Búfræðingurinn - 01.01.1940, Qupperneq 37

BUFRÆÐINGURINN
fóðursins eru, þvi meiri mjólk er hægt að gefa. Þannig
er hægt að auka mjólkurgjöf til muna, þegar gefið er fiski-
mjöl í stað blautfiskjar eða hakað hrauð i stað vatnsmikils
grautar. Að mjólk sé óholl fyrir refi á vissum tímum árs
eða allt árið, er bábilja, sem á sér enga stoð í raunveru-
leikanum. Úr mjólk eru framleidd fóðurefni, sem á-
reiðanlega koma til að hafa mjög mikla þýðingu fyrir
refaræktina.
SJkyr er framleitt úr undanrennu. Það er gert þannig,
að mjóllcin er hleypt með ostahleypi og í hana settur sér-
stakur gerlagróður af ræktuðum mjólkursýrubakteríum,
sem framleiða í skyrinu mjólkursýru, sem er sérstök fyrir
skyrið. Um skyr má yfirleitt segja það, að það reynist sér-
stök hollustufæða ,og jafnvel heilsulind fyrir menn og
skepnur, sem þess neyta að nokkru ráði. Það vinnur mjög
á móti alls konar illkynjaðri rotnun í maga og þörmum
dýranna og getur sennilega mjög hindrað skaðlegan gerla-
gróður, sem stafað getur frá skemmdu kjötfóðri. Fyrir
utan þennan mikla lcost er skyrið samanþjöppuð næring-
arefni mjólkurinnar og algerlega fullvirði sem næringar-
efni.
1 skýrslum Búnaðarfélags Islands nr. 3 1930 er skýrt
frá tveim efnarannsóknuin af skyri. Þar er innihaldið:
Eggjahvíta ..
Feiti .......
Mjólkursykur
Mjólkursýra
Aska ........
15.75 %
1.06 —
3.44 —
3.00 —
1.00 —
Samkvæml þessum rannsóknum ætti skyrkílóið að vera
gert úr rúmum 4 kg af undanrennu, en skyrið hefir held-
ur ekki verið vel síað, þvi að þurrefnið í þvi var ekki
nema 21,25 %, en undanrennan inniheldur að jafnaði rúm
9 % þurrefni. Þá virðist askan vera óeðlilega lítil og mjólk-
ursykur meiri en vænta mætti. Þrátt fyrir þetta ætti eitt
kg af svona skyri fyllilega að samsvara einu kg af góðu
kjöti til fóðurs handa refum, en verðmætið af skyrinu
evkst, eftir þvi sem það er betur gert og betur síað.