Morgunn - 01.06.1976, Qupperneq 34

32
MORGUNN
öllu. En þrátt fyrir síendurteknar spurningar um þetta ótrú-
lega fyrirbæri, kom alltaf sama skýringin; ýmist í sömu orð-
um og eða ásamt fleiri útlistunum. Oft kom fram í dálestrun-
um að Akasha-skýrslurnar mætti einnig kalla Alminni nátt-
úrunnar eða Bók lífsins.
Þetta var í samræmi við það sem kennt hefur verið öldum
saman í austurlöndum um raunveruleik Akasha. I þessu sam-
bandi var rétt að hafa i huga, að ýmsar aðrar austurlenskar
kenningar höfðu fengið staðfestingu vestrænna vísinda, svo
sem blekkingin um þéttleika efnisins, hvernig efni og afl
breytast úr einu í annað og flutningur hugsana milli manna.
Hví skyldi þessi indverska hugmynd um Akasha ekki einnig
geta verið innan marka hins mögulega?
Cayce dró í alllangan tíma að leggja dóm á þetta. En svo
fór hann að lokum að hann féllst á þessa kenningu. Ekki vegna
þess að fyrir henni lægju óhrekjanlegar sannanir, heldur
sökum hins að dálestrarnir höfðu fullyrt að hún væri rétt,
og á öllum öðrum sviðum, þar sem hægt var að sannreyna
það sem i þeim var sagt, höfðu þeir reynst hafa rétt fyrir sér.
Það kann vel svo að fara að rannsóknamenn dulrænna
fyrirbæra eigi eftir að sýna fram á það, að þessar upplýs-
ingar frá Cayce hafi verið rangar. Fram kann að koma ein-
hver önnur skýring á fortíðarskyggni. En hitt er ekki heldur
óhugsandi, að einhver vísindamaðurinn verði fær um að sýna
fram á það að Akasha sé í rauninni til. Enda er það ekkert
furðulegra en útvarpsbylgjur, radíum, kjarnorka eða minnis-
stöðvar taugakerfisins í manninum.
Hvað sem þessu líður verður ekki gengið fram hjá þeirri
sannreynd, að dálestrar Cayces hafa reynst furðulega réttir,
úr hvaða uppsprettu sem þeir eru komnir. Á þeim tuttugu og
tveim árum sem liðu frá þvi Cayce uppgötvaði þetta árið
1923 og til 1945, þegar hann lést, þá veitti hann 2,500 slíka
líflestra. Eins og lækningalestrarnir hafa þeir verið vandlega
varðveittir ásamt athugasemdum. Bréf og önnur skjöl eru til
vitnis um það, hve margir þeirra eru hárréttir, að minnsta
kosti að því leyti sem hægt er að ganga úr skugga um slíkt.