Morgunblaðið - 06.11.2009, Blaðsíða 42

42 Minningar
MORGUNBLAÐIÐ FÖSTUDAGUR 6. NÓVEMBER 2009
✝ Hermann Sigur-jón Sigurðsson,
Stapavöllum 14 í
Reykjanesbæ, fæddist
19. júní 1930. Hann
andaðist 1. nóvember
2009. Foreldrar hans
voru Þórdís Stefáns-
dóttir og Sigurður
Einarsson, þau eru
bæði látin. Hermann
var yngstur fjögurra
systkina. Systkini
hans voru Ingibjörg
Sigurrós, Einar Stef-
án og Bjarni. Þau eru
öll látin.
Eiginkona Hermanns er Guðrún
Emilsdóttir. Börn þeirra eru, Skúli
Hafþór, f. 9.9. 1956, kvæntur Jó-
hönnu Guðrún Egilsdóttur, Helgi
Þór, f. 25.9. 1957, sambýliskona
Sigríður Rósa Laufeyjardóttir, Sig-
urður Örn, f. 9.8. 1959, d. 14.8.
2007, kvæntur Ölmu Tómasdóttur,
Emil Ásólfur, f. 19.7.
1961, kvæntur Dagný
Ödu Kjærnested, Her-
mann Rúnar, f. 18.8.
1962, kvæntur Karól-
ínu Júlíusdóttur, og
Margeir, f. 21.8. 1966,
kvæntur Irinu Naum-
ovskaya. Áður átti
Hermann börnin:
Katrínu, f. 23.12.
1951, maki Jón Magn-
ússon, Egil, f. 19.11.
1952, kvæntur Jutha-
mas Baopila, Elsu
Katrínu, f. 25.9. 1953,
Ellert, f. 28.8. 1954, hann var ætt-
leiddur, og fósturdóttir Hermanns,
dóttir Guðrúnar er Hjördís Árna-
dóttir, f. 28.12. 1952. Barnabörnin
eru 34 og barnabarnabörn 12.
Hermann verður jarðsunginn frá
Keflavíkurkirkju í dag, 6. nóv-
ember, og hefst athöfnin kl. 11.
Meira: mbl.is/minningar
Ástkær faðir minn, Hermann
Sigurðsson er látinn. Leiðir okkar
pabba lágu fyrst saman þegar ég
var tveggja ára. Þá var mamma ein
með mig og mér er sagt að ég hafi
verið farin að kalla á eftir Her-
manni, „pabbi“, nokkru áður en
mamma og hann fóru að draga sig
saman. Ég man ekki eftir lífi mínu
án hans og þó að ég hafi átt annan
pabba og aðra fjölskyldu, var Her-
mann alltaf „pabbi“ minn og við
áttum kærleiksríkt samband alla
tíð. Pabbi var litrík persóna. Hann
var glæsilegur, félagslyndur og
dugnaðarforkur. Fjölskyldan var
stór, sex strákar og ein „príma-
donna“. Auk þess átti pabbi fjögur
börn áður.
Pabbi var verkamaður og vann
við öll störf sem til féllu. Það þurfti
að hafa sig allan við til að fæða og
klæða átta manna fjölskyldu og
borga auk þess meðlag. Hann starf-
aði í frystihúsi, var á sjó, fór á ver-
tíðir og var þá langdvölum í burtu.
Síðustu áratugina starfaði pabbi
sem bílstjóri hjá Varnarliðinu.
Pabbi hafði mikinn áhuga á
íþróttum og fylgdist með Keflvík-
ingum í leik og skipti þá ekki máli
hvaða íþrótt um var að ræða. Hann
var mikill Arsenal-aðdáandi og
upplifði þann draum að sjá þá spila
á heimavelli árið sem hann varð
sjötugur.
Pabbi elskaði fjölskylduna sína
framar öllu og mömmu mest allra.
Hann var af gamla skólanum, þar
sem verkaskipting á heimilinu var
skýr. Hann sýndi ást sína á
mömmu best þegar hann, kominn á
eftirlaun, tók upp á því að þrífa
húsið hátt og lágt á föstudögum áð-
ur en hún kom heim úr vinnunni.
Pabbi var góður bílstjóri og fór allt-
af vel með þá bíla sem hann átti.
Hann var ekki hrifinn af því að lána
bílana sína en var alltaf boðinn og
búinn að keyra afkomendur sína
lengri og styttri vegalengdir. Það
var honum því mikil frelsissvipting
þegar hann fékk þann úrskurð eftir
heilablóðfall að hann gæti ekki
framar ekið bíl. Já, frelsissviptingin
var því miður meiri en gagnvart
akstrinum. Hann sem hafði gengið
sjö km daglega í mörg ár gat nú
ekki lengur gengið hjálparlaust. Á
þeim árum sem pabbi gekk um bæ-
inn sinn kom hann ávallt við hjá
Rauða krossinum en þar hafði hann
fast hlutverk sem hann sinnti af
stakri prýði og var stoltur af.
Fyrir tæpum þrem árum missti
pabbi einn af sonum sínum. Það var
honum og mömmu og fjölskyldunni
allri mikil raun. Þá sá maður að
þessi stóri og sterki maður var
bugaður.
Pabbi og mamma áttu síðustu ár-
in heima í litlu raðhúsi á Nesvöllum
í Reykjanesbæ. Þar voru þau búin
að hreiðra um sig fyrir lokaárin.
Síðustu þrjá mánuðina var pabbi
mikið veikur og dvaldi á sjúkrahúsi,
það reyndist mömmu mjög erfitt að
geta ekki hugsað um hann heima.
Hann hélt fram á síðasta dag í von-
ina um að komast heim til mömmu
aftur.
Elsku pabbi minn, takk fyrir allt
það veganesi sem þú hefur gefið
mér, það mun duga mér vel út lífið.
Nú ert þú kominn á síðasta áfanga-
staðinn þar sem ég veit að Siggi
bróðir og aðrir ástvinir taka á móti
þér. Þín dóttir
Hjördís.
Elsku pabbi.
Loksins færð þú að hvíla þig,
pabbi minn, og ég veit að Siggi
bróðir tekur vel á móti þér (bið
innilega að heilsa bróa).
Það eru margar minningar sem
ég á um pabba, Lundúnaferðin,
„löggukast“, þegar ég braut ljósa-
krónuna, ofl. ofl. Pabbi var stór og
mikill maður í mínum augum, sem
ég leit upp til. Það var vegna hans
að ég hef aldrei drukkið áfengi.
Líklega vegna þess að hann sagði
við mig „Ef þú byrjar að drekka
brennivín þá hendi ég þér út“.
Pabbi var samt eins og stór og
mjúkur bangsi sem hafði gaman að
stríða barnabörnum sínum. Hann
var einnig einkabílstjóri hjá börn-
unum mínum. Þegar þau hringdu –
þá byrjaði hann alltaf að segja „þú
getur labbað“ hélt áfram að stríða
þeim en það endaði alltaf „ok,
vertu tilbúin/n“. Og áður en þau
náðu að leggja á, þá heyrðist í bíl-
flautunni.
Við nafnarnir náðum að eyða
þremur góðum klukkutímum þegar
ég kíkti til hans 14. október út á
Garðvang. Við náðum að spjalla
saman, spila rommí (þeir sem
þekkja pabba vissu hvað hann hafði
gaman að spila) og að sjálfsögðu
vann hann flest spilin eins og hann
var vanur og borðaði kræsingar á
meðan. Þetta var góður tími.
Jæja pabbi, þú færð hann Sigga
til að spila með þér og ég hlakka
mikið til að hitta þig aftur og taka
spil.
Þinn sonur,
Hermann Rúnar
Hermannsson (Hemmi).
Þau verða að vera frekar fátæk-
leg síðustu orðin sem ég rita til þín,
elsku afi minn, þar sem ég sit hér
með tár á hvarmi og hugsa um þig.
Orðin ná sjaldnast að fanga þær
tilfinningar sem maður ber og þeg-
ar dauða eins stórbrotins manns og
þín ber að verður manni einfald-
lega orða vant.
Mig langar bara að þakka þér
fyrir að vera afi minn og fyrir að
hafa staðið þig betur í því hlutverki
en nokkurt barnabarn getur óskað
sér af nokkrum manni. Þú varst
alltaf boðinn og búinn að aðstoða
mann, alltaf til staðar þegar maður
þurfti á þér að halda og alltaf
manna fyrstur til að taka upp
hanskann fyrir mann.
Á unglingsárunum varstu eini
fullorðni maðurinn sem ég skamm-
aðist mín ekki fyrir að sjást með á
almannafæri. Þú komst á alla
körfuboltaleikina sem ég spilaði og
áttir þitt sæti í tómlegri stúkunni
þar sem ég vissi alltaf af þér. Ég
veit að ég sagði þér það aldrei þá,
en ég var rígmontinn að hafa þig
þar.
Á þessari stundu er ég svo stolt-
ur af því að hafa tekið þá ákvörðun
sem unglingur að byrja að halda
með Arsenal – ég vissi lítið um fót-
boltann, á þeim tíma, annað en að
þú hélst með Arsenal og það var
nóg fyrir mig. Síðan höfum við
horft á boltann saman hundruð
klukkustunda og deilt gleði og sorg.
Þegar ég var á framhaldsskóla-
árunum kom ég næstum hverja ein-
ustu helgi og lagðist í sófann hjá
þér og horfði á boltann, eða öllu
heldur dottaði yfir honum því værð-
in og friðurinn í kringum ykkur
ömmu (þrátt fyrir öll lætin) hafa
ætíð verið slík að hvergi hefur mér
fundist ég öruggari en akkúrat
heima hjá ykkur, á Faxabrautinni.
Eftir að þú veiktist fyrir nokkr-
um árum fannst mér erfitt að vita
til þess að það hefði aldrei þurft að
ske, en viðbrögð þín við þeim veik-
indum sýndu hversu kærleiksríkur
og mikill mannvinur þú í raun
varst. En þrátt fyrir allt þá fékkstu
að eiga nokkur fín ár þrátt fyrir
þessi óþörfu veikindi.
Nú vildi ég óska þess að hafa bú-
ið nær ykkur ömmu og komið oftar
til ykkar hin síðari ár því mig lang-
ar svo mikið til þess að knúsa þig
einu sinni enn – á lífi. Það var ljúft
að horfa á þig friðsælan í rúminu
þínu rétt eftir að þú kvaddir, en
mig langar svo mikið að knúsa þig
einu sinni enn, afi minn – bara einu
sinni enn. En það verður víst aldrei.
Ekki hérna megin.
Ég veit að það er alltaf sagt um
fólk þegar það deyr að það hafi ver-
ið einstaklega gott og allt það, en í
þínu tilfelli þá er hægt að segja það
með sanni því þú varst einstaklega
góður maður og frábærasti afi sem
hugsast getur.
Og þessi sérstaki húmor þinn fór
með þér út fyrir gröf og dauða, í
orðsins fyllstu merkingu, því þegar
ég sat hjá þér nýlátnum á mánu-
daginn var ég alltaf að bíða eftir því
að þú opnaðir augun og segðir, á
þinn einstaka hátt: „Bööö,“ og
skelltir upp úr.
Elsku besti afi minn, nú ertu
kominn til hans Sigga og allra ætt-
feðra þinna hjá almáttugum Guði.
Við pössum ömmu fyrir þig núna og
sjáum til þess að halda minningu
þinni á lofti um ókomin ár. Þú verð-
ur alltaf bestur.
Takk fyrir að vera til,
þinn
Þór.
Afi Hermann var besti afi og vin-
ur sem maður gat hugsað sér. Því-
lík forréttindi að fá að alast svo náið
upp með honum. Ef ég hringdi í
hann var hann alltaf kominn áður
en ég lagði tólið á aftur og lá á
flautunni eins og enginn væri morg-
undagurinn. Ef einhver veikindi
voru á heimilinu var hann kominn
með poka úr apótekinu með hinu og
þessu.
Ég hef alltaf verið svo mikil afa-
stelpa. Ung fékk ég að fara með
honum og ömmu Rúnu hringinn í
kringum landið að minnsta kosti
tvisvar sinnum. Er mér minnisstætt
úr einni slíkri ferð að amma hafði
keypt kassettu og sungum við há-
stöfum allan hringinn sömu lögin
aftur og aftur.
Flestir bæjarbúar kannast við
afa, því hann var einn mesti Kefl-
víkingur sem ég hef kynnst og fór á
alla leiki í körfubolta og fótbolta
alla tíð, hvort sem þeir voru í karla,
kvenna eða yngri deildum. Ekki er
hægt að sleppa því að minnast á
Arsenal sem hann hélt upp á alla tíð
og fékk hann í 70 ára afmælisgjöf
ferð á leik og að auki VIP-meðferð
um völlinn fyrir leik. Bæjabúar
kannast eflaust við hann á göngu
um bæinn en hann gekk alltaf sinn
sjö km hring svo hægt var að stilla
klukkuna eftir honum. Í þeim ferð-
um fór hann og losaði gáminn hjá
Rauða krossinum og var að mér
skilst heiðursmeðlimur þar.
Þegar ég var heima með strákana
litla vorum við öll þrjú úti í glugga
tilbúin að veifa til afa þegar hann
gekk fram hjá. Hann stoppaði alltaf
að kíkja hvort við værum ekki og ef
ekki þá spurði hann hvort við hefð-
um sofið yfir okkur. Á 70 ára af-
mælisdaginn sinn vaknaði hann kl.
4 um morguninn og gekk hring út í
Garð og Sandgerði og kom við hjá
mér á leið aftur heim og fékk sér
vatnssopa. Ég get varla hætt að
skrifa því ég hef brallað svo mikið
með honum og ömmu. Utanlands-
ferðir, hringferðir, sumarbústaðar-
ferðir svo eitthvað sé nefnt. Þau
hafa alltaf verið eins og klettar í
mínu lífi.
Elsku afa klippti ég á Garðvangi
stuttu fyrir andlát hans og ég vildi
að sjálfsögðu ekki taka neitt fyrir
en hann sagðist ekki vera að borga
mér heldur gaf hann Skúla og Elm-
ari smáaur og voru þeir farnir að
stóla á það. Langafi var hann líka
frábær og sakna strákarnir hans
sárt. Smára var hann einnig góður
afi og vinur og fóru þeir á marga
leikina saman. Ég get ekki ímyndað
mér afmæli, jól og áramót án hans.
Eins mikið og ég sakna hans þá
veit ég að hann er kominn á stað
þar sem hann er léttur á fæti og
getur gert allt mögulegt sem hann
gat ekki lengur hér með okkur. Er
hann kominn í englaher að passa
upp á okkur. Ég er svo þakklát fyr-
ir að hafa átt hann sem afa og
þakklát fyrir að ég sagði honum
hvað ég elskaði hann mikið og
hversu góður vinur, afi og langafi
hann væri.
Fetaðu slóð regnbogans,
slóð söngvanna,
þar sem fegurðin býr.
Út úr öllu þokumistri er leið
eftir slóð regnbogans.
(Söngur Navajo-Indíána.)
Elsku amma Rúna, missir þinn er
mikill og við eigum eftir að vera
dugleg að umvefja þig ást og hlýju.
Guð styrki þig og okkur öll á þess-
um erfiða tíma.
Þín afastelpa
Bára Skúladóttir.
Hermann S.
Sigurðsson
Morgunblaðið birtir minningar-
greinar alla útgáfudagana.
Skil | Greinarnar skal senda í
gegnum vefsíðu Morgunblaðsins:
mbl.is – smella á reitinn Senda
efni til Morgunblaðsins – þá birtist
valkosturinn Minningargreinar
ásamt frekari upplýsingum.
Skilafrestur | Ef birta á minn-
ingargrein á útfarardegi verður
hún að berast fyrir hádegi tveimur
virkum dögum fyrr (á föstudegi ef
útför er á mánudegi eða þriðju-
degi).
Minningargreinar
Smáauglýsingar 569 1100 www.mbl.is/smaaugl
Gisting Til leigu á SuðurnesjumFullbúnar íbúðir, einbýli, ein vika eða
fleiri. Upplýsingar í síma 698 7626.
Sumarhús til leigu miðsvæðis á
Akureyri- Þrjú svefnherbergi (78 fm).
Rúm fyrir sjö. Verönd og heitur pottur.
Glæsilegt útsýni yfir Pollinn. Frítt net-
samband. Uppl. á www.saeluhus.is
eða í 618-2800.
AKUREYRI
Sumarhús (140 fm) til leigu við
Akureyri. TILBOÐ Á LEIGU - Sun -
Fim. verð 45 þús.
Glæsilegt útsýni yfir Akureyri.
www.orlofshus.is eða Leó, sími
897 5300.
Húsnæði í boði
Tæplega 40 fm herbergi
til leigu í Akralind 8 2. h., 201 Kóp. til-
valið fyrir skrifstofu eða aðra starf-
semi. Fallegt utsýni. Uppl. í síma
896 8612.
2. herb. íbúð, 40 fm með
svölum til leigu fyrir reyklausan
einstakling. Leiga 68 þúsund með
öllu, laus strax. Uppl. í síma:
586-2389 og 698-5089 e. hád.
Tómstundir
Fjarstýrðir rafmagns- og
bensínbílar í úrvali.
Tómstundahúsið,
Nethyl 2, sími 587 0600.
www.tomstundahusid.is.
Til sölu
Klakavél til sölu
Framleiðir 40 kg á sólarhring og er
með 20 l biðu. Þriggja ára en svo gott
sem ónotuð. Verð aðeins 100.000 kr.
Upplýsingar í gsm 893-1500.
Ískuldi kælitækjaþjónusta.
Frystiklefi, 11,8 rúmmetrar, 2,3 x 2,3
x 2,3 m, 10 cm veggjaþykkt. Hefur
verið notaður í tæplega eitt ár. Verð
500.000 kr. Uppl. í gsm 893 1500
Ískuldi kælitækjaþjónusta.
Óska eftir
KAUPUM GULL - JÓN & ÓSKAR
Kaupum gull til að smíða úr.
Spörum gjaldeyri. Heiðarleg
viðskipti. Aðeins í verslun okkar
Laugavegi 61. Jón og Óskar,
jonogoskar.is - s. 552-4910.
Bókhald
C.P. þjónusta. Veiti bókhalds-,
eftirlits- og rannsóknarvinnu
ýmiskonar. Hafið samband í síma
893 7733.
Mótorhjól
Óska eftir Kawasaki KLE 500
eða KLX 650
Óska eftir Kawasaki ferðahjóli eða
sambærilegu. Lítið ekið. Hafðu sam-
band við Jón í síma 825 6431.
Húsviðhald
Skipti um rennur og bárujárn
á þökum, einnig smávægilegar
múrviðgerðir og ýmislegt fl.
Þjónum landsbyggðinni einnig.
Upplýsingar í síma 659-3598.
Sisal teppi
Strönd ehf. Suðurlandsbraut 10,
108 Reykjavík. s. 533 5800,
www.strond.is
Ertu að leita þér að vinnu?
Vantar þig starfskraft?
Farðu inn á mbl.is/atvinna