Morgunblaðið - 06.11.2009, Side 14

14 FréttirINNLENT
MORGUNBLAÐIÐ FÖSTUDAGUR 6. NÓVEMBER 2009
Eftir Egil Ólafsson
egol@mbl.is
NÆR allir þingmenn Sjálfstæðis-
flokksins vörðu meira en 300 þúsund
krónum í prófkjörsbaráttu sína fyrir
síðustu alþingiskosningar. Um þriðj-
ungur þingmanna Samfylkingar
varði svo miklum fjármunum í sína
baráttu. Þetta má lesa út úr upplýs-
ingum sem Ríkisendurskoðun birti
um fjármál frambjóðenda í síðustu
alþingiskosningum.
Ríkisendurskoðun er nú að taka
saman upplýsingar um kostnað
frambjóðenda af framboði sínu.
Frestur til að skila upplýsingum er
liðinn en enn eiga 37 af 318 fram-
bjóðendum eftir að skila. Samkvæmt
lögum um fjármál stjórnmálasam-
taka og frambjóðenda gátu fram-
bjóðendur sem lögðu minna en 300
þúsund í prófkjörsbaráttu sína skil-
að inn yfirlýsingu þar um. Þeir sem
lögðu meiri fjármuni í baráttuna
þurftu að skila uppgjöri. Það gerðu
43 frambjóðendur, 31 sjálfstæðis-
maður, 10 samfylkingarmenn og 2
framsóknarmenn.
Allir núverandi þingmenn Sjálf-
stæðisflokksins vörðu meira en 300
þúsund krónum til prófkjörsbaráttu
sinnar, nema Kristján Þór Júlíusson.
Árni Johnsen hefur reyndar enn
ekki skilað neinum upplýsingum um
kostnað við sína baráttu og er hann
eini þingmaðurinn sem nú situr á Al-
þingi sem engu hefur skilað. Tveir
fyrrverandi þingmenn hafa ekki skil-
að neinum upplýsingum, Kjartan
Ólafsson og Guðjón Arnar Kristjáns-
son. Einn borgarfulltrúi hefur ekki
skilað inn upplýsingum, en það er
Jórunn Frímannsdóttir. Enn vantar
upplýsingar frá 11 sjálfstæðismönn-
um, 5 frambjóðendum Frjálslynda
flokksins, 2 frambjóðendum Sam-
fylkingarinnar og 19 frambjóðend-
um VG. Allir frambjóðendur
Framsóknarflokksins hafa skilað inn
upplýsingum til Ríkisendurskoðun-
ar.
Ríkisendurskoðun vinnur núna að
því að fara yfir uppgjör þeirra fram-
bjóðenda sem höfðu meiri kostnað af
kosningabaráttu en 300 þúsund
krónur. Stofnunin mun síðar í þess-
um mánuði birta útdrátt úr þessum
uppgjörum eins og lög gera ráð fyrir.
Ekki verður kannað hvort upplýs-
ingarnar sem er skilað eru réttar
heldur einungis dregnar saman upp-
lýsingar úr uppgjörunum og þær
birtar opinberlega.
Flestir undir 300 þúsundum
 Nær allir þingmenn Sjálfstæðisflokksins vörðu meiru en 300 þúsundum í prófkjörs-
baráttu fyrir síðustu kosningar  Meirihluti frambjóðenda er þó undir því marki
Morgunblaðið/Eggert
Alþingi Frambjóðendum er skylt samkvæmt lögum, sem þingið hefur sett,
að skila inn upplýsingum um kostnað sem þeir hafa af prófkjörum.
Í HNOTSKURN
»Hver sem af ásetningi eðastórfelldu gáleysi brýtur
gegn ákvæðum laga um fjár-
mál stjórnmálasamtaka og
frambjóðenda skal sæta fé-
sektum, en alvarleg brot geta
varðað fangelsi allt að sex ár-
um.
»Lögin tóku gildi 2007 engert er ráð fyrir að skipuð
verði nefnd á næsta ári til að
endurskoða þau.
Eftir Sigtrygg Sigtryggsson
sisi@mbl.is
„ÞAÐ sem skiptir máli er hvernig
að skýrslutökunni er staðið, en ekki
hvar hún fer fram,“ segir Helgi I.
Jónsson, dómstjóri í Héraðsdómi
Reykjavíkur, spurður um gagnrýni
sem fram kom hjá Braga Guð-
brandssyni, forstjóra Barnavernd-
arstofu, í frétt í blaðinu í gær.
Bragi segir í viðtalinu að það sé
sitt mat að útilokað hefði verið að
ná fram þeim upplýsingum frá
barninu sem komu fram í gegnum
tjáningu þess án þess að fyrir hendi
hefði verið kunnátta og leikni
þeirra sérfræðinga sem starfa í
Barnahúsi og hins vegar aðstæður
og umhverfi sem þar er. Þessi nið-
urstaða hefði aldrei náðst í dóm-
húsi þó svo að þar sé séraðstaða.
Beðið um kunnáttumann
Helgi I. Jónsson segir það reglu í
Héraðsdómi Reykjavíkur að þegar
um svo ungt barn er að ræða eins
og í ofangreindu máli sé haft sam-
band við Barnahús og beðið um að
kunnáttumaður komi í héraðsdóm
til að taka skýrslu af því. „Skal full-
yrt að þær upplýsingar, sem náðust
fram með umræddri yfirheyrslu í
Barnahúsi, hefðu fengist við yfir-
heyrslu í Héraðsdómi Reykjavíkur.
Þannig er því harðlega mótmælt að
börn, sem búa í Reykjavík, sitji
ekki við sama borð og önnur.“
Helgi segir að í dómsniðurstöðu
Héraðsdóms Reykjaness í þessu
tiltekna máli sé stuðst við ýmislegt
annað en það sem fram kom við yf-
irheyrsluna í Barnahúsi.
„Þannig er þar rakið að föður-
amma stúlkunnar hafi greint frá
því fyrir dómi að eftir að ákærði og
A voru flutt til […] í febrúar 2008
hafi fyrst farið að bera á kynferð-
islegri hegðun hjá barninu og síðan
er þessari hegðun lýst. Þá kemur
fram í framburði sama vitnis að í
september 2008 hafi það gerst að
stúlkan hafi viðhaft samfarahreyf-
ingar er hún hafi staðið við borð-
stofuborð í heimahúsi. Jafnframt
lýstu fósturforeldrar barnsins því
fyrir dómi hvernig þau urðu vitni
að svipaðri hegðun og þá lýsti for-
stöðumaður Barnahúss, sem tekið
hefur stúlkuna í meðferð, hegðun
hennar á sama hátt.
Héraðsdómur dregur síðan þá
ályktun af hegðun barnsins við
skýrslutökuna, vætti föðurömmu
þess og fósturforeldra, sem og
framburði forstöðumanns Barna-
húss, að útilokað sé að stúlkan hafi
tileinkað sér þessa hegðun af því
einu að hafa orðið vitni að kynlífs-
athöfnum fullorðins fólks eins og
ákærði haldi fram. Þá sé sú ályktun
í samræmi við álit tveggja sálfræð-
inga sem unnu að sálfræðimati að
ýmislegt bendi til þess að hún hafi
verið misnotuð. Það sé t.d. algengt
hjá börnum, sem hafi verið misnot-
uð, að þau séu hrædd við skrímsli,
sofi illa og fái martraðir. Hafi stúlk-
an sýnt endurtekin og ofsafengin
hræðsluviðbrögð við ákveðnar að-
stæður sem tengjast myrkri. Fleira
er tiltekið í dóminum, m.a. að fram-
burður ákærða hafi verið reikull og
óstöðugur. Þegar allt framangreint
sé virt í heild þyki það hafið yfir
skynsamlegan vafa, þrátt fyrir
neitun ákærða, að hann hafi haft
önnur kynferðismök við stúlkuna
en samræði. Það var því heildarmat
dómstólsins á öllum þessum sönn-
unargögnum sem réði niðurstöðu
hans, en ekki eingöngu það sem
fram kom í yfirheyrslunni í Barna-
húsi,“ segir Helgi.
Beðið um að kunn-
áttumaður komi
í Héraðsdóminn
Morgunblaðið/Þorkell
Á AÐALFUNDI Landssambands
smábátaeigenda var kosin nefnd
sem ætlað er að ræða við aðila í sjáv-
arútvegi um stofnun ráðgefandi
nefndar sjómanna. Hlutverk hennar
yrði að gefa árlega, samhliða Haf-
rannsóknastofnuninni, rökstudda
ráðgjöf um heildarafla sem byggð
væri á reynsluheimi sjómanna.
Í greinargerð með samþykktinni
er vakin athygli á að reynsluheimur
sjómanna sé ómetanlegur. Með afla-
ráðgjafarnefnd sjómanna yrði til
vettvangur um úttekt á reynslu-
banka sjómanna hvað viðkemur
veiðum, ástandi einstakra fiski-
stofna og veiðisvæða, skilyrðum í
sjónum og almennt um lífríkið í haf-
inu. Grunnur aflaráðgjafarnefndar
væri þekking og reynsla þeirra sem
starfað hafa á miðunum í áratugi.
Áhersla verður lögð á nauðsyn
þess að nýta fiskistofnana með eins
mikilli skynsemi og mögulegt er.
Þar verði hvorki um vannýtingu né
ofnýtingu að ræða.
Stofnuð verði
ráðgefandi nefnd
sjómanna
• Orkuveita Reykjavíkur rekur stærstu jarðvarmaveitu í heimi. www.or.isÍSL
E
N
S
K
A
S
IA
.I
S
O
R
K
47
83
9
10
/0
9
Safnahelgi á Suðurlandi
Hellisheiðarvirkjun er opin frá kl. 9:00–18:00 alla daga vikunnar.
Í tilefni Safnahelgar á Suðurlandi 6.–8. nóvember verður boðið upp á fjölbreytta dagskrá í virkjuninni.
Föstudagskvöldið 6. nóvember
Kl. 20:00 Kolviðarhólsdagar, sýning á ljósmyndum og gömlum munum frá Kolviðarhóli. Samgöngur og sagnir
um Kolviðarhól. Þór Vigfússon, fyrrverandi skólameistari FSu, heldur fyrirlestur um Kolviðarhól og
samgöngur yfir Hellisheiði á fyrri tímum.
Kynning á Móra frá brugghúsinu Ölvisholti.
Laugardagur 7. nóvember
Ljósmyndir og gamlir munir frá Kolviðarhóli til sýnis. Leiðsögn um virkjunina.
Sunnudagur 8. nóvember
Ljósmyndir og gamlir munir frá Kolviðarhóli til sýnis. Leiðsögn um virkjunina.
Kl. 14:00 Gengið með leiðsögumanni frá virkjun og inn í Dauðadal. Þaðan gengið á Hádegishnjúk að skíða-
stökkpalli við Búastein. Sagt frá Hellisheiðarvirkjun og Kolviðarhóli. Gangan er nokkuð erfið, gengið
um brattar hlíðar, og tekur um eina og hálfa klukkustund.
Kl. 16:00 Gangan frá því kl. 14:00 endurtekin.
Ókeypis aðgangur.
Bendum einnig á aðra skemmtilega viðburði í tengslum við Safnahelgina á Suðurlandi 6.–8. nóvember.
Nánari upplýsingar eru á heimasíðunni: www.sofnasudurlandi.is
Dagskrá í Hellisheiðarvirkjun um Safnahelgina: