Hlín - 01.01.1954, Blaðsíða 70
68
Hlin
ari hluta vornætur, þegar sólin var að koma upp og varp-
aði ljómi yfir Pollinn og Vaðlaheiðina. — JÞví næst var jeg
13 mánuði á Vífilsstöðum. Frá þeim tíma er mjer helst
minnisstæðast, hvernig jeg kraup niður á kyrlátum næt-
urstundum, til að þakka Guði að hann hefði gefið mjer
tækifæri og getu til að lina lítillega þjáningar sjúkling-
anna og verða þeim að liði. — Þá voru menn veikari af
berklunum en þeir eru nú, síðan ýms lyf eru fundin upp
við þeim. — Frá Vífilsstöðum sigldi jeg til Noregs og lauk
náminu á Ullevaalsjúkrahúsinu í Osló, en það var slærsta
sjúkrahús á Norðurlöndum. — Þar var jeg á hinum ýmsu
deildum í 13 mánuði, og þótti einna mest til þess koma
að vera á fæðingardeildinni. — Það var svo gaman að ann-
ast ungbörnin, sjerstaklega að baða þau. — Árið 1930 var
jeg útskrifuð hjúkrunarkona, og þurfti nú að fara í at-
vinnuleit. — Fyrsti áfanginn á jreirri braut varð Nýi-
Kleppur, en þar stundaði jeg framhaldsnám í 6 mánuði.
— Ekki vildi jeg samt ílengjast á Kleppi, heldur sótti um
að komast á Landsspítalann, sem þá átti að taka til starfa.
— Jeg var ein hinna þriggja deildarhjúkrunarkvenna, sem
ráðnar voru á Landsspítalann við stofnun hans, og fyrstu
mánuðina unnum við að því að kóma spítalanum í lag,
sauma gluggatjöld o. s. frv. — Síðan átti að heita, að jeg
yrði húsmóðir og deildarhjúkrunarkona á Röntgendeild-
inni, en ekki var jeg hrifin af því starfi. — Fanst það of
einhliða, ekki nógu mikil hjúkrun. — Að hálfu öðru ári
liðnu fór jeg því þaðan. — Þess verð jeg að geta, þótt það
kannske komi ekki málinu beinlínis við, að á Röntgen-
deildinni kyntist jeg kærleikanum milli manns og konu
í fyrsta (og víst áreiðanlega líka í síðasta sinn). Og þótt
ekki bæri jeg gæfu til að giftast fallegasta og besta mann-
inum í heiminum að mínum dómi, þá vildi jeg þó síst af
öllu hafa þurft að verða af þeirri reynslu. — Hin fyrsta
sjálfstæða staða mín í hjúkrunarstarfinu varð því, af þess-
ari ástæðu, mjög áhrifa- og afdrifarík. — Eftir að jeg fór
af Röntgen, flutti jeg upp í hæðirnar — á lyfja- og hand-