857 er í fyrsta sinni skip-
aður sérstakur kennari við íslenzkan skóla til þess að ann-
ast kennslu í fimleilcum.
1 skýrslu um hinn Lærða-skóla í Reykjavík, skólaárið
1857—1858, segir svo: